老鍋台式火鍋 (金馬倫道) (已結業)

今日約左靚女同學食lunch，我話我呢排成日都好想打邊爐但又怕肥，佢就話佢都成日打邊爐，只要識揀野食就ok。於是佢就帶左我黎呢間老鍋到食酸菜白肉鍋啦。🫕酸菜白肉鍋 $158揀湯底嘅話，揀呢個真係好抵。因為佢入面有好多大白菜、白肉、粟米、番茄同埋寬粉條，多到應該就咁食呢個都夠飽。不過因為我自認大食，所以又叫多左幾樣野食。湯底味道酸酸地又唔油，幾清，好似唔辣嘅酸菜魚咁，好味。白肉有好多片，應該有醃過嘅，有好重嘅胡椒味。煮極都仲係咁淋，唔會太硬太鞋，幾好。寬粉條真係要特別介紹下，佢望落有啲似扁身嘅薯粉，會好似薯粉咁索湯，但又唔會好似薯粉咁硬，感覺容易消化好多，好味。最初唔係好夾到，以為湯底入面唔係好多寬粉啦，點知後來食下食下發現食極都仲有，食極都未食曬，份量好多，抵。不過建議大家快啲食左啲寬粉，否則煮太耐就會太淋，好容易斷架啦。另外朋友講左幾次啲粟米好甜，佢好開心。🍡鹽酥一口豆腐 $48太肚餓，所以等緊湯底滾嘅時候，叫左個小食。點知小食嘅份量都唔少，都大件夾抵食。豆腐上面有好多炸蒜，每粒豆腐嘅調味都適中，又勁滑，好食。🥟老鍋丸餃井字盤 — B $98朋友好鍾意食蛋餃，所以叫左呢個。有四隻蛋餃

疫情又開始反彈。。2人限聚令下有個生死之交同自己打邊爐你話係咪開心先？天氣又開始凍，食麻辣火鍋絕對係首選呀～今次我地食🇼🇸台式麻辣 - 位於尖沙咀既老鍋😃一出𨋢就見到接待處既特色燈籠，增加顧客的親切感～Menu有多款靚牛肉同時令海鮮選擇，👍🏻其他基本火鍋食材亦一應俱全～經過掙扎後，我地由麻辣鍋轉鈦到酸菜白肉鍋！女人的確係善變既～🤣一上枱酸香撲鼻，😋極品豬腩肥瘦均勻～湯底亦超足料，大白菜、粟米、香菇同寬粉條等～首先因為好肚餓既關係😂叫咗個小食先鹽酥一口豆腐豆腐好嫩滑，炸漿薄薄的，唔會成口粉，連面頭d脆蒜正到我地都清曬😂另外仲叫咗呢幾樣配料～本地手切肥牛肥瘦均勻，厚薄適中👍🏻肉味濃而鮮美！墨魚丸（半份）含墨魚粒、爽滑彈牙又鮮味😆蛋餃 （半份）好得意呀！呢隻外皮係用蛋皮包既小餃子，入面係豬肉餡～ 蛋皮好薄身又無穿果下犀利！👆🏻有得叫半份啱曬我哋二人份、又想試多啲嘢食嘅人千張豆葉紙呢個又係好得意，薄薄的一大片豆葉紙，落鍋秒變腐皮，豆味超香濃！老鍋台灣面麵條本身已熟，放湯淥一淥吸收曬d精華，麵條依然爽口，正！即係咁，侍應姨姨講，其實個「兜兜」呢、係俾你淥完麵撈返上嚟先用，因為乾既時候d麵係痴埋一

好耐冇去台灣，好掛住嘅酸菜白肉鍋，一於試吓湯底：酸菜白肉鍋鍋內嘅料多到好誇張，係令人懷念嘅台灣火鍋嘅感覺，酸香又脆口嘅酸白菜，好有𡁻頭又帶脆嘅半肥瘦五花腩，好似在台中食山豬的口感，一點不覺肥膩！湯中仲有透明煙韌嘅寛粉，酸香醒胃精選手切牛肩肉食肉獸嘅我哋最愛食手切牛肉，因為有口感D肉唔會雪到死實，手切牛肩肉切得口簿剛好，牛肩肉肉味香濃！鹽酥一口豆腐好有驚喜嘅豆腐，炸得外脆內軟，細細粒一口可食兩三粒，炸漿超薄，咸香好味，送酒一流！老鍋丸餃井字拼－梅菜豬肉丸配魚皮餃我揀咗梅菜豬肉丸，味道好特別似小肉餅，彈牙味美，原來可做火鍋配料魚皮餃較普通。三秒響鈴卷好香脆熱辣辣係必點之選，仲比出面食嘅多層好多，相信師傅有一定功架，因為浸完三秒湯後都可外面索湯，內裡脆卜卜老鍋台灣麵配有甜醋做撈麵或可用配火鍋湯底飲品杭菊露味道帶少少甜，唔錯嘅清熱氣之選！不喜歡甜嘅可選冷泡白桃烏龍茶，好清新帶白桃果香！好豐富又滿足嘅台式火鍋

雖然今年冬天不太冷，但依然無損我們對火鍋的熱愛。趁著踏入12月，距離聖誕節不遠，特別約了好友來吃火鍋，預祝大家聖誕快樂。老鍋台式火鍋於尖沙咀金馬倫道利達行。從尖沙咀地鐵站地鐵站B出口不用5分鐘便到，地點方便就腳。這間餐廳裝修十分有特色，用木屏風將枱與枱間開，提高客人私隱。疫情關係，餐廳安排了酒精消毒液，而且入座前也要量體溫，令到客人食得安心。我們一行二人點了以下幾樣食物互相分享。台灣蒜香腸 (⭐⭐⭐⭐💢)台灣夜市的招牌特色菜。香腸用蜜糖煎得十分香口，而且有淡淡的蒜香味，吃起來十分惹味，令人停不了口。酸菜白肉鍋 (⭐⭐⭐⭐⭐)酸菜鍋包含醃製東方大白菜和極品豬王花腩，有微微的酒香味，而且不是太酸，吃起來十分醒胃。湯底還有其他配料包括番茄，粟米，冬菇，蔥花和QQ粉等等。其中最欣賞QQ寬粉條，吃起來質感煙硬，十分飽肚。涮鍋小羊肉片 (⭐⭐⭐⭐⭐)火鍋當然要點些肉類，大啖大啖吃才高興。小羔羊肉脂肪分佈平均，而且薄身，大約一分鐘便熟透。羊肉肉質地較為軟身，味道濃郁但不會有很重的羊騷味。羊肉吸收了湯底的味道，不用醬油也十分入味。梅菜園拼魚皮餃 (⭐⭐⭐⭐💢)對於眼闊肚窄的我們，雙拼毫無疑問是最好的選

終於都可以食火鍋，前排日日在家，好想可以大吃一頓。知道星期六日既夜晚都好多人，所以今次揀左中午去食。 鍋底選了酸菜白肉鍋，鍋底已經係配料十足，酸菜加上白肉，這個湯不會油，反而係清新，有酸菜的味道，令人好開胃。湯料已經十分好味道，好足料。白肉都有好多，好唔錯。 因為好耐冇去台灣，台灣的夜市臭豆腐，係E度都可以食到，仲要係好正。臭豆腐外層超脆，而且並沒有油膩感。沾上甜醬，還有泡菜一齊食，每一口都超有味道。新鮮做好既豆腐。真係係台灣食到既正宗味道。 配料方面，有魚皮餃，韮菜餃 豬肉丸，麻辣魯肉丸。超正。辣味丸，平日多數係蟹子丸或是芝士丸之類，爆開後係辣味魯肉，真係幾得意。好味道，小小一隻，但餡料夠，放係酸菜鍋，味道好。 響鈴，我個人覺得係火鍋的靈魂，新鮮炸起，不是平日街市可以比得上，唔係炸到乾，即是浸左湯，仲食到響鈴的香脆。 麵食方面，台灣面就與個湯十分夾。台灣麵真係台式火鍋店先見到了。所以一定要食一食。 冬瓜茶更加是消暑之選，食火鍋，配冬瓜茶，比汽水更正。

因為疫情關係，冇得去台灣旅行，個心依然會記掛着台式火鍋。今日就嚟到位於尖沙咀嘅老鍋台式火鍋店～ 😋我哋叫咗個酸菜白肉鍋，新鮮滾熱辣，非常足料，入邊有大量嘅酸菜、豬腩肉、仲有少少晶凝通透嘅薯粉，我諗就咁食個鍋都夠晒飽啊🤣之後我哋叫咗個美國梅花豬肉，份量都唔少，賣相吸引，口感嫩滑，咬落去有濃烈嘅豬香味😋老鍋丸餃盤：賣相好得意呀，九宮格咁樣😝 有墨魚丸、貢丸、雞蛋餃、極品水餃，每款都幾好食。台灣腸：食台灣菜，點可以唔叫台灣腸呢，推薦！煎得好香脆～ 咬落去十分juicy🥰老鍋鮮魚腐：好鮮，咬落彈牙，魚味十足🤣最後叫左個老鍋台灣拉麵：原來係雙色，淮山同埋蕎麥，好健康呀，食多啲都唔怕，可凍食/熱食，各有風味。總括黎講，都係間可以一試既台灣火鍋～

雖然天氣炎熱，但依然不減我對打邊爐既熱愛😋今日黎到呢間台式打邊爐，lift門一開就聞到香味，令人迫不期待想坐低開餐😂店舖裝修雅緻，間隔都做得好好👍菜單有唔同既鍋底選擇，同fd揀佐老饕酸菜白肉鍋，呢個湯底酸酸地少少辣，好開胃，入面d酸菜爽口😋另外入面有多五花肉，好入味同酸菜好match🤤另外我好中意個透明寬粉，好吸湯好正，同埋份量都多我食佐幾碗😂除佐食鍋入面d肉外我地額外嗌佐小羊肉片、響鈴卷、台灣蒜香腸、台灣麵同啲丸餃。個人覺得羊肉幾襯個湯底😋一碟兩個人食都幾夠。想讚下個響鈴卷😳比平時d響鈴卷更大更香的feel，唔知係咪佢地自製呢😳不過啲丸餃應該就係佢地自己製作啦！食得出同平時食既唔一樣，兩隻丸都好彈牙，同埋食麻辣滷肉丸要小心d！會爆汁！都幾正😍韭菜餃同魚皮餃都食得出係新鮮肉包既，餃子皮都特別韌，比平時啲餃子好味👍另外想推薦蒜香腸，係岩岩煎出，好香口野飲方面嗌佐佢地既特飲，分別係沖繩黑糖烏梅汁同冬瓜茶👍兩杯都好好飲，烏梅汁酸甜適中濃郁，冬瓜茶潤喉清新，兩杯都好適合打邊爐飲😋總括黎講呢間打邊爐店都幾唔錯，裝潢有feel服務態度都唔錯不時留意到顧客所需加水，食材新鮮足料，經過可以試下👍

拜疫情所賜 ，尖沙咀呢段時間比較少人， 食飯都比較容易搵位。店舖位於 金馬倫道樓上店， 由於人好少， 所以更顯得舖頭非常寬敞。火鍋方面都有好多配料選擇， 由於係台式火鍋， 所以有台灣嘅特別食物可供選擇。今次我選擇咗台式 酸菜白肉鍋， 主要係因為朋友唔食得辣。 個人認為 酸菜白肉鍋湯底幾濃厚， 白肉份量多， 亦有好多其他配料非常豐富。手切牛算係幾出色， 口感 幾幼滑，牛味都幾出。另外唔可以唔食 百葉腐皮， 真係做得十分出色， 食落味道很好，食得出好新鮮。最後點咗杯招牌杭菊露， 為火鍋 作點綴。

秋風起又係時候打邊爐，昨晚放工去尖沙咀行街順便到老鍋台式火鍋吃晚餐。 店舖裝修以木為主， 木製中式屏風，風格懷舊古色古香。 首先點了兩款小食， 就是鹹蛋炸魚皮和夜市炸臭豆腐， 火鍋底我選了酸菜白肉鍋底，配料有安格斯雪花肥牛，香菇貢丸，蕃薯苖， 寬粉條，再來兩杯清熱解渴的飲品～烏梅汁和杭菊露。 酸菜白肉鍋 ～ 湯底酸酸地好開胃，鍋裏食材豐富， 有粟米，冬菇，蕃茄，豬腩肉，酸白菜和寬粉。夜市炸臭豆腐 ～ 炸到外面脆卜卜， 入口有 平時食開港式臭豆腐的味道， 配上甜醬一起食非常惹味。鹹蛋炸魚皮 ～ 金黃色的外表， 加上鹹蛋黃， 極邪惡又好味！安格斯雪花肥牛🥩～ 肥瘦適中，牛味極濃， 口感細滑， 絕對是打邊爐必備的。香菇貢丸 ～ 大大粒脹卜卜的， 入口啖啖肉，好吃！蕃薯苗 🥦～ 甜美清新，纖維質豐富， 營養價值非常高。寬粉條～ 以前打邊爐好喜歡點烏冬或者公仔麵， 近期反而喜愛寬粉條， 除了比較健康之外， 寬粉條的口感煙煙韌韌，吸了湯底的味道，特別美味。烏梅汁和杭菊露🥤～ 兩款都是清熱解渴的飲品， 烏梅汁酸酸甜甜， 杭菊露加入龍眼和杞子，清熱明目。平時約三五知己到老鍋台式火鍋打邊爐感覺都唔錯，餐

近排友人見我胃口不太好，所以不斷搵一D我平時好中意食的菜式同我去食下，而今晚佢就帶我黎到我之前一直都好中意黎食的台式火鍋店!火鍋店內以中式的平風間開，每枱的感覺都好有私人空間，而今晚店員帶我們來到室外的位置用餐。酸菜白肉鍋，這個湯底一直是我最愛揀選的，因為味道酸酸，好開胃，岩哂胃口唔好的我!而湯底入面有白肉、蕃茄、冬菇、津白、寬粉，最愛在打邊爐前先飲一碗湯，再食寬粉，寬粉吸收了湯的味道，令人會唔小心食多幾條!臭豆腐，係網上見到大家都食這裡的臭豆腐，所以點了一份試試。我跟友人都好耐冇係街邊食臭豆腐了，而這裡的臭豆腐炸得好脆口，有少少臭豆腐的味道，再配上甜醬一齊食更加惹味!咸蛋黃炸魚皮，魚皮炸得剛剛好，加上了咸蛋黃醬料，有淡淡的咸蛋黃香，整份都唔會有太油膩的感覺!墨魚丸，這裡的墨魚丸是手工製的，爽口彈牙，都幾大粒，配上酸湯一齊食更鮮味!安格斯雪花肥牛，打邊爐又點少得食牛肉呢，這裡的牛肉油脂分佈平均，食落好香牛肉味，口感鬆軟，唔會好韌!高山娃娃菜，份量都有幾多，配落酸菜白肉湯，清清地也夠索味。寬粉條，由於這個湯底會令人不斷想食吸味的寬粉，所以點多了一份，煙煙韌韌又吸味!沖繩黑糖烏梅汁、杞子杭

今天的邊爐癮又浮現，立刻搜尋一下找間未試過又評價不錯的火鍋店！是夜等到10:30pm才吃... 為的就是半價優惠呵呵裝修是走懷舊風，每張檯都有屏風相隔，原來有個露天範圍，冬天來應該挺有氣氛。點了麻辣+酸菜白肉鍋，$158 台式火鍋最愛就是酸菜白肉了，裡面還加了QQ粉很好吃的然後點了安格斯牛（大） $3382個人點了大，就是食肉獸😂肉質Ok 份量Ok 就是肉味有點不夠嘉美雞件，這個有驚喜！很嫩滑丸拼盤有10粒，可以試到特式的口味例如咸蛋黃豬肉丸 和 芝士牛丸唯一有點不足是... 問了職員是茶或水都不供應，我們也有點正價飲品，就是想喝口清水或清茶去去膩都不能提供嗎？😓😓😓

香港人一年四季都鍾意打邊爐，今日老公話想打所以就嚟哩一間試吓。由於今日係星期六，有好多優惠都唔可以用，全部都要用正價，都冇乜所謂啦，最緊要食物質素高。老公想食酸菜白肉鍋，而我同亞媽又冇特別話想食乜嘢湯底，所以我哋冇叫鴛鴦鍋。哩個酸菜白肉鍋同我哋平時食嘅有少少唔同，好奇怪有粟米丶番茄同冬菇🤷🏼‍♀️其實味道就唔怪嘅，不過同我喺台灣食嘅酸菜白肉鍋真係唔同囉！我叫咗鵝肝墨魚丸同黃金鹹蛋黃豬肉丸，因為哩兩隻丸出面冇見過。鵝肝同墨魚丸原來都幾夾，鹹蛋黃豬肉丸就唔可以煮得過熟，因為𥚃面d鹹蛋會硬，如果肉丸浮面即係啱啱熟嘅話，嗰啲鹹蛋係會流沙咁正🤤另外我地叫咗鮮炸響鈴，雖然佢話要15分鐘製作時間但係唔使三分鐘就送到喺你枱面；我地叫左個細嘅手切安格斯牛小排，哩個真係好好食，好有牛味，但係又真係有少少膩，所以三個人叫一碟細嘅已經足夠。之後老公叫咗一碟海鮮拼盤同牛骨髓，我個人就覺得冇乜特別。環境方面，我哋被安排坐喺餐廳最入面，冷氣完全唔充足，未開始食已經覺得冷氣唔夠涼，食落就越嚟越熱🥵🥵老公要不停叫嘢飲消暑，最後發現原來佢哋有冰水提供🤦🏼‍♀️。

見到有新餐廳, 環境超靚, 立即BOOK檯黎試試先餐廳位置非常方便, 就在尖沙咀港鐵B出口, 老麥隔離楝大廈就是啦大廈口放了兩個大banner, 應該唔會睇唔到啦~原來這裡開業一星期左右, 當晚七時入席,暫不人多, 但7:30pm後就開始人多一早知道呢度設有室外座位, 方便要"呼吸"的人士呢度大部份座位設有若隱若現的屏風, 用上深木色古色古香風味, 很喜歡有點私隱度, 裝潢高雅由於當晚室外有人包場, 不便拍照, 但眼看氣氛很好老鍋主要是打邊爐, 但也有熟食小吃, 不過價錢不算是低價, 就是因為看到有"美人鍋", 很特式, 所以很想試不過可能新店開業無耐, 有些食物未能供應今晚我同朋友2個試試佢地既水準先訂了位的關係, 很好的被安排有"房"坐, 有點私隱度的, 雖然也看到隔離檯吃什麼, 但好過完全沒遮沒掩一來到, 幾位侍應的招呼也很有禮貌另一喜歡的地方, 就是沒有限時制, 因為朋友工事關係, 遲了半小時才到達, 侍應也沒有催促還檯終於朋友來到了, 點了鴛鴦湯底 (美人鍋及酸菜白肉鍋) 收費會以價高的落單後, 去到自助醬油區選自己想要的, 基本的辣椒粒, 蒜, 蔥等都有美人鍋+酸菜白肉鍋湯