世華餐廳 (已結業)

近呢兩個星期我都多數出街食晚飯，今朝在沙田的酒樓食完下午茶，晚上去尖沙咀食西餐。我覺得主菜肉眼扒味道和肉質麻麻地而且唔厚，意大利粉不難食份量不少所以覺得這裡晚餐比上不足比下僅僅合格。蘇皮忌廉湯不咸但覺得欠缺配料但好在蘇皮夠厚幾好食，法式焗田螺大大隻但可惜田螺味不夠所以都是一般。晚餐價錢已加一為$112價錢不高但食物質數可以也不要期望高！

　　元旦日，到了午膳時間還不太多人，我返完教會，想自個兒安靜地吃個午餐，於是便來到了這裏。誠信中心的一間倒是常去的，這一間則是一次。　　這裏寬敞，座位也很多，環境可算是很安靜。但可能因為空間大，服務員就不容易留意到，我招手招了好久，才有人來。服務員從遠處看到我招手，大聲呼喊，「等陣啦。等陣啦。」非常地不耐煩。把水拿給我的時候，也面露不悅之色。　　我要了黑椒牛扒魚柳薯菜，紅湯配熱奶茶。　　先說餐包，實在是很硬，尤其是底部，是番熱過久的結果，我嚼了幾口都耐不住了。　　而牛扒則不錯，我很喜歡黑椒汁，辣味十足，開胃惹味，也夠多，而牛扒也是厚薄適中，容易嚼和切。但魚柳不是真魚那種，是魚餅，是魚肉加上蛋去煎的一種，所以我不太喜歡。　　奶茶夠甘香，不錯。　　概括而言，服務態度需要改善，食物質素則可以。

之前黎世華食過午餐都覺得幾ＯＫ，今日同朋友行至呢頭附近搵食，突然記起世華，既然朋友未黎過，於是就帶佢試下！我地叫左個中式兩餸客飯套餐，由於我同朋友有野傾所以由６點半左右坐到９點，雖然係星期六但點解食客都咁少？喺尖沙咀區，仲要係晚飯黃金時間，呢度嘅食客竟然只係佔全餐廳嘅３分之１？？？唔通食物水準同服務態度有關？？？ 個中式兩餸客飯套餐：兩個白飯＋兩個餸＋兩杯餐飲。另外，我地加$50叫多個冬陰功湯！ 粉絲肥牛煲：賣相ＯＫ，份量都幾夠，而且聞落都幾香！但食落就唔夠鑊氣，Ｄ粉絲同肥牛都唔夠香口、唔夠入味！ 咕嚕肉：有青紅椒，菠蘿同洋蔥，不過Ｄ肉有Ｄ韌！ 冬陰功湯：小窩上檯，熱騰騰好吸引！夠香又好味，辣度適中，唔錯！論食物水準，似乎比我上一次黎真係差左Ｄ！同埋人客唔多但仍出現漏單情況，叫個侍應追追，佢居然一邊應即刻去追，但卻繼續喺度執檯擺餐紙？！認真莫名其妙，咁即係敷衍地回應客人唧！。。。

今日盲仲仲入左喱間黑店，估唔到Ｄ野食真係咁唔掂。叫左個海南雞飯套餐：Ｄ飯好似擺左係沙漠風化左兩日，乾爭爭，唔發臭已經偷笑。Ｄ雞亦是如此的難食，好似參加完饑饉三十皮包骨。檸檬茶，好似飲緊lite，無茶味，亦都無檸檬味。落單時個男侍應好似玄檀咁樣，重慘過打麻將截佢糊咁。套餐$48，凍飲加$2，重要加一，咁既價錢我去翠X食都無咁嬲，起碼佢唔俾服務都俾食物既質素我。

第一次食到咁難食ge西餐,白湯得滾水味,包唔熱.主菜 : 肉眼扒唔係肉眼扒, 昆水.總之食物質素就差到無人有,食左第一啖都唔想再食我同女朋友座係窗口卡位,見到出面有人想入泥食,我地真係好想同佢講句好難食,唔好入泥呀........唉

好耐都未去過呢間餐廳食野啦.裝修過後,都唔似之前咁黑黑沉沉,最少,而家光猛D,感覺都乾淨D舒服D.下午茶時間,客人都好多.都有好多選擇可以揀.咖喱雞扒飯:個汁做得幾好,又香,可惜辣少少.本來叫個印尼炒飯,點知出錯個楊州炒飯,當然問個侍應啦,一句:落錯單!咁就算數.而我又趕時間,唯有照食囉,味道唔錯,又唔算太多油,不過不失啦.另外仲叫個好耐未食過既野,芝士火飛碟,不過都等幾耐.幾好味,只覺麵包皮唔夠脆.

今日好人多,我地好肚餓ah...所以去左世華餐廳食叫左海南雞飯及咖哩牛腩飯:1)海南雞飯~~~~~~d雞都唔知雪左幾多日2)咖哩牛腩飯~~~~比不上大家樂冇下次

4/2 LUNCH去到唔駛等位, 呢間野好似裝修左冇耐咁, 好新地方都好寬敞, 我地坐左喺廚房位對出, 我地叫左午餐, 咸魚雞粒炒飯同芝士海鮮長通粉, 兩個既賣相唔差既, 但食落就唔多掂啦, 好鬼咸呀! 啲長通粉淋be be....仲有我地要左忌廉湯, 一啲忌廉味都冇, 稀過水呀, 同埋得幾粒粟米...埋單$64

呢度好耐冇黎過喇~以前0係尖咀做野時都黎過幾次，始終唔係咁就腳嘛~其實本來諗住行去海港城先食，但行行下落雨冇帶遮，見斜對面就係世華，心諗不如重遊一下故地啦~今次一上樓梯，就已經有位男士好有禮貌咁打招呼、帶位，我見當時已經過左5點半，就問下「仲有冇下午茶呢?」，佢答「有」，跟住從號碼夾度抽出餐牌揭到下午茶0個版俾我睇，「你睇睇有咩0岩食」，然後又好快咁俾左杯清水&餐具(匙更、叉)上檯。我見下午茶餐原來供應到6點半，之後約左人9點幾先再食野，都係食多d野暖肚好d，叫左乾炒牛河，有野飲奉送，我叫左熱奶茶。我見餐牌有d新推介，記得有隻咩蘋果豬扒套餐，一向覺得生果唔係幾0岩熟食0既我就當然唔會捧場啦等野食期間，我就周圍望下，發覺呢度裝修過，睇落去好新同光猛，冇以前咁陰暗，又多左幾部電視，播緊now TV節目，感覺舒服左~奶茶黎先，雖然天氣涼左好多，但都夠熱，落咖啡糖都好快溶，茶同奶都夠味，色水都0岩丫~個炒河都等左超過15分鐘先黎，之但係又唔係0岩0岩炒完上碟熱辣辣，d河粉都幾碎，我即刻舉手要筷子，又係0個位男士，佢雙手端左一對好似酒樓用紙套包好0既筷子俾我，見到佢呢個殷勤模樣，我0個刻差d想笑

尖沙咀寶勒巷與赫德道一帶近年開多咗食肆，到夜晚依然燈火通明仲熱鬧過日間，有晚路經此處正在煩惱食乜嘢好？突然望到世華蝦嘅招牌，見咁耐無嚟又走上嚟睇吓，發覺裝修過後都算乾淨企理，咁就坐低食番個港式西餐。雖然位處尖沙咀心臟地帶但價錢就走中下價路線，五、六十蚊就有扒鋸都咪話唔抵食。叫咗個雙併晚餐，T骨扒配田螺（$55）同馬來大餐（$60）。晚餐個粟米忌廉湯夠杰但味不濃，好彩個餐包都叮番熱，田螺有4粒，味道好普通，T骨扒就好大塊，完全無俾梳打粉折磨過仲有D肉味，抵讚。至於個馬來大餐都幾多嘢食，個咖喱湯都幾辣似係將D咖喱汁溝稀但都幾好飲，有4串沙嗲，燒得幾好雞肉唔會乾，個沙嗲汁都算正，比起好多星馬泰餐廳都好食，咖喱羊扒就得幾塊但味道唔錯，最後仲有雪糕，十分抵食。番屋企上OR睇吓，唔明點解咁多喊面？其實以呢個價錢有咁嘅水準都唔係咁差啫。

上星期日一行4人到此店幫襯,order了4人海南雞飯套餐$238(另加1):1/ 半隻海南雞:份量夠,雞夠滑,另有雞油飯4碗.2/ 例湯: 青紅蘿蔔湯一大湯碗,ok!3/ 馬拉盞炒時菜,好有鑊氣,好食.4/ 半打串燒豬,牛或雞.5/ 自選了一個咖哩牛腩煲,算ok啦!6/ 一人一杯餐茶.食物質素總括ok,份量足,以現時經濟環境,可以搵到一間底食兼味道ok嘅地方同家人食餐飯,算好好喇! 一定會再去!不過奉勸大家,最好只order海南,馬拉食品或中式小菜,因見到隔離枱焗飯同西餐認真no good!

唔知我讀得書少還是我聽覺有問題,今日同女朋友去左呢間餐廳食扒俾個侍應哥哥問我地份餐想要乜野汁既時侯,得到既答案係「黑蒜蔥叉燒,你想要乜野?」。我地兩個人完全O哂嘴,我見侍應哥哥冇打算解釋到底乜野係黑蒜蔥叉燒,我惟有不恥下問。結果換來既答案係「哦,乜你唔知我講乜咩?我簡左幾隻字啫」。聽到呢句我終於醒覺,原來係黑椒,洋蔥,蒜蓉汁。正當我問是否有「叉燒」一汁時, 侍應哥哥就話「唔係叉燒呀,係沙嗲同埋燒汁」。如果咁多位有邊位聽過「黑蒜蔥沙燒」既話請話俾我聽,睇怕我都係時候去接受再培訓去補下我d中文。

兩人來此午餐 , 點了個魚 SET , 一個焗意粉 SET , 兩樣都好難食 !!魚有點不新鮮 , 咬一口便吐了出來 , 雪了不知多久 ...焗意粉 ... 不知是焗還是燴 , 不夠熱 , 也沒有焗的香氣 , 吃了數口便放棄 ...兩人急速埋單 , 再去第二間食過 絕對不會再幫襯

尋晚同女朋友去尖沙咀搵飯食 行o下行o下見到間野門面裝修好似唔錯, 高背白梳化, 微黃燈光, 加上餐牌好似幾得 就一心去試下.上到二樓, 一見個環境就知出事, 人丁幾隻, 食客唔多, 座位二人卡位太窄, 坐得勁唔舒服, 可能人少, 佢地好似冇開冷氣咁, 勁熱, 我地叫o左個 鐵板餐 及 雙拼餐.首先雙拼餐西冷牛扒+芝士田螺 : 田螺味道一般, 全部偏鹹無芝士味.失望. 反而墊底的薯蓉還可以, 不夠香口. 好明顯不明即焗的, 塊西冷扒仲激死人, 個waiter 落單時唔問我地要幾成熟, 來到塊牛扒十成熟, 又唔嫩口, 好難食, 一d都唔似西冷扒!鐵板西冷扒餐 : 上檯時d汁一早o係廚房加o左先, 來到已經冇吱吱聲, 賣相一點也不吸引. 兩件牛扒同雙拼o既西冷扒如出一轍, 真的後悔來了這間餐廳. 味道更不用一提!尖沙咀其實有不少更好的選擇, 要食好野不用再來這裏!!

與小二及C先生在附近搵食, 抬頭望見這裏裝修"好像"不錯, 高背白梳化, 微黃燈光, 加上有唔同款式的食物, 就一試.環境算是不錯, 座位也算坐得舒服, 但有數隻小蚊子"遊盪"著, 煩反感!! 三個人, 三個餐.田螺(一打)餐 : 因吃不下太多, 所以點這餐可以大家分享. 味道一般, 有數隻偏鹹. 雖為著貪得意一試, 仍有點失望. 反而墊底的薯蓉還可以, 但只得底部的帶點微焦, 不夠香口.鐵板雞扒餐 : 雖然鐵板上檯時吱吱作響, 但賣相一點也不吸引. 兩件比我的手掌還小的雞扒, 真的女孩子也不夠. 比伴菜的份量更孤寒. 味道更不用一提!晚餐雙拼 : C先生選了雞扒拼珍寶腸. 望著那"極短珍寶腸", 真係哭笑不得. 那兩塊雞扒亦不見得比我們的好. 味道也是不多說了.到後期, 我見到每一侍應替客人送上鐵板餐時, 都會跟著一碟飯/沙律, 相信是跟餐的. 但我們卻沒有呀!! 於是找來替我們落單的高瘦男經理一問. 他竟向我們說那是要收錢的. 我地唔信, 私下問了其他食客, 人家說不用的!!! 嘩!! 一是那食客騙我們, 再不就是那經理"不負責任", 不想再補