一樂小鍋 (已結業)

二百零蚊套餐有齊海鮮、火鍋配料，最後仲有南瓜或粟米粥，真係又抵又好食！店面唔大，最好book定位，之前book枱仲有9折添，而家唔知有冇。套餐共有6樣海鮮，有4樣可自選，2樣就已指定（貝類及蠔仔）。我次次都會揀蟹，每人半隻，都好大隻及新鮮。個人喜歡扇貝及帶子，都好味。食過幾次海蝦都係新鮮嘅。蜆就細粒左啲，蠔仔就留番黎最後煲粥。火鍋配料就都係果啲啦！正常水準。等你食晒所有海鮮和火鍋配料後，就可以叫店員幫你煲粥。

果然冇失望！呢間真係誠意小店！之前喺舖頭食過幾次，食過返尋味一泥而家疫情未穩定，仲要帶住幾個小朋友嘅原因，今次就試吓叫外賣送返屋企食！送到上門，唔使再洗再切，超級方便！每位$238粥底火鍋，有六款海鮮同埋六款配料。推介！必揀肉蟹次次都爆哂蟹膏！配料嘅話，我會推薦韭菜餃，豬腩肉，仲有平時唔食午餐肉既我，都要揀個午餐肉，因為佢係厚切，再煎香脆左個外皮！正！朋友佢地食完都讚不絕口！隻蟹真係要再讚！超厚肉多膏最後緊係加埋啲蠔仔整埋個粥食，多芫荽，超鮮味！決定父親節再叫過返屋企食過

食海鮮火鍋，預約有9折，2個人折實約$440，海鮮普遍新鮮，尤其蟹同蠔仔幾好味，服務幾好，店員間中有黎清擺垃圾既碗，餐廳播著輕快音樂下，令我食得好輕鬆，7.5/10｡可以encore

叫左個外賣四人餐，個份量係完全唔夠4個人食，收我$1132，咁嘅份量，收咁嘅價錢係完全唔合理。我地加左$180手切牛，個份量少到每個人只係食到3片左右。條魚劏左都無洗，入面有大片血塊同潺。十幾粒貝殼入面，有5粒開唔到口。

真心良心抵食既 外賣海鮮火鍋😋係社交平台見到佢地廣告二百幾蚊一位～ 6款海鮮 6款配料就叫左2位火鍋黎試下～～黎到有驚喜😆隻蟹望落斤幾重 好大隻～前幾日去沙田街市買餸 蟹每斤賣緊$188😖其他海鮮都好大隻 去街市買都買唔到另外加錢叫既 極品手切牛肉 牛味好濃 肉質好滑 勁好食🥰食到最後 用個粥煮湯 好甜 但勁飽～😂老闆娘話好食就幫手寫post 下次送汽水😆下次叫夠4位 運費都免埋👍

每一次行入京瑞廣場，你我都會發現有新食肆，新店舖的出現。所以，曾經說過要試勻晒石門所有食肆的計劃，要暫停了。因為，太多了。該日，是一個輕鬆的中午，拿了照相機就立即出門，決定去找家未去過的食肆一試。當日，我就被這一間叫《一樂小鍋》的小餐廳吸引到了。中午沒有鍋，就來食個麵吧。晚上，這是一間食小火鍋的餐廳，而中午，這是一個小型的車仔麵店。於是，我就點了他們招牌的一樂八寶車仔麵。其中的一寶，是一個前菜小點，菜肉蒸餃。這蒸餃似乎用上了粉果的那一種皮，入口煙韌，而煙韌口感之後就是香香的豬肉味，十分之好。當日，不想去用腦選什麼車仔麵配菜了，我一叫就叫他們招牌的一樂八寶車仔麵。所謂的八寶，就是八個餸的車仔麵。有蘿蔔，溏心蛋，牛腩，大腸，魚蛋等等，配合了油麵，很是豐富。而且湯底是豬骨湯，色水清但濃香得非常，入口的那一個清新感覺，早已經 feel 到是原味，沒有味精，這一個湯底，更值得給個 like。餐飲，我要了一杯濃香的豆漿。說過了，豆漿是濃的，也就是豆味濃，夠濃，就是好味道。牛刀小試《一樂》的車仔麵，感覺到有質素，有水準。這一餐，樂也。

🥢沙田石門超正爆膏肉蟹活海鮮粥底火鍋🥢超級鐘意食海鮮的我最鐘意周圍搵平靚正的地方食海鮮，今次食呢間粥底海鮮，之前曾經食過一次，呢到的海鮮實太靚由其隻爆膏肉蟹，已經不斷想約朋友一齊去再食，只可惜地點有些不就腳，但唔會阻到我想食呢間店的決心🥢手工火鍋海鮮套餐 $218 (不用加一）早一日book 位有9折🥢湯底有三款，分別是粥底，招牌豬骨，蕃茄湯底，今次選了豬骨湯🥢肉蟹很大隻重稱厚肉，而且非常爆膏，膏多到滿瀉，即叫即劏非常新鮮,呢隻蟹真係值回票價🥢蟶子王今日的蟶子很大隻，店員特別提點只需煮10秒就可以食，食落爽脆鮮甜🥢海蝦蝦腳仲識跑，扎扎跳，新鮮肉厚，食落很爽彈🥢鮮魚件忘記問是什麼魚，食落似龍躉片，因為特別有彈性，魚皮富有彈性膠質，魚肉很鮮無骨啖啖肉🥢大蜆隻隻無沙，煮到開口就食得，超級飽滿隻隻漲卜卜🥢生蠔蠔仔可以就咁煮幾隻食左先，另外留幾隻用來最後尾煲蠔仔粥，蠔很新鮮很甜，新鮮到見到隻隻都很飽滿🥢自選配料六款安格斯牛肉，西班牙梅頭肉，花膠仔，韮菜餃，墨魚丸，午餐肉🥢必食餃子類，因為是手工餃子，食得出用心機自家包出來的味道，另外必點花膠

好好味，服務態度好親切，簡直超直，又沒有限時用餐。👍👍😄現在仲有試食推廣優惠價每位只係$218，就可以食到新鮮海鮮火鍋，最後會將精華湯底去煮粥。我哋點了以下食物：1）豬骨湯底2）海蝦（鮮甜）3）帶子（鮮甜）4）鮑魚 （烚6分鐘👍😋)5）肉蟹 (殻烚5分鐘丶身烚6分鐘👍😋)6）殼類海鮮 (鮮甜）7）自家製蜂巢豆腐（好味）8）油麥菜9）潮式魚蛋10）響鈴卷11）花膠仔(烚30分鐘，估唔到咁鮮甜）12）安格斯牛肉片（好大塊）👍😋飯後更送日本玄米茶雪糕丶沖繩海鹽雪糕👍真的食到好飽😄因為太多食物，由頭食到尾冇停過手，所以唔係影咗好多相片😀仲有呀，餐廳可以包埸，詳細資料可以向職員查詢👏🏻👏🏻👍🥳🎊🎉

係石門返工, 前前後後,無論中午, 下午茶, 晚餐都黎過不下幾十次, 基本上唔個個星期黎,都隔個星期黎,由佢最初開業, 食到一週年都係甘鐘意。無論食材, 環境衛生,味道都好好,有滿滿既小店人情味。中午車仔麵，最愛就既有冬茹、自家菜肉餃、魚腐、烏冬、再加辣下午茶，大大隻炸脾，熱辣辣，爆曬汁，堅持即炸，堂食真係無得輸晚市 膏蟹次次食都爆曬膏，樣樣海鮮都非常新鮮，份量又足，最尾食埋個粥,真係又飽又滿足。最緊要係，呢度唔會食到趕頭趕命，出街食飯，最怕催，試過去其他出名有幾間分店既粥底邊爐，上一啖都未食完，佢就走埋黎幫我裝到碗都擺唔落，未夠鐘就開始催你要食，唔理你食唔食得完，即刻羅埋外賣兜幫我裝曬落入去，連粥連火鎘料包曬，但呢度完全唔會，你想食幾耐就食耐，慢慢食，舒服好多。不過美中不足係，最尾個粥底無左豬油渣，如果唔係D豬仔有事左一排，個粥最尾尾可以落返豬油渣，就真係不得了。支持滿滿人情呼既小店

呢間小店雖然地理位置有啲偏遠🙁，要搭馬鐵去到石門，但一出地鐵個個商場就係，都幾易搵。佢朝早中午係車仔麵，我就未試過，夜晚就係海鮮火鍋。真心覺得可以一試！🤤但係佢啲海鮮就應該每日都唔同，我第一次去就係推介我地揀蟶子，出到黎又真係又大又鮮甜。🦀肉蟹就睇下好唔好彩，有時就遇啱就會好多膏，多到食唔曬！有時啲蟹就會肉實啲，冇咁霉。但其實整體上都好好。提早book位仲有九折！真係真材實料食得出既😋😋

咁啱離開呢頭做嘢，所以就順手喺石門呢度食埋飯先走啦！由於時間有限，所以我快快脆就揀咗間車仔麵嚟食，點知都幾有驚喜😌我睇中佢呢度係用唔落味精嘅豬骨湯底，比較健康💪🏻而且麵類方面，除咗一般嘅米粉河粉之外，呢度仲有菠菜麵、紅菜頭麵等等，啱晒我呢啲成日想試新野嘅人今次我揀咗滷水牛脷、五香牛腩、同埋韭菜蒸餃三個餸，另外仲配咗紅菜頭麵！咁大個女第一次食紅菜頭麵，麵質煙韌，而且食起嚟有一陣陣既紅菜頭味，幾特別😎牛腩同牛脷都非常之入味，韭菜餃餡料新鮮，而且仲即叫即蒸，所以會比碗麵遲嚟少少！但整體味道唔錯另外加$3仲可以有一杯熱豆漿，成餐飯買單唔洗$50，都幾抵食😎下次會再嚟過！

紅菜頭麵+金菇+貢丸+牛腩紅菜頭麵好特別，而且夠哂煙韌又有淡淡紅菜頭味，夠清新又同車仔麵既餸好夾。貢丸好彈牙同埋菇味好濃，牛腩炆得好淋而牛味又重。重點係個五香腩汁湯底，好香牛腩味而且唔油又夠味，似係出面牛腩舖既湯頭，好有驚喜!上海幼麵+牛腩+豬腸+魚腐湯底基本上都一樣但就加多咗兩羹辣椒油，因為我食得辣所以個辣味對我嚟講唔會好勁，但反而係令到成個麵層次更加豐富。豬腸係有用滷水腌過所以好入味，豬腸味好濃好特別，至於魚腐就一般。 反而凍奶茶都好飲，應該係用咗蔗糖所以甜味既感覺好特別，加埋奶同濃既茶底，成杯奶茶都好出色!

星期日跟老公去沙田石門探舅父，到達石門後，先在附近食個Lunch先。走入商場，行了一圈，便選了這間一樂小鍋。店內環境簡約雅緻，不似平日車仔麵檔的格局。這裡以過膠餐牌用作點餸之用，方便又環保。車仔麵用上豬骨湯底，每日新鮮熬製，無味精。材料款式很多，部份仲好特別，如現場即包菜肉蒸餃、牛爽、鮑汁花膠、秘製豬頸肉等。車仔麵拼餸由兩餸起，淨餸則由三餸起。淮山麵＋自製辣汁(小)＋香煎扎肉卷＋鮑汁花膠＋菜肉蒸餃(HKD55)扎肉厚切、入口結實有咬口。花膠數量多，滲滿鮑汁，夠腍有膠質，非常有嚼勁。即包菜肉蒸餃肉質鮮嫩、蔬菜爽甜，讚！辣汁夠辣，淮山麵口感似公仔麵，而且會勁吸收辣汁，即令味道提升。泉水烏冬＋五香腩汁＋菜肉蒸餃＋咖喱玻璃魷＋秘製金錢肚(HKD53)金錢肚厚身、入味又夠腍；玻璃魷夠爽口；烏冬亦不錯。不過人手略嫌不足，只得兩人，經常要等回應。

平時真係好少可黎到石門依頭，咁岩今日公司去Training係附近，去左一個好多小店既商場Lunch，簡左依間車仔麵，主要係比佢個蕃茄湯吸引入去裡面裝修乾淨企理 幾有家庭感覺！-依到既車仔麵湯底標榜無加味精，用上豬骨湯，而麵類都有好多選擇，有淮山麵、菠菜麵、紅菜頭麵等等，真係好少見朋友點左碗招牌八寶分別有雞翼，溏心蛋、魚蛋、蘿蔔、牛腩、豬皮、魚皮餃同埋油菜，一次過滿足唒願望湯底食落唔會過咸，剛剛好，真係無加味粉豬皮好食，醃得入味，又夠淋！正而牛腩都係𣎴錯既選擇，肉質夠稔，唔會蘇，依碗八寶只係四十幾蚊，真係好抵！而我就簡左蕃茄湯😍健康開胃之選送方面簡左溏心蛋、金錢肚同韮菜餃淮山麵望落同食落都好似公仔麵口感，但就無經油炸健康好多，個蕃茄湯都真係有蕃茄蓉架，酸酸甜甜咁依個蛋整得幾有水準，夠唒溏心！最後依幾粒韮菜餃，好有家的感覺，皮薄薄的，裡面餡料都滿滿！

前日星期天又封了許多站，剛巧我去了石門，下午時份亦出過沙田圍站，感覺好平靜。不過每次香港人鬧完一輪都總是被那些厚顏無恥的人當耳邊風，那真沒辦法；這個時候不如多給appreciation和支持予身邊的人和事啦☺️在石門光顧了這間一樂小鍋車仔麵店。本身叫紅菜頭麵可惜無，於是我點了貌似公仔麵的淮山麵和菠菜麵。跟平時那些黑漆漆的墨汁意大利麵一樣，其實麵只是取其顏色不取味🙈不過，這裡的配料的確不錯！香煎扎肉卷香口不會好粉好削；秘製金錢肚辣辣地好惹味又爽口；五香牛腩炆到軟稔度剛剛好又夠入味；現場即包的菜肉蒸餃皮薄餡靚又足料😋另外，店方用了豬骨湯底，每日新鮮熬製，堅持不落味精；所以平時吃完車仔麵會覺得湯底太濃味太多味精所以好口渴；但這次真的一點好口渴的感覺都沒有👍🏻