寿司の神

營業中

休息中

又係到我主場元朗既時候喇！元朗真係多日本野，今次都係食omakase，又係可以同師傅一邊食一邊交流既時間喇。 依佐目配燒汁...師傅話香港叫雞魚，味道比較淡，所以特別配上蔥燒汁，味道立即提升。油甘魚...厚切既油甘魚都幾有彈性，我尤其鐘意邊位有少少爽既質感。鮟鱇魚肝... 哩個意想不到地好食！本身對內臟有少少抗拒，不過師傅話唔會好似平時d內臟咁有陣味，所以就試左喇！佢既質感好軟滑嫩口，有d似食嫩豆腐既感覺，師傅話件魚肝用汁煮過，所以多左分香氣，而且好入味！👍🏻鮑魚...一開三既鮑魚煮得相當淋，亦夠哂入味！鮮鯖魚... 第一次食鯖魚魚生，同平時醃製過既燒鯖魚真係有好大分別，味道冇平時咁濃（平時食到既味應該大多黎自醃料味同”星”味)，配上蔥苗一齊食都唔錯。瑩光魷魚壽司...之前喺第二度食過生既瑩光魷魚感覺麻麻地，但今次師傅強烈建議我地食，果然冇介紹錯！熟既瑩光魷魚係好食過生嫁喎，一咬就爆膏好正🤤拖羅壽司...拖羅都算夠肥美，如果再厚少少同肥少少就更加正喇！赤海膽手卷...超多海膽呀傻的嗎😆😆海膽味道鮮甜質感軟綿綿，配上少少飯同香膽紫菜，真係簡單又好味呀！魚湯...飯後送既魚湯，見到煲到奶白

究竟有咩值得我山長水遠走入元朗呢??除左去食糖水之外, 朋友仔介紹一間食 Omakase 既鋪頭就令我心思思啦!!一向我都非常喜歡食日本野, 今次就黎到呢間【寿司の神】食廚師發板啦!!! 宜家越黎越盛行呢~~~   食廚師發板梗係要坐吧坐位啦~~~一邊睇住師傅既刀工同製作, 一邊享用新鮮既壽司刺身!!!呢度既既廚師發板有 5種選擇, 由 HK$600 - HK$1200 不等~~今次我地就揀左 HK$1000 既套餐, 分別有前菜, 刺身三種, 壽司十件, 湯及甜品"*首先前菜係【茶碗蒸】入面有鵝肝, 蟹肉, 黑松露, 帆立貝, 非常豐富又足料!!!熱騰騰既蒸蛋好滑又有蛋味~~話明廚師發板, 就梗係由廚師揀選新鮮既食材啦~~刺身分別有三款：響螺刺身 - 十分爽口, 蘸少量海鹽食更帶出其鮮味幼鰤刺身 - 鮮味偏淡身, 但食落很有咬口鯖魚刺身 - 魚皮既位置微微燒過, 可以迫出魚油, 食落更香口軟滑之後就有 6款壽司：深海池魚 - 質感爽口, 魚味濃郁活北寄貝 - 鮮味十足又夠爽口針魚 - 有少許根位, 味道有點淡身北海道馬糞海膽 -   超鮮香的海膽, 完全冇腥味香箱蟹 - 以蟹肉蟹膏蟹

話說小妹住在西營盤區，為了探望住在元朗的知心好友，山長水遠乘車來到元朗。為了答謝我的光臨，好友帶我來到了壽司之神 ! 對於我來說，元朗是一個山卡啦的地方，想不到有這麼一個精緻又傳統的餐廳。餐廳的位子不算多，有好多人在這兒用膳，所以如果要在這用晚餐，還是要乖乖的訂位。餐牌上都是套餐形色，師傅會發板當造的魚生。靜岡縣溫室蕃茄 酸酸甜甜的味道 好合適當開胃菜色生粟米 很清甜又爽口，完全脫離了一般粟米的印象 ! 魚生加蔥，不會有好油膩的感覺，肉質也非常滑小妹非常喜歡日本燒魚的，這燒香魚很香口，不過肉不多，只好小嘗一下。三文魚子壽司 ! 粒粒爽口又多汁，包裹的飯不多，所以一口吃下去，一口品嚐三個質感! 說明師傅的細心和細緻。半生熟鯖魚燒 ! 正啊 !我是燒鯖魚的常客，半生熟就真的第一次吃。又香又滑，大大的一塊，非常滿足。深海池魚，厚切的一塊，又滑又甜又新鮮 ~北寄貝壽司 ! 非常爽口鮮甜。非常濃郁的魚湯。甜品選了MOCHA雪糕 : )

8月時候有2位朋友生日，決定帶她們大吃一餐，朋友們提出去元朗壽司之神,大家都愛吃日本料理。平時去日本料理較為平價 ，今次來這間日本料理。壽司之神是我去過日本料理價錢偏貴，平均1000元一個人,師傅根據時令安排客人吃什麼，餐廳地方不是好大,裝修充滿日本風格，店員安排我們坐吧檯前 ,可以看到師傅純熟刀功,首先吃了前菜，跟著師傅再安排時令壽司/刺身給我們，日本人較愛吃吞拿魚，日本人叫三文魚做拖羅 ,這裡師傅事先問客人有咩唔吃 ,服務十分細心，環境都還可以，格局同居酒屋有些小相似,呢間在元朗開了4年了,早過元朗另一間人氣壽司店早開在元朗,耳聞在這裡出身,壽司之神在元朗有一定人氣，我覺得價錢幾貴，貴得來值得去吃下廚師發板壽司，刺身好有水準，魚湯亦好好飲,值得去下壽司之神味道前菜,平時去平價日本料理。比較少前菜，這裡整得好有水準，十分精美左口魚,第一次吃這個，師傅處理魚本來腥味,吃下去時好有魚的鮮味，好好味拖羅,厚切好有鮮味 ,完全冇雪味 ，証明十分新鮮，魚油分佈好平均油甘魚,味道鮮味無比秋刀魚,我覺得魚味好鮮甜，又冇魚的腥味魚湯,濃郁而不油膩，魚味不會太腥兼不會有太咸感覺雪糕，冇特別天婦羅,炸得

今年開始踏入職場，媽咪生日當然要帶佢食返餐好嘢。媽咪喜歡食日本菜，每次去日本都會去居酒屋，今次就特別啲帶佢嚟到元朗的壽司之神。呢間餐廳既特別之處係師傅會根據客人的喜好及當日空運的食材，為客人提供刺身及壽司。餐牌最貴是1200元的套餐，我們點了1000元由廚師發板的套餐，價錢元朗嚟講都算高價位，不過媽咪生日豪一次都唔緊要拉。原來吧枱一早比客人book晒，我們只好坐四人枱。前菜宮城縣粟米刺身生蠔刺身超正！拖羅一擺入口會隨著口腔溫度慢慢溶化，肥美又濃郁的魚油香氣在味蕾上停留，久久不散。海膽軍艦超！正！份量十足海膽軍艦，完全沒有苦味和腥味，非常甘甜，入口即溶。雜錦天婦羅呢碟天婦羅有南瓜，茄子，蝦子，舞茸菇，白麵。天婦羅剛炸起，外脆內軟，沾上天婦羅汁食，無得彈！條魚炸得好香，魚肉炸完唔會好乾，我同媽咪連魚頭魚尾都食埋。魚湯真係要比滿分，魚湯是用新鮮既魚煲成的，完全無魚腥味道。甜品抹茶布甸賣相這裡的抹茶布甸一定要食，抹茶的味道是苦苦甘甘的配上布甸的，剛好中和了。這樣優質的質素比得上很多高級日本餐廳，在市一定要雙倍價錢，值得入元朗一試！

聽說元朗有家壽司名店，取名壽司之神，似乎甚有自信，好奇之心俱使下，駕車遠道而來，周六飛馳亦是一個的好節目。路不熟，下雨又塞車，遲到十分鐘，幸好門口路旁就有泊車位。門面是預期的基本日式風格，中日文套餐價格貼在門前，基本上皆是廚師話事。長方形格局的小店，壽司吧枱可容十二人，另有四張靠牆四人桌，壽司吧桌永遠最受歡迎，可惜今晚我們無緣。店內非常簡約，沒有甚麼佈置，留意到的，是店之末端掛上此久保田布㾾及酒櫃。有個別緻酒機作煮熱清酒之用。亦強調自己用日本米。我們告知預算消費及心頭好後，安排如下：吞拿魚沙律厚切呑拿魚件，周邊略煎，灑上黑白芝麻，內心保持生嫩，頂端黃色的是南瓜絲，亦配了一些青葱及日本胡麻汁。刺身口感，添加了辛脆口感，酸甜胡麻汁匹配滋味，開胃前菜合心意。刺身五款由淡而濃，白魚是鱸魚、幼獅、深海池魚，比較濃郁一點是鯖魚，最豐富的如常是拖羅。二款醬汁分別是酸汁及刺身鼓油，皆加進了大量蔥綠。前三款白魚配酸汁，新鮮香甜，回甘感覺甜美舒適。今晚的警喜在鯖魚，正值當造，從來未吃過這麼肥美的一件，入口魚脂滿嘴，豐膄不膩，令我對鯖魚完全改觀；而且，點綴之物非常特別，叫茗荷，是薑花之花蕾，味爽口芳香微甘，

家住屯門已經快廿年，對於近在咫尺的元朗其實都不是太熟悉，而壽司之神，係一年前從另一間壽司店的師傅口中得知， 早前朋友問起兩間之中那一間值得試，因為我只食過另一間，所以未有評論。結果襯生日就嚟試一試，從中畀啲參考朋友。壽司之神在元朗市近大坑渠，那晚師傅還說有很多水性的Pokemon捉～    廚師發板有幾個唔同嘅價錢，最平嘅六百元起，當然也會有單點供應～喜歡近廚得食的感覺，每次食Omakase 都會指明要座吧台，一面食，一食望住師傅準備食材，有不明白仲可以即時發問，滿足晒我的好奇心。廚師發辦是時令做食材，當然師傅會問有什麼食材不吃的，作出微調。前菜包括有靜岡番茄及北海道粟米。北海道粟米不同平時金黃色的外表，而且是生食的，口感爽脆清甜無渣，已脫皮的靜崗蕃茄大大顆，上面淋有洋蔥的醬汁，令到佢嘅清田更突出。長畸小長井真蠔 真蠔有如男生手掌的大小，加了一些蔥花麵豉辟腥，蠔身肥美海水味輕而不霸道，作為前菜非常不錯吃。接著就係刺身啦～出場的次序都係由淡味到濃味，第一款出現的是左口魚刺身師傅刀功了得，把左口魚切到超薄身近乎透明，再包著嫩蔥，口感比較實淨，魚味淡淡的，另一款則加上柚子皮及岩鹽，酸酸地令味

今日探完奶奶，終於飛甩屋企人，約朋友食飯先～其實之前已經見到呢間壽司店，不過一直無機會食！今日就試到啦！所有料理由師傅話事～對於佢“神”秘料理充滿期待丫！其實一開始我係無興趣食，一嚟我唔太喜歡蕃茄，二嚟懷疑緊生食粟米好似怪怪地～～朋友推比我，我又推比朋友食～～但最終都係咬咗啖試下嘍～唔咬由至可，一咬就出事！極爽脆，又清甜，又多汁！ 而且除咗粟米味，兼帶有少許甘蔗味～非常好食日本粟真係唔同啲～唔好睇佢細細舊覺得師傅姑寒，其實啱啱好，食得多會飽又濟～而家少少夠開胃！另外蕃茄都幾特別！微酸，加上洋蔥茸沙律油，味道清新怡人！而且佢已經搣咗皮，食落就無渣！金目鯛刺身 魚脂唔多 爽甜新鮮，肥美而不膩，加上少許秘製酸汁，清新又醒胃！仲有佢包裹咗少少蔥，其香味更加帶出鯛魚嘅鮮味厚切的魚肉質爽滑而甜，配上醬油食用，帶來非常美妙的感受！！顏色泛紅泛亮，鮮美甘甜的肉質，口感滑膩媲美冰淇淋，入口即化！！外搭脆紫菜，內配搭紫蘇葉，而其獨特的香草味，令toro更鮮甜！如果無紫蘇葉，真係會遜色呢！白裏透紅，脂肪含量適中，味道清爽甜美，入口微帶爽脆但滑身！真係好中意果啲蔥嘅味，食落好清香丫味道甘甜、肉質肥厚、口感爽脆

At God of Sushi on Ma Tin Road in Yuen Long, it is a contemporary restaurant offering a great extent of sushi, sashimi, Japanese bites and omakase.There are three different omakase meals priced at $700, $800 and $1000, each is wholly customized by the chef David Man, starting from an appetizer, sashimi, sushi, grilled dish, depending on seasonal ingredients, with a soup of the day and dessert.First comes an excellent Japanese greenhouse-grown tomato, served whole with sweet and tart flavors blen