翠林辣蟹舫

連鎖酒樓黎黎去去都係個幾味，同屋企人已經食到有點生厭。 最近不約而同有幾位朋友對翠林辣蟹坊讚不絕口，重點係招牌菜明碼實價唔係海鮮時價，豪食得黎心入面都有個預算，就當母親節餘興節目黎見識下。避風塘炒辣蟹 ($588)炸蒜同辣椒既香味撲鼻而來，呢味每台都見到既招牌菜其實我已經期待左幾日。 二話不說食左個蟹鉗先，由於大隻肉蟹既蟹殼比較硬同厚身，先用工具鉗開蟹殼，到食既時候先發現炸得好透，原來就咁用牙已經可以將厚實既蟹殼咬得粉碎，真係前所未見。 大蟹鉗如想像般鮮甜啖啖肉，大家都不約而同大讚係食過咁多間最新鮮清甜既蟹，蟹身斬件炸得甘香酥脆得黎唔會油膩，香口又juicy，少有地連蟹腳我都食埋。 驚喜地發現蟹蓋唔係擺設，真係連埋蟹膏一齊炸，當然肉蟹既膏就唔預期會好香濃，但我欣賞佢真材實料，蟹膏豐厚甘香。肉蟹十分足料夠秤，開頭都擔心一隻會唔夠分，最後三個人每人都分到兩三舊，心滿意足過足蟹癮。 避風塘香料太惹味既關係，食完蟹之後忍唔住打包左d炸蒜同辣椒返去，打算用黎撈麵食。潮式酸菜水煮魚 ($128)難得選用左龍躉塊，厚實嫩滑有魚味，一條幼骨都冇，可以安心食用，最正係魚皮厚厚既骨膠原滑嘟嘟。 平時食既酸

平時提起辣蟹，一般人只會想起灣仔區。但其實九龍區也有專吃辣蟹的店舖前兩天的公司飯局，便選了在尖沙咀的翠林辣蟹🦀翠林辣蟹位於尖沙咀亞士里道天星大廈一樓一出lift門便看到大大個招牌🦀星期日晚上7點,餐廳已經有9成入座率, 店員也忙碌得應接不暇我們一行四人總供點了一隻招牌辣蟹、酸菜魚、飛天芥蘭酸菜魚:來到先嚐一口湯, 酸酸濃濃的味道非常易入口, 而且不太辣又很開胃!這裡的魚片不像一般外面吃得到的嫩滑, 是很有口感的, 不禁令人懷疑魚片是斑腩招牌辣蟹:來這裡就是要吃辣蟹,  辣蟹炒得味道很香, 蟹肉質感結實, 辣度適中, 但吃到底會有點咸飛天芥蘭:店員會在客人前炒施展兩度身手，當堂香氣四溢，我唔客氣喇！飛天芥蘭賣相不錯, 內裡有蝦干等等, 比較濃味, 送飯一流總結食物味道是可以的, 但可能當天是假日關係, 店員比較忙, 要加單或是想找個店員問東西都比較難

避風塘炒蟹喺香港就出晒名㗎啦， 今次朋友介紹咗間專食蟹嘅舖頭喺尖沙咀亞士厘道， 認真唔錯。有好多明食家、明星都嚟過㗎，有霆鋒、鼎爺、Gigi姐。除左食蟹之外，當然都有小菜啦，叫左個飛天芥蘭，一上枱就已經夠曬鑊氣， 用煲上咋咋聲，個職員仲喺正你面前炒呀炒，香氣十足，芥蘭好甜，不過都唔夠超鮮甜嘅蝦乾，咸咸香香，非常惹味。白雪紅梅骨酸酸甜甜，好似話梅咁嘅味，最適合夏天食，非常開胃，令人食慾大增。仲要面頭加左少少芝麻香味。水煮牛肉係川菜之選，如果鍾意食辣嘅朋友就啱曬，呢味餸主要用花椒同埋乾辣椒去整，絕對可以滿足你嘅味蕾，客人可以隨自己喜好，選擇辣嘅程度，我今次只係揀咗bb辣，都好夠味啦，啲牛肉好嫩滑，好濃味，豆腐卜完全將辣汁吸收晒，而且賣相五顏六色好靚添。主角出嚟啦， 黃金流沙奶蟹，離遠已經聞到香噴噴 ，超多蛋黃，薄薄一層，而且唔會膩。 平時喺出面食嗰啲舖頭食一兩隻黃金蝦已經飽到反肚，今次食多多都唔會膩，師傅果然好手勢！蟹鉗仲要好多肉，蛋黃嘅香味完全滲晒入蟹肉度，一啖一蛋黃香，真係好好味今餐真係大滿足，下次黎要試埋個避風塘炒蟹先~😉

           由於我當日牛一，所以食豪D，黎左翠林食鮑魚和避風塘辣蟹，好多年冇食避風塘炒蟹了，其實而家咁貴一隻蟹，有D肉赤架。不過生日就食豪一次咁多啦！ 我地去到有book位，2個人安排卡坐，好闊落，其實坐四人都好松動。要左兩份鮑魚燉清雞湯，足料好飲，夠火候。每位$88。。一上臺，超巨蟹，加埋巨碟，成張臺都霸左唔少空位，唔怪得D臺甘大張甘闊落啦。哈哈，以為鮑魚甘整 一定好韌好乾的，但點知仲好彈牙仲唔乾添，真系好新鮮的鮑魚咯。蟹鉗好大只，啖啖肉，好滿足呀！呢個飛天芥蘭，我都好鐘意，一上黎就香氣撲鼻，食落又唔起渣。

星期一亞女預約星期三食飯﹐當然一定打開我好幫手 openrice apps 搵食喇！發現尖沙咀開左間食辣蟹喎！辣蟹係老公至愛﹐一定要去試下﹐於是訂左3位枱﹐當日老公叫埋伙食一起去﹐便4人行了﹐正確位址不太清楚﹐便按照 google map 路線揸車去。按地址都幾難找的﹐招牌不是太起眼﹐問了管埋員才找到。進入餐館了﹐服務員很有禮貌的招呼還介紹這店幾款的招牌菜﹐有黃金流沙蝦球、避風塘拆肉瀨尿蝦﹐當然5少得鎮店之寶避風塘炒辣蟹喇﹐我哋3款招牌菜全下單了﹐老公還點了我喜愛的潮式酸菜魚﹐再加碟飛天芥蘭﹐到左上菜了﹐大家都好期待﹐先來是黃金流沙拆肉瀨尿蝦﹐賣相已好吸引﹐看得出廚師的心思﹐黃金流沙是用咸蛋王做的﹐咬一口好香的咸蛋王味道但並不咸的﹐而瀨尿蝦並沒有比黃金流沙搶了肉鮮味﹐這種瀨尿蝦食法是第一次﹐對想食瀨尿蝦又5想用手拆肉的懶人﹐這個你一定喜歡。跟住上枱的是黃金流沙蝦球﹐賣相也是很吸引﹐我們4人每人1隻﹐中間放了一碟沙拉﹐好有食沙拉蝦角 feel, 這款黃金流沙同剛才的一樣做法﹐而換了蝦球又有不同的口感﹐蝦球爽口彈牙配埋沙拉一起食﹐口感同味覺配合得很好﹐跟住到左主角避風塘炒辣蟹﹐上枱看見隻蟹