三日月

營業中

休息中

平時見開鐵板燒都好貴，今次發現一間位於尖沙咀既鐵板燒餐廳，午市套餐只係需要200幾，即刻同朋友一齊去試試！一黎到餐廳就覺得裝修好日式、簡潔。食物方面表現優秀，選擇都非常之多，推薦大家可以黎試試。鐵板燒什菜🥗什菜有高麗菜、白菜、胡蘿蔔等等，非常鮮甜開胃！😋帝王虎蝦🦐師傅將蝦頭位置烹調至可以直接食既程度，加埋會將啲蝦膏加上蝦肉，令到本身就已經好鮮甜彈牙既蝦肉更添滋味，可以話係非常好食！🤤紐西蘭肉眼扒厚燒🐮肉眼扒肉味好足夠，加埋係用鐵板燒既方式呈現，更有一種燒烤既香味，熟度方面亦都啱啱好，好唔錯！😮鐵板炒飯🍚鐵板炒飯粒粒分明，唔會太乾得黎好有鑊氣！🤗

#三日月，位於尖沙咀金馬倫廣場，日式鐵板燒餐廳，相當優雅既裝修⛩️梗係要坐係鐵板前，睇住大廚表演👩🏼‍🍳除咗唔同既鐵板燒外，亦有設計好既套餐，好似OMAKASE咁💓準備好就會將今日既食材show俾你睇⼀次先，真材實料👍🏻飲返杯Orion消消暑就開餐🍺前菜三小點，牛旁漬，麻醬豆腐，煙燻雞肉，清清地開始😌加埋柚子汁沙律，唔錯，刺身時間，日本魷魚🦑好鮮甜，加少少黑魚子食仲有層次，赤身肉質唔錯，油甘魚相當濃味，三食都唔使點太多醬油，食鮮味😆季節時令生蠔係日本既廣島蠔，配左酸汁同黑魚子既和風食法，好鮮好juicy😋蠔味完全爆係口入面鐵板燒時間🔥每樣食材會先俾你睇下生既佢再睇住佢燒好🤩南非鮑魚，鮮到仲不斷郁，燒燒燒(有片🎬)，切開埋配特製醬汁同昆布上，靚到⼀個點😗⼀食真係哇⼀聲，鮮爽既鮑片，非常好味🩵配昆布都好夾好好味，爽🤘🏻深海野生白鱈魚，師傅仲係店上面畫畫，好嫩滑既鱈魚肉，燒得好香，配法式雜菜係難以形容咁夾🐡茶碗蒸加入松露油、鰹魚湯汁、木耳絲同三文魚籽，超滑超好味🤤魔鬼在細節食肉前加枝三日月本釀造清酒🍶爽身易入口，加埋啲米味可以配食👍🏻美國Prime肉眼薄燒卷，爆汁好濃味😮‍💨加埋蒜片食先係最爽

📍三日月今次嚟到呢間日式席前鐵板燒餐廳食飯，環境寬敞舒適，裝修精緻，新派和風嘅設計帶嚟型格嘅氣息～當晚坐喺吧枱，可以近距離欣賞廚師嘅廚藝，好賞心悅目😍💫三日月極上一人前鐵板餐 $998🌟前菜一共有三款：牛蒡、日式豆腐同煙燻雞肉～牛蒡食落爽口；日式豆腐配埋柚子沙律醬味道好清新；煙燻雞肉最特別，雞肉軟腍，煙燻香味重，係比較少食到嘅雞肉刺身！🥗沙律沙律菜夠曬新鮮，有少量生果，配埋柚子汁一齊食好開胃，份量啱啱好！🍣極上刺身分別有三款刺身：油甘魚、赤身同魷魚～油甘魚食落好Juicy,滿滿嘅油脂感；赤身嘅肉質比較厚實，食落相當滿足；魷魚就比較爽口，配埋黑魚子食係絕配😻🦪季節時令生蠔係嚟自日本嘅廣島蠔，生蠔脹卜卜，肉質肥美，入口嫩滑！最重要係好新鮮，唔會有腥味～配埋黑魚子做點綴😍🍴鮮活南非鮑魚選用咗新鮮嘅鮑魚去烹調，鮑魚食落相當彈牙！原隻煎再切片，配埋紫菜昆布汁，更加突顯到鮑魚嘅鮮味👅最後先食埋個鮑魚肝，味道偏重，但好有咬口🤣🥚茶碗蒸蛋嘢質地滑捋捋，蛋香味重，用咗日本產地嘅蛋～同平時食到嘅味道好唔同🙈同時加入咗魚子、魚湯同木耳絲，增添唔少口感🦐帝王虎蝦隻蝦成隻手掌咁大🤚原隻拆散放喺鐵板上燒，蝦頭同蝦

一開始點餐侍應已經話有兩三個餐冇貨，一直咁推最貴嗰兩個咁都唔緊要啦，唔使煩啦全部一樣要個鮑魚龍蝦餐，但有位朋友對甲殼類敏感已經重新咗起碼四五次個侍應已經應承咗話會幫佢轉做魚但到上鮑魚嗰陣都係照住咗鮑魚，跟住同侍應溝通個侍應話要再加錢加$68師傅冇同我哋互動算啦，以為佢要專心記住我哋啲order原來佢係純粹冇聽我哋講嘢即係侍應有冇理我哋個要求師傅直頭冇聽我哋講嘢知唔知食物過敏係會死得人㗎？廚師要記住客人有咩唔食得係好基本嘅要求啦咁基本嘅要求都做唔到，淨係識得買食評不如唔好做啦，執咗佢啦，我冇諗過呢個價位都可以做到咁差

二訪三日月好耐之前已經黎過一次覺得呢度環境舒服樓底夠高食完會成身一陣鐵板燒嘅味服務仲好好添今次再嚟食dinner叫咗個極上一人前鐵板餐MIKAZUKI Premium Teppanyaki Set for One$998/1Appetizer 前菜三小點有牛蒡漬，麻醬豆腐，煙燻雞肉順着次序食口感層次分明仲有少少消暑嘅感覺Salad 沙律食鐵板燒好多肉千祈唔好唔記得食菜呢個沙律好新鮮幫我補充咗唔少纖維！Premium Sashimi 極上刺身日本尤魚 上面鋪咗魚子醬食落個口感係唔同啲之後仲有赤身，肉質實，有咬口油甘，恰到好處的魚油脂，非常甘香Seasonal Fresh Oyster 季節時令生蠔日本廣島蠔，加上黑魚子上面灑上酸汁完全冇鐵鏽味反而係清甜嘅海水鮮味South African Abalone 鮮活南非鮑魚用上最少量嘅調味新鮮昆布包底再灑上鮑魚汁配鮑魚肝鮮味十足Chawanmushi 茶碗蒸加上松露油更加香滑三文魚子增加層次Patagonian Toothfish 深海野生白鱈魚好特別嘅煮法上面加上法色雜菜下面有香草白汁全部嘢三樣一啖過食簡直係完美又新鮮嘅組合Kagoshima

今日去咗尖沙咀一間叫「三日月」嘅日式鐵板燒餐廳，親戚嘅環境私隱度幾高，既有開放式廚房嘅吧枱，又有獨立包廂。今日嗌咗個三日月極上一人前鐵板餐，$998一位，共有11項菜式，全部菜式嘅擺盤都十分精緻，而且望住師傅喺開放式廚房入面嘅鐵板上面烹煮嘅過程都幾賞心悅目。🍊前菜沙律菜配柚子醋，味道清新開胃；牛蒡漬爽口，味道回甘；冷豆腐配味噌醬同芝麻，感覺清涼；薄切慢煮雞肉口感嫩滑🍊季節時令生蠔廣島生蠔配黑魚子同酸汁，味道清甜，無海水嘅鹹味，口感creamy，而且隻生蠔幾大隻，食落好滿足🍊極上刺身油甘魚、赤身同魷魚，食材幾新鮮🍊鮮活南非鮑魚鮑魚爽口彈牙，原隻喺鐵板上煎，之後再切片，配埋由上湯、新鮮昆布同紫菜調製而成嘅湯汁，湯汁質地濃稠掛身，沾滿每一片鮑魚，底下嘅新鮮昆布吸滿濃郁嘅掛汁，而且有好靚嘅花瓣做裝飾🍊深海野生白鱈魚鱈魚煎到好香，魚肉嫩滑又無魚皮，配埋白硯打成嘅白汁同法式蕃茄雜菜，白汁帶有鮮味，紅汁帶有酸味，令本身味道清淡嘅鱈魚肉增添唔同嘅味道層次🍊茶碗蒸將黑松露混入蛋液去蒸，每一啖蒸蛋都有濃郁嘅黑松露味，面上鋪滿一層鰹魚湯汁同三文魚籽，為茶碗蒸帶嚟唔同層次嘅鮮味，底下有木耳絲增加口感🍊鐵板燒日

正日生日老公帶我同個仔一齊去食我最愛嘅日本鐵板燒，之前我聽朋友講呢間唔錯，所以我哋就book咗食lunch。服務唔錯，非常有禮貌，每道菜都有講解。我哋叫咗個A5和牛餐，食物眼見都好新鮮。前菜都唔錯，聖子好鮮甜（是特別推介的）好可惜敗筆嘅就係呢個蒸蛋度，鹹到冇朋友，根本食唔到。原本佢哋話再整返俾我，可能對呢一味餸已經有啲失望，所以都唔想再試。可能味道上一個菜嘅味道嘅影響，之後幾道菜，我都覺得唔係咁好食，例如鵝肝，其他地方食係會吹口感覺唔油膩，但一擺到嘴邊已經感覺好油，食唔到鵝肝嗰種細滑香脆。只是最好嘅茶漬飯，令我覺得頗特別。而甜品就係我最滿意成餐飯嘅菜式

今日落雨簡直落到好似傻咗咁，為咗避雨，我見到有間鐵板燒，於是就入咗去食啦。店員非常體貼，主動問我使唔使幫我保管把長遮，等我食得舒服啲～欣賞我揀嘅午市套餐有沙律同埋前菜小三點。沙律嘅蔬菜好新鮮，前菜上嚟嗰陣店員話可以由左食到有。分別有鮑片，豆腐，同埋牛蒡。鮑片比想像中入味同埋彈牙👍👍主菜有鮮活澳洲龍蝦，同埋肉眼薄燒卷。循例之前師傅都被我哋先打返張卡影吓相，睇吓啲食材有幾新鮮。龍蝦燒出嚟嘅份量非常之多，而且加咗依個龍蝦膏落去燒，惹味得黎好香口。師傅掌握個火候掌握得好好，肉質唔會過老，啱啱熟。好正。平時嘅薄燒牛通常都淨係配蔥，但係佢呢一個加咗啲菇落去燒，所以口感同埋味道上面都更上一層樓，而且再加埋菇嘅獨特嘅香氣，都幾值得一試。其實食完主菜都已經飽飽地，但佢仲有個鐵板炒飯。店員另外仲拎咗個湯過嚟，建議我哋炒飯食咗一半之後剩返一半加湯食埋佢，一飯兩食😆整體嚟講我覺得都唔錯，而且優惠價，都幾抵

尖沙咀樓上性價比高日式鐵板燒餐感受最深嘅係啲嘢好好食 店員服務非常之有溫度 非常貼地細心 地點好方便 容易搵就係二樓 地方都算大 好多位置可以近距離坐喺吧枱 見到日籍廚師嘅手勢 功架 服務好好 坐低之後 店員立即奉上熱茶 同埋餐牌 介紹今晚最新鮮嘅食物 會講解一下 每碟精美餸菜嘅食法 配搭和特色醬汁等等食得非常愉快 係一個好好嘅經歷🩷🍴三日月🌛一人前鐵板餐 $798前菜有沙律+三小點⭐️前菜三小點牛蒡、日式豆腐、 煙燻雞肉作為開胃菜岩岩好 非常清淡 有特色⭐️沙律有柚子汁可以開胃 清爽 份量唔會太多令你太飽⭐️茶碗蒸非常出色 感覺高貴 一打開碗蓋上面有魚籽、魚湯、木耳絲，最特別是用了黑松露，令到蒸蛋有陣陣的黑松露香味⭐️北海道帆立貝半生熟係最好食 加上溶咗嘅牛油特別香，帆立貝燒得岩岩好，食落好嫩口，下面仲有菠菜搭配⭐️帝王虎蝦師傅煮既時候會將成隻蝦拆散再煎，上菜既時候會有心思咁 砌番成隻上碟，蝦髯煎得好脆，蝦肉既調味都剛剛好 有香草或者紫薯作醬汁 唔同部位都食哂⭐️ 紐西蘭肉眼扒份量好多 啖啖肉配上岩鹽同蒜片 肉質嫩口 係好鮮美嘅粉紅色 配搭嘅醬汁係酸汁，味贈，胡麻醬。蔬菜有蘆筍冬菇南瓜等等，配

今日約了同事去食好西、剛好大家都放假、行街食飯、最後選了日式食鐵板燒！以香港的日式鐵板燒是物超所值、性價比高，有生蠔、鮑魚、刺身…還有獨立的包廂前菜三小點💭▶️ 牛蒡、日式豆腐、螺肉：鮮甜、清爽沙律💭▶️ 有柚子汁可以開胃清爽、為之後食物做好準備廣島蠔💭▶️肥美肉厚、肉質鮮嫩多汁，帶有淡淡的海水味和甜味茶碗蒸💭▶️ 有魚籽、魚湯、木耳絲，最特別是用了黑松露，令到蒸蛋有陣陣的黑松露香味刺身三味💭▶️赤身魚肉質鮮美，口感細緻，魷魚則有彈牙的口感，油甘魚則肉質鮮嫩，富含油脂。帝王虎蝦💭▶️ 蝦肉質鮮美，口感彈牙，保留了虎蝦的鮮甜味道，配本身的蝦膏汁，令味道更上一層樓。深海野生白鱈魚💭▶️ 配以白汁、蔬菜汁令肉質細嫩，味道更鮮美，又保持魚肉的鮮甜。鮮活南非鮑魚💭▶️ 配上紫菜昆布汁令味道鮮美，魚肉質緊密，口感細膩，肉質鮮嫩。鹿兒島黑毛豬薄燒卷💭▶️加上照燒汁、包蔬菜、肉質鮮嫩多汁，帶有淡淡的鐵燒香味加上蔬菜的清爽。海膽鐵板炒飯+$38💭▶️ 結合了鮮美的海膽和香氣四溢的炒飯，海膽的鮮甜和炒飯的融合，更能突顯海洋的鮮味和米飯的香脆。最後以味噌湯和昆布紅豆果收尾💭▶️煙靭香甜、甜度恰到好處

難得放半天假，就更係去搵好西食。 好唔容易，黎到尖沙咀呢間三日月，佢個龍蝦薄燒鐵板餐好出名，所以就要黎試下。 前菜磯燒鮑魚，麻漬豆腐，牛蒡，仲有柚子醬沙律，超新鮮爽口，唔會有菜青味。龍蝦膏用黎煮醬做龍蝦主菜，配返和牛卷金菇同超香既蔥，仲有好新鮮既配菜。煮好擺盤超靚，廚師太有心思。龍蝦夠新鮮，所以啲肉好爽口，夾返龍蝦膏醬超香。龍蝦頭仲可以一陣煮湯。松露茶碗蒸，一打開已聞到好香既松露味，精緻既魚籽，配埋木茸，香味滿分薄燒和牛卷，本身已入口嫩滑又夠香，同埋點返少少海鹽同楜椒味道更提升原個龍蝦頭煲1碗麵豉湯，真係未試過。好鮮味既龍蝦湯，仲要個頭仲有好多肉，正。而櫻花蝦炒飯亦好靚又夠乾身，每一口都有淡淡既櫻花蝦香味。 廚師仲建議先食一半，再配埋茶漬做站茶漬飯，又真係好好味wor，感覺似海鮮粥，有驚喜。而最後甜品係抹茶大福，入而超多紅豆蓉，一啲都唔甜，好好味。

尖沙咀🚇呢間三日月係一間好唔錯嘅👍高級鐵板燒專門店，佢地點十分方便，環境裝修雅緻😊，服務周到，而且有好多唔同💰價位嘅鐵板燒套餐任你揀！前菜三點👌有芥辣八爪魚🐙、杏仁豆腐同埋好有特色嘅煙燻🐓雞肉片，加埋新鮮清爽嘅🥗沙律十分之開胃。刺身有🦑墨魚片配黑魚子、油甘魚🐟同埋吞拿魚赤身🔪，十分之鮮味尤其係吞拿魚入口🤤味道濃郁。新鮮嘅廣島蠔🦪刺身配上少少酸汁同埋⚫黑魚子鮮味提升咗唔少，而且有大半隻手掌咁大🤩仲好厚肉添。深海野生白鱈魚🐟極之鮮嫩而且好重魚味😋，配上法式雜菜同埋白蜆汁🥄好有西日 fusion 感覺，🥰味道配搭得宜好好味。鮮活南非鮑魚😍配上昆布鮮味加倍，加上肉質☺️好嫩滑軟腍，個鮑魚肝仲十分甘香👍添！茶碗蒸♨️加入咗松露油去製作香味十足，面頭仲加咗🐟鰹魚湯汁同埋三文魚子🟠，入口香嫩層次豐富。肉類我揀咗🇳🇿紐西蘭羊架，師傅煎得好軟腍而且🐐羊味香濃得嚟又唔會騷👍。炒飯🍚佢哋加入咗唔少嘅白飯魚🐟同埋櫻花蝦🦐，所以入口都好鮮甜，另外仲加入咗🤩梅子醬，增添咗一份酸香🤤，味道好豐富。除咗就咁食，仲可以加入🐟鰹魚湯變成泡飯🫖，另有一番風味！甜品可以加錢💰升級做焦糖多士🍞，擺碟賣相好精緻，🥄焦糖味好香甜，多士

是日在尖沙咀食日式鐵板，是可以觀賞表演的一餐飯，餐廳環境典雅，有bar枱，在bar枱呢度就可以欣賞到廚師為我哋準備食物嘅過程，由新鮮嘅食材，在鐵板上面嘅烹煮、調味，到慢慢嘅擺盤，到製成咗上碟，可以全程跟上整個過程。一入坐，店員就好好的為我奉上熱茶，還細心的提醒我茶燙小心。先上開胃既前菜，有火龍果、蕃茄仔既沙律，呢個係睇唔出同其他一般日式餐廳既分別😆 接著上既係可以凍食既磯燒鮑魚片，好入味，兩三片真係唔夠咁大食既我食，前菜就算啦。我們今日坐bar枱，廚師就已經為我地個main course 做準備，今日重中之重是龍蝦，廚師烹煮龍蝦的手法純熟，先將開邊嘅龍蝦肉整熟，跟住就將龍蝦肉嘅挑出嚟，再切件，另外將龍蝦頭、龍蝦殼在鐵板上加熱至全熟，跟住落嚟就係慢慢擺盤、到端上我面前。龍蝦頭之後仲會攞嚟做麵豉湯。另一個主食就是牛肉卷。上牛時，店員好好的由右至左的介紹分別是酸汁、麵豉汁、芝麻醬，三件牛肉卷，試過黎講，酸汁竟然最能夠特出牛味。而炒飯好值得一提，係我第一次食嘅酸炒飯，炒飯入面係有櫻花蝦、白飯魚仔乾、同埋木魚絲，呢個炒飯係有兩食嘅，最後加埋佢地準備既高湯就是係茶漬飯，真係幾特別。

「三日月」🔥位於尖沙咀港鐵站附近，行過去都近。裝修新淨舒適，設有吧枱位，可以坐係鐵板前面，近距離欣賞如果師傳既廚藝和交流一下，當晚嘅師傅係日本人呢👍🔸三日月一人前鐵板餐 $798套餐包括前菜三小點、沙律、帆立貝🐟、日本野菜、茶碗蒸、深海野生白鱈魚🐟/帝王虎蝦🦐(二選一，我地各選一來share)、肉類(四選一，我地揀左鹿兒島黑毛豬薄燒卷🐖和紐西蘭肉眼扒🐄來share)、主食(我地揀左鐵板炒飯)、味噌湯和甜品，真係好豐富。深海野生白鱈魚賣相好靚，外層燒至金黃色，肉質卻保持嫰滑，配白蜆汁和法式雜菜真係好有創意😋。至於大蝦🦐，好香口，蝦肉爽口彈牙，記著要點埋咗好正既蝦膏和黑醋汁。紐西蘭肉眼扒重牛味，鹿兒島黑毛豬薄燒卷好juicy，入面的蔬菜和菌類很清新，兩款肉類和附上既蒜片一齊食更佳，用鐵板燒係唔同啲👍鐵板炒飯落左好多櫻花蝦，食左一半之後可以後可以加湯，變身茶漬飯呢。

最勤力嘅契妹終於完成佢公司手頭上嘅工作🫠，Duck哥🦆梗係第一時間約佢食飯啦。知道佢好鐘意食鐵板燒，所以Duck哥🦆揀咗位於尖沙咀，性價比高嘅 三日月。餐廳環境寬敞舒適，裝修以深灰色為主，我地揀咗坐吧枱，因為可以欣賞師傅處理食材過程😍。三日月極上一人前鐵板餐 $998🌟前菜三小點有牛蒡、日式豆腐和煙燻半熟雞肉🐓刺身，比較特別係雞肉刺身，肉質軟腍，帶有煙燻香味😍。🌟沙律沙律菜🥗新鮮，簡簡單單混合醋汁，味道清新又醒胃🥰。🌟極上刺身赤身 - 魚味香濃😍。魷魚 - 肉質軟滑彈口😋。油甘魚 - 油脂豐腴，口感軟滑🥰。🌟季節時令生蠔🦪味道鮮甜，帶有淡淡嘅海水味🌊，而且飽滿多汁，口感幼滑😋。🌟鮮活南非鮑魚厚肉爽身，無論口感和味道皆為一流😍，配埋海苔醬，味道更鮮🤤；最特別嘅係連鮑魚內臟都會煎香俾食客享用，食落味道又唔錯😋。🌟茶碗蒸質地滑溜，充滿濃郁蛋香，入面有魚籽、魚湯、木耳絲，口感豐富☺️2️⃣選1️⃣🌟帝王虎蝦 - 🦐大大隻又新鮮，蝦味香濃，口感爽彈。🌟深海野生白鱈魚 - 漬得入味，鮮香微甜，表面燒至焦香🔥，肉質依然嫩滑多汁，口感一流😋。7️⃣選1️⃣✨美國PRIME肉眼薄燒卷五成熟牛肉🐂肉味濃郁，包住蔥花及炸