河內大娘越南餐廳 (已結業)

因為疾情的原因，很久沒有跟媽媽外出吃飯，特地選了一間越南餐廳，嘗試一下新口味。店員貼心地為我們介紹了烤魚、奧巴馬粉、米紙卷都是推薦的菜式。於是，我們依照店家的推薦及我們的喜愛，點選了以下這些菜式。🔸香茅煮大蜆蜆肉好大粒，很飽滿，超鮮甜，香茅味的湯清清淡淡，但能引出蜆肉的鮮度，而且帶有淡淡薄荷味，更為清新。🔹越式香茅烤魚-時令魚這次烤魚是用了一大條龍躉，火喉控制很適中，熟度烤得剛剛好。店員幫忙割開表皮以後，用筷子輕輕一夾，就能吃到啖啖魚肉。魚肉烤得剛剛好，香噴噴，非常嫩，而且有很多肉汁，沾上酸酸甜甜的醬料，一口接一口，一點都不膩，兩人搶著就吃完了。🔸奧巴馬粉我一直都喜歡吃撈檬，很想讓媽媽也嘗試一下，聽到奧巴馬粉這個很新奇的名字，兩話不說就選了它。奧巴粉主要是烤肉、扎肉、粉跟撈檬的汁。烤肉烤得很香口，調味嫩度都剛剛好。這樣的撈檬真的很好吃，連初次嘗試的媽媽都讚不絕口。🔹芒果鮮蝦米紙卷每個米紙卷都有原隻鮮蝦、配上一塊芒果，鮮蝦仍然脆口，芒果入饌很新奇，但意外地跟鮮蝦米紙卷很協調，沾上酸酸甜甜的醬汁，也是很清新可口。🔸鹹檸梳打🔹青檸梳打解渴解膩的很不錯。店舖的環境也是很有越南的感覺，總體是一個

😌剛剛從越南🇻🇳回港不手夠一星期就開始懷念越南美食，所以放工後就前往同事推薦的越南餐廳醫肚！餐廳位置非常近地鐵站相當易找，內裏的佈置亦充滿越南色彩的擺設。因為太口渴，一坐下便叫了兩杯店員推薦的飲品。新鮮菠蘿冰是用新鮮菠蘿加入橙皮一起煲出味來才做成飲品，酸甜度調校得剛剛好，非常解渴。珍多冰的綠豆是餐廳自己煲，不像出面的充滿糖漿，椰漿亦是新鮮不會太甜！前菜點了柚子大蝦沙律，大蝦彈牙柚子開胃。除咗有柚子和大蝦🍤，沙律還加了椰菜。主菜之一香茅煮大蜆，店員介紹蜆用上了大沙白，肉質非常非常鮮甜，連湯也可以喝！因為香茅的關係，湯底變得清甜，整煲喝光！燒乳豬肶外皮鬆脆，豬肶肉厚而爽，不會過鹹過韌。配合上開胃的mustard 醬，不愧為招牌菜之一！由於成日食PHO的關係，今次就點了蕃茄手拆蟹肉湯檬粉。蕃茄味香濃亦沒有味精，配料亦好豐富，有大蝦，札肉，豬肉丸，手拆蟹肉， 蕃茄肉亦很多很嫩。下次一定會去食個咸蛋魚皮。期待😄

與友人來到尖沙咀，今次是去食越南菜。餐廳位於漆咸道南，與尖東一路之隔，靜中帶旺，餐廳地方不算大，而且是沿著商場轉角而成，所以地方也是順勢而成，不算四正，但難得也不覺侷促。我們點了燒乳豬肶、香茅煮大蜆、蝦頭膏炒高麗菜及皇牌火車頭，飲品就要了新鮮菠蘿冰及蓮子龍眼茶。新鮮菠蘿冰是用新鮮菠蘿加入橙皮一起煲出味來才做成飲品，特別在果味更加濃郁。而蓮子龍眼茶是熱的，店長亦很耐心介紹，說是用蔗糖來焗而不是煲，所以無需擔心會燥熱，味道及甜味也適中。蝦頭膏炒高麗菜沒有像用蝦醬來炒那樣重味，因為我們沒有要白飯，這樣淨食淡口些會較為適中，食到碟底時那自家製的蝦頭膏汁多了才覺味道相對濃些。香茅煮大蜆用的是大沙白，肉質肥美鮮甜，沒有沙，連湯也可以喝，用香茅來煮又與一般用酒煮味道不同，更覺清甜。啊，這個燒乳豬肶皮薄肉厚，外皮鬆脆，豬肶肉厚而爽，也不像一般燒肉內隴那樣鹹，配上芥末籽醬蘸來食，配合得很好，出色之作。最後是主食的皇牌火車頭，材料豐富，包括有花膠、生牛肉、熟牛肉、腩片、牛栢葉、牛丸及檬粉等，湯底也很鮮甜，美中不足只是檬粉有一點兒糊口。

對早前走訪越南當地「捐窿捐啦」尋找到的美食非常念念不忘，為左釋除呢種牽掛，今日特意同友人安排左一個「找回當初越南味蕾」的晚餐。🔷黃金炸魚皮 💙80/100即是鹹蛋黃味既炸魚皮，即叫即炸卜卜脆，十分酥脆之餘，咬落吾會散哂，每一舊炸魚皮都有很平均地沾滿鹹蛋黃。🔷香茅煮大蜆 💙85/100蜆肉大大粒好肥美鮮甜而且沒有沙粒，清洗時候的吐沙過程應該是處理得不錯。湯底清清地帶有鮮甜味，仲有少許的芫荽味及香茅的清香味。🔷越式香茅燒魚 💙85/100燒魚用上小龍躉魚，魚肉多汁嫩滑，而且並無細骨，即使自認為「吾識食魚」既朋友都好岩食。另外呢款燒魚抵贊處之一在於條魚是即叫即劏，所以食得出個新鮮程度十分高。嫩滑的魚肉配埋酸酸辣辣的醬汁真系越式菜的高質地道菜之一。🔷順化粉 💙75/100(豬手、豬紅、牛展、扎肉)呢款粉是餐廳的特別推介，個粉不是以金邊或檬粉為底，而是用上米粉。個湯底應該是順化粉的重點之一，通化之名意指將酸、甜、鮮、辣，以及檸檬草的味道融合在一起，食落有點小辣但接受程度十分高。🔷新鮮菠蘿冰 💙73/100菠蘿冰飲落十分爽口，整個人都感受到一股涼氣進入左身體，好適合行街行到又攰又熱既朋友仔。另外底

咖喱蟹配蒜蓉包🦀🍞$168 4.5/5呢個咖哩蟹真係不得了🤩首先係個咖哩，本身以為個咖哩會好辣，但食落去只係得少少辣，而且咖哩味都幾濃郁下，送飯食真係一流😚 之後隻蟹好新鮮，完全係食到隻蟹既鮮味，隻蟹望落去唔係好大隻，但其實都有好多肉下，小編覺得4個人食都夠🤪跟住個蒜蓉包同出面西餐廳食到既蒜蓉包又係唔一樣既，因為佢除左蒜蓉之外，仲落左芝士調味分，所以真係超級惹味😋加上168就食到咁高質既咖哩蟹，性價比真係一流😍👍🏻————————香茅煮大蜆🍲$99 5/5本身見到99蚊食蜆有d貴🙈，係見到係餐廳招牌菜後就叫左黎食！呢一個香芧煮大蜆一黎到就真係冇令我失望，未落枱已經聞到好香既香芧同蜆味😍 d蜆既size並唔係平時食豉椒炒細細隻果d，而係大大隻！所以個口感好正！😚除左香芧之外，仲有蔥花配埋雞湯黎煮，加埋蜆既鮮味真係好滿足🥰。————————蕃茄蟹肉湯檬🍅🦀$89 4.5/5呢一碗湯檬十分之足料，個湯底真係真材實料🤓，個湯除左有蕃茄同蝦既鮮味之外，仲有好多蟹肉🦀，仲要係大大碗，所以性價比都真係唔錯😎————————黃金炸魚皮🐟$49 5/5呢個炸魚皮真心好值得推介，就咁望落個樣同魚蛋粉鋪無咩

河內大娘@TST食物❤️❤️❤️❤️整體食物樣樣都好食，最鍾意係個炸魚皮之後粉卷😋黃金炸魚皮❤️❤️❤️❤️❤️其實係鹹蛋黃炸魚皮，好好味啱啱炸起非常脆香茅煮大蜆❤️❤️❤️啲襯好大隻，叫沙百蜆，唔錯皇牌火車頭❤️❤️❤️要得火車頭，當然係成碗都係牛嘅嘢，味道唔錯，湯底OK。雞絲米紙卷❤️❤️❤️❤️聽講係自己手撕，味道唔錯。蓮子龍眼冰❤️❤️❤️清清地，幾好味。紅豆冰❤️❤️❤️❤️奶味幾重，好香，紅豆用咗印度紅腰豆，幾特別。份量❤️❤️❤️夠飽，細食嘅話我宜家呢個份量其實可以三個人都夠飽。環境❤️❤️❤️環境普通左少少，冇乜嘢特色，純綷為咗食嘢。服務❤️❤️❤️❤️幾好禮貌，職員有間唔中介紹下佢哋嘅嘢食來源，又會問下我覺得啲嘢好唔好食，幾親切。價格❤️❤️唔算好貴，食物整體味道都可以，但如果個裝修再好少少，就會覺得性價比高啲。要加一嘅，加完之後人均消費HKD$211。#河內大娘 #河內大娘越南餐廳 #tstfoodie #tstfood #hkfoodie #hkfoodieblogger #hkfoodies #hkfoods #hkfoodieblogger #hkfoodig #hkfoodlover #foodiehk #hkfoodieyiki

最近日日都又焗又熱，成日想食濃味野同飲下凍野，最近愛上食越南菜，係尖沙咀行完街就去試下小店行到出晒汗，第一次時間嗌左2杯凍飲，芒果冰同紅豆冰，芒果冰飲得出用新鮮芒果整嘅，仲有粒粒芒果肉，而個紅豆冰真係幾特別，係紅豆mix紅腰豆再用椰奶整成，甜得嚟又好香椰奶味之後嗌左wasabi 日本海蜤手撕雞同黃金炸魚皮做前菜，個手撕雞好足料，係好多雞肉同埋海蜤好爽，少少wasabi味好醒胃而個黃金炸魚皮即叫即炸，食落去都幾重咸蛋味最後就到主菜香茅煮大蜆同火車頭，食蜆平時最怕就係有沙，呢到用白沙蜆，厚肉得嚟又無沙，食落去仲好鮮甜，而且香茅味都幾出，而個火車頭就真係重頭戲啦，一碗有生牛肉，牛丸，牛柏葉，牛腩肉同埋牛根，每款餸都食得出好新鮮，好濃牛肉味，不過最值得試係個湯底，飲完完全唔口渴，之後問返店員先知係用牛骨豬骨仲有成10隻雞去煲出嚟，唔怪得之個湯咁好飲

早前相約友人去了尖沙咀河內大娘越南餐廳食晚飯.我地先點了烤大蝦柚子沙律. 蝦肉幾爽口彈牙.而柚子甜中帶酸, 夠醒胃, 好適合作為前菜. 小食選了越式魚餅 . 對於唔太食得辣的我, 這個魚餅, 較為辣了一點, 不過幾惹味. 越菜味道較為濃味, 所以我點了菠蘿冰中和一下, 又可以解喝. 這是用新鮮菠蘿肉製成, 所以特別清甜, 加上有菠蘿肉, 多了一份口感. 主菜點了大娘皇牌火車頭和香茅煮大蜆. 大娘皇牌火車頭. 材料豐富, 有牛根, 牛肉, 牛丸, 牛栢葉等… 最適合愛食牛的我.自己最鍾意食牛肉. 香茅煮大蜆. 當日係馬刀貝.比我想像中大隻, 洗得幾乾淨, 入口無沙.肉質夠彈牙和鮮美.

這間位於尖沙咀漆咸南的河內大娘越南餐廳, 位置優越, 地鐵P3出口走兩步就到, 十分放便。平日喜歡來尖沙咀行街街的我覺得十分方便。河內大娘裝修簡約，但卻富貴越南風情。香茅煮大蜆，巨大的蜆貝，乾淨沒有沙，蜆肉非常鮮甜彈牙，香茅更提升整個香氣。粉紅色的蜆肉，肉厚飽滿，更聞到淡淡的香茅清香，叫人怎樣能忍得住嘴呢！燒大蝦柚子沙律，柚子沙律酸酸甜甜，非常開胃，沙律上面放了一隻燒大蝦，蝦肉燒得香噴噴的，只可惜只有一隻。軟殼蟹米紙卷，用上米紙及椰菜包裹著軟殼蟹及米絲，清新又美味。這個越式燒雞是我最近吃到最好吃的燒雞，雞皮香脆，雞肉多汁外，更帶有的濃濃越式醬香味，好好吃。鮮茄蟹肉湯檬，蟹肉加上大蝦鮮甜味美，用上新鮮番茄湯煮的檬粉，十分開胃，讚！蓮子龍眼氷，這幾天天氣特別寒冷，喝上這個龍眼水，感覺特別滋潤暖身。

平時真係好少食越南野，因為比我既印象都係d 炸野同辣野居多（小妹身子潺弱唔係好受得住😂），不過見朋友想食，就奉陪到底～新一年試多d新口味。餐廳唔算好大，裝橫比較簡樸，輕輕播住越南味道既純音樂。由於平日既關係，人流未算好爆滿，兩個人可以坐四人枱，仲要係最角落頭位置😳，自成一角超爽。 未黎之前已經好想飲珍多冰，真係好耐好耐好耐無飲過。✨大娘珍多冰（$38)👍🏻: 今日實在太凍，所以忍唔住問可唔可以走冰👉👈店員話儘量幫我安排，黎到真係一粒冰都無，真係好感動有人肯彩我～kaka😚第一次飲有綠豆既珍多冰，仲要有超多。平時飲泰式珍多冰顏色都比較純，但佢呢杯應該加左花奶，所以帶點點肉色。 飲落除左椰汁味仲多左一份花奶香😚，最鍾意佢甜度啱啱好。甜味主要黎自綠豆，綠豆夠腍又幾好食。珍多唔係平時食開一條條既形狀，而係粒狀的，食落更加爽口。呢杯野真係勁足料，飲完超飽肚，可以當埋飯後甜品。✨香茅煮大蜆（$98)👍🏻: 大蜆有7隻，有幾隻真係超大隻，仲要係完全無沙。大蜆真係勁鮮甜好新鮮，脹卜卜咬落勁多汁，肉質好嫩一d 都唔會韌，真係超好食👍🏻 !個香茅湯香得黎又好清甜，更加突出大蜆既鮮甜味，估唔到呢個配搭又

雖在大街上, 原來呢間小店已經有一後日子, 終於走入黎試一下~地方不大, 只有少於10張檯, 店員好友善~全下看看, 食物種類不算好多, 仲有店員介紹的今日精選, 只係當日先有的, 因為老闆會到街市每日入貨~香茅煮大蜆 - 非常大隻的, 非常厚肉, 蜆肉是粉紅色的, 有點似北寄貝, 非常新鮮彈牙, 完全無沙, 用了大量香茅及少量蔥花做湯底, 湯底非常鮮味, 我地連湯都飲曬!香茅燒魚 - 用了沙巴龍躉仔, 肚內塞滿了香茅, 蔥, 香葉等等. 表面包滿了鹽巴, 再包裹著錫紙燒熟.魚肉好嫩滑, 就連背脊最厚肉的位置都好滑, 肉裡滲透了淡淡的香葉味, 提升了鮮味. 條魚好新鮮, 店員說是每天老闆親自到街市買入食材的!我兩把整條魚都吃得乾乾淨淨!藕苗蝦沙律 – 藕苗原來是長條形的BB蓮藕! 藕苗好爽脆, 好似咬緊薯條甘樣, 伴入了花生, 青瓜絲, 酸甜汁等等, 十分開胃, 還附了2隻燒大蝦添! 生牛肉河粉 - 熱湯剛剛好可以把生牛肉整熟, 生牛肉好薄, 好有牛味而且好嫩, 細看MENU原來用了安格斯牛肉, 怪不得甘好食! 河粉好滑, 湯底不會太濃, 不會搶去牛肉的鮮味, 好食!珍多冰 – 綠豆及

越菜整得好食唔係易事，要係尖沙咀咁多美食既地方要突圍而出一定要用心製作美食先留得住客人河內大娘呢間餐廳係用心製作方面同食物美味程度就做得十分到位難怪我朋友會特別推薦個日一放工，係尖沙咀行左陣街就慢慢行去尖東搵呢間餐廳餐廳門口十分顯眼，行到附近一眼就望到一入到去就已經有服務員熱情招呼我地，店內用都越南特色既飾物佈置餐廳 座位寬闊 坐得都幾舒適睇左睇menu發現好多款想食既越南菜都有，由於想食多d唔同既越南菜，就唔叫成日去越南餐廳必點既鮮牛肉湯河了湯就叫左個香茅煮大蜆，聽服務員介紹係會用每日買到既新鮮蜆去整，所以有時蜆既類別會有所不同，湯味道清甜，好香海鮮湯味，有淡淡既香茅但又唔會蓋過海鮮味蜆都做得好細心，蜆肉大粒，一粒沙都發現唔到 處理得好乾淨 哈哈再黎就係小食拼盤個碟同食物裝飾就充滿著越色風味有兩個醬可以點黎食拼盤呢四樣小心都好合我心意 有炸雞翼、炸春捲、炸蝦餅同蒸粉包越式得黎又幾迎合香港人口味好似即叫即炸 一咬好脆 熱啦啦 但又唔會油感好重重頭戲就係咖哩煮大蝦 再配個蒜蓉包一碟有六隻大蝦，係用左好多種材料煮左好耐既咖哩汁 所以味道好獨特 微辣 易入口好香咖哩味先講蒜蓉包 唔係普通西餐

今晚再來河內大娘，老婆梗塞要菠蘿冰($38)－同上次一樣咁好味，有少少開胃作用，所以飯前必選之飲品。我要珍多冰($38)－綠豆蓉比較有咬口、椰汁味道濃郁，加上煙靭的班蘭涼粉，有熱解暑的感覺。由於上次吃香茅煮大蜆($98)有些意猶未盡，因此今日再叫一次，湯仲好有香茅味，而且有少少胡椒，令到蜆味更凸出😋😋😋因為想試唔同的越南小食，所以點了小食拼盤($148)，包括有粉包、春卷、雞翼及蝦餅，個人喜歡粉包，因為口感豐富。太太叫了大蝦沙律做前菜，大蝦煎過，蝦肉好香甜，加上柚子、生菜、酸汁令到食慾大增。😋😋😋上次已經看到這裡有越南乳豬、烤雞，究竟和粤式有甚麼分別？今次了一份越南乳豬、半只烤雞試試。越南乳豬的皮，沒有用針刺過，所以唔係鬆化，不過皮都好脆，另外用了體積比較大的乳豬，因此脂肪多了少許，而肉質比較肥美😋😋😋烤雞的皮唔係好脆，係香草烤焗過，所以好香軟，雞肉好香軟，而且用醃料醃過，醎味剛剛好。整體食物保持得好有水準👍👍👍

今晚老公帶我去尖沙咀話試新野，原來係越南野，我們都很久沒有吃越南野，因為食親都麻麻地。老闆娘推介新出香茅大蜆，佢話係南非來的，大蜆10分肥美，好大隻爽口又鮮甜，而大蜆湯完全沒有味精。真係一滴都唔好晒，全部飲晒落肚度。從來沒有試過咁樣樣飲晒啲湯囉。😋😋😋另外看到有香茅燒魚，未試過食燒魚會用石斑，原來都可以非常滑，魚皮有香茅檸檬葉各樣嘅調味品，燒香之後美味無窮。👍👍👍火車頭湯河粉湯底全無味精仲好熱，河粉和牛丸、牛根、牛柏葉、牛展都好味，全部都食晒連湯都飲埋😍😍😍我要了一杯菠蘿冰，一般餐廳用罐頭菠蘿做冰底，而呢度先炒過菠蘿，再加上梳打水，所以D菠蘿好甜，呢度愛心菠蘿冰嘅製作方式係令你話一聲囉，估唔到嘅菠蘿冰，用餐前好似開胃飲品一樣，食完美味嘅河粉再食佢啲菠蘿好似食甜品一樣。最後叫了蔗蝦，蝦膠彈牙又新鮮，甘蔗都好甜😋😋

到尖沙咀，唔想食得太 heavy，所以就去左食越南野。小食拼盤有四款不同的小食拼盤，能夠滿足我四個的願望，分別有炸雞翼、炸春卷、蒸粉包、炸蝦餅。雖然係炸物，但一點也不覺得很油膩，非常脆口、惹味！蒸粉包，皮很通透，食落有點煙韌，加上魚露提味，令味道更滋味！香茅烤牛肉米紙卷米紙卷的皮很透薄，帶點煙韌咬口，內有牛肉、青瓜、紅蘿蔔、粉絲等，沾上一點魚露，使整個口感更豐富！香茅煮大蜆先試試個湯，帶有香茅味之餘，也有大蜆的鮮味！大蜆每隻都大大隻，份量大概有7至8隻，每隻蜆肉都很飽滿，既新鮮又彈牙，非常清甜！酸子煮大蝦大蝦屬中型份量，大概有5-6隻，大蝦的每一部份都掛滿著酸子汁，顏色紅紅橙橙，賣相誘人，絶對增加你的食慾！酸子汁味道酸酸甜甜，甚開胃，爽彈蝦肉，肉質鮮美，味道不俗！新鮮芒果冰大大杯的芒果汁，飲落很香甜，芒果汁內還有芒果肉，一邊飲也可吸到芒果肉，芒果味也很濃郁，不太像是用芒果醬製出來的！芒果黑糯米黑糯米的份量都頗多，芒果呈深黃色，很香甜，黑糯米上加上一點椰汁，熱暖的椰汁黑糯米與甜美的芒果一起吃，煙韌的黑糯米確實讓人著迷！