Pho Metro (已結業)

難得到銅鑼灣食飯，當然想搵間好食，見到呢間餐廳評價不錯，而且價錢又適中，於是去試試。7點已到餐廳，地方不算太大，但一個人都無，有點擔心，因為其他餐廳都會有三、四枱客。不過大概8點，開始有兩枱客幫襯。點了三樣嘢：特別牛河，份量足夠，內有生牛肉、腩片、牛丸、牛柏葉，但湯底我不喜歡，覺得怪味，所以食到一半就放棄；蟹膏湯檬，份量比特別牛河少，味道不錯，但感覺唔到有任何蟹膏味道，只有蕃茄味道，肉丸係手打但不彈口，一咬就散開;特別紙米卷，有芒果味，味道不過不失，沒有驚喜。材料、味道與價錢不相符，不會再光顧。

Pho Metro 被這間餐廳的裝修吸引到，有個大型魚缸，更種植了植物，例如辣椒，可以當作配料。 特別牛肉湯河 材料有生牛肉、腩片、牛丸及牛柏葉。芽菜、九層塔同青檸另上，可以按自己需要添加。生牛肉片嫩滑、牛丸彈牙、牛柏葉爽口，而且清甜。 蟹膏湯檬用蟹膏製成的湯味道鮮甜，檬粉吸收左湯汁更美味，不會覺得重味精而口乾。特別喜歡由蟹肉同豬肉製成的肉丸，味道味濃郁而且有口感。 煎蝦餅 蝦餅表面輕輕煎過，有淡淡的金黃色，香口而不油膩，蝦肉彈牙，配上甜酸醬特別惹味。 芒果米紙卷 用越南米紙包著菜葉、米粉、芒果。原以為是又甜又軟身的芒果，誰知是硬身的青芒果，不過配上花生海鮮醬又是另一種風味。

越南菜在香港雖不算是主要受歡迎的菜系，但其實當中的支持者也不少，還記得當年銅鑼灣景隆街的越菜名店長期有人龍等位便可知一二。越菜之中較為港人熟悉的可算是越式春卷、蒜蓉牛油雞翼和越式生熟牛河。上年年尾筆者曾造訪越南河内，品嚐過當地的地道生牛河之後一試難忘，只是隨機在街邊找一間街坊小店，想不到那湯頭的鮮甜和濃郁完全非香港出品的可以媲美，現在執筆之時還在回味呢！近期由著名食家開設的越南生熟牛肉湯粉店掀起了一陣越式湯河熱潮，人們都開始對這道傳統地道美食重拾了興趣。而最近筆者就在銅鑼灣蘭芳道品嚐了一間來自加拿大的新派越式湯河小店，設計裝潢年青時尚，門口落地玻璃後放了一個趟大的水草魚缸，看著青翠的水草和活潑的魚兒在游來游去，瞬間讓人放鬆下來，側邊還設了一列列的香草種植裝飾，清新特色，更予人心曠神怡之感。店內環境簡約寬敞，配上亮麗燈光，寧靜舒適，帶著一般越式餐店沒有的氣派。細閲餐牌選擇不算太多，主要有幾款不同的牛肉湯河和蟹膏湯檬，再加上數款越南小食和不同的飲料而己，但有時貴精不貴多，專心做好特定菜式也不是一件壞事。先試一下這裡的小食，炸春卷算是皮薄餡爽口，就是沒有用上傳統越南米紙做春卷皮，缺少了那種風

銅鑼灣地租貴絕亞洲外出用膳要小心謹慎否則荷包會元氣大傷今晚來感受越式風情枱面有支不同口味的是拉差醬點了蟹膏湯檬和順化牛肉扎肉粉湯頭呈深紅色浮上一點黃油先呷一口湯頭鮮味突出蕃茄味香濃但蟹膏味稍遜配料有肉丸球排骨扎肉等份量頗多飽肚感十足順化牛肉粉味道小辣牛肉是牛展入口鬆軟小吃點了炸蝦餅炸雞翼炸雞翼不乾身調味中普通炸蝦餅即叫即炸入口燙口飲品點了牛油果沙冰和芒果沙冰牛油果味道真實果味清淡清新解喝是夏日良品

今朝同老婆去跑馬地探去左醫院待產嘅表妹出返黎銅鑼灣已經差唔多兩點, 我地兩個因為都未係早餐, 超級肚餓, 老婆提議食越式湯粉, 上網搵左一陣, 決定去Openrice評價唔錯, 位於蘭坊街呢間來自多倫多嘅越南河粉店Pho Metro醫醫肚。😙我地到餐廳時已經過左午市繁忙時間, 所以客人唔太多, 唔需要等位已經有位坐, 餐廳唔大間, 裝修幾有格調, 牆上掛左幾幅越南艇仔嘅畫, 同餐廳越南菜主題好配。😁餐牌設計簡單, 主打越南湯粉, 另外有多款越式小食選擇, 我地點左兩碗湯粉同一碟菜Share, 加埋飲品應該夠食。😙特別牛肉粉 $98作為牛魔牛嘅我, 難得遇到一碗粉係由湯底至配料全部都係用牛製成, 當然要叫黎食啦, 呢碗特別牛肉粉牛味特別濃, 配料有生牛肉, 牛腩, 牛丸同牛栢葉, 加上芽菜同青檸汁, 味道層次好豐富, 而且牛肉同牛腩都軟腍爽滑, 湯粉大大碗, 一個人嘆非常滿足。😙蟹膏湯檬 $118老婆點呢款蟹膏湯檬湯底蟹味好濃, 加上蕃茄令湯頭更鮮甜, 由蟹膏, 蟹肉同豬肉製成嘅肉丸蟹膏味突出, 而且好多汁, 口感鬆軟, 檬粉口感軟滑, 配上美國製嘅拉差醬食, 特別惹味。😋上湯芥蘭 $

聽同事介紹在銅鑼灣新開的越南湯河味道幾好，所以今日在銅鑼灣行街行到攰想搵餐廳時，就諗起呢個介紹，就來到 Pho Metro～這間餐廳的裝修確實好新，門口有個大型魚缸，旁邊有一株株的植物，為店舖生息不少。牆身以藍色為主，有幾張掛畫，柔和的燈光，可見餐廳是已簡約為主，帶給食客一種舒適的感覺。飲品就叫了咸檸七 ($28) 和 牛油果沙冰 ($38)，如果是牛油果愛好者，相信牛油果沙冰一定是必點，飲落去可以飲到打碎左的牛油果蓉，味道清新，又唔會太甜，加上凍冰冰的沙冰，真的消暑一流。而且唔多餐廳可以飲到以牛油果作為飲品，所以值得一試。芒果紙米卷 ($48) ，用一薄薄的米紙包住芒果、生菜、蘿蔔、青瓜和一粒粒的米粉，就咁食會食到芒果的清香味、蔬菜的新鮮爽脆感覺，但味道就偏清少少，所以紙米卷要點上甜甜酸酸的海鮮醬，味道就會更濃郁美味。順化牛肉粉 ($88)，以我所認知的順化牛肉粉湯底會較越式湯河更濃味，而這個湯底飲落有辣中帶甜的感覺，而且有重重香茅味道，相信落了不少的越式香料一起秘製，牛肉質感好鬆軟嫰滑，札肉幾有咬口，相當唔錯。蟹膏湯檬 ($118)，這個湯底金黃色，飲落會有一種蟹鮮味，在旁邊有很多

與在銅鑼灣工作的朋友相約，見面後她帶我去食Pho，即越南湯河。原來這間越南河粉店是大有來頭，在城中被譽為十大越式Pho之一。我去過歐洲幾次，卻從未去過北美，而朋友是從加拿大多倫多回來的，她說這家Pho在多倫多有多間分店，很有名氣，今年年中才由幾位自多倫多回流返港的店主，力邀該加拿大店的老闆娘到香港開分店。是拉差醬甜辣椒醬源自泰國，經改良後盛行於北美的Pho，這樣的一支放在每張餐桌上的辣椒醬，就成為帶有北美特色的Pho的象徵，從北美回來的人士大都認得它。餐牌的主食只得A至K共11款，原來是與多倫多店差不多，只是香港多了些小食。我們就要了特別牛肉湯河($98)、蟹膏湯檬($118)、煎蝦餅($68)、芒果紙米卷($48)及鹹檸梳打($28)。鹹檸梳打的檸檬味鹹淡適中，飲管是用紙造的。特別牛肉湯河的特別之處在於湯底是用牛骨加入八角及肉桂等配料熬煮八、九個小時，清澈不濁而帶香味，清甜好喝。湯河內的美國生牛肉片幾乎全生，只靠熱湯灼熟，所以嫩滑無渣及富牛肉味的。另外還有爽口不膩的牛腩片、大粒而彈牙的牛筋丸及爽脆的牛柏葉，河粉薄而爽滑，煙韌而彈牙。另上的配料還有芽菜、九層塔、鵝芥、洋蔥及青檸，可供客

越南粉真係愈來愈多地方有，之前都唔覺公司附近開到咁多越南粉餐廳。唔係做完野五點幾，同事帶過黎食下午茶(其實接近晚餐先啱)，都唔知平時同呢度擦身而過左咁多次。特別牛肉湯河：材料好豐富，牛肉/牛演/腩牛/牛百葉應有盡有。牛肉本身好香同滑，肉湯清甜不油膩，配上河粉就係好滋味。牛腩炆煮得非常腍滑，證明火候十足。撈勻上豆芽／鵝芥／九層塔味道更清爽。蟹膏湯檬：用上全蟹/瘦肉/雞骨熬成嘅湯頭，勁鮮甜層次深厚豐腴。肉丸鬆綿唔會死實死實咁，因為有加左啲蟹肉入去，所以咩道更鮮滋味。入口每一啖都係蟹膏嘅鮮香甘甜味道，仲有絲絲蟹肉碎嘅口感，用十足膏蟹長時間熬煮嘅湯底就係有呢個威力。配上吸湯力強嘅幼身檬粉，配搭得十分好。紮肉夠結實，同埋不得錯過豆卜！因為個質地同海綿咁吸收晒蟹湯嘅味道，正。芒果米紙卷：用上黏軟米紙包住香甜芒果／蘿蔔絲／青瓜／生菜／米粉，配上類似海鮮醬嘅酸甜醬汁，惹味得黎夠清爽，唔會好HEAVY。當中口感最出嘅米粉唔會太腍，仲有啲煙韌，同腍身嘅芒果形成對比，幾好食。單骨炸雞翼。都夠香脆同入味，啱晒點啲是拉差醬一齊食，可以令香口嘅味道更突出，少少辣嘅雞翼先係最好味嘅食法。牛油果沙冰／青檸梳打：牛油果

今日過對面海做身體檢查，做完之後都已經差不多中午時分，撞啱老友啱啱放飯，佢話銅鑼灣喺希慎廣場附近，有間加拿大嘅PHO，問我有冇興趣試吓，於是兩個人就相約左喺呢度會面。店內環境唔似一般嘅越式河粉餐廳，格局好清新，Menu簡而清，本來想試吓佢個軟殼蟹，蟹膏湯檬，可惜店員話軟殼蟹已經沽清，佢推薦左我是試蟹膏湯檬，好啦一於係咁話。PHO未到，飲品就首先送上，朋友叫嘅青檸梳打，晶凝通透，消暑解渴，特別一提佢哋已經轉用咗紙飲管，為環保出一分力的餐廳值得一讚。我呢杯牛油果沙冰，更加冰涼透心，獨特的牛油果味，飲落唔會覺得太甜，冰凍的沙冰簡直涼到入心入肺，記住唔可以啜得太快。小食鮮蝦紙米卷，好精緻，餡料配搭得宜，薄薄的紙米皮，餡料包括米粉扎肉芒果，再點上醬汁感覺非常清新好味，預期之上，正。朋友的越式香茅豬扒湯檬，豬扒炸得好香，香茅的味道特別令人開胃，呢度啲檬粉有啲似米粉的感覺，頗特別，湯底很清甜，分量十足。我order的蟹膏湯檬，上枱的時候已聞到濃濃的蟹膏香味，絕不誇張，店員話用大量的膏蟹淆製而成，絕對真材實料，絕無花假。蟹膏的濃度，令人望落去還以為是蕃茄湯底，大家都應該想像到蟹膏的香氣是何等吸引和滋味

正宗越式牛肉粉理論上應該來自越南，為何會有北美風味的呢？靈魂就是這支美國製造的拉差香甜辣椒醬。 話說當年越南內戰，不少難民被迫移民外地，人數不少開始聚居美國加拿大，思鄉情重，自然想盡辦法希望做出與家鄉味道相同的 pho，可惜美加只用冰鮮牛肉，缺乏大量新鮮牛骨熬湯，就是味不同，既然如此，移民求變，怎知越變越遠，不知道由誰及何時開始，把源自泰國的拉差醬加進牛肉粉，而且加以變化，後來自己製造，變成一款味道獨特的是拉差香甜辣椒醬，這支醬，現在北美四處都有得賣。 說是辣醬其實是酸辣醬，吃牛肉粉時就把它加進去，令到湯頭酸酸辣辣，這種味道，在加拿大或美國長大的人，絕對不會陌生。 若然想試試，現在無需遠洋，多倫多知名越式 pho 店 Pho Metro 已在銅鑼灣落腳，依照本土做法，非常正宗。 門面光猛，以蔬菜香草盆栽作櫥窗佈置，非常矚目。 店內簡約風格，以簡單線條的越南風景作裝潢，亦以拉差香甜酸辣醬作佈置。 相比一般粉麵的價錢高少少，但都是幾十蚊一款，走親民路線。 牛油果沙冰  牛油果是健康食品，把它用來做冰沙我未試過，飲起來就是吃牛油果的感覺，冰涼可口。 青檸梳打  同伴的青檸梳打，青檸

Pho Metro裝潢結合了中西合壁的風格，既有不少中式水墨畫點綴，亦有西式現代水耕的裝飾越南滴漏咖啡($35)咖啡粉分量足夠厚，香味甘甜，而入口有一陣香木的味道，加入煉奶後，甜味提升，層次再上一層。值得一試煎蝦餅($68)起初以為是炸，但原來是煎，外層金黃，內裡蝦肉仍帶有鮮蝦味，點過魚露，味道更強，蝦肉的膠質和肉味不斷刺激味蕾，惹味非常芒果紙米卷($48)外貌吸引討好，包裹得層次分明，入口外皮煙韌，內裡芒果清新，點上醬汁風味更佳蟹膏湯檬($118)熱騰騰的湯底，在蒸氣中看到蟹肉餅，豬肉、豆卜扎肉等等不同種類的配料，湯底有很重的海鮮味，蟹肉餅以豬肉夾雜了蟹肉而形成，入口淡淡的蟹肉味，中和了豬肉的油膩感。檬粉分量很多，亦非常索湯，每啖都吃到有蟹湯的味道。特別牛肉湯河($98)湯味濃郁，加入魚露及辣椒後層次更明顯。牛丸彈牙、牛柏葉爽而不韌、生牛肉多汁嫩滑、熟牛肉味濃而不膩，各方面都控制得宜。芒果沙冰($35)新鮮即打，甜度非常高，有新鮮果肉，解渴消暑首選。

每次到Pho越南餐廳用餐，總會發現有不少外國人光顧。越南粉並非純正的越南菜，它由法國牛肉和牛骨湯、中國的河粉，最後配上越南香料，衍生出來的粉麵，說他是中、法、越混血兒最好不過了。作為粉麵的愛好者，旨在吃遍銅鑼的Pho！這家餐廳門口裝修時尚摩登，招牌以不同字體呈現，玻璃櫥窗還有一個大浴缸和陳展了顏色豔麗的植物，別有用心。餐廳裝潢亦有格調，灰藍色的牆壁，中間一排的座椅以高桌椅為主，靠牆的則是舒服的沙發座，整體感覺時尚，不像一般的粉麵餐廳。餐牌選擇不多，主食只有越南粉、飯和檬粉。還有小食和飲品。⭐️咸檸龍眼蜜$28點了兩杯咸檸龍眼蜜，戳破檸檬後，慢慢滲出鹹香，鹹中夾雜蜜糖甜味，剛失聲的朋友喝完後大讚開聲了，哈哈！⭐️芒果紙米卷$48紙米卷很大，以米紙捲著米粉和芒果，米粉本身淡而無味，只嚐到芒果的香甜味，蘸上甜醬才把味道引出來呢！⭐️蟹膏湯檬$118配料有扎肉、豆卜、肉和兩顆大肉球，配料豐富。湯頭清甜夾雜啖啖蟹絲，吃起來清新健康。⭐️特別牛肉湯河$98附上一碟芽菜、青檸和香草自由搭配，湯河配料有生牛肉、腩片、牛丸、牛柏葉。生牛肉較瘦，肉質紮實有嚼勁，腩片軟腍，牛丸彈牙，牛柏葉切得跟河粉河粉差不多，反而

星期五TGIF約左朋友食晚飯，見難得星期五就約左係銅鑼灣食野，食完可以順便行埋街😍 朋友想話想試間新開既越南野，就跟住佢去食好野🤤 餐廳位置唔係係大街一般去行街既人都未必會經過，不過其實好近Times square，5分鐘路程到，都算方便。去到餐廳門口完全唔覺得佢係一間餐廳😂 門口有好多草既裝飾🌿☘️🍀，都幾靚似cafe多d😛入面裝修都比較西化，坐落幾舒服。Menu選擇唔算好多，不過一般既越南菜式都會搵到。特級蟹肉湯檬拼軟殻蟹🦀🍜 $一上枱見到個下就覺得呢碗湯檬好靚仔🤤 好多料的樣子喔，有札肉、牛腩、豆卜、肉丸等等。湯底望落好似好濃，但食落偏淡少少，齋飲湯都還可以，有淡淡既蟹甜味。軟殻蟹好好食🤤 調味調得好好炸得又脆👍🏻👍🏻蟹膏湯檬 🦀🍜 蟹膏湯檬湯底比特級蟹肉湯檬甜，蟹膏味令整碗湯更香更鮮，個人就中意呢碗個湯多d，d餸同上面個碗差唔多，係少左隻軟殼蟹同肉丸變左肉碎☺️炸春卷 $38春卷炸得好脆，咬落去shock shock聲🤤 入面有蘿蔔絲青瓜絲等等，包埋生菜食，一d都唔膩，值得試下👍🏻牛油果沙冰🥑爭紮左好耐飲熱野定牛油果沙冰好，但見到牛油果又好吸引🤤 最後都係忍唔住叫左沙冰。又幾好飲

今日去銅鑼灣買電話，原來依家可以幫你將舊電話嘅資料轉移去新嘅電話度，不過佢話需要一個鐘頭左右，叫我周圍行下或者食下嘢，於是周圍睇吓有咩野食見到呢間Pho，咦，越南河粉，但來自加拿大多倫多喎，門面裝修格局好Fashion，一於入去試吓主打Pho當然要試，仲有好多越式飲品選擇，等我慢慢揀下先咸檸七⭐️⭐️⭐️⭐️先來坏咸檸七，消下暑，透心涼咸咸地、酸酸地、加上汽水又甜甜地，正正係我嘅至愛鮮蝦紙米卷⭐️⭐️⭐️⭐️⭐️叫咗個小食，鮮蝦紙米卷，呢啲咪叫做皮薄餡靚囉，話明鮮蝦，隻蝦一定要新鮮，咬落口彈牙鮮甜，高水準朋友order左杯芒果沙冰，我雖然冇份試，但係睇得出佢非常滿意蟹膏湯檬⭐️⭐️⭐️⭐️呢個蟹膏湯懞，我八卦問店員，佢哋話係用大蟹壓碎，迫出鮮汁，再起肉及折蟹膏煮出湯底，聞起上嚟好香蟹膏味，真係未食都口水流，嘩，唔係講笑，個湯底真係好正好正，絕對物有所值客人可以適量加上檸檬汁或芽菜，更加提升味覺享受特級蟹膏湯檬配軟殻蟹⭐️⭐️⭐️⭐️我個friend仲巴閉，配多一隻軟殼蟹，香脆可口，我夾硬叫佢分左一半俾我，信我，一定要試內在環境舒適優雅，坐得好舒服，特別採光做得特別好，服務員很有禮貌，客人之中亦見很多外國遊客，值得推薦，