ラーメン松壱家 (已搬遷) 新店位置

和友人聚舊，選擇左呢間拉麵店開餐。叫左醬油豬骨拉麵，左先嘗口湯, 豚骨味實在濃郁, 質地帶黏口不過味鮮不咸我選左軟面, 粗幼度適中也很掛湯汁, 吸湯能力十分強, 質感帶少許煙韌叉燒十分柔軟, 不過略嫌不夠肥, 瘦肉比較多, 不夠香.配料除左紫菜，比較特別係有波菜同鵪鶉蛋, 又幾夾喎.

逢星期三我都要喺銅鑼灣上堂，落堂就會肚餓，所以要去食宵夜晚上十點黎到，已經得返幾個客人，店內大把位唔洗等。有幾個係平排嘅座位，好有日本嘅感覺。Menu就係枱上果一張紙，睇完諗好食咩，就可以喺隔離自己圏想食啲咩，然後撕落黎比店員去落單就ok嫁喇，都幾方便👍🏻餃子💰HKD3838蚊先得5隻餃子，而且餃子size都幾細下。餃子皮薄，煎完夠熱夠香脆，內面滿滿餡料，半菜半肉且多汁，配上醬料十分不錯。但真係太細隻，唔係好扺。國豬骨拉麵💰HKD92材料十分豐富，有叉燒、鵪鶉蛋、菠菜等等👍🏻湯底夠濃、內有黑胡椒、辣醬，濃味得黎又夠惹味。湯底係比較杰身嘅，應該都落左唔少味精，最後成碗湯飲晒，喉嚨都有少少乾喉。麵質不過不失，唔會太腍或太硬。份量真係幾大碗，男仔食完已經夠晒飽。醬油豬骨拉麵💰HKD86配菜十分豐富，但只有一塊叉燒確實有啲失望，而且十分之薄，加上叉燒幾乎都係肥肉，失望。湯底有豬骨味但唔夠濃味，啲湯飲完後乾喉到不得了，所以我並不太欣賞呢一碗拉麵。麵質亦不過不失，但總體上我覺得呢碗拉麵偏差。份量都好大碗。總結，拉麵呢個價錢差不多，個質素參差，而小食價錢偏貴。服務、環境很好，但個人認為唔算太值得有回

黎到呢間新拉面店, 人就唔係好多不過環境都係幾好既. 我就ORDER左<國拉面> 味道係好味既, 可能因為 用左黑麻油 比較特別D. 湯底都係濃味, 鍾意濃味既朋友可以一試. 呢間拉面配菜都幾多, 有菠菜, 荀, 紫菜, 流心蛋啦, 同暗春蛋. 都算特別既配菜, 同埋唔夠食+11蚊就可多一份, 仲要樣樣配菜同價錢. 但味道呢, 就冇咩特別, 普通. D面, 都好彈牙, 鍾意食硬小小面既朋友 應該會鍾意呀. 呢度D叉燒比較厚身D比起某家... 厚以為佢會UN啦, 又冇喎...又軟又唔肥唔瘦. 鍾意厚身叉燒朋友仲唔試, 等咩?

是日放假拍拖日，去左銅鑼灣百貨公司逛左個圈之後去覓食，男友話利園附近有間拉麵舖都幾好食，於是帶左我去試 一坐低，原來menu就係墊桌紙，落單就自己係右手邊圈好撕出黎交比店員。另有一兩張餐牌，見到有張餐牌可以選擇麵既軟硬度、湯既濃淡度同油膩度。 我就揀左味噌豬骨拉麵，因為個肚唔係幾舒服，所以就試埋淡味湯底同冇咁油既油膩度，的確湯底冇平時既咁鹹，拉麵軟硬適中，麵質較粗，煙韌有咬口， 男友叫左國豬骨拉麵，賣相都吸引，最top既係芽菜配特製辣醬，好香好惹味，佢果個冇特別揀其他軟硬度等等，好明顯個湯濃D厚身D，佢話d麵都算幾入味。 我地大致上既配料都差唔多，叉燒都好食，帶少少肥，香口，奈何得一片同比較薄身。我就最鐘意鵪鶉蛋，蛋味濃郁，當然與糖心蛋相比的話，始終差一D(因為我覺得拉麵同半熟糖心蛋係perfect match，但拉麵同鵪鶉蛋既配搭又較為少見特別)另外 枱上有一d 小配料，我試左個辛味酸菜，就咁試感覺好麻辣，帶鹹，但撈麵一流

上次來的時候，正是和好姬友一同看電影及參觀Star Wars展覽，事隔數月後的今天又再重臨此店。話説回來，店內裝潢光猛，配上日式拉麵店風格及播放日文歌，令人有如置身於日本一樣；湯底夠濃郁，似西餐餐湯般黏口，好香的豬骨及黑麻油味，後來才知道湯底是由日本製作好後再運來香港，怪不得零舍不同！另外也可試吃湯底配上白飯，來個地道日式湯飯，吃盡湯底精華也不錯；叉燒鬆軟香口，只是有點兒薄同份量太少（普通版得2塊），需要額外加底才夠食；麵質軟硬得宜丶夠彈牙，配上湯底吃一級棒，但份量對我來說又係有點少了；服務方面值得一讃，服務生有禮及會頻頻為客人加水；價錢方面算是中上，但整體來說，是能夠接受的。

香港食拉麵閒閒地都七八十蚊碗，哩家松壱家就八十幾至一百三十蚊（好似係），講緊八十蚊個隻拉麵只有一塊叉燒，跟隻蛋，不過唔係雞蛋，係奄春蛋叫佢隻百幾蚊碗嘅特松先有三四塊同埋一隻雞蛋，講番食物：湯底多以豬骨湯為湯底，有國（黑蒜）、鹽味、味蹭，仲有隻雞湯湯底，如果真係講哩個價錢黎食碗拉麵，佢只係一般，以黑蒜油拉麵黎講，佢黑蒜味唔夠，同埋唔香，叉燒偏肥。湯底係香嘅，但我用哩個價錢係大坑食到嘅會更好味，不過可能銅鑼灣貴租，但奄春蛋做味玉真係幾搞笑，不過都可以一試嘅。因為味道都算ok!

地方都好大 坐得幾舒服 播住日本歌 好有日本既感覺 台上既紙已經係菜單 有五種拉麵選擇 佢都有詳細講有咩分別 再係右手邊撕出張紙去圈出你想點既菜 我叫左係國之豬骨拉麵入面配有一隻半熟蛋好流心 一粒鵪鶉蛋 蔥 荀 五塊叉燒好滑好林 仲有木耳絲同菠菜 口感非常好 本身個湯係黑芝麻配豬骨湯 好香豬骨味 再加上黑芝麻油既香 好特別 較濃味 麵既質地本身都偏軟 不過原來佢有得簡軟硬程度 下次會叫佢比硬身d 店員好細心 不停會行過黎幫你加水 整體不錯

好日本feel 木製台椅 配上姐色既扇形既燈 播住唔知邊個唱既日文歌🙈佢係張紙已經係menu 右手邊白色既位置係比你圈你想食咩 之後再me出黎比佢 終極雞湯拉麵白雞湯既意思 佢話係雞湯加上豬骨湯 佢話係由日本九州鹿兒島黎既雞黎煮成 味道較淡 唔會太濃太油 食既時候可以隨意加檸檬 再吊下小小鮮味 紫菜一半脆一半林 吸左湯既味好香有五塊叉燒 好肥 好林 入口即溶既感覺 隻半 既半熟蛋 入面都好流心 好香 再配d蔥花 生菜 炸洋蔥 佢既拉麵好香 好滑 軟硬剛好 沾上佢個湯都好入味 因為佢好多配料 好好口感 店員好細心 會定時定候幫我加茶 走既時候都會主動幫我開門 好有禮貌

銅鑼灣拉麵店林立，大多數拉麵湯底都會以豬骨湯底為主。而宜家拉麵台就好有驚喜，除左有基本豚骨湯底，重有雞湯作為湯底，十分有特色!!!雖然以雞湯作為湯但油份唔高，而且及雞味濃郁，愈飲愈好飲!!叉燒鬆軟香口，可以食得出叉燒經過微煎!!!成碗拉麵水準都唔錯，拉麵軟硬得宜，只係流水蛋偏諒，失去流心效果!

若說這所來自日本神奈川縣的拉麵過江龍的出品是城中其一最好的，說實話也並不為過....剛開店時和太太嚐過一次後已令人留下一個蠻深的印象。事隔了好一陣子後的今天再重臨，發覺水準並沒有走樣，不過價錢收費真的一點都不便宜。要多嚐的話可是要儲多一點錢才行....一場來到，自然不吝嗇的要豪一下。點了特松終極雞湯拉麵 (因之前來試的是豬骨湯的，所以現在來試新的款式)....先談這裡的湯。色澤呈偏奶白的甚對勁，油份雖充足但沒有讓人有很膩的感覺。入口甜度足夠，光只這一點已令人加了不少分....在說這兒的麵，是屬於偏粗身有咬口的那種。正合本人的口味....再將焦點放至蛋身上。特上版本裡頭竟有一隻半的蛋，真的甚夠寬氣呢。蛋只可以說是半流心的味尚算甘甜；蛋白則稍鹹了些，若能調味輕手點可能會更好....湯內下了一大撮炸過的油蔥碎，味道辣辣的又香又惹味，令本來已甚出色的湯底起了錦上添花的作用....另一主角叉燒亦相當好吃 ---- 肉質極為軟滑甘香一咬即斷跡近入口即化....整體水準非常好的一碗拉麵，但付出的代價便是接近百四大洋連加一 (順帶一提，印象中很少有拉麵店是會收加一服務費)，實在是太貴了....

今天拉麵癮發作，朋友又想吃點濕濕地嘅食物，遂一起到了銅鑼灣新會道一間未試過的日式拉麵店晚飯試新嘢。這間拉麵店沒有其他「長龍」拉麵店的氣勢，門口沒有太多人等位，基本上我們一到已有位。門面裝修很搶眼，紅色直間木主調配上日式燈籠及大大塊木招牌，傳統中帶點現代感，裡面都是一貫日本餐廳和式裝潢格局，簡單舒服乾淨。而據牆上裝飾資料顯示，原來這間麵店源自神奈川縣，在日本算是具規模的連鎖店，有差不多60間分店，而這間是海外市埸登陸香港的第一間分店。網上介紹這裡的豬骨湯底很出名，採用百分百新鮮豬骨熬製，遂跟朋友分別點了醬油豬骨拉麵及鹽味豬骨拉麵一試其虛實。點餐紙除了一般可選麵的粗幼軟硬度之外，還可選湯的濃度及油膩度，很是細心，初次惠顧，當然全部選適中最穩陣。當麵上枱已感到湯底嘅足料，因不用端頭埋去，已聞到濃濃的豬骨湯香味。用料亦算豐富，除了基本的日本豚肉叉燒、筍片、海草及木耳絲外，還伴有平時有些麵店要額外收費的紫菜及鵪鶉蛋。試咗鹽味豬骨湯底先，真的很濃郁突出，甚至比一般坊間出名的拉麵店更濃；而醬油豬骨湯底，除了豬骨湯嘅濃香之外，更滲出點點醬油香，令湯底感覺更鮮味香濃。麵底軟硬適中彈牙，吸收了湯的精華更覺

與女友利園逛街後於附近順道醫肚, 靈機一觸, 想起之前路過數篇, 未能品嚐的拉麵味, 於是乎 趁此機會, 入內品嘗, 不樂亦乎?此店位置屬非人流多的街道上, 我們入內時間約7時半多, 店客人數不多 約6-8位而已, 我兩手抽一二袋, 而鋪面亦有充足座位, 唯沒有提供4人枱好讓我們放置附身物. 這裡的拉麵湯底基調以豬骨湯為主, 再加不同醬料中衍生出另外幾料款式. 點菜方式以餐桌紙埋為菜牌, 然後用水筆把桌紙埋一側內空格勾選挪出再交由店員即可, 唯此店是不能自行選擇麵與湯底軟硬度及濃度.枱上擺放各類調味料, 其中一種為辛味高菜, 嗜辣的我淺嘗一口, 有花椒籽加韓式辣醬伴酸菜的味道, 這個加在拉麵味調味也不錯吃 (我後來也加了不少於拉麵中).另外還有 大蒜蓉, 淺嘗了點, 不重濃味, 可惜!國豬骨拉麵 - 此拉麵以豬骨湯為基調, 配以辛辣味醬及黑芝麻油合成. 配料有 : 筍乾, 蔥碎, 菠菜, 鵪春蛋, 一片叉燒, 另外加$11配料蔬菜 (芽菜+椰菜絲)先啜一口湯, 先入口是香口芝麻油味, 接著而來開始湧現豬骨湯味, 湯雖味濃但不會掛湯, 可謂濃而不膩.特松味噌豬骨拉麵 - 此拉麵以豬骨湯為

叫左個特盛極尚雞湯拉麵。湯底好好味，唔至雞湯仲混左豬骨湯,好飽肚，建議無需叫特盛太飽。一片叉燒好夠,紫菜浸落湯底,超正。個湯比較傑但再飲一口凍麥茶真係perfect match ，另叫左一碟野菜，炒得清香。可多喝幾口湯底。物有所值，滿意。

因Gf情迷拉麵，所以帶佢黎！拉麵店會播日文歌是常識吧。佢好中意聽架！頂吖！點知一入到去，播緊吳乳霏喎！我gf不嬲唔妥呢個人，話佢鼻大勝慾強喎！（爭勝的慾望)好彩之後轉左歌，碗麵又好食,gf無黑面。拉麵用雞湯，香港屬少有，好入味！飽滿厚實，渴下後，似雞皮下脂肪嘅油香從食道湧上，同咖啡aftertaste有異曲同工之妙。而麵亦好正，粗身煙韌，有咬勁，索入湯後，令人咀嚼得耐人尋味。好感動！我同gf多年來已走遍港九新界各間拉麵店，今日終於找到最理想嘅拉麵店喇！之前由食屯門味千拉麵開始，試到旺角 Ajisen Ramen，再遠道拜訪柴灣 味千ラーメン，17回都好肯難食！可惜好景不常，食到尾段，耳邊傳來：「夠鐘xx了，小鳥沉默得低調~~~」(周柏豪)你呀媽大減價吖，食得津津有味又要唸起佢。世界立刻變得「四廂巾影怒於潮」，「四山巾影下如潮」,上天下地都是M巾。原本香氣彌漫嘅意境，搞到「腥」風「血」雨。總括，我gf話完美。我口味清淡d,覺得個湯同叉燒濃味略收儉少少會更好，但個麵無得頂，整體都好滿意啦。仲有，m巾豪唱歌難聽，把聲好老牛。講完。

上次食完博多XXX之後，啲人問我覺得點，其實我覺得唔錯，可以列入我喜歡拉麵嘅頭五名，不過如果個湯可以再順口啲，味道再突出啲，咁就仲好。其實我對拉麵要求唔高，只不過我有啲偏好嘅味道，又或者我唔係咁鍾意濃厚豬骨湯，甚至有懷疑過我根本唔好日式拉麵。不過，咁嘅難題都難唔到我啲人，佢提議去食松壱家，佢話我會鍾意。除咗大路嘅塩，醬油，味噌豬骨湯外，仲有重口味嘅'國'豬骨拉麵，聽講話係黑麻油同辛辣醬調配而成，啲人至愛，而我嘅就係終極雞白湯拉麵。終極雞白湯拉麵 - 雞白湯我响神戶食第一次，湯濃微黏，每口都充滿雞油嘅香甜味，美味非常。至於松壱家嘅作品。。。果然名不虛傳。除咗雞白湯味厚，口感卻意料外清爽，與豬骨湯融合嘅味道，產生唔同嘅層次，冇醬油嘅影響下，兩種肉味更顯分明。麵條挺身絕無鹼水味，加入生菜片令食感更清爽，瘦叉燒好入味，半熟蛋滑溜入口，蒜酥間唔中俾你一個刺激，實在係無可挑剔嘅終極拉麵，連湯都一滴不留飲哂!松特國豬骨湯拉麵 - 啲人大食，所以要咗個加大版，咩都多過人。叉燒，紫菜，麵都係加倍，除咗半熟蛋之外，送你多隻鵪鶉蛋，問你死未。湯底係豬骨湯，加入黑麻油同醬料調配，芝麻香唔在講，豬骨湯冇乜油膩感