漁火海鮮刺身火鍋

營業中

休息中

今日放工好想揾間邊爐食下 想食下海鮮上網揾到呢間 啲相影到好靚仔 又好新鮮咁決定過黎一試究竟 睇下係咪真係咁正😌一入到黎 餐廳店員服務態度好友善成個用餐過程又會介紹下食物淥幾耐先係最好等我地食到食物最好既質素 唔好浪費左啲食材👍🏻🍲湯底雙拼（漁火招牌麻辣和胡椒白果豬肚）因為想試多啲唔同款式 好貪心咁嗌左二款湯底今次嗌左雙拼湯底 一個麻辣湯 一個胡椒豬肚湯招牌麻辣湯餐係餐廳自己炒 完全唔係坊間既貨色麻辣香味非常之香濃 好惹味😋胡椒白果豬肚湯呈奶白色 飲落胡椒好實在好夠香二款湯底食到最後 都唔覺得好口渴 真材實料湯底仲會配埋大量湯料可以食就咁食啲料都已經覺得好足料 好開心🤣✨蘇格蘭蟶子皇（二隻）見到呢到好多款海鮮揀 嗌左蟶子皇黎試下黎到完全冇失望 好大隻 好新鮮🥰食落蟶子好鮮甜 肉身好夠厚身 肉質爽而不韌一啖過 啖啖肉 好鬼滿足😋✨肥水大花甲大花甲真係好夠大隻 每一隻都好飽滿隻隻都好肥 食落好鮮 完全唔會有沙🤘🏻🥩本地手切鮮牛頸脊（大）牛肉既厚度切得岩岩好 有一定既厚度 亦唔會太厚牛頸脊肉質好軟𣺉 一啲都唔韌肉味好濃郁 係越咬越有牛味個種濃郁🤣喜歡食牛既 一定要試試呢到既牛頸脊🍤椒鹽海中蝦

餐廳：漁火海鮮刺身火鍋地點：銅鑼灣駱克道京都廣場菜式：海鮮刺身火鍋，以滋潤燉湯作為主打餐牌：多款湯底，小食，刺身，肉類，海鮮，多款火鍋配料包括自家制類，內臟配料，田園蔬菜，麵食。飲品有多款酒類，啤酒，汽水，果汁，茶等。茶位每位$8。花膠響螺燉赤肉 $228 另加一呢個花膠響螺燉赤肉係招牌，非常足料，有6大片花膠、三大隻響螺、三隻煲到淋嗮既雞腳、乾瑤柱、瘦肉、龍眼肉，蟲草花等。服務員提議滾起之後先飲啖湯，果然又清又健康，的確係燉湯味，絕對不含味精。花膠好漿嘴，高質唔會太薄。飲完湯之後服務員就幫手加骨湯打邊爐，個骨湯都好清淡。漁火特選牛盛薈 $468 另加一漁火特選牛盛薈賣相一流。一共有五款牛，擺得靚靚。牛頸脊切得夠厚，口感好好。牛邊位就多少少脂肪，唔會過韌。Prime牛肉油花平均，口感味道特別好，又嫩又多汁，牛味又濃，最正係呢款。牛舌芯口感彈牙，牛味濃。牛柳粒大大細細有14粒，淥大概3-5分鐘就食得，口感好好，完全唔會韌，肉汁又多，牛味濃。每款牛除左牛柳粒大概有8片左右，份量好多，而且質素高。蘇格蘭蟶子皇 $78一隻 另加一蘇格蘭蟶子皇超大隻，服務員建議滾12秒就食得，果然好鮮甜又爽口，

跟同事們想食新鮮海鮮, 但去西貢唔近地鐵, 交通唔方便~ 於是就想起海鮮火鍋, 同事係網上搵到間似乎唔錯既火鍋店, 一望先知原來早幾個月我都幫襯過。但上次人少就冇叫海鮮, 今晚終有機會試試!經openrice book位有85折優惠, 即時感覺抵食好多!餐廳內面積不大, 但勝在企理, 醬油每位HK$15呢度有多款養身湯底, 我地就揀左【胡椒白果豬肚煲】HK$98上檯時已經聞到陣陣胡椒香, 有唔少好爽既豬肚, 湯底味道有很重胡椒味, 辣辣地~【手切本地牛邊位】HK$238肉質特點不是sell嫩滑, 而是有微爽軟根位, 唔會太韌又有些少口感 【珊湖蚌】HK$138稍為焯至卷起, 入口極爽脆, 邊位沒有變黑, 新鮮!【肥水大花甲】HK$98比起匙羹還要大的花甲, 價錢非時令價, 好抵食! 老闆娘提示落鍋後蜆一打開就要即食, 免得影響口感, 味道鮮甜無比! 最緊要冇沙!!【脆鯇片】HK$68本身想order脆鯇腩, 但當晚缺貨, 唯有轉脆鯇片, 脆鯇片賣落幾新鮮, 有少少既魚皮連住, 魚皮位好爽, 當然脆鯇片不比腩位爽, 但總算有鮮魚味唔腥~ 【雲吞王】HK$88記得上次幫襯有order雲吞王

同朋友仔敘舊諗住搵個地方可以慢慢坐，大家決定去打邊爐，於是揀咗呢間漁火海鮮刺身火鍋，用OpenRice訂位可以有八五折，慳返啲錢可以叫多啲野！打邊爐來講湯底當然好緊要，呢度竟然有成十幾款湯底可揀，最後揀咗花膠響螺燉豬展（ $198 ），呢個根本就係一個湯，好足料好濃味，除咗花膠豬展，仲有蟲草、紅棗、龍眼肉、雞腳等，未打邊爐之前我哋各自飲咗一碗，跟住老闆娘好好咁提醒我地，可以帶走個湯，然之後先落豬骨湯黎打邊爐，呢個建議實在太好！第二個特色就係除咗火鍋之外，呢度仲有得食刺身，我哋揀咗北海道帶子刺身（$138 ）、北寄貝（ $58 ），仲有即開法國白珍珠生蠔（ $48/隻）。帶子好大隻又鮮甜，北寄貝同樣咁新鮮，色澤好靚，生蠔好肥美，海水嘅鹹味當中又帶啲生蠔嘅鮮甜美味。食完生嘢，就開展打邊爐，我哋都叫咗好多嘢包括蒙古肥羊片（$98）、極品黑豚腩肉（$88）、鮮味海中蝦（$128 ）、肥水大花甲（ $98 ）、水庫大魚頭（ $78 ）、漁火特色四色丸（ $128 ）、爽滑豬肚（ $58 ）、時令雜菜籃（ $78 ）、萵筍（ $38 ）等。羊同豬都好好味，羊肉帶少少羶味，但好OK，豬亦好有豬味。海

三個舊同事相約放工聚吓，呢間經『開飯』預訂有八五折，而銅鑼灣近佢地放工唔駛趕，就咁決定啦！出升降機大堂就見到一個蠔櫃，法國生蠔睇見都想食。店內環境舒適，有卡位仲有廂房，一邊諗食咩，一邊搞調味，發現加芝麻更香。未齊人，叫啲刺身食住先，J剛趕到就有刺身食啦！北海道帶子刺身，鮮甜爽口。法國白珍珠生蠔@$48入門時已被生蠔吸引，點可以唔食啊。生蠔柔滑爽身，海水味中帶鮮甜有餘韻，好味！北寄貝腍中帶脆，鮮甜美味。湯底揀咗花膠響螺燉豬腱，店員話係真材實料無添加，撈嚟睇吓真係好多料喎：花膠、嚮螺、蟲草花、豬腱、雞腳、圓肉、紅棗...等。花膠大大件，好味又養顏每人飲咗一碗湯，湯好甜，真係想成個湯底飲晒。食火鍋梗係叫壺竹蔗茅根水，清甜滋潤，打個底清清熱氣最正。肥水大花甲，花甲真係好大隻，鮮甜肥美，正喎。手切鮮牛頸脊好吸引啊可惜我唔食得，唯有睇住流口水啦極品黑豚腩肉好香肉味，口感嫩滑，直情想獨享一碟呀！羊片軟滑有肉香，好食到夾不停豬肚洗得乾淨無異味，有口感得嚟又唔韌。萵筍係火鍋好拍檔，爽脆又唔易過熟，好食。雜菜新鮮翠綠又乾淨，有白菜、菜心、生菜、冬菇+粟米。清甜又健康。海中蝦大隻又鮮味。大魚頭眼晶晶，好新鮮

男子和我最愛的活動就是打邊爐，他最愛就是不同的辣，但他最近腸胃最近是不太好，所以找了這間主打老火湯的漁火。*這是我們吃的，先讓我回味一下（笑）*花膠響螺燉豬展 $198我們選的是花膠響螺燉豬展，湯底是燉的所以很清很甜，湯料也十分多，有吃不完的花膠和響螺，老火湯打邊爐也比想像中來得合襯，最重要是吃完不口渴，很明顯的沒有味精。*漁火是主打海鮮和刺身，所以除了我和男子必點的牛和魚皮外，我們還點了聖子、花甲、桂花蚌，所以海鮮的份量都不少，而且都超級新鮮，還有一點很重要的，是洗得很乾淨。*肥水大花甲 $98花甲很鮮甜，而且肉質鮮嫩，共有四大隻。*蘇格蘭聖子皇 $48/隻雖然$48 一隻聖子有點小貴，但絕對是值呀，因為它的那個肉很厚，而且是爽的，很容易咬，味道也十分的鮮甜，大推！*爽脆珊瑚蚌 $138雖然珊瑚蚌不是真的蚌類，但比起象拔蚌和桂花蚌，我更愛珊瑚蚌。愛它超級爽脆的口感，和珊瑚蚌那種獨有的味道。*手切頂級Prime 牛肉 $238手切頂級Prime 牛肉的色澤很美，紅白分明，放在鍋內煮10-20秒，顏色粉粉嫩嫩的時候最好吃。吃下去感覺到牛味很香濃，軟綿綿的很舒服，有點像是高級牛的口感。*漁

最近因為想食海鮮，但朋友又想打邊爐，所以就嚟依間海鮮火鍋店，一次過滿足晒我哋兩個願望一開始就被一個九方格嘅配料自己加，配料豐富，要咩可以自己隨便揀依個湯底花膠味濃，餐廳侍應建議我哋飲咗個湯先，咁就可以試到真正嘅鮮味，飲到咁上下先至再加湯個花甲食已經感覺到係新鮮嘅，隻隻都大隻肥美，好食！極力推介呢個蟶子，爽口彈牙不特止，仲非常之鮮甜，食完勁想再叫多一round一見到都嚇親，勁大隻囉😝，大隻得來一啲都唔腥，口感十足，係正嘅因為我地得三個人所以叫個細嘅，睇個樣以為好平平無奇，但每款刺身都好新鮮好鮮甜，帶子甜到呢😋，秒速清晒呢個拼盤有五款牛，分別係鮮牛頸脊、牛邊位、頂級prime牛肉、一口和牛柳粒同埋牛舌芯，每款都新鮮有牛味、唔騷亦都冇筋，好味雞肉熟左之後仍然保持嫩滑，呢啲份量都好足，性價比高最後都有叫到什菜藍、魚腐同埋魚皮餃，三個食完都捧住個肚走，今餐非常之滿足

是次飯聚朋友提議吃火鍋，於OpenRice找到這間火鍋店，有大家都愛吃的海鮮，又可透過OpenRice訂座享有85折，一舉兩得！醬料每位$15所有醬料都放在方形盤子內，很精美。花膠響螺燉豬展 ($198)湯底點了花膠響螺燉豬展，一上桌便香氣撲鼻。先喝湯，後放材料。湯底非常足料，味道香濃，清澈不油膩。肥水大花甲 ($98)店員教路烚30秒便可以。大花甲又大又肥美，花甲肉厚身鮮甜，口感十足，十分美味。蘇格蘭蟶子皇 ($48/隻)大而肥美的蟶子皇，看到已經令人垂涎欲滴，急不及待想吃掉牠！店員說烚10秒，肉離殼便可。入口肉質鮮嫩爽口，那股鮮甜的味道在口腔中久久不散，令人回味無窮！美國頂級桶蠔 ($158)桶蠔脹鼓鼓的，肉質肥美滑溜，蠔味濃郁突出，味道鮮甜，每一口都是肉。什錦刺身(細) ($288)有三文魚、油甘魚、帆立貝及北寄貝4款刺身。款款都很新鮮，肥美又有口感；尤其是北寄貝味道甘甜、肉質爽脆， 口感極佳。漁火特選牛盛薈 ($438)這個牛盛薈有五款牛肉，包括：手切本地鮮牛頸脊、手切本地邊位、手切頂級PRIME牛肉、一口和牛柳粒及極品牛舌。整體牛味濃烈又帶油香，肉質軟腍鬆化，齒頰留香。走地清

不知為什麼，每次跟這幾個朋友的飯局都總是打邊爐，而且佢地又鍾意食肥牛、海鮮，所以都選擇了好耐，最後選了這間漁火海鮮刺身火鍋（睇Openrice 介紹海鮮、肥牛都好正），而且仲做緊85折優惠，緊係要用埋呢個優惠先抵。店內位置不算多，但勝在坐得寬敞舒適。食火鍋最緊要當然係個湯底，這裡湯底有14款可供選擇：龍皇海鮮湯、花膠雞湯翅、花膠響螺燉豬展等等...而配料都比想像中多款式，牛類、海鮮類都有很多選擇。店內都會提供廚師推介，推介當日最新鮮的刺身，見到好似唔錯，都叫了一款嚐嚐（什錦刺身) 。醬料 - 每位$15坐低後，店員會付上醬料方形盤子，當中包含了9種不同醬料，可因應個人喜好調校自己喜歡的醬汁。什錦刺身(細) - $288什錦刺身(細)有三文魚、帶子、油甘魚及北寄貝4款刺身。刺身新鮮、肥美而且都是厚切，食落口感極佳。花膠響螺燉豬展 - $198湯底我們點了花膠響螺燉豬展，雖然價錢比較貴一點，但物有所值。一上桌便香氣撲鼻，我們直接湯底當湯喝，味道很清甜且足料，清澈不油膩。還沒開始吃火鍋我已經忍不住再喝多碗了！肥水大花甲 - $98一看到大花甲來到已經哇一聲。大花甲比平時出面食開的更大更多肉

漁火招牌麻辣鍋$148,胡椒白果豬肚煲$20雙拼鴛鴦鍋超抵，加多20蚊就可以拼多一款湯底。胡椒豬肚湯飲落暖粒粒，好滋補。麻辣鍋我同朋友雖然叫了小辣，上黎之後，店員很貼心問我地若有需要加辣可同佢哋講。肥水大花甲 $98一碟有6隻，全部都超級肥美，搭配豬肚湯食，養生又鮮甜。鬼馬油條 $68下層是爽脆的油炸鬼，上面是彈牙的墨魚同蝦滑，成塊食落簡直係另類油條呀，又脆又軟，出奇地搭！爽彈脆鯇片 $68很新鮮，塊塊晶瑩剔透，祿幾秒就食得，冇咩骨同好彈牙。清遠滑雞件 $88肉感很滑，有咀嚼感，搭配醬料沙茶醬食更是一流。鮮打靚蝦滑 $88蝦粒鮮明，果然真材實料！自家韭菜餃 $68超飽滿叫韭菜餃，皮薄餡多，超滿足。自家竹蔗茅根 $58醬料 $15/位

友人於openrice見到這間餐廳的火鍋八五折的優惠，而且見到有好多人讚好，所以便訂了枱試試。餐廳位於食肆林立的京都廣場，餐廳不算很大，座位舒適唔會好局促。知道這裡除了打邊爐出色，刺身都不錯，於是我們先點了刺身試試。什錦刺身(細)($288)，什錦刺身包括了三文魚、油甘魚、帶子和北寄貝。刺身新鮮，厚薄切得剛剛好。食完刺身就打邊爐啦!菜乾白肺燉豬骨($168)，友人中意飲湯，所以就揀左個老火湯打邊爐。第一次用老火湯打邊爐原來又唔係好差，初初以為會好淡，但這裡的湯好足料，一大鍋入面有好多湯料，包括有菜乾、白肺、豬骨、瘦肉同埋雞腳，所以好入味!雞腳已經煲到好淋，所以應該是煲左好耐。湯很清甜，沒有味精。我同友人落火鍋配料前都飲左3-4碗湯!走地清遠滑雞件($88/例)，雞件多肉嫩滑，好有雞味，而且份量也不少!肥水大花甲($98)，這裡的花甲比平時打邊爐食的大，食落冇沙啖啖肉，非常新鮮!時令什菜籃($78)，什菜籃份量都幾多，包括有白菜、菜心、西洋菜、冬菇和粟米。菜很新鮮，沒有爛，估唔到呢個湯底都可以咁好味!總括黎講，餐廳食物質素好，環境舒適，有機會會再黎打邊爐!