上海美華菜館 (已結業)

奇怪的餐廳，昨晚第一次去試呢間野，我一個女仔先到餐廳攞位，同門口個帥哥講3位，佢話要齊人先入得，咁我唯有企門口等打住機等，等等下佢走出黎問，你朋友幾時到?我說~應該10分鐘左右，佢叫我問下老闆娘比唔比入，咁咪問囉，入到去戰戰兢兢咁問，老闆娘又話:「我哋唔比係餐廳坐住等架，你朋友10分鐘到?只可比10分鐘你等」心諗10分鐘唔到你會唔會趕我走?於事硬著頭皮坐低，通知朋友快d到。坐低後好有壓迫感，完全被監視住。好彩朋友10分鐘內到齊，馬上叫野食，那帥哥覆單超冇禮貌，我叫鎮江肴肉，佢覆我粗炒肴肉，同佢講咗3次係鎮江肴肉，佢都話係粗炒肴肉，如果粗炒肴肉係上海正宗叫法唔該你哋餐牌寫粗炒肴肉啦～仲要唔憤氣地反白眼!! 算，我忍因為我黎食食唔係黎嘈交的，試下食物嘅味道先講，食物味道一般，不是特別出色，大家去幫親要有心埋預備先好去。

友人今天開車與我們遊了一轉，交通雖然有點阻滯，仍覺不是問題，香港是熱鬧城市，怎不出來走走支持老店小店。友人年輕時姊姊住處(已搬走很久) 附近，間中會幫襯的上海館，因位處土瓜灣區，對我來說略為隔涉。惜日的上海食店以簡單實際為主，慣常設卡位加圓桌，上至一家大小，下至一兩人也很適合。門面是熟識的，只是有些地方用上了不銹鋼，店內也曾修飾過。牆上的菜式名稱沒有顯示價錢，這是長久以來慣常的做法，如價錢有變，只需修改餐牌便可！由友人發辦，尋回他想找的味道。小籠包傳統外皮，沒現今新食店追求的薄，軟腍的碎肉，點點肉汁，蘸點薑絲浙醋，也開始拾回年少時吃過的回憶。炸銀絲卷上面的皮真的炸得很酥脆，熱燙燙，雖沒太多卷卷的絲，但很軟熟。酸辣湯微辣少酸，有豬紅的，大家分析這是真豬紅，現時香港不多的地方有真的吃了，不易散開，入口有輕韌力，軟滑，Q 彈，木耳絲，豆腐絲，蛋花，還有少少蝦，就是這個味道，可能現時人們感他不外如是，但從拾味道是很個人的，就像吃雞蛋仔一樣，現在用電挾子，想當年用炭燒，香味確與現在有所不同。上海粗炒椰菜絲與豬肉絲略有不足，中粗麵條帶點煙韌，加上老抽醬油的顏色，油沒減，就是回憶的終結。大家吃過後，

每逢每個月的26號，都是我們的拍拖紀念日。我們記得的話，都會去做一些特別的事去簡單慶祝一下。這次就打算早點起來吃一個上海早點！一直都想去土瓜灣這家上海菜館試試早點，這天終於到了！早上10點，店裡也有不少食客在吃著早點。我們點了出名的粢飯，鍋貼和甜豆漿。這裡有不少人也吃著咸豆漿，對我來說有點古怪，所以還是點了甜的。粢飯裡面有炸菜粒，肉鬆，油炸鬼，加起來真的很好吃又實淨。油炸鬼超級脆口。鍋貼很飽滿，熱辣辣的。甜豆漿也不過不失，就是正常的豆漿。整體都不錯，很有特式，希望找天來試試晚餐！

好少早餐會食飯，仲要係糯米飯。但見到報到話出名，而剛好朝早有啲時間，就行過黎試下。呢個咸粢飯用新鮮蒸好既糯米包住炸菜碎，肉鬆，炸過兩次好脆既油炸鬼，糯米痴得黎放落口又唔會槳住，但食完飲埋熱甜豆漿，好滿足而且飽左半日。 而且老闆同老闆娘恩愛又好禮貌，如果可以我都想待你更好 。........ #foodreview #foodhunt  #travelhk #eatlife #life #taste #먹방 #맛집 #맛 #홍콩  #comida  #粢飯 #粢飯豆漿 #中式早餐 #test_tokwawan

朋友童年成日嚟食，我今日喺附近，佢就諗起貢過嚟帶我嚟食。朋友早到，入座已令朋友燥底，落order叫野食原來係要一次過叫晒的，真係聞所未聞. 反而朋友好燥的情況下，我又一啲都唔燥。本人鐘意隱世小店，因為總覺得係卧虎藏龍，食物質素好，我可以將服務態度暫時拋底。但呢間真係絕對唔係咁，個小籠包稍大粒，皮厚少肉汁，只能怪我見識少。酸辣湯唔夠酸唔夠辣，只能講佢有自己風味，唔夾我呢個鐘意”一般質素"酸辣湯嘅人嘅口味。另外两樣雪菜炒年糕同薰魚幾好食，但又真係唔會專登搭車嚟食呢两味。最後仲有，唔知係張枱面爛左定乜鬼，個圓枱面再加多張黑色厚圓枱面喺上面，搞到枱面距離同塊面近左，即刻好似張櫈矮左咁食得好唔舒服，其實呢間舖真係唔會令我心甘命抵忍你呢啲小事再幫襯。今次完全無醒起影相 ，可能個位係風口位，太凍，下次補影返。。。呀，不過應該唔會有下次。

這是第一間，我會給五星的上海飯店！⭐️⭐️⭐️⭐️⭐️這家店，我已經吃過了五次以上，而且還覺得他水準能夠保持，我才會給上我的五星推薦喔！👍🏼這店是傳統的家庭式經營的上海飯店，味道完全是我在兒時吃到的老上海的味道的，這麼多年都沒有變！炒鱔糊、上海粗炒、小籠包也是我每次都必必吃的，因為這個老味道是在其他店完全吃不到的。小籠包雖然並不是現在流行的超薄皮，但是這才真是從量魚蓉的，酸和辣味比例剛好，不多也不少完美的搭配！炒鱔糊、上海粗炒、小籠包也是我每次都必必吃的，因為這個老味道是在其他店完全吃不到的。小籠包雖然並不是現在流行的超薄皮，但是我覺得這才是真正傳統的小籠包，大大的肉餡、鮮美的湯汁，真的十分好吃！

老板娘服務態度甚惡劣，唔知以為入去係乞食，眼見晚市得一半滿坐，新客二人入來指定坐單邊位，新客眼見未滿坐，於是坐對家，登時老板娘即時指責，我話咗咁坐就咁坐，同時指責老伙計客人唔聽話就唔應該幫他落單，好彩客人品好即時對老伙計說對不起，乖乖坐回原位，另外食物質素極之一般，加上以上服務態度，就算免費亦不會光顧

呢間位於土瓜灣內街嘅餐館，如果唔係街坊或者專登到訪嘅人一般係唔會發現佢嘅位置，話雖如此，星期日早上八點鐘🕗未夠已經有唔少人嚟食早餐。而我呢日全日(晨早開始...)都要出土瓜灣做嘢，所以順便嚟一嚐上海早餐。由於得自己一條友，所以唔可以嗌好多嘢食，考慮咗好耐要甜豆漿定鹹豆漿，但係最終要咗甜嘅，無乜特別，早知試吓鹹嘅好過，因為比較罕見。另外我叫咗個鹹甜粢飯，粢飯真係好飽因為有好多飯🤣，而且好大嚿，入邊有唔少肉鬆同菜譜，仲有少少砂糖都幾得意，但係我嫌佢啲飯比較硬，食到尾有少少唔想食。整體來講，我覺得唔算非常好食，之前喺台灣食過啲有埋成條油炸鬼係入邊嘅好食啲，飯都比較易入口。可能我叫錯嘢食啦，有機會都仲想試吓佢個鹹豆漿嘅。

晨早流流，同事話好想出去食個有力量嘅早餐。於是我哋就去咗公司附近呢間上海美華餐廳。同事同我分別每人叫了一個粢飯，佢要鹹豆漿，以我叫了一杯凍豆漿。粢飯真係好多了好多材料，條油炸鬼仲好脆下，入入面除咗有油炸鬼仲有榨菜同肉鬆。材料真係好夠㗎 ！我覺得食完之後真係充滿力量啊。至於鹹豆漿我同事話好好味喎，好夠味，但我個人就覺得怪怪地（利申：我無試！），凍豆漿都算有豆味嘅，不太甜，普普通通中規中矩嘅一杯豆漿啦！耐唔耐食下上海食上海式早餐都唔錯㗎 ！好過成日食西餐早餐咁悶啊！

自從近日電視台宣傳過上海美華後，我們又來到此店並感受到傳媒的威力。以往來過多次亦不需要排隊等入座，今天竟一反常態，無論堂食或外賣同樣也要排隊。排隊等候的時候，食客議論紛紛，說電視台弄成這樣子的。有人提議外賣應排另一條籠，不應和堂食的長籠一起排。店內甚有霸氣的老板娘隨即反問為什麼要分兩條籠排，並宣示她是老闆喜歡怎樣排就怎樣排。雖然大家心中不憤，但為了女皇的粢飯，也只好忍氣吞聲地耐心等待。十分鐘後終於能坐下叫了兩碗鹹豆漿和兩個粢飯。食物來到的時候已察覺到和以往的分別。粢飯細了，餡料亦少了，味道也不如前。鹹豆漿亦稀了，蝦皮還有點腥味，幸好麻油味還在。還有一段小插曲:有顧客點了小籠包和窩貼，沒想到不久即傳來老闆娘洪亮的聲音，說顧客只可選擇其一！如此限制，實在少聞，亦令食客微言不斷。總言而之，今早的早餐令我有點失望。是否客源突然的增加令店舖應付不了不得而知，但我們應該要等傳媒効應過後才可再來了，期望到時食物的質量和服務也能回復舊觀！成也傳媒，敗也傳媒！上海美華，暫別了！

喺土瓜灣附近做完嘢食個午餐就係OpenRice睇到一個幾高人氣嘅食店-美華到嘅時候門口已經貼住粢飯豆漿售罄 小菜供應唔緊要照殺！我哋三個人叫咗成枱都係餸小籠包 8隻皮厚 有咬口 裏面相當多肉汁 味道相當不錯上海炒年糕這個味道一般 特別只吃到有少許咸味酸辣湯跟平時一般的味道不一樣 到幾次就咁用豆瓣醬開稀左黎煮 個人非常不喜歡 只飲了一小碗麻婆豆腐味道偏鹹 而且我覺得整個就是用豆瓣醬煮豆腐 不喜歡黑醋金沙骨味道不錯 味道酸酸甜甜 可是金沙骨沒有香脆的感覺炒菜是最好吃的 味道很香花雕酒炒香味整體我認為食物味道一般 可能還是要吃他的粢飯豆漿才是正確

第一次寫食評，電視報道完，就走去試吓，夜晚去食就出事，完全冇服務態度，落單好混亂，間鋪都唔係好多人，叫完果樣話冇，點知轉頭又有返，永遠blacklist 。總之電視報導得都係有伏

早餐時間諗住去食粢飯蔥油餅，叫了2⃣️件粢飯1件薄蔥餅。 蔥餅1 分鐘唔使送到，一見到我同老公呆了互望。 蔥油餅又乾又硬，蔥已變黃，好明顯是隔夜的，心諗你點都熱返伴餅先啦，點知試一啖，真係超硬又凍，成塊紙皮 😣。放低唔食啦，等瓷飯。 個老板送瓷飯來時口口噏噏話你2⃣️個做乜唔飲野，暗示我地要叫豆漿，我無理佢。 瓷飯是熱的，但飯粒很乾，很硬，不知用的是是什麼米，油炸鬼也是隔！夜！的！又硬又一陣油味 🤦‍♀️。食咗兩啖，我哋即刻埋單走，$47。 我究竟食左D乜

情人節食西餐排的長龍，識食就當然食中式野喇，7點幾去到唔使等位，快靚正。二餸一湯套餐，加一客小籠包，都只係二百幾蚊，今時今日唔多地方有。生炒骨，餐廳用豬扒做材料，配菜(青椒，蕃茄)完全唔熟，可能因為又係廣東菜，所以我地唔應該order嘅….Overall，CP值都好高，值得推介。

老闆娘態度極度惡劣老闆娘態度超級惡劣。我們食完主菜想叫甜品，蒸銀絲卷，可能她嫌我們叫平野，就話銀絲卷不設堂食，我說以前幫襯有堂食，她又說吾比賣晒咩？我說妳剛才不是說賣晒。她就說係呀，外賣就有。之後我們叫高力豆沙，她語氣極差的說等下啦！之後我們還未吃完她就叫伙記來收我們的碗筷，我叫她留下筷子因未吃完。老闆娘一見我們把最後一個高力豆沙放落口，就第一時間沖埋嚟大大力咁執碗筷，又粗暴地說了一些上海話。我估應該係嫌我地阻住佢接下一枱客所以想趕我地走。但我們又坐底至走都不到一個鐘。幫襯得少就趕人走。