奇納百川 (已結業)

未食過甘難食既炸雞！🥕蒜香蜜糖炸雞$198☆☆☆☆☆炸到乾爭爭，雞肉勁鞋口，完全冇味，附上既蒜香蜜糖醬剩係得個死甜，又冇乜蒜香味，都5知食左d乜野。。。🥕韓式牛肉包飯卷$108 ⭐️⭐️☆☆☆飯勁乾。點埋醬食會好好多🥕泡菜煎餅$108 ⭐️⭐️☆☆☆煎到淋晒，味道。。。🥕熱情果忌廉梳打$68⭐️⭐️⭐️☆☆全部當中最好係依杯飲品了。。。夠大杯，味道正正常常甘。======詳情======奇納百川尖沙咀廣東道3-27號海港城海運大廈3樓LCX34號舖================#香港美食指南 #hkfoodie #hkfood #hkeat #yummy #相機食先 #吃貨 #吃貨日常 #RR吃貨 #美食 #香港美食 #尖沙咀好去處 #尖沙咀美食 #RR尖沙咀 #RR韓國菜 #韓國菜 #炸雞 #奇納百川

因為有海港城coupon同朋友介紹，今日去左試呢間韓國餐廳。星期六日無得book位，只可以walk-in。等左大約1個鐘。要注意如果過左號碼係無得補飛，要重新攞飛。限時90分鐘。落左單好快上菜。沙律好大份，有牛肉雞肉牛油果等，十分足料！！蕃薯條脆卜卜，個醬個柚子味好出！炸雞勁新鮮，外脆內嫩。個蒜香蜜糖汁好好味！紫菜包飯卷都唔錯，好足料。之後想加單叫埋另一款時已經售罄，要落單要趁早。海膽烏冬真心好食，大推👍。佢同一般海膽忌廉醬唔同，有醬油味，所以唔會膩。焦糖蛋系列飲品有驚喜，特別係咖啡十分配甜甜脆脆嘅焦糖面。放耐左個焦糖會結成一片，建議盡快飲用。紅橙泡泡味道一般，打卡一流。服務一般。味道有驚喜。用海港城coupon後性價比高。有機會會再黎。

🐔蒜香蜜糖炸雞 $188一客大約有8-9隻原味炸雞配上一碟蒜香蜜糖醬可以直接將醬淋上炸雞面如果驚整淋晒啲雞可以食既時候先點蒜香蜜糖醬醬汁就唔太食到有蜜糖味，反而蒜味會比較重炸雞上枱時熱辣辣，雞皮唔會炸得太厚而且雞肉仲保持到嫩滑質感🍣三文魚子海膽忌廉醬烏冬 $188上枱時已經比顏色吸引住，賣相同menu一樣無偏差大量三文魚子同三片海膽配濃稠的忌廉醬汁撈烏冬烏冬好creamy同滑溜，而且烏冬好有咬口，推介大家試韓式炒年糕 $128大大碟，好足料韓式年糕醬偏杰，絕對唔太辣，平時唔太食得辣既都唔怕食年糕大大條，好有咬口，唔會淋晒荔枝烏龍茶$48烏龍茶味清香，夾著清爽嘅荔枝味，好好入口，再放上2粒荔枝，賣相吸引📍奇納百川 Kinabaji Korean Cafe and Restaurant🔎尖沙咀廣東道3-27號海港城海運大廈3樓LCX34號舖

🌸尖沙咀美食🌸奇納百川🇰🇷適逢佳節臨近，今天相約幾位知己朋友到了尖沙咀一間享有海景的新派韓國餐廳-「奇納百川」享用是日晚餐❗餐廳鋪面寬敞，裝條簡約，以木系素材為主調。還有聖誕裝飾點綴，座位舒適，還有坐享無敵優雅海景景觀❗店員們也相當殷勤有禮，會不時為客人收拾碗碟及添加水。我們一行2人共點了以下餐點：1️⃣🌟蒜香蜜糖炸雞 $188蒜香蜜糖炸雞即叫即製，熱炳炳上菜，雞肉外皮炸得黃金香脆，內裏雞肉相當嫩滑多汁，配有香濃蒜蓉蜜糖醬，十分惹味。美味指數：⭕⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕2️⃣🌟香辣慢煮雞沙律 $138份量十足的清新沙律，沙律配有清蔥脆口的椰菜、生菜、紫生菜絲及香脆麵包粒，沙律菜還配有韓式香辣醬及滑蛋，辣度適中，還有大塊切件滋味雞肉，配料相當豐富❗️美味指數：⭕⭕⭕⭕️⭕️賣相指數：⭕⭕⭕⭕️抵食指數：⭕⭕⭕⭕️3️⃣🌟韓式煎餃子 $68韓式煎餃子煎得黃金香脆，餃子皮薄餡料豐富，配有秘製韓式風味辣餃子汁，十分惹味❗️美味指數：⭕⭕⭕⭕️賣相指數：⭕⭕⭕⭕️抵食指數：⭕⭕⭕⭕️4️⃣🌟炸蕃薯條 $58炸蕃薯條即叫即製，份量十足，蕃薯條炸得黃金香脆，蕃薯條味道香甜，配搭柚子蜜糖醬味道更為惹味。美味指數：⭕

• 奇 納 百 川 •🐿某次係海港城等牛角時發現呢間冬菇頭妹妹韓國餐廳除咗韓式既食物之外 仲會有日式、西式元素既食物選擇環境舒適 有3張近窗邊枱仲可以望到維港景色添٩(˃̶͈̀௰˂̶͈́)و-🍯蒜香蜜糖炸雞 💰$188份量大約係8-9隻原味炸雞 再加蒜香蜜糖醬可以將醬淋上炸雞面 又或者點住點住食都得蒜香蜜糖醬既生蒜味十分之重 甚至蓋過咗蜜糖既味炸雞上枱時熱辣辣 某啲位會比較滑嫩 但某啲位就有小小鞋-🍜三文魚子海膽忌廉醬烏冬 💰$188 呢款係最近幾hit既一款烏冬 係用海膽忌廉醬撈烏冬另外配上大量三文魚子同三片海膽 增添烏冬既鮮味整體嚟講 海膽醬既味道都算濃幾creamy 而且烏冬有咬口-🍓百川莓莓 💰$72超重香濃士多啤梨紅苺味奶昔 而且味道唔假 唔會死甜 濃到好似飲緊士多啤梨味雪糕 仲會食到士多啤梨籽夠哂大杯 為減低罪惡感 建議兩個人share就最好啦-📍尖沙咀廣東道3-27號海港城海運大廈3樓LCX34號舖

我去尖沙咀行街梗係會食埋下午茶，經過呢一間韓式快餐幾次都未入去食過，喺門口睇吓佢個餐牌又唔貴，即管入去食過韓國炸雞當下午茶啦。怕嘈嘅朋友就唔好揀坐到最入啦，枱與枱之間比較迫。見卡位有位，我請服務員俾咗卡位我哋坐。叫咗個蒜香蜜糖炸雞同埋一個牛肉飯卷。蒜香蜜糖炸雞份量都唔錯，啱啱好夠兩個人食。明知佢係雪藏雞，唔覺雪味好重；炸嘅時間啱啱好，脆醬薄薄的一層裏面啲雞肉仲好Juicy。蒜香蜜糖醬係另上，啱晒啲唔食醬汁嘅朋友。牛肉飯卷份量都唔錯，都好夠兩個人食。不過我就覺得有啲普通，好似韓國街嘅飯卷好食啲。

每次去LCX 都鍾意搵一間望到海景嘅餐廳食下飯🥰 今次就去咗呢間食韓國菜嘅餐廳 都幾受歡迎 夜晚總會有人排隊等位🤫打開Menu好快就決定咗想食啲咩 首先揀嘅係人氣烏冬 三文魚籽海膽忌廉醬烏冬🤩 醬汁非常濃味 好creamy 掛晒喺每一條烏冬上面🤤 好香海膽味 重點係有勁多三文魚籽😍其次我哋就揀咗蒜香蜜糖炸雞同番薯條配柚子蜜糖醬😋 炸雞份量好多 其實係原味炸雞配上不同醬汁🤟🏻 醬汁蒜蓉味都幾重 啱晒重口味人士👍🏻 番薯條好粗好香脆 柚子醬清甜 整體都幾夾👅飲品我哋都揀咗一杯叫肥納百川🤣 其實係Hazelnut Chocolate Milkshake 香濃嘅朱古力味 面頭仲有cream 真係極邪惡嘅一杯飲品🌟

富士蘋果白桃果醋真露🍎🍑🌟8/10又靚又好飲平時覺得真露既味道好濃好難入口但果醋既味中和左,一個唔覺意就愈飲愈快了🤪馬格利米酒🥛🌟7/10甜甜地既米酒, 容易上手蒜香蜜糖炸雞🍯🐔🌟5/10蒜香蜜糖汁幾好食, 不過主角炸雞唔脆牛油果田園沙津🥑🥗🌟4/10沙津落左薑汁唔係好夾, 而且牛油果雪得太冰泡菜煎餅👍🏼🌟7/10無平時煎餅既薄脆口感, 係多面粉厚實既版本配埋辣醬同韮黃, 味道唔錯香煎帶子炸醬烏冬😙🌟7/10係適合香港人既口味, 炸醬唔會好似地道韓國既咁杰帶子雖然得兩粒,但貴精不貴多而且有鮮味整體🌟 6/10餐廳可用 海港城既dining category B每滿$200減$10, 係抵既👏🏼👏🏼食左800蚊鬆D就差唔多等於半價享用維港海景既韓國餐用餐時間90分鐘會有少少趕急不過餐廳WEEKDAY都真係有FULL HOUSE既情況唯有大家幫幫手食快少少🙏🏼

⿻⿻ 奇 納 百 川𓏲𓏱𓏭𓏭呢間韓國餐廳開咗唔耐已經好受歡迎 特別係個海景真係超出名 今次終於去試下 (●︎´艸`)餐廳係海港城LCX入面 鋪頭都幾大 有一整面都係面向個海 價錢唔貴但係個海景真係好靚冇失望 其他位嘅裝修都唔錯 係一種簡約嘅cafe風格講到韓國菜就會好想食炸雞 呢到都有好幾款吸引個嘅炸雞 最後試咗蒜香蜜糖味 幾中意佢地個醬料分開 可以因應自己嘅口味點嚟食唔會太濃味 個炸雞外脆內嫩 無論就咁食定點醬都好食 另一個係三文魚子海膽忌廉烏冬 個海膽醬好濃好鮮甜 加上三文魚子又係鮮味十足 烏冬同creamy嘅忌廉醬超夾～ 杯嘢飲叫奶醬多 係大大杯嘅milkshake上面仲有塊toast 真係十足十飲得嘅奶醬多 超香甜濃厚 不過啲cream有啲多所以建議早啲mix埋唔係飲到後面會好膩雖然淨係嗌咗兩個嘢食同一杯飲品 不過因為全部嘢份量都幾大 食得超級滿足 ✧︎𓏲𓏱𓏭𓏭蒜香蜜糖炸雞 $188三文魚子海膽忌廉醬烏冬 $188奶醬多 $72

9月都喺開心月份c✨店員好貼心咁安排咗海景位比我哋！望住維港食飯真喺好享受～🍗蒜香蜜糖炸雞 $188炸雞炸粉唔厚，肉質都幾嫩滑，而且2個人食嘅話份量都幾多！配上蒜香蜜糖醬，味道唔會太過刺激蒜，蜜糖味濃啲會更加好！韓式醬油元蹄 $138元蹄超級彈牙，調製得好好！味道主要由韓式醬油帶出！附有前菜紅蘿蔔絲、白蘿蔔絲及酸青瓜片～🍝香煎帶子炸醬烏冬 $178帶子大大粒夠鮮甜！滿心期待韓式炸醬麵，外觀上色水深色以為好重口味，食落炸醬味嚟講味道較淡，烏冬都幾彈牙～荔枝烏龍茶 $48味道有啲似荔枝紅茶咁😆味道帶微甜～

🥚🥚🐷可愛創新韓國料理✨性價比：7/10🍳食物：7.5/10🌏環境：7.5/10🕺🏻服務：7/10💰是次消費：人均 $ 320 +10%————————有海景有韓國美食又有豬豬壁畫，實在想不到原因不到此一遊！店外內都能見到一個相撲手胖子和豬仔一起玩的畫作，十分配合eggiepiggy 的主題呢。原來主角叫奇太郎，無違和感的韓式壁畫和料理，令人以為小店必然是韓國過江龍，但其實是本土設計師和朋友合資開的，好厲害。門外太多人輪候，我們差點未能在last order前入座，所以海景位就一定無可能坐到，想望海就要提早訂座了，而且本來想叫的飯卷兩款都罄了。三文魚籽海膽忌廉汁烏冬 ($188) Sea Urchin Udon – 推薦* 高水準！海量三文魚籽加上激昂忌廉醬，再配兩塊真海膽，以這個質素確實值回票價！烏冬豐盈彈牙，非常配合醬汁，食到最後三文魚籽都未食完，再逐粒撥走吃呢。雖然我不喜歡吃海膽，但變成忌廉醬後帶點甜味很易入口，好好味。蒜香蜜糖炸雞 ($188) Honey Garlic Chicken金黃雞皮又薄又脆，雞肉幾滑，蒜汁一般，份量適中。一口涼拌豬腩肉 ($138) Pork Bel

疫情帶挈嘅某種福利，就係香港人終於可以好好咁欣賞幻彩詠香江，唔使室外室內都同遊客逼大胃次次都係海邊睇，今次就去有海景view嘅韓國餐廳，試吓幻彩送飯食難得坐到窗邊位，當然要嗌返杯真露過吓癮。蘋果白桃果醋溝燒酒飲，果味鮮明，醋酸開胃，中和真露嘅烈性黃綠泡泡係檸檬同青檸蘭香子梳打，內裡含有大量蘭香子，雙檸出海帶嚟嘅酸甜，同花香一拍即合咁柔和紫菜包飯實在冇辦法唔嗌，大胃太鍾意食喇！佢地用咗靚牛肉，包得結實，點吓辣辣地嘅泡菜醬，醒胃到唔夠喉炸雞係飲酒必食，外皮炸得又薄又脆，而且充滿蜜糖嘅甜香點埋惹味蒜醬，配襯奇嫩嘅雞肉，冇得頂以pasta嘅食法食烏冬，混合超濃海膽忌廉醬每啖都有好多粒大小不一嘅魚子，好味到不能自拔

我在海港城購物後，順路在海港城用膳，選擇韓式料理的「奇納百川」餐廳，皆因店主設計的「奇太郎」卡通人物蠻可愛，而且還可以邊吃邊欣賞維港風景。蒜香蜜糖炸雞~大大件的韓式炸雞，外脆肉滑多汁美味，還附有一小盤帶微微蜜味的蒜香汁來蘸吃，令這款韓式風味炸雞很有清新感覺。牛肉炒粉絲~很有小炒風味，韓式粉絲口感腍滑而且好味道，與粉絲同炒纖幼的紅蘿蔔絲、洋葱帶出天然甜味，鮮牛肉份量也不少。梳乎厘班戟半洋甘菊柚子醬及蛋白香草雪糕~充滿蛋香又非常鬆軟可口的梳乎厘班戟，使我們很開心雀躍，半洋甘菊柚子醬味道清香，色澤淺黃通透，配蛋白香草雪糕，賣相吸引，這款甜品令我們感受到大大的滿足感！

朋友介紹有間食韓國餐的餐廳很出色，而且仲有無敵海景。於是便相約去試下。餐廳裝修夠簡潔，俾人很舒服的感覺， 仲有一個好可愛嘅女仔圖案做Logo店員安排了最入面的4人枱，竟然是我夢寐以求的無敵靚海景位，心情大好，食慾大增！睇到個餐牌樣樣都想食，首先揀咗個蒜香蜜糖炸雞。一上臺香到不得了，雞皮香脆不油膩，而雞肉軟滑有肉汁，點上蒜香蜜糖汁同食，香甜野味。一件接一件食唔停口！另一碟就係韓式牛肉炒粉絲，我很愛食炒粉絲甜甜地加上大量嘅雜菜和牛肉,仲有粉絲煙韌彈牙有少許趙口，真心值得推介！再嚟多一碟賣相超曬班嘅流心薯蛋多士，一上枱真係嘩嘩聲，靚到唔捨得食，雖然係全素沒有肉，但內裏有薯餅番茄再加入秘製醬汁配搭得宜，味道清新凸出，另有大量薯格做配菜，香趣有薯味，點上茄汁同吃一流！最後點了一杯泡沫咖啡，泡沫上的公仔超可愛，相機食完我實在都唔捨得飲，咖啡味道香滑！另一杯就點了香濃的椰奶加入芋蓉打勻，瞬間便成極度吸睛而又美味的~凍鮮奶紫芋，真係超好飲。可以喺咁靚同舒服嘅環境下，同好友暢談下食下嘢，實在至高享受！

韓式cafe大行其道， 今天嚟到同事之前介紹在LCX 的"奇納百川" 吃新派韓菜～餐廳行簡約風，木系橢圓形卡座最為特別， 整體空間闊落感覺舒服。 而最注目的當然是那煞食的維港海景～ 日光透過大玻璃引入 ，非常光猛。 景觀開揚， 行街行到攰坐低飲杯咖啡最適合不過。這個自家設計的『奇太郎』 生招牌， 樣子鬼馬，動作多多出現喺餐廳每個角落。 這杯『焦糖咖啡』$48,  面層嘅奶泡層都見到佢。有焦糖香唔會太甜， 咖啡底味並不濃郁，好啱近黃昏呢個時候飲。 顏色漸變層確實飲到奶泡 ，鮮奶，咖啡未攪勻嘅分別。 整體唔錯，打卡特別吸引！韓式牛肉紫菜飯卷$108米飯濕潤程度啱啱好， 唔凍又唔熱正常室溫狀態， 包住的牛肉都幾足料， 青瓜絲夠爽，  韓式醬汁辣度十足，提升飯卷味道！豚肉定食$128熱辣辣鐵板上，呈上枱傳來爆香嘅洋蔥味， 香氣十足，豚肉薄切， 要快點吃否則會被熱辣辣鐵板烤燶～ 配上的米飯放上紫菜碎， 豐富美味。 芽菜和韓式泡菜， 夠爽脆～蒜香蜜糖炸雞$188炸雞肉夠厚外皮酥脆，冇網上評語炸粉偏厚， 雞肉唔乾， 有一兩件仲係雞髀肉好juicy～ 唯一 味道主要來自哪碟蒜蓉醬汁， 但係一啲都唔鹹，