三川居酒屋 (已結業)

雖然疫情期間大胃唔能夠飛去日本探班魚生，但魚生可以好自由咁飛嚟香港送入香港人口中香港近日本真係有福，可以食到新鮮飛機貨。喺呢間日本居酒屋，食到即日新鮮運到嚟嘅刺身，根據時令，嚴選9款刺身擺喺大胃面前佢地嘅刺身新鮮得令人難忘，肉質真係唔同啲，比較鮮味同漿口。大胃未試過檸檬唧落生蠔到，可以食到好有檸香嘅蠔肉，喺喉嚨不停回甘帶子一分為四，配上大量三文魚籽，爆鮮呀八爪魚吸盤極之爽口，味道可謂鮮美如生。拖羅肥美到不行了，其鮮齒頰留香鰻魚牛油果卷大大條，鰻魚肉激厚，咬落啖啖肉，同中間嘅牛油果完美合體大啡菇亦係驚喜十足，外面以蟹肉同醬同芝士覆蓋，裡面爆晒啲明太子同蟹肉醬出嚟，食食吓仲會有蠔𠻹，口感味道都係超水準嚟居酒屋梗要食串燒，嚟個露筍打頭炮，爽口又爽胃免治雞肉棒點吓溫泉蛋加醬，味道係一級棒食完仲可以嗗一聲飲埋啲溫泉蛋落肚，爽過飲酒燒鱔係大胃串燒中最愛，呢間都冇令我失望，皮脆肉靚，燒得爐火純青牛油燒翠肉瓜原來可以咁好味，燒得透但好爆汁唔乾，犀利食咁多嘢，嚟返杯酒開心吓！柚子梳打酒越飲越上癮，一唔小心真係會追住飲㗎

三川居酒屋位於地庫，一個唔覺意行過，真係留意唔到佢嘅存在😂而居然係地庫都可以有咁多捧場客，證明呢間餐廳功力深厚，咁我哋當然要一戰，去試一試佢係龍定蟲喇！和風魚生沙律($98)：新鮮沙律菜嘅爽脆配以柚子醋，味道好好，幾開胃😌再加上切成粒狀嘅魚生和三文魚籽和蟹籽帶嚟嘅咸鮮味道，輕輕中和番柚子醋嘅酸，正！壽司 ：我哋都諗咗一陣，究竟叫魚生拼盤或散叫壽司呢？最後決定散叫，因為可以試多幾款呀嘛！以下幾款係我哋嘅誠意推介：大拖羅($80/件)：本身以為無乜特別，本着試一試嘅心態放落口，點知食落無根，肥美😌 又切得厚，正！左口魚裙邊 (海鹽$22/件；火炙$26/件 )：無論係想品嘗左口魚嘅原汁原味或用火槍迫啲魚油出嚟都好，呢個都好好食，我哋唔建議沾豉油，以免蓋過魚油嘅香味(唔腥㗎，放心🤫)活赤貝 ($62/件)：爽口彈牙！當然無得同omakase比喇。以貝類嚟講，如果唔新鮮，陣味真係冇得呃人(中過伏嘅就應該知我哋講乜🤣)我哋前前後後叫咗9款壽司，有邊款想知食評嘅，留言話俾我哋知喇！串燒 ：活白鱔 ($88/串)：呢個真係不得了，火候啱啱好，外脆內嫩，又肥美，真係要趁熱食🤤可以話係今晚嘅重點推介之一

A short dating night ✨.最近涼風浸浸 很想吃居酒屋🏮.特盛二人前 $598 (沙律+刺身+鍋物+燒物+食串+甜品）.牛油果🥑三文魚野菜沙律 - 酸酸味味幾開胃魚脂🍣刺身3點盛 (三文魚、劍魚腩、左口魚邊各三切) - 比我想像中肥美 魚的脂肪填落我口腔日式牛肉鍋🥘 - 好多肥牛！牛油燒魷魚鬚🦑 - 我哋簡咗辛口味，好惹味蟹膏蟹肉炒飯🦀 - 好足料既蟹膏同蟹肉紅豆、芝麻🍧雪糕 - 唔係好多地方有紅豆雪糕，沒有太甜，不錯。.7點前離座或9點後入座$398啊 好抵！

好耐都未返過日本既鄉下，要去返件比較日本既居酒屋食飯來平衡下心情。我已經來過呢間三川第三次啦，覺得好日本，食物性價比好高！幾舊水又個刺身拼盤，d 魚，貝類又夠新鮮，仲想點？新鮮大拖羅、金目鯛、銀鱈魚、羽太、帶子、北寄貝、牡丹蝦同法國生蠔。特別係個新鮮大拖羅，好Juicy，啲魚油「必」晒出嚟。上網見到好多人叫大啡菇加明太子，咁當然係照跟啦，又真係幾值得推介喎。芝士鋪係明太子面，咬落去有唔同嘅口感，芝士搭住嗰種香味。朋友好鍾意食牛舌、雞腎、雞皮、鴨舌、墨魚咀，我比較鍾意雞腎同牛舌，厚身得來有味道同可以點辣醬。值得一提嘅係佢嘅辣醬，佢雖然係好辣，但係點左都仲可以食到食物嘅香味！白鱔塊皮好脆，都係值得推介嘅！性價比超高！

銅鑼灣Sogo附近實在太多美食，平常很少會走到軒尼詩道。這一次由銅鑼灣廣場一期向Sogo走，路經看到商廈地庫有一間日本料理，餐牌頗吸引，便決定光顧一下位置（10/10）：港鐵銅灣站B出口步行約30秒，旁邊就是軒尼斯道，不遠處就是Sogo，地點相當優越方便環境（9/10）：餐廳用以日式居酒屋的裝修，感覺舒服，而是日正好佈置Halloween的裝飾，頗有節日氣氛，適合三五知己來喝酒歡聚服務（8/10）：餐廳會提供消毒潔手液，入座後會奉上熱茶，下單上菜都有效率，卻感覺有點太急食物（8/10）：該居酒屋主打刺身及串燒，食材算新鮮，選擇亦有不少，當然少不了提供各式日本酒類嚴選九點刺身盛 ～ $350/位看桌子隔板宣傳感覺吸引，便選了九點刺身盛，包括牡丹蝦、貝類兩款、空運刺身五款及時令生蠔牡丹蝦～蝦膏甘香、蝦肉鮮甜且爽口大隻大北寄貝～口感爽口彈牙，肉質鮮甜帆立貝～味道鮮甜，肉質扎實，軟滑可口池魚～肉質結實爽口，略帶油香鮮味銀鱈魚～爽口鮮味，魚油香而肉質實凈金目鯛～鮮紅外皮，肉質細緻肥美立魚～肉質煙韌有咬口，帶有淡淡甘甜拖羅～極厚切及肉質粉紅，入口嫩滑而油香滿溢法國蠔～有海水味，鮮味肉厚明太子蟹肉醬

唔講唔知原來熱鬧嘅SOGO下邊有間靜靜地的居酒屋。😂店內有日本懷舊海報、特色草屋卡位，日式風格強烈之餘，又有溫馨的感覺。叫咗個二人set，食物水準正常發揮，魚生都幾新鮮。😋😋😋但埋單小貴。🥺

/ ᴍɪssɪɴɢ ᴏᴜʀ sᴇᴄᴏɴᴅ ʜᴏᴍᴇ 🎌ᴊᴀᴘ ᴊᴀᴘ ᴊᴀᴘ /꧁三川居酒屋💛꧂ #黃店推介良心居酒屋其實為數不少 就來推薦一間比較高質的吧我好喜歡店內裝潢 感覺有像日本路邊的小小居酒屋而且服務周到 甫坐下就有人介紹餐牌 推介當日的空運靚貨和特色小食食物質素都不俗 頗有特色 食材新鮮接着就依推介指數介紹一下啦☘︎︎ 明太子蟹肉醬焗蠔肉蘑菇批 $𝟡𝟠 ☻︎☻︎☻︎☻︎☻︎非常足料的焗磨菇 大大隻啡菇好juicy上面舖滿明太子醬、蟹肉和原隻蠔一個大菇上竟然釀兩隻蠔!! 好generous♡︎☘︎︎ 厚燒牛舌 $𝟞𝟠 ☻︎☻︎☻︎☻︎☻︎超愛厚燒牛舌的爽爽口感 比起薄片的好多了Juicy不乾韌 不過我心中的no.1牛舌依舊是五勺( ˘ ³˘)♥︎☘︎︎ 吞拿魚腩帶子魚籽卷 $𝟙𝟛𝟠 ☻︎☻︎☻︎☻︎☺︎︎大愛特色卷物 一次過可以滿足多個願望(⁎⁍̴̛ᴗ⁍̴̛⁎)三文魚籽完全無腥味 建議一定要連同魚籽一大口吃 一咬下去鮮甜味大爆發相比之下帶子和吞拿魚腩較為失色 帶子未夠鮮甜 吞拿魚腩亦未夠脂香☘︎︎ 火炙左口魚裙邊 $𝟚𝟞 ☻︎☻︎☻︎☻︎☺︎︎☘︎︎ 甜蝦 $𝟚𝟘 ☻︎☻︎☻︎☻︎☺︎︎☘︎︎ 赤身 $𝟜𝟚 ☻︎☻︎☻︎☺︎︎☺︎︎Order了三款壽司都不錯 師傅已經在壽司飯上掃

帶着女朋友食好嘢嘅時候又到啦，佢成日都話想去日本，唯有拎呢一間舖頭頂住檔先。當日叫咗份季節刺身盛九點:一上枱已經睇得出師傅嘅用心，每款兩件，有：魚籽珍寶鮮帶子、池魚、生蠔、活北寄貝、牡丹蝦、黑鮪魚皇腩、新鮮銀鱈魚、金目鯛等。擺盤相當用心，刺身肥美新鮮。真係食刺身都夠飽！熱食叫左幾款，有串燒同蘑菇批。串燒燒活白鱔有驚喜，油脂感爆曬棚，燒得好香口！月見免治雞棒（配溫泉蛋）同樣好食，口感實淨，裏面藏有少少軟骨肉，咬口十足，點上生蛋汁更是滋味。豬腩味噌燒，肥瘦得稱，肉質夠Juicy。至於明太子蟹肉醬焗蠔肉蘑菇批一係要介紹之一！餡料好多，蠔肉夠新鮮。食落creamy ，淡淡都係料！非常欣賞刺身上枱嘅時候，職員仲會講解！

一入去恍如親臨日本居酒屋，昏黃燈光配上復古佈置，相當有家鄉嘅親切感。去咗咁嘅環境，當然要配搭返最地道嘅美食，於是叫咗：👍🏻季節刺身盛九點一上枱已經睇得出師傅嘅用心，擺盤相當精緻，而刺身亦件件厚身、肥美、新鮮。盤上有：魚籽配珍寶鮮帶子、池魚、生蠔、活北寄貝、牡丹蝦等，而重點推薦嘅係黑鮪魚皇腩（極品級大拖羅）、新鮮銀鱈魚同金目鯛三樣。大皇拖羅係吞拿魚中最珍貴嘅部份，只有唔到三成，而油脂佔達八成，分布就好似雪花咁，極級肥美，食落真真正正嘅入口即溶。銀鱈魚油脂感好重，食落滿口魚香，好有層次感。享受完殿堂級刺身，就梗係要嗌返啲熱食暖返個胃，今次試咗幾款串燒，全部都好有驚喜！👍🏻串燒🤍活白鱔外皮有陣陣炭香味，好脆身，但係又無焦燶或者苦味，重點係啲魚身燒完都好滑嫩，熟度剛好，油香分布恰到好處，再配埋啲鰻魚汁，甜甜地將個味道昇華。🤍厚燒牛舌離遠已經聞到好濃牛味，望落好厚肉但咬落卻係充滿驚喜，肉質粉嫩帶肉汁，夠軟淋有牛香，配埋面頭嘅調味粉，香濃得來又不失牛鮮。另外仲叫咗月見免治雞棒（配溫泉蛋）同豬腩味噌燒，兩款都烤得香口，食得相當滋味！👍🏻明太子蟹肉醬焗蠔肉蘑菇批大啡菇燒得來一啲都唔乾，帶有juicy

同朋友約食飯上網搵先知道有間居酒屋喺地庫，見幾特別就試下佢。4個人去畀咗卡位我哋坐，位置幾大同埋環境都幾舒服，食物選擇都有好多，由魚生壽司燒物到鍋物都有，而且都有啲套餐選擇。我哋就叫咗一個套餐同散叫啲魚生同壽司都已經夠食，價錢嚟講就都可以接受，不過宵夜時段會有6折就再抵啲。其實都係貪佢個環境幾舒服同埋有日本味道可以FF下自己去咗日本。

在消費券的帶動下，銅鑼灣SOGO 周末人頭湧湧，大戰過後，無心插柳下來到附近永光商業大廈地庫的『三川居酒屋』晚飯，餐廳內有不少舒適的卡座位，佈置洋溢萬聖節氣氛。餐廳門前貼上不同的宣傳海報，有每日空運到港的刺身盛，亦有早入座2人餐優惠，決定一試！！而餐牌內選擇亦見豐富，沙律，炸物，天婦羅，壽司，刺身，丼飯，湯麵，壽喜燒，豬，牛，羊，海鮮等應有盡有。 九點刺身盛 ～ $350/位 期間限定的刺身拼盤有5 款 /9 款可以選擇，二者相差100 元，心思思想試齊最鮮滋味的我們選擇了9 點刺身盛，呢日有法國生蠔， 銀雪魚，立魚，池魚，金目鯛, 帆立貝， 厚切拖羅，牡丹蝦，活北寄貝～牡丹蝦超級新鮮，肉質香甜有彈性。銀鱈魚魚皮經炙燒過，肉質嫩滑，入口魚油溶化。金目鯛外皮鮮紅，魚肉雪白細緻，油份甘香。法國蠔好大隻，肥厚又飽滿，海水味較濃。中拖羅厚切成方型，入口即化，鮮甜卻略嫌太油膩。小妹最愛食香口野，呢款蟹肉醬焗蠔蘑菇批$98 正合心意，巨型磨菇配上煎香了的肥美大蠔，中間是混合明太子和沙律醬的蟹肉醬，而面層更鋪滿焗得香脆的芝士，四重不同滋味，仲有蔬菜沙律伴碟。香口野停不了，再來一個自製串燒拼盤！！今次

今次嚟到位於銅鑼灣嘅一間居酒屋 ，除咗有刺身 ，熟食之外，特別嘅就係佢嘅串燒， 首先講下佢嘅刺身， 最近做緊一個優惠，係一個刺身拼盤，裏面嘅牡丹蝦非常大隻鮮甜，非常肥美，同埋有好多唔同嘅魚類，如果鍾意食魚嘅 一定要試下， 同埋仲有兩隻好鮮甜嘅生蠔 ，仲有北寄貝同帆立貝刺身， 件件都好新鮮。至於佢嘅串燒亦都好多種類 ，即叫即燒， 今次食咗佢嘅，鴨舌， 燒雞腎， 甜薯， 雞肉串等等都幾惹味， 同埋叫咗一個 生蠔大啡菇，上面有好多蟹子醬 ，味道好濃沃。

三川居酒屋位置就喺SOGO隔離，門面唔起眼，不過內有乾坤，木質嘅裝修設計，充滿日式居酒屋小店風情。時令刺身拼盤$350/位有九款唔同嘅刺身，包括：赤蝦、生蠔、帆立貝、北寄貝、拖羅、同埋另外幾款魚生，每一款都係厚切。其中銀雪魚同埋大拖羅油香十足，入口即溶！新鮮北寄貝入口爽脆鮮甜～串燒選擇都好多，我就叫左：串燒甜薯$24鳥手羽串（2隻）$32燒雞腎$32月見免治雞肉棒$36七味燒鴨舌$42煙肉蘆筍卷$32其中月見免治雞肉棒配溫泉蛋係最為推薦嘅～免治雞肉棒入面有雞軟骨，咬落好有口感，仲要配搭溫泉蛋加上醬汁～啖啖滋味！明太子蟹肉醬焗蠔肉蘑菇批$98見好多人都點呢度一道菜色，大大隻大啡菇做底然後上面有焗蠔+明太子蟹肉醬，口感好厚實，味道豐富，食完之後超飽～

前2日同朋友去CWB行街,行到攰有少少肚餓於是就搵左呢間居酒屋諗住食少少野我地6點左右去到由於時間尚早所以無乜人,但坐左一陣即刻開始爆場!睇黎無揀錯呢間真係好多人食!由於唔係好肚餓,所以我地無嗌主食,凈係嗌左剌身同幾串串燒季節剌身盛 9款 $350/位呢個係期間限定,每日新鮮到港有牡丹蝦,生蠔,帶子配三文魚子,拖羅,鯛魚,象拔蚌etc剌身都係厚切既,當中最好味緊係拖羅啦,好入口即溶!牡丹蝦亦都好大隻好鮮甜.平時唔食生蠔既我今日試左竟然出奇地易入口! 象拔蚌又爽口！整體黎講好唔錯👍🏻串燒:串燒甜薯 $24 不嬲都鍾意食甜薯,食親串燒都嗌,今次都唔例外原條燒日本栗米 $32 真係好大條栗米,斬開左一舊舊方便食用,加左牛油燒好香好甜月見免治雞肉棒 $36 呢個蛋係溫泉蛋唔係全生蛋,加左雞軟骨係肉到,食落好有口感!正!😋厚燒牛舌 $68 呢個真係厚切,燒得岩岩好!食落好爽口,好好好好好味!必叫!!!🤤明太子蟹肉醬焗蠔肉磨菇批 $98呢個配搭幾得意,頂層芝士可拉絲,切開好多汁

日本菜不嬲都係我最愛🇯🇵，今次一於試下銅鑼灣呢間係地庫既居酒屋。入到環境唔錯，又播哂日文歌，好似去左大阪心齋橋既居酒屋。我地叫左季節刺身盛九點 ($350/位)，上菜時候我同朋友都嘩一聲😍，因為擺盤好靚之餘，刺身全部亦好厚切。生蠔厚實肥美，海水金屬味重。牡丹蝦又大又非常甜。另外仲有大拖羅、帆立貝、北寄貝、油甘魚、深海池魚 、白魚等。串燒係居酒屋必叫，我地叫左串燒甜薯($24)、原條燒日本粟米($32)、免治雞肉棒($36)、厚燒牛舌($68)，全部燒得非常入味，其中值得推介厚燒牛舌，油脂豐豐盈又彈牙。最後仲叫埋明太子蟹肉醬焗蠔肉蘑菇批($98)，材料豐富亦好JUICY。成餐都好滿意，絕對會再回頭！☺️