一虎

營業中

休息中

呢間拉麵舖真係要推介一下，喺灣仔中午食飯嘅時間來，喺出面都已經好多人排緊隊。間舖頭位於灣仔好旺嘅利東街隔離嘅廈門街。首先，我想讚呢間舖頭嘅老闆同職員服務態度超好（好多時呢樣係最吸引我嘅）！舖頭有好多款拉麵，我揀咗最原味嘅一虎定春拉麵同餃子。個拉麵嘅湯底係濃郁嘅豬骨湯，一般來講有啲拉麵舖都會煮得好鹹，但係呢個湯底絕對唔會。麵條本身爽口彈牙，而且可以食得出佢唔會浸到好耐。拉麵本身有爽口切絲黑木耳，再配合精製流心蛋。主角豚肉烹調同醃製都非常精準，係好難得可以食到有豬味嘅豚肉。另外餃子亦都係皮薄餡靚，煎落個底唔會太燶，又係啱啱好。整間餐廳都好符合日本人做嘢特性，有日本風味。值得推介！

這家拉麵店以其傳統的日式風格裝潢和舒適的用餐環境，讓食客感受到了一種來到日本拉麵店的錯覺。我們先品嚐了特選自家湯底拉麵。這碗拉麵給人一種濃郁而又柔和的感覺。湯底呈現濃稠的豬骨湯底，充滿著豐富的肉香和骨髓的香氣。它不僅經過長時間的熬煮，還添加了多種香料和調味料，使得湯底更加豐富味美。每一口都充斥著深邃的湯汁，令人回味無窮。搭配的麵條則非常有嚼勁，彈牙的口感使整碗拉麵更加完美。接著，我們嚐試了海老虎秘製蝦味配櫻花蝦拉麵。這碗拉麵充滿了海鮮的風味，讓人滿足不已。櫻花蝦的加入則帶來了一絲香氣和微妙的口感，讓整個味覺體驗更加豐富。湯底與配料的完美結合使得這碗拉麵成為了一場味覺盛宴。我們對灣仔一虎拉麵的服務印象深刻。服務員熱情友好，不僅專業地為我們介紹菜單，還細心解答我們的問題。無論是用餐環境還是服務質量，一虎拉麵都讓人感受到了他們對每一位顧客的用心。一虎拉麵是一家值得一試的日式拉麵店。無論是特選自家湯底拉麵還是海老虎秘製蝦味配櫻花蝦拉麵，每一碗都展現了他們對食材和烹飪的精湛技藝。如果你是一個對美食充滿好奇心的人，我強烈推薦你到灣仔一虎拉麵品嚐他們的拉麵，相信你不會失望的！

終於試左一虎既檸檬拉麵，之前次次行經都十幾廿人排隊所以放棄咗！其實附近都好多小店餐廳，都幾有特色，有時諗唔到食咩，就會到附近搵食！今次係星期五晚7點左右，見前面只有兩個人排，係機會啦飛雲！店內空間不大，大概只有十多個座位，唔怪得之前成日排長龍。 一虎特選拉麵🍜 $143特選拉麵有齊晒咁多款配菜，有糖心蛋，叉燒，筍，紫菜，木耳同埋好多嘅蔥！份量十足！糖心蛋係有流心效果，食落口會有少少漿口口感！簿切叉燒有四片，肥瘦適中，肉質軟林。豬骨湯底味道香濃又不會過鹹，選了粗麵，拉麵口感Q彈順滑。檸檬拉麵 🍋$ 106初初覺得檸檬拉麵有啲詭異，不過見咁多好評即管試下。食落又幾OK，無想像中咁酸，係酸酸地又鹹鹹地嘅檸檬味，感覺都幾清新，適合夏天食，食到段尾會覺得酸味重左，應該係因為檸檬浸泡時間長左，唔想咁酸可以自行夾起部分檸檬。下次想試蒜頭拉麵！😜

今次去咗一個大排長龍嘅灣仔拉麵店🍲當日好彩大約6:30去到，所以等幾個就可以入到，食完出返嚟嘅時候見到已經起碼有10個人等緊。🍜一虎拉麵入面有糖心蛋叉燒勁多蔥同埋勁多木耳。首先飲一口湯底，豬骨湯底濃郁，落咗少少香油，但係唔會感覺好油膩，另外我仲食到有少少醬油味但係唔係好重。湯底係掛麵嘅，麵嘅口感啱啱好。另外佢會有紅薑絲同辣芽菜可以配嚟食，如果食得辣嘅話，建議可以試吓辣芽菜因為好過癮。🍋檸檬拉麵睇落好似有啲怪，但食落其實一啲都唔怪，佢個湯底加咗啲檸檬汁亦都有幾片檸檬喺上面，個湯底冇咁杰身。食落有少少酸酸地，但係感覺係比較清新。另外我哋仲揀咗檸檬可樂同埋檸檬茶，一齊食檸檬🤣🥟煎餃子個底煎得啱啱好，唔會太過焦黑，幾好食。

🌼 鮪魚拉麵 ($108)在這碗拉麵中，湯頭是用鮮美的鮪魚熬製而成，味道濃郁，卻又不失清爽。拉麵的麵條口感絕佳，彈牙而有嚼勁。🌼 餃子 ($48)餃子皮薄馅優，皮薄而有韌性，煎得恰到好處，外酥內軟。而餡料則是豐富多樣，口感濃郁多汁。搭配上一碗清爽的鮪魚拉麵，這個組合簡直是夏日美食的絕配。在這裡，我還要特別提一下他們的服務。服務人員態度親切，熱情周到，不僅讓人享受到美味的拉麵與餃子，更能感受到賓至如歸的氛圍。◇◇◇◇◇◇◇◇◇

夏天咁熱又想食拉麵，梗係要食一碗清新嘅檸檬豬骨湯拉麵啦！仲要原來香港唔係好多間拉麵舖有供應！特登出到灣仔食拉麵，果然冇令我失望！檸檬拉麵 $106祕製檸檬醬跟自家製豬骨湯的完美配合，再配埋一片片新鮮檸檬，味道超特別！蒜頭拉麵 $113用蒜頭熬製湯底亦都係一個新嘅味道，蒜頭分為兩種，有煮成軟嘅亦有比較生辣嘅！整個湯底都充滿着蒜油香味，配上一啖彈牙嘅拉麵一絕！ 檸檬可樂 $12第一次見黃色盤嘅檸檬可樂！鍾意飲可樂嘅朋友一定要去試吓！

一向都鐘意食拉麵，位於灣仔既一虎拉麵門口已經夠晒日本風味，但耐何每次經過都大排長龍，所以無咩機會試，今日星期一想食清啲，特登12點黎到早啲排隊，終於成功避開排隊人龍🎉同同事一早做足research ，知道佢地有期間限定的檸檬拉麵($106)同鮪魚拉麵($108)，啱晒炎炎夏日，即刻拍版，追加個餃子($48-6pcs)一齊分❤️首先餃子到先，餃子皮好薄，封住入面個肉汁，熱辣辣，完全唔會漏😋😋跟住我個鮪魚拉麵到，我追加”精選配料($50)有額外溏心蛋，叉燒，紫菜，有味筍同木耳，首先湯底真係好鮮甜魚味，輕身過一般豬骨湯底好多，本身已經跟一隻溏心蛋，我追加左精選配料變相有兩粒，超溏心，而啲木耳呀筍呀全部好爽甜唔會咸，叉燒唔會太肥/乾柴，成個麵係大滿足！最緊要係我個麵底揀左硬係煙韌而唔係煮唔透，我地一路慢慢食一路倾計麵底都唔會淋，碗拉麵真係煮得好出色👍🏻朋友個檸檬拉麵只係追加左一份紫菜($10)，黎到賣相已經好吸引同開胃，我試左一啖湯頭，係豬骨湯加左檸檬去煮，食得出係新鮮檸檬去做唔係精油，值得加分！朋友大讚湯底層次豐富得黎又清新，我已經決定左下次要食呢個😆唔少得有飲品，一人一罐coke zero

想食好食嘅拉麵，專登同另一半出港島，以前喺灣仔做野成日食一虎，好掛住碗拉麵呀！照舊門口有大大個日本燈籠，又係永遠門口有人排隊。不過等左10分鐘就有位啦，好Lucky！一虎有6款拉麵、1款飯同1款餃子，仲有啲期間限定口味。你可以自己揀麵條種類同硬度，湯底香油同埋想加咩配料，加麵或者加料都得。枱面仲有啲調味料可以揀，例如七味粉、貢菜、芝麻等等，我就中意食辣，次次都有用七味粉。我地揀咗一虎特選拉麵，$143一碗，好豐富，有勁多片日式叉燒、糖心蛋、筍、紫菜、木耳同埋好多蔥。叉燒好薄切，唔韌唔肥，好有豬肉香味！想食勁足料，配菜仲多過拉麵，份量好多。糖心蛋流心流得好靚，豬骨湯底濃郁，表面淋有香油，飲完湯唔口渴，所以我次次都成碗飲晒！拉麵口感爽彈，冇鹼水味，真係好好食！我地仲試咗2份煎餃子，一客6件，因為勁好食，所以我地次次都每人嗌一份，皮煎得少少脆而滑溜，餡有豬肉同蔬菜！飲品揀咗檸檬可樂，唔係到到有得飲呢隻味，所以把握叫嚟試，真係唔錯喎！總括黎講，一虎係絕對可以滿足到拉麵控，而且服務好快，態度好好。

因為朝早無食早餐既關系, 到在Lunch time 勁肚餓, 呢刻突然好想食D辣野, 又想好食碗飽肚既拉麵,呢個時候經過一虎拉麵， 簡直一次過滿足曬我呢個願望, 因為食飯時間人多， 所以排左一陣隊先可以入座，入到去覺得環境好舒適, 望望點餐紙，叫左個赤虎拉麵, 因為勁鍾意食溏心蛋， 所以再額外嗌多粒溏心蛋食, 溏心蛋夠哂流心, 拉麵份量十足, 夠爽口， 先飲頭啖湯， 辣味十足， 啱哂我口味。 另外， 木耳夠多又爽口 , 叉燒肥瘦適中。 食完再飲啖凍冰冰既蜜桃茶正呀.

香港人一向好鍾意食拉麵就唔使多講啦🍜而我都成日沉迷一啲好食嘅拉麵店💁🏻‍♀️最近俾我搵到呢間灣仔日本人開嘅拉麵店! 老闆親自上場㗎😆一虎特選($143) 一食拉麵就一定要揀特選！包晒所有配料，溫泉蛋、木耳、筍同青蔥，咁先滿足㗎嘛！個人覺得右面會更加吸汁，自家製嘅湯底好香豬骨味，而且唔會食完好口渴😙黑虎特選 ($149)黑蒜味唔會搶咗豬骨湯底嘅味道，我仲加多咗紫菜一齊食更加正! 重點係要試吓佢哋嘅辣芽菜，好辣好正😍煎餃子($47)餃子同拉麵係完美嘅配搭，醬汁都幾清新唔太酸~檸檬茶($17)蜜桃茶 ($17)

今日經過灣仔一虎見排隊的人龍比平日短，便爭取機會試下，等了約十分鐘便安排到座位。店主要提供各款拉麵，還有煎餃子，叉燒飯和飲品。店座位有限，有日本拉麵店feel，全店滿座，落單和上菜流程都有效率，一面吃一面感受到拉麵司傅和樓面店員的互動，生氣勃勃。我選了一虎特選拉麵。拉麵大大碗，熱辣辣，賣相吸引。這拉麵有豐富的材料和配菜，豬骨湯底好夾味，不會太油或咸。有五片薄切叉燒，入口有豬肉味，口感佳，肥瘦適中。味付蛋原隻上，蛋味濃，蛋黃淋滑好味道。海苔4大片好脆，浸落湯食都美味。味付筍和木耳絲爽脆。葱花和辣蘿蔔蓉錦上添花。我揀了硬身幼麵，啱哂我口味。辣芽菜，蕎菜和紅薑可按自己喜好隨意添加。食完碗拉麵都飽，但見到隔離顧客吃餃子，忍不住叫了一客煎餃子。一客六隻，豬肉蔬菜餡，皮薄香脆，好味。飲埋冰凍的日本啤酒，大滿足!下次再來試下檸檬拉麵。

呢度有特別嘅檸檬拉麵，無論係冬天夏天食都得！😝酸酸甜甜幾開胃，不過食到最尾會有少少苦，如果可以改善埋呢個就完美！👍🏻份量有少少唔夠，可能自己大食，下次要加底，再加隻半熟蛋，先至滿足！不過成本就會再高啲了🙈🙈

灣仔區拉麵小店眾多，這間位於小巷的一虎亦是區內人氣熱店，差不多每次經過都見到人龍。這裡是小店格局，座位不多，店內設開放式廚房，坐Bar枱位置可看到師傅煮麵過程。店內食物款式不多，和大部份日本拉麵店一樣，非常專注。枱上亦放有紅姜、辣芽菜及高菜，給客人自行添加。檸檬拉麵 $106舖上五片新鮮檸檬，並以豚骨湯頭混合秘製檸檬醬，配搭嶄新，另加配料糖心蛋$10、海帶$10及爽口木耳$8。可以適度地自行將檸檬汁擠壓至湯汁中，調整至個人喜愛的酸度，當酸甜清新的果香滲進濃厚的豚骨湯時，同時將油膩感降低，特別適合炎炎夏日提起食慾。糖心蛋的軟嫩蛋白包裹著半熟晶瑩的流心蛋黃，滿溢香濃蛋味。鮪魚拉麵 $108湯頭使用鮪魚高湯的醬油風味，味道甘醇不濃俗，偏向淡麗系口味，另加配料紫菜$10。大大片的叉燒切得很薄身，脂肪不多，肉質軟嫩不死實。粗身曲麵質地爽彈帶咬口，掛湯力更強，盡吸湯底精華，即使浸久了也未有變軟。餃子 $48拉麵配餃子可說是永垂不朽的經典配搭，即點即煎，上桌時仍是熱氣騰騰。薄薄的外皮不會過厚，煎得金黃脆口，一咬開餃子餡料扎實多汁，豬肉混合蔬菜絲，令內餡豐滿鮮嫩而清爽。

上年夏天已經想試吓呢度嘅檸檬拉麵，但每次行過都好多人排隊或者已經落場，今次行過得幾個人排，終於有機會食到!! 🔘蒜頭拉麵叫咗兩款期間限定嘅拉麵，呢款拉麵蒜頭非常澎湃，食落甜甜的好軟淋，仲有秘製蒜蓉醬加咗落湯底，朋友鍾意食蒜頭啱晒佢口味!! 🔘檸檬拉麵追加咗木耳同糖心蛋，湯底有檸檬味，但唔會太搶或者過酸，食得舒服，啱夏天食，感覺清新，木耳好好食爽口，叉燒都係走清爽路線，薄切肥瘦適中，食晒成碗都唔會覺得好油膩!! 糖心蛋嘅流心效果都幾滿意，推介加埋枱面嘅辣芽菜一齊食，麵嘅質地係幼身曲麵，揀咗普通硬度，幾彈牙唔錯~🔘煎餃子六隻餃子，餡料係豬肉為主，咬落去有肉汁，皮薄煎得香脆~🔘檸檬味可樂食檸檬拉麵梗係要飲埋檸檬可樂，夏日限定口味，黃色包裝好sharp醒，記得以前嘅罐裝檸樂好似唔係呢個包裝😂😂接近14:00食完出面都有條小人龍，但14:30 last order，非常有人氣，要去嘅話記得留意返有落場時間~

一虎拉麵是其中一間一家我經常想去幫襯的知名的拉麵店，但因為成日好多人排隊所以卻步。今個星期六行開灣仔醫肚，特登去碰下運氣，咁啱見到佢唔係好多人等位（雖然都係多人），所以終於可以一償呢個心願：湯頭：一虎拉麵的湯頭濃郁，具有豚骨湯混合海老的鮮美味道，但並不會太油膩。湯頭的口感相當滑順，喝起來非常舒服。麵條：一虎拉麵的麵條有著相當不錯的口感，適中的寬度和有嚼勁的口感，讓人吃起來不會感到膩口。而且麵條的份量也相當足夠，很適合大胃王們。配料：一虎拉麵的配料非常豐富，除了傳統的叉燒、蔥花、海苔之外，還可以配搭特色的辣醬，令整碗麵增添了不少風味，吃得非常過癮。最後不得不讚一虎拉麵的服務也相當不錯，店員親切熱情，為我今次提供了良好的用餐體驗。