蜀府川鍋 (已結業)

前日OT到9點幾居然有朋友同我一樣咁夜收工咁就要一齊去食返餐好gar 啦！本身打算食返個雞煲點知原來蜀府川鍋出左個10點後任食卜卜蜆，每位只係$98，性價比咁高就梗係試下佢啦！雖然我地得兩個人，但個卜卜蜆煲都幾大個店員有提醒我地等到湯滾起，d蜆開左口就可以食啦。本身以為任食就會將貨就價，點知d蜆肉隻隻都非常飽滿，配上蒜蓉同辣椒，非常惹味。後面加左兩轉蜆都keep住呢個水準，而且d蜆洗得夠乾淨，唔駛怕食到沙。雖然個煲有配青瓜，但係我地兩個食肉獸見隔離檯叫左碟韓牛好似好靚，所以我地都忍唔住叫左一碟。韓牛一黎到我地都哇左一聲，因為真係幾大碟。牛肉油花均勻，厚薄適中，雖然唔係好似日本和牛咁入口即溶，但一放入口就充斥住濃濃ge牛肉味，完全可以滿足牛魔王ge胃。最後加上個熱辣辣ge綠茶芋泥餅做甜品，為呢個宵夜畫上一個完美ge句號。所以話OT駛mud驚，食飽再繼續加油啦！

秋天又是時候打邊爐，想打邊爐就想起蜀府川鍋，因呢間用粥底打邊爐超級美味。大蜆龍蝦海膽粥，里面有一隻龍蝦，龍蝦肉彈口鮮甜，又有好多大蜆大大隻好鮮甜美味，粥底吸收晒精華好鮮甜美味，本人都吃了兩碗粥之後再加湯來打邊爐。鮑魚大大隻好新鮮仲識得郁，煮熟左依然大大隻又不會縮水，爽口彈牙好鮮甜好美味。美國桶蠔好新鮮美味可口，又大大隻。手切牛頸脊油脂平均分怖，肉質嫩滑又不硬，好重牛味又切得好均勻。蝦大大隻好新鮮，肉質爽口彈牙鮮甜。葉柏葉煮一下非常爽口。好少地方有黃鱔片。綠茶芋泥餅味道不會太甜有少少綠茶味好味道。

秋風起，最啱就係打邊爐架喇！好耐無同呀媽食飯，難得同呀媽食飯緊係要食好d架啦！恰巧有朋友介紹油塘有間不錯的粥底火鍋吃，就即管試試看吧！來到門口，一對城門，一種兵臨城下的感覺，格離放住個大魚缸，今晚有生猛海鮮食喇坐低睇餐牌先知呢間食店唔只打邊爐，原來有川菜食架，不過今次來嘅目的就係打邊爐，川菜留返下次先試。我地先叫咗原隻大蜆龍蝦粥。醬料有鹹丶甜豉油選擇，還有我至愛的芫茜。個鍋未到，前菜先到！個皮蛋唔係我地平時食開黑色果種，而係金黄的！呢種皮蛋無普通果種咁重鹼味，令人平時唔食的人也容易接受！加埋個辣油及尖椒十分惹味，令到食慾大增！加咗板海膽送粥。份量夠曬多！粥底嚟到，真係嘩咗一聲！d蜆巨型又有肉地！龍蝦係本地龍蝦，大大隻好肥美！我地就放海膽入去煮，食落啲粥好鮮甜打邊爐又點少得牛！手切牛頸脊牛味濃郁肥膏偏少使怕肥又愛牛的老婆食咗好多。安格斯牛肉就較多肥膏，有牛味，深得我心。海生蝦既大隻又爽口，好新鮮！黃鱔片唔多地方有得食！都幾爽口！桶蠔就好肥美！熟咗都冇縮水，好驚喜！大連活鮑魚：嚟果陣真係仍然郁緊，唔韌且彈牙，調味也冇點就咁食夠曬鮮味！除咗鍋物，另叫即燒大扇貝。其實還有很多燒物和熟食可以嗌。

聽朋友講油塘有間海鮮粥底店火鍋不錯，於是約埋幾個鍾意食海鮮既朋友一齊去朝聖火鍋店位於油塘近工業區，唔算難揾，店舖內地方算大，以中式川味佈置為主，人流唔算好多，但枱枱都見到有好多海鮮。我地坐底後，第一時間睇下有乜粥底order，我地揀左「原隻大蜆蟹粥」做粥底火鍋，再點左鮑魚、蟶子、花膠、蠔及其他打邊爐食材，等煲粥再鮮味d除左order火鍋配料，我地見到menu有川味前菜，喜歡食辣既我地，order左麻辣爽脆魚皮、川北薯粉。薯粉味道好有川味，夠麻辣，食到唔停得口魚皮夠爽配麻辣汁又好食，出面依家好少食到大約15分鐘，原隻大蜆蟹粥底到，窩入面有好多蜆，仲有一隻大蟹，加埋粥～十分足料鮑魚好新鮮，上枱時仲好生猛墨魚滑彈牙仲有一亮點，依間火鍋店既中式甜點好好食，尤其是依碟綠茶芋泥餅，上枱時熱辣辣，出面香口，入面芋泥軟滑配合價錢，服務，一定要再encore

朋友住油塘, 介紹這間好有風味的~ 蜀府川鍋, 就好似到了中國的也方食川鍋般, 中式裝修。首先點了前菜及小食,尖椒重慶皮蛋,超正, 皮蛋有麻辣味,有啲芝麻响面; 仲有泡椒尖荀, 爽口, 不過非常辣, 我就不太接受到的麻辣入晒味, 鐘意麻辣的人, 應該會覺得好刺激。主食叫了時令海鮮雜錦併盤$388, 已包括湯底, 仲有多種海鮮, 有龍蝦、大蜆、青口、螺、蚌, 全條海斑切片, 海鮮大份, 抵食。放上四層塔鍋, 第一層蒸的比較細, 只可蒸幾塊海鮮, 第二層是炒,已預先放了炸豆腐,第三是煎的, 所以我地叫多兩碟肉, 分別係, 西班牙黑豚腩, 好薄切; 仲有安格斯牛肉粒, 最底第四層是火鍋, 可要一邊麻辣, 一邊清湯,打完海鮮的湯底, 個火鍋湯好鮮味, 不禁叫了烏冬可連湯食。調味料,我自己配搭, 最後叫了甜品, 好鬆脆的綠茶芋泥餅, 外脆中間有夾心的芋泥餡餅。

遊車河遊到呢個荒蕪既地方，見到一排紅燈籠再望真原來係有個大招牌，大大隻字寫住蜀府川鍋，原來是吃川菜的，好辣的我即時提出要試下，橫掂呢頭泊車去非常方便。OK 泊好位，行入去會見到個大魚缸，呢度都有啲新鮮魚食喎！！坐下後，老闆推介了兩款小吃，對我來講都是幾特別的尖椒重慶皮蛋＄38別以為是普通料，呢個皮蛋是金黃色的，比較少見，連周中師父都推介過！！吃落味道甘香又質地滑脫脫，加上秘制麻辣醬淋面，風味十足，又麻又香。泡椒尖筍＄38睇落平平無奇，愈是平凡既野愈估你吾到架！！媽～好辣呀！！筍是用最幼嫩的部分的，吃落嫩滑爽，有筍香，而辣味又會滲透入筍心，好刺激！！天下第一骨＄88/5枝名字認真架勢堂了！！又睇下佢有幾天下第一先，燒焗至金黄色的表皮，熱到辣咀（要小心慢食）外面香蒜味濃，內裏肉剛好熟的成度很嫩口很好吃炮炒土豆絲＄52睇返資料，原來土豆絲是馬零薯來的，切成幼絲加香料醬油和辣椒炒，又幾好食喎！！知道炒土豆絲係川菜的常客但就是未試過，呢度的土豆絲切至麵條咁幼好易夾，亦好入味麻辣烤鱘龍＄378嘩！！原條鱘龍魚大大盆上枱，還有火爐座底，煲住來食愈煮愈辣好過引。而鱘龍魚我則是第一次吃的，肉質非常嫩滑，

知道油塘有一間好大間的蜀府川鍋, 於是帶屋企人去試吓, 向來少辣既我, 一聽到麻辣火鍋, 有啲卻步, 點知原來可以唔太辣之餘, 仲試到不同原味的新鮮海鮮,  要叫齊四人食, 好抵食呀!訂咗位, 安排坐低後, 先叫小食, 有小籠包$38, 有湯汁, 連皮食不會太溜, 另外叫了馳名的四川辣椒皮蛋, 皮蛋白好唔同, 晶瑩剔透的皮蛋白, 加上麻辣調味醬,皮蛋味道非常濃郁, 皮蛋黃有糖心添呀。再叫了蒜泥青瓜($28) , 好大碟呀! 到主菜喇, 一大碟海鮮盤, 再上四層鍋, 雜錦海鮮拼盤($388)就係, 龍蝦一隻, 扇貝4隻, 大蜆, 青口, 聖子, 石斑, 東風螺, 馬刀貝, 頂層用來清蒸的, 呢層太細了, 只可以蒸到每次一隻扇貝, 我地耐心地一隻又一隻咁放上去, 肉質實在感, 配上蒜容, 惹味; 之後, 再蒸龍蝦, 龍蝦好彈牙, 而且好多膏, 甘香喎, 味道鮮甜,第三層, 用來燒烤及煎用, 所以點了兩碟肉, 有西班牙黑豚腩, 好薄切; 仲有安格斯牛肉粒,煎耐啲迫晒啲油出來, 更有油香味, 仲叫了兩個烏冬, 連湯都唔放過, 綠茶芋泥餅, 好脆口, 仲有內餡有芋泥香味, 外皮有濃濃的綠茶香味。

從來冇食過咁難食嘅烤魚!  朋友住附近, 大家諗住試一試, 店舖門面比較鬼鼠, 因為要落幾級樓梯, 但門面睇落都幾古式古鄉feel, 但入到去, 就同普通火鍋店無太大分別。叫咗：尖椒重慶皮蛋 ($38)麻辣烤魚 - 沙巴龍躉 ($268）天下第一骨 - 五枝 ($88)綠茶芋泥餅 ($42)尖椒重慶皮蛋 - 賣相不錯, 黃皮蛋非常清新好味，唔太漏，配上薄薄嘅麻辣汁，係好香，皮蛋外層似啫喱咁，有啲彈牙。尖椒出奇地唔太辣，可能比麻辣汁蓋過。麻辣烤魚 - 沙巴龍躉 - 沙巴龍躉絕對唔適合用作烤魚。此餸上時，魚肉完全痴骨，冇肉食，煮耐咗後，魚肉可以夾到啲出黎，但已經非常老。賣相雖然好靚，但味道強差人意。失敗之作。天下第一骨 - 五枝 - 香料好香，但肉質稍為有啲過火，有點硬，另一失敗!綠茶芋泥餅 - 呢個唔太甜嘅甜品非常出色。綠茶皮好熱好脆，裡面唔太厚嘅芋泥唔甜，令人想一食再食。原以為會似老婆餅入面嘅料咁厚同甜，點知咁有驚喜。雖然個小食同甜品係唔錯, 但一心係想黎呢度食烤魚, 真係超失望, 因為真係勁難食!!! 

朋友升職加薪請食飯,相約我及一大班朋友來到油塘~ 蜀府川鍋 食晚飯。環境不錯,具中式裝潢,地方寬敞舒式。**首先點了前菜及小食, 食住等其他朋友到齊。【尖椒重慶皮蛋】中間尖椒十分爽口辣辣地,而兩邊皮蛋來自重慶來的野雞皮蛋,金黃剔透顏色,與普遍黑皮蛋不同,味道較清甜,已淋上辣椒及芝麻油,十分開胃。*【天下第一骨】即是豬寸骨以孜然調味, 香味四溢,咬落啖啖肉,肉質滑嫩滑不乾身,充滿邊疆風情,口感極佳, 佐酒簡單一流。*朋友到齊了後,點了 【時令什錦海解盆】 $388又有多種海鮮,又有包湯底十分抵食。*蒸燒鍋四層塔好得意,我是初次嚐一鍋有四層, 頂第一層可蒸, 第二層是炒, 第三是煎物/燒烤, 最尾底第四層是火鍋。湯底選了麻辣及麻椒酸菜豬肚。**【時令什雜海鮮盤】 時令什雜海鮮盤十分大盤, 有龍蝦、螺、聖子、大蜆、青口、全條海斑起片等。全部海鮮十分新鮮, 鮮味十足,又可蒸、燒烤、涮。*【西班牙黑豚腩】黑豚腩肉比例較脂肪多,特別來燒令脂肪位烤到脆身,十分好味,豬肉味重有口感,不需沾點任何調味料,也好好味。*【安格斯牛肉粒】安格斯牛肉粒,可香烤或火鍋,入口有咬口,有甘香嫩滑口感,肉味濃郁十足。*