一心素食 (已結業)

2018年11月13日 星期二辛苦了一整天，終於到晚飯時間，相約女朋友到觀塘吃飯。因為女朋友想吃得清淡一點同時我也希望清清腸胃，在網上搜尋發現附近有餐廳吃素食的，便直接走來吃。位置不太難找，在一座大厦的三樓，當我們走樓梯到達時才發現原來有電梯直接到的。。。因為時間只是晚上六時左右，還沒有太多人，但餐廳裡面有很多位置，甚至有大枱適合一大班人前來吃飯，相信大家庭聚會吃飯都沒有問題。看看餐牌發現可以叫火鍋，這幾天開始轉凍，正好適合打火鍋，於是便決定要一個藥膳養生鍋和女朋友一起吃。此時發現到火鍋配料有一個菇菌類別，當中有很多菇菌都不知道是什麼，連名字都未聽過，女朋友便建議倒不如要一個全菇火鍋！！難得她有這麼特別的要求，作為男朋友的我當然要順從。。。火鍋來之前店員先送來飲品，我叫的是凍羅漢果水，飲下來甜甜的，有羅漢果的甘甜味，十分潤喉~~大約十分鐘後，藥膳鍋送到，有很豐富的藥膳配料，整陣味已不斷飄出來。鍋內還有紅蘿蔔和粟米令鍋帶出些少甜味，因為大部分藥膳都是苦的，如果沒有甜味中和，那整個鍋無論放什麼配料都只是苦的。蔬菜菇盤終於到，真是有很多不同種類的菌類，大部分都未見過，特別是那些形狀一舊舊的。

同一班素口精既姊妹係觀塘區放工又餓又攰第一時間一定諗起呢間餐廳你估到係邊間未？1..2..3！ 就係「一心素食」唔黎唔知 而家多左勁多新潮小食🍕唔止係中式小菜🍲，仲有西餐紅白黑汁粉麵飯🍝既套餐，連串燒🍢蠔餅🥘都出埋，超大驚喜😭👍「D4 黑松露胡椒扒焗長通」套餐($86)芝士焗到金黃色唔在講，配埋個汁香香甜甜🍝仲有意粉飯炒飯揀，驚你唔夠個套餐仲有沙律水果甜品仲有埋凍熱飲，一舖曬你冷🎺🎲「卷物定食 蕎麥麵付」（$70）未儲夠彈藥去東瀛嘅朋友可以叫黎頂下癮！🍱性價比高又有沙律又有前菜又有壽司仲整多個麵，你話盞鬼唔盞鬼先🍣「一心XO菜脯炒飯」套餐（$92）係好夠鑊氣炒到好香，但嫌佢太重手了，濃味到姐姐我連續飲幾杯水...失左分可惜🤙「咖哩手抓餅」（$34）Sad左！加埋得一塊餅炸！但好彩佢個咖哩汁真係幾香既😋當打和啦💁‍♀️.「酥炸三拼鮮菇」（$39）雞脾靈芝白玉菇啊！終於唔係淨得炸冬菇喇感恩！我地仲拎埋啲咖哩黎點汁，意外 新奇 好味😂套餐可以揀埋前菜、飲品同甜品，我唔想推介個牛奶千層蛋糕，因為好好味😍，我要自私食🍰sorry！！味: 7/10飽: 8/10抵: 7.5/10「一心素食」📍 觀塘

觀塘一心經常去，幾味小菜係必食。今日約到6個好友, 可以試埋佢地嘅藥膳火鍋，好開心。先試一啖湯底，藥材很濃，好過之前喺D2食果間好多。其實之前我地都喺一心打過邊爐, 但記得蔬菜盤都係普通菜同埋素丸豆腐，呢碟野來到，我地全部都呆左一陣好多好奇怪嘅菇類，例如好似珊瑚咁樣嘅鹿茸菇，又有一舊鮮黃色嘅黃耳菇等等，好多見都未見過，雖然食落未必鍾意，但都好新奇，好多質地都唔係想像咁樣，得意。雖然係二人份, 但份量都足, 6個人, 加左5個小菜，同埋兩碟金菇、窩筍，就食到飽飽。除左火鍋，當然唔少得我地嘅幾款至愛小菜黑松露秋葵炒蛋，本身鍾意食秋葵，原來同蛋都好夾。蛋就未必次次都炒得咁靚，要睇師傅心情茄子猴頭菇，濃味撈飯之選咕嚕肉, 好味, 真係好鬼似, 完全唔覺自己食緊齋，除左菠蘿，原來仲有哈蜜瓜，驚喜黃金蝦，咸蛋黃咸香適中，又係正野。炸3菇，呢樣就普通啲，配沙律醬，個醬超酸，同埋冇喼汁加左3個飯同6杯野飲，埋單6百零蚊，OK啦

最初食素時已經從素友聽閒過這家餐廳，今天跟朋友來觀塘會面，來試試這家餐廳。環境闊落整潔，座位也不少，估計可容納百人以上。入座後看到餐牌已經花多眼亂，皆因食物種類繁多，中日韓西式樣樣齊，而且值得一讚的是大部分食物都有附有實物圖，這個對我來說很重要，因為有時候看了名字也想像不了樣貌，有圖有真相便容易選擇，蛋奶類食物佔大多數，因為作為全素的我可以收窄範圍。最後叫了腐皮卷、牛蒡水餃鍋、韓式泡菜卷及一客日式定食，fusion菜是這個意思嗎，朋友喜歡吃腐皮，我就一般般，因為覺得太油膩，而水餃也不是我喜歡的味道，薑味太重，日式定食也忘記換成冷麵，不過味道不錯，壽司做得很細緻，泡菜卷也有陣陣的芝士味，明顯地今次叫得太多食物了，他們的食物都很大份，雖然最後也吃得完，但晚上不該吃太多喔。

This is my 5th or more visit to this placeFood is not bad and valued for money Not a place where you can expect a good service But it’s ok. Place is more like a typical Chinese restaurant The set dinner is is value for money You get a salad, starter, main , drink and a dessert

牛油果蔬菜燴飯：可能因為素食煮法，燴飯比一般西餐廳食到既燴飯淡味，亦都唔似一般既risotto。但整體味道清新，牛油果味香濃。燴飯入面有好多蔬菜粒，食落好爽口。值得推薦。羅宋湯：味道較酸，但飲落非常清新。環境：餐廳位於觀塘工業區內，位於較為偏僻。餐廳環境大致同普通茶餐廳無分別，但餐廳內坐位寬敞。服務：良好的服務，即使坐底很久，店員都沒有催趕點餐。整體：今次係午餐時段黎食，食物種類選擇多。午餐價錢大約50-70，觀塘區黎講都算中價價位。但由於食物質素不錯，所以都算值得。

環境如題，真係一般港式茶記，佢位於一棟茶樓的第三層，一進入店就見好多阿叔阿嬸開緊餐，開初都怕質素似快餐店。座位係ok嘅，唔迫，當日坐左梳化位。 🍞食物方面🍞【素肉醬長通粉】頭幾啖ok，但有啲膩，食到中間發現啲長通粉無醬，扣左分。【牛油果雜菜意式燴飯】呢個賣相真係好質嘅，而且牛油果好食，味道係飯入面都好出，燴飯唔會做到好濕嘅感覺，而且選用嘅米都有啲水準，唔會一patpat。衛星餐包正常；白湯好味，唔覺好咸；好湯酸左啲。🌿🌿🌿🌿🌿🌿🌿🌿🌿🌿食物：素食茶記黎講水準算唔錯⭐️⭐️⭐️環境：合理⭐️⭐️⭐️衛生：普通⭐️⭐️⭐️服務：普通⭐️⭐️⭐️抵食：算抵⭐️⭐️⭐️

好耐冇黎過一心素食食野, lunch 時段十分多人，呢到主打素食菜式，岩晒健康生活既人,係街食飯最怕太油太唔健康,但呢到既菜式全部都係素食,煮既方法都好健康。我揀左個雲耳鮮蔬酸辣湯米粉$49，有包湯，飲品及前菜，可以轉清湯，岩晒食唔到酸辣既我。一睇就知十分吸引，有唔少菜既款色，花椰菜，球蘭花，雲耳，紅羅白，豆卜，豆腐粒，乜都有。清湯唔係純清湯，亦有濃郁的湯底，米粉吸晒湯幾好味。健康沙律盒$24加左個沙律菜，冇傳統沙律醬咁濟，加左醋調味，酸酸甜甜好開胃呢!

今日午餐在觀塘食素，樓上的素菜，價錢平宜，選擇多，但不懂如何填寫落單紙，哈哈！-英式白汁焗雙蔬炒飯 $50.-可以任選：白飯/炒飯/通粉/長通粉，羅宋湯或忌廉湯沙律菜還包凍或熱飲，凍飲不需另加錢羅宋湯是甜的，應該是雜菜湯加上茄膏，甜中有鹹，沙律菜新鮮，少酸，薑蜜，少甜。。。炒飯份量足，蛋不多，雙蔬是西蘭花 + 椰菜菜，幾粒菇菇，不過最重要的是個白汁芝士，需夠多夠味及夠香，這碟也不錯，被我慢慢食完了。-韓式斧鍋飯定食 $62套餐已規定飲麵豉湯，沙律，前菜，不過仍可選擇炒飯 或 白飯。朋友喜歡他有多種食裁，能夠吸收多種營養，正所謂不同顏色就含有不同營養要素，越多種類就越均衡！麵豉湯過鹹，加了兩次熱水後，她已放棄，海帶也偏鹹，份量不多，可以食晒，沙律菜新鮮, 飯面有蛋絲，冬菇絲，腐皮絲，紅蘿蔔絲，粟米粒，菠菜，中間是齋肉粒，有點像碎了的齋雞粒，撈混一起進食，這個飯量也彼多，最後是食剩了少許。

其實我對素食沒什麼好感, 總覺得素食在假裝一些味道, 很奇怪。只是食素的人, 在沒有選擇之下, 必須要吃這些味道, 食肉的, 才不會走去素食店。而且, 由於健康風氣盛行, 素食其實不便宜, 所以除非朋友要求, 否則很少去。朋友介紹說一心好味, 於是前午餐前來一試。對於觀塘返工一族來說, 這裏地方寛闊, 不用等位, 是不錯之選。然後發現一個餐, 大大份, 有餐湯, 餐包, 焗飯, 飲品, 都只不過是$60左右, 確是個抵食之地。白湯竟然有黑松露味, 正啊!意式素肉醬吉列素扒焗長通粉估唔到素扒的味道一點也不奇怪, 而且整個焗飯味邊不比其他餐廳的焗飯味邊遜色。法式黑松露汁素胡椒扒焗炒飯胡椒扒也好正!熱薑蜜最愛是這杯薑蜜, 很够薑, 飲過真的很舒服!難得一間味道好, 價錢平的素食, 必會再來!P.S. 原來take away只需$3x一個餐!

是日去牛頭角樓上鋪拎買左既貨.之後同朋友就去左附近搵野食今日朋友話想食清一點,所以去左一心素食入到去就安排座位了店入面原來都幾多野買睇下食咩先大韓薑蜜,洛神花蜜,茄子野菜卷,芒果反卷,牛油果卷,冷梅子素麵,白飯,百結炒東坡素肉塊,麻辣沙鍋麻婆豆腐冷梅子素麵--凍凍地配合個汁食幾正茄子野菜卷--入面有幾樣既蔬菜,爽口清新芒果反卷,牛油果卷---個口感幾可亂真,芒果同牛油果都係好香大韓薑蜜,洛神花蜜--薑味幾濃唔錯白飯-百結炒東坡素肉塊--一流必食呀,個東坡肉由咬口到連埋個汁都呃晒我味覺,但就健康好多,仲有大量既三色椒麻辣沙鍋麻婆豆腐--個汁有DD辣,好醒胃開胃,個質感好正之外個汁都唔會好肥仲有甜品泡夫同麻薯餅泡夫同麻薯餅--麻薯個料都幾多,好香口,泡夫凍凍地幾正,岩晒個甜品胃

約舊同事敘舊一行三人，突然好想食齋，就上網查吓邊到有好嘢食，見到介紹一心素食，睇到相原來係新派素食，就約朋友試。我們叫了一個2人餐，再加散叫其他小食同甜品，二人餐（叫了姖松茸豆腐湯素翅，這個似街邊碗仔翅，味道ok；配風芝士年糕，好味；跟招牌一心炒飯，飯炒得乾身同埋一粒粒好味；秘制神仙香芋（芋頭魚），份量少不過味道ok；跟頂級鮑汁雙菇扒鮮蔬，這個普普通通冇特別，由於我哋唔要餐飲品轉了2碗糖水（雪梨雪耳糖水，夠滋潤👍🏻）另叫了一個小食酸齋，好細碗和凍，所以唔值得叫，再加$10叫了一個甜品係芒果千層蛋糕，芒果不酸，味道好味，但好細件。整體來講份量不算太多，但味道都OK，價錢合理，不妨一試

早幾日行過觀塘，朋友就叫住我叫我上去呢間素食店食晚飯，我心諗有咩咁特別呢？唔係呀麻，餐牌上竟然有日本食物選擇，我地兩個揀咗三點前菜，蒲燒鰻魚串，紅菜頭牛油果沙律，鮮淮山雜菜意式燴飯，意式鮮茄燴飯同兩杯飲品。三點前菜放中間既菜，師傅將菜整成一舊咁，再淋上麻醬可以帶出菠菜嘅鮮味，建議分兩三啖食，可以回味口中既鮮菜味道。蒲燒鰻魚串一睇就知師傅好用心去燒，鰻魚金黃色不會感覺到有燒焦既部份，燒得啱啱好。紅菜頭牛油果沙律賣相好吸引，食落口酸酸甜甜，係醒胃佳選。兩個燴飯好有意大利餐廳feel，一舊舊圓形淮山好像帶子般，非常有新意，雖然我係第一次嚟，但我已急不及待同店內職員講叫佢幫我預留聽晚5位，要即刻同家人分享呢間素食店既食物🤣

最近因為要守兩個月齋戒，所以周圍走素食嘅店舖，我發現其實要搵便宜又好食的素食店係很困難，今天來到這間很多人推薦的一心素食。餐牌嘅選擇10分之多，而且做到有日式同埋韓式嘅風格，悉數也是一件開心的是，而且亦不單調。周圍嘅環境係簡單樸素，符合呢間店舖以佛教背景嘅主題。我今日星期日來到這間店舖的時間是下午1:45 ,他們的下午茶在星期六日推遲到下午2:30才進行，平日是兩點開始的，所以我和朋友先叫了一個午餐看看份量，大家分享嚟食住先！呢個午餐是支竹豆腐素火腩飯，食落去真的很有肉味，豆腐滑溜，支竹豆味香濃，例湯是羅宋湯，雖然是淡未，但是帶有一點辣，仍屬於係嘢味嘅餸同湯，呢個餐另外包一粒忌廉泡芙，以及餐飲， ＄54可以食到健康美味的菜式，午餐來講唔算貴。最後我哋亦都等到了兩點半，之後我哋就立即叫咗兩個下午茶餐，大約20幾元就有一個下午茶餐啊，相對午餐係平了好多，我哋叫咗一個酸辣雪菜淮山麵，材料有十分之多，有雪菜、雲耳、豆腐、豆腐卜、小棠菜、以及紅蘿蔔，再配上了淮山麵，雪菜帶出了鹹香，令到成個面有鮮味以及大有少少辣，感覺亦都很美味，再配上了一個養顏的杏仁霜餐飲，我覺得非常之便宜啊！之後我哋再叫多一個

早幾年，透過網上平台得知該素食店。近排，天氣悶熱，想清清地食一餐晚飯。咁就去呢間食啦。今次就膽粗粗選擇walk in，幸好walk in都有位。睇一睇餐牌，唔同網上咁講，平民食堂，可能晚上的關係，所以價錢有點兒昂貴。亦或者素食店到晚餐時間都比較昂貴吧。睇咗一陣menu，最終都係選擇2人套餐。套餐內容有沙律，2碗白飯，1碟清菜，1小煲菜煲，1小煲豆腐煲，1碟小菜，2碗糖水，以及2杯飲料。清菜就是椰菜，坊間都能食到，不算太突出。小菜煲就是豆漿菜煲，都幾出人意表，不太濃豆味。小豆腐煲就是咸魚豆腐煲。如不知道道是素食店，還以為真的咸魚豆腐煲。小菜就是菠蘿咕嚕肉。很像真的一樣，有口感。飲料就坊間餐廳的飲料。糖水不錯，木瓜蕃薯雪耳糖水，既滋潤又窩心。