世華餐廳 (已結業)

好耐以前來幫襯過,之前d野食就真係唔得,仲記得(以前)個假天花四圍都滴水地方污糟,估唔到依家裝修左,雖然好茶餐廳feel,....but覺得好醒神,成間白雪雪咁就連d食物都好左好多,order左兩個lunch雞扒意粉和雪菜肉c炆米~ok有水準,而我覺得佢地餐湯羅宋湯夠料夠色,唔似得有d餐廳個湯好似垃圾水咁連燒鵝頸都有~仲有杯檸茶都好ok有茶味,價錢是同茶餐廳差唔多,勝在舒適&clean,仲有電視睇.....其實一碗湯都好仲要唔好以為好簡單,因為基本野要做得好才可能做好菜色,給人信心,好高興見到佢地一番新境象!!唉~!!見到四川d人咁慘,好想借<開飯啦>講:要真惜食物,世界上有好多人冇野食,我哋好幸運在香港仲能夠<開飯>

野食係平, 都唔算太差，問題係污糟！啲湯度有強仔添

少去九龍，行經'世華'男友見到有扒据咪試下!我地上樓時聽到下樓的女仔話'咁都要百幾蚊?'上到去好有懷舊feel..我同侍應講要'泰色蟹肉炒飯"佢話冇蟹肉轉蟹柳"我當然唔制啦之後改左"泰色蝦球炒飯"到我男友問佢叫咩牛扒好食?個侍應一手搶左個餐牌(勁冇禮貌)係咁望望左一陣都冇覆咁我話要牛柳啦之後再加多個"馬拉盞炒生菜'...食物係勁之失望...炒飯係有蛋同生菜加上蝦球冇任何泰色的野..牛柳好細加勁仲黑椒味(我隻手仲大過件扒)..個菜又多酒又冇馬拉盞(食出有少少蝦膏味)你話叫咩就唔係咩你估我仲會不再去>.<p.s :走的時間(下樓)先林起上黎的時間個女仔講'咁都百幾蚊?'我立即明白曬!!!

其實係扮西既茶餐廳～ｈａｈａ逛完尖沙咀突然間想鋸扒喎～見呢間價錢十分相宜所以便上了來～食咗個牛扒拼羊扒＋黑椒汁既餐～餐湯：羅宋湯幾好飲喎～又唔太辣包：很熱～抵讚呀～ｄ牛油放入去即刻溶晒主菜：牛扒很薄～味道還可以～羊扒有點過肥～但又幾好食喎！ｄ薯菜都幾好食～飲品：凍朱古力～雖然我無叫少甜～但阿姐放低杯飲既時候話係少甜的～但飲落完全唔講係少甜咯～服務：ｏｋ喎～俾茶唔係俾水～阿姐仲會幫你加水＠＠～無乜人＋無人食煙～多卡位～菜單上最平既一份扒（乜都無得個扒果ｄ）都係＄３０～就係局格較殘舊～都幾好呀～咁既價錢也不要求甚麼啦～

充滿著茶記、麵檔的小街，再加上賣扒、海南雞及小炒的豉油扒房，感覺幾特別的小巷。點半來到大部分客差不多買單，新入的客無幾，看來附近工作的午飯時間幾早。來這裡唔多唔少是被正宗雞油飯吸引，且看看雞、飯、醬、湯四方面邊樣掂。落單後兩分鐘即上，阿姐知偶肚餓所以加快速度上，是「她說的」。泰式酸辣汁再配燒味用薑蓉，幾「地道」、又是修長的絲苗米，近來吃過的海南雞全都是這類米，帶微微「雞汁」香，只嫌太油太膩，吃了兩口可以收工、海南雞，雞胸皮乾而微脆，帶少少油脂，吃得過，其他的部分，撇除皮奀肉韌的位置，可取的不多、湯，味精湯也。豉油西餐廳收$42個餐，幾貴的，但阿姐招呼周到效率亦高，替餐廳爭回不少分數。

14-10-2005 2058係碼頭食完雪糕後，搭11號到達目的地。我也是第1次來，格局十足十幾廿年前豉油鐵板餐廳格局，上到去都幾熱鬧，不但止係食客，還有一班後生及充滿希望的人正在努力工作中，真係少見。我朋友推薦我食燒春雞，因為份量夠大，而佢自己就叫黑椒牛扒加黑椒汁。上到檯後果然冇講錯，份量係平時茶記或豉油西餐廳既double，同時陪襯既沙律在個人而言也不差，好可惜殘殘地既環境及待應應有既基本服務態度都冇囉，整體上只可以俾ok！

係尖沙咀食飯既我地，每日都可以選擇不同既餐廳食lunch... 但好不幸地今日去左呢個"世華餐廳"。一座底，已經feel到煙霧迷漫(係極多人食煙既臭煙)，都唔明d人黎食煙定係食飯，十抬有八抬都食既...所以我地打算快快趣食完就走...我兩個同事叫左個西冷牛扒餐...點知兩件牛扒硬到切唔入...原因竟然一碟生到切唔入，另一碟竟熟到把刀都切唔到... 最不幸都係我啦... 我既童子雞飯竟然有隻唔知咩既昆蟲!!! 非常恐怖! 有好多隻腳.... 嚇到我同事即刻想嘔，跟住叫經理過黎睇~ 佢只係即刻收左碟話唔好意思，取消佢。之後就走左...... 仲無黎我地去左執抬!! 因我只係食左二啖飯... 所以我叫返個經理過黎問"甘點?" 跟住個經理竟然反問我"你未食飽咩?"... 下!!!!有無搞錯呀...完全無打算有行動! 最後我話我乜都無食過，一係比碗"朱扒米線"我，最後...我地三個分別剩左大半個餐無食....埋單仲要每人比$35，都唔知食左D乜!!! 仲搞到成身成頭都係煙味..好似入左間黑店甘!

唔經唔覺, 原來我已經三年半冇黎呢間餐廳. 今日再去, 就好似去探一下老朋友.世華的設計很懷舊, 而且有好多卡位. 食物款式非常多, 連小菜如滑蛋蝦仁都有. 另外, 食物的份量好勁, D扒好大塊好厚. 至於價錢亦大眾化, 今日我order左個海南雞飯餐, 有湯飲加奶茶連加一都係$50.食物質素我覺得係中等, 冇驚喜. 另外, 煙味較大同侍應多講粗口係這餐館的缺點.不過我覺得世華坐位舒服(多卡位), 食物款式多而不貴, 而且坐幾好耐都得, 好適合幾個朋友(尤其係男仔)食飯兼吹水.我就試過同朋友嚮度食飯, 足足食左幾個鐘.

見d鐵板做特價($25), 同男朋友去試下. 其實$25係咩都唔包, 如果要跟飯或者意粉,要加$5, 飲品同湯都要加入$5.我地叫左個鐵板軟骨鴿同鐵板牛扒.鐵板軟骨鴿(見圖):我冇點食過, 男朋友話幾好食, 但係d骨一d都唔軟.鐵板牛扒: 跟黑椒汁, 好夠味. 有三四塊扒. d 扒好"林", 好易咬, 讚! 美中不足的係個意粉, 好淡同埋凍的.

There are lots of choices in this restaurant. Environment is fine but not so clean. Food is quite good. But is smoky, cos they don't seperate smoking and non-smoking area. Prices are acceptable.