中環茶記 (已結業)

星期五晚 黎到中環等男友收工係附近搵到間又唔貴既茶記wo, 入住去等男友黎先!懷舊雪兔🍹用上雜果賓治 而上層加上紫藍色既蝶豆花 仲有d棉花糖粒粒鋪面 打卡一流紅豆冰奶味濃, 仲好多紅豆, 又唔會好甜! 不錯香煎美國🇺🇸西冷牛扒🥩牛扒質素比一般茶餐廳既好 我地叫左7成熟 肉質唔韌醬汁方面 可以揀 黑椒汁, 燒汁, 蒜茸汁美極大蝦🍤用羅氏蝦 隻隻都有蝦膏 高溫走油 令到蝦殼變到脆身 撈上美極醬油芋泥流心西多🍞手工鮮製芋頭 再加上椰汁🥥牛奶🥛食落唔算好甜 仲好香濃!

今日同朋友去中環行街街，行到餓餓地咁啱見到有間好得意既茶記 又記得之前喺ig 見到佢有個好特別既牛油果醬西多 所以我地就去左試佢個tea! 入到去餐廳個裝飾好懷舊茶記style 我地第一時間叫左牛油果流心西多士！呢個全港獨創的牛油果流心多士，用上新鮮的牛油果打成果蓉，再加上大量檸檬汁和特製香料作調味，令其帶點酸酸的味道，為較油膩的西多士添上一點清新的感覺。芝士辣肉醬煎蛋營多撈麵多士：全港首創用印尼撈麵作多士的餡料，多士除了撈麵外，還有其經典招牌的肉醬和煎蛋，味道似食免治牛肉飯，但隱約仍食到營多撈麵獨有的香辣味摻入其中，令整體更為惹味。呢兩樣好特別 大家要試！朋友就叫左常餐沙嗲牛肉麵：用上自家品牌的出品，牛肉幼嫩，沙嗲味香濃惹味。明治牛奶奄列山多士：如其名般像山一樣高的奄列放在多士上，蛋香滑嫩，因這次點選了牛肉碎跟芝士兩款配料，令奄列出現芝士的拉絲狀外，還帶有咸牛肉的咸香味，而除了這兩款配料外，還有五香肉丁，秋葵，磨菇，火腿，蔥花和日本木魚絲。日本紅豆冰：奶味較其他茶餐廳來得重，應該是因為用上明治牛奶，而紅豆飽滿香甜，是用上十勝的紅豆，整體令人飲落更香甜幼滑。

 話說其實我好鐘意食茶記快餐中環有間叫中環茶記晚上無咁熱鬧,有時收工都會過去食今日同班朋友約埋中環食飯簡單D就黎左呢度因為其中一個係岩岩係外國返黎好掛住港式野食中環好多茶記都早收,得呢度收夜先黎一人一個例湯無味精,夠足料,青紅蘿蔔湯!!大愛!夠出味之餘仲好多料食 朋友在外國差不多一年回到香港就好自然掛念一客炒滑蛋與沙爹牛肉係外國真係好難機會食到沙爹牛肉夠濃味,將佢同湯麵湯米拌勻食好夠味牛肉啖啖沙爹醬!夠曬濃味咸牛肉滑蛋多士,炒得夠嫩滑,加埋咸牛肉味道豐富又夠飽滿 港式咖哩有綠椒紅椒,仲有薯仔可配飯或烤餅咖哩係不落椰汁,特別香辣 個人最愛心水鐵板牛扒+虎蝦海量薯菜托底,牛扒肉味濃之餘夠厚身肉多無食午餐先食得曬呢!虎蝦夠大隻,夠甜夠多肉加埋強勁帶辣既黑椒汁,最好既配搭椰汁紅豆冰,紅豆是用粒粒自己煮既食得出用心製作椰汁比起淡奶更香更滑店:中環茶記

約左舊同事食飯,點知佢OT,等等下唯有去茶記食,行過呢間中環茶記一D都唔茶記,好乾淨好懷舊,重點係茶記價錢,中環質素,超扺食想當年,出賣年令系列,70後既回憶!!!!!!瑤柱上湯浸時蔬,菜心好大條,好爽口葉好綠,D菜好新鮮同事個咖喱牛腩配蔥油餅,咖喱好香口,小小辣,牛腩炆得好淋好易咬咖喱汁好多,咖喱味好濃郁蔥油餅好香蔥味,同咖喱汁一齊食好正,勁好味!!!~~~~~~我就重口味D,因為等得太耐,食返份鐵板餐補償下呢個係美國牛排柳配大蝦大蝦大隻到不得了,長過手掌,好厚肉,肉質爽彈,燒得好香美國牛柳,肉質好軟好淋,無根,上枱剛剛好熟,牛味好香

流心稱心@中環茶記中環威靈頓66號裕榮大廈地舖啦啦啦, 因為有流心鹹蛋黃西多士, 朋友要求來食, $48, 絕對唔叫平, 在茶餐廳抵得上點一份常餐價錢了!$88麻辣雞煮 ，辣辣地又滋味雞用了香料醃，調味只要簡單配合，就帶出味道 不用花巧 上湯時菜$68, 上湯小油, 最怕出街食炒菜油笠笠, 健康蔬菜要少油才符合健康追求主角出場 甜品，金黃外層蛋漿，切開完全無流出鹹蛋黃醬！心知很肥原本只道吃一小口，卻手忍不住一件一件送入口 不過真係太貴 試一次足了

喺中環既威靈頓街呢個富有香港歷史既地方搵到一間好有舊香港情懷既茶餐廳。喺中環黎講，呢到既野食真係好抵食，而且店員既服務態度都好好！除左基本既茶餐廳常餐、小茶，仲有一啲特色既野食！我地點左份雙併海南雞無骨豬手配油飯，呢間茶餐廳有好多唔同款式既野食，連海南雞飯都有啊，雞肉夠嫩滑，無骨豬手切薄片，可以好方便咁食。另外仲點左邪惡鹹蛋流心西多，作為鹹蛋黃既fans，呢個西多真係我既至愛，入面有滿滿既鹹蛋黃醬，食完真係要跑返幾日步先得！仲有個效外油菜！點少得熱奶茶呢！

經常遊走中環一帶，早已發現這間茶記，其龍鳳飛舞的招牌、瓦仔砌成的磚牆，特別引人注目。後來才知店子殊不簡單，它並非只以地道菜式作招徠，而是用傳統的港式美食為基礎，再搞搞新意思，注入令人意想不到的元素，務求製造新驚喜。餐廳佔地四層，裝修明顯花過心思，每個角落都充滿老香港風情，有很多打卡位。雖然位處繁盛的商業區，食物定價相當公道，以中式晚餐為例，小菜配白飯，例湯/咖啡或茶，售$78至$98。二人及四人套餐分別為$198及$398，不怕荷包大出血。她勇敢、愛嚐新，試了特色飲品。紫薯冰($30)以花奶為主調，椰香突出，綿綿的紫薯蓉沉在杯底，將之攪拌，便出現幻化的顏色，很美艷啊！配合健康的潮流趨勢，成品不會太甜。雖然要求少冰，仍然涼透心，夏天享用定必更加過癮。我傳統、愛養生，點了老火靚湯。雞腳粉葛赤小豆煲唐排(單點$20，跟餐$10)原盅奉上，份量十足，其標榜不含味精、能去骨火，特別適合捱夜一族。打開盅蓋，便見雞腳、紅蘿蔔、粉葛等，真材實料。湯水滋潤、入口順喉，怎能不喝清光呢？近排較少返屋企食飯，因此特別掛住家常小菜，菠蘿生炒骨($88)便是當中一員。炸得脆卜卜的排骨，外層掛上閃令令醬汁，酸酸甜甜

香港被喻為美食之都，真的不是浪得虛名。在鬧市中有不同多國的菜式，但其實講到香港特色的食物莫過於茶餐廳。茶餐廳由從前大排檔、茶記、慢慢入屋，舊有的茶記必食常餐，一份沙嗲牛、方包、煎蛋、茶走等，但現今已力久常新，相當有多元化。今晚與男友來到中環茶記，餐牌上相當豐富有小食、懷舊常餐、鐵板扒、咖喱系列、焗飯、日韓風味、廚師推介、小菜、小炒等，還有各色各樣的特飲選擇，最重要有我最愛的西多士都有幾款選擇，完全破格有創新。咖喱蝦球蔥油餅$88咖喱牛腩大家食得多，但其實蝦球亦是唔錯的選擇，蝦球炸至香脆並配上濃郁的港式的咖喱汁相當惹味，內裡更有洋蔥及薯仔等，相當飽肚。旁邊的蔥油餅有兩大塊，香蔥份量頗多不太油膩連同咖喱同吃好食。欖菜肉碎四季豆$78來到茶記看到小菜的出現，忍不住又點下欖菜肉碎四季豆，師傅炒得相當有鑊氣而且其四季豆帶有爽口，肉碎帶有咸香來一碗白飯就最適合不過。雪菜肉絲炆米$68我最愛的小炒一定是雪菜肉絲炆米，一上桌相當吸晴又夠鑊氣，油份不高最適合我，唯一挑剔是的肉絲太少如果多一點會更好。邪惡鹹蛋黃西多 $48來到茶記又點少得佢，西多士呢？西多士除了鹹蛋黃，還有芋泥、紫薯、牛油果、紫米酪等等。

試左佢個蘋果吉列魚加杯特飲，蘋果加吉列，本身大欖都扯唔埋既野，mix係同一樣菜式入面又無咩違和感，反而又有吉列應有既脆脆口感，又有蘋果中和番個味道，就好似初戀咁，又有強烈既感覺、激情，又間中會有番啲野中和番，係味道上呢個菜式係真係無得頂；外貌方面，成個菜式有啲蘋果粒淋係吉列魚上面，就好似溫暖版既落雪咁，比人好舒服既感覺特飲方面，一杯野飲入面有啲粒粒，令到成杯野飲飲落有啲咬口，加上特飲清涼既口味，加上吉列一齊享用，有加強口感同突出吉列魚既效用佢價錢又唔貴，作為晚餐係一個超班既選擇，性價比高，味道又正，點可以唔試下呢？🤤

是日到中環工作，行經見到呢間新開既「中環茶記」，裝潢呈現60年代港式茶記情懷，環境舒適，光猛潔淨，坐位寬敞，收工後約好友黎試試晚餐！茶記主打舊香港原始味道，有多款經典港式美食及飲品，如厚切豬扒、菠蘿油、紅豆冰、雪兔。仲有唔少創新菜式，如薑檸/柚子可樂雞翼、可樂炆豬手等。懷舊冰室常餐 – 豬潤米配北海道農場炒蛋多士HK$62薄切豬膶非常爽口，米粉口感Q 彈有嚼勁。炒蛋入口細嫩柔滑，牛奶味香濃。海南雞無骨豬手雙拼 配油飯HK$88油飯油潤光澤富雞油味，海南雞口感肉厚滑嫩，有雞味，配上三款經典醬料，提升鮮美層次。無骨豬手外皮Q彈，肉質細嫩。滷水雞髀配香脆薯條HK$38雞髀啖啖肉，肉質爽彈，嫩滑多汁，香脆薯條即叫即炸，外酥內軟，熱辣辣又香脆，夠哂惹味。脆香黃金雞塊HK$68炸至金黃香酥既雞塊，香氣撲鼻，外層沾滿濃厚鹹蛋黃醬，均勻地包裹整件雞塊～內裡口感軟嫩多汁，外層鬆脆，超邪惡！芋泥流心西多士HK$48精選香甜芋頭，切開即時流出大量芋泥，內餡有粒粒芋頭，甜而不膩！

例牌放工食個快既晚餐然後去做gym，今次去左中環茶記，因為被餐廳金碧輝煌嘅牌匾吸引左。餐廳燈光非常充足，樓底高。店內一枱一椅一磚一瓦都同八、九十年代懷舊冰室無異，天花上既吊燈更加令人懷念。除咗餐廳牌匾吸引之外，另一吸引之處就係邪惡鹹蛋流心西多，我同朋友見到張相都已經流晒口水🤤冰室不二之選必定係紅豆冰。紅豆份量唔算多，但煮得幾稔並不失口感，另外奶香味濃。朋友叫既懷舊雪兔以雜果賓治為底，漸層加上棉花糖令色彩非常繽紛。估唔到冰室都有鰻魚食。炭燒鰻魚($98)超大條，魚肉具彈性。雖然冇入口即溶嘅口感，但都算嫩滑，伴隨淡淡既炭燒香味。另外仲叫咗咖喱牛腩配蔥油餅（$78）。完整牛腩大約有六七件，牛腩炆得軟腍但略嫌偏瘦，咖喱汁唔會太嗆，配蔥油餅一流。登登登登！最後出場就係邪惡鹹蛋流心西多（$48）。坦白講切開嘅時候有少少失望，因為見唔到流心嘅形態，不過味道就非常邪惡地出色，入面餡料全部係起左沙既鹹蛋黃，鹹香味道非常濃郁，略帶少少奶香味。食完呢餐卡路里超晒標，但邪惡鹹蛋流心西多一定要再encore。另外大家去完蘭桂坊想食嘢又多一個選擇。

✨中環茶記✨同好朋友中環行街shopping，買左好多野，好開心。順便去中環茶記體驗60年代舊香港風味👍🏻🇭🇰。 叫野食先！📍皇牌雜扒🐷🐮🐔（$138），一次過滿足所有願望😋，有齊雞扒、牛扒、豬扒和珍寶腸腸。最愛塊豬扒鮮嫩多汁、肉質香脆鬆軟，醬汁香味濃郁！📍滷水雞髀配薯角（$38），雞髀多汁嫩滑，滷水入味好吃😋！薯角賣完，轉了薯條！📍懷舊紅豆冰（$30）香港經典特飲之一，不過間間都不同味道。這家紅豆冰主要用椰奶，好重椰香味，而且紅豆也非常多，非常大粒。📍芋頭冰（$30）第一次飲，都係用椰奶，配好多芋頭蓉，勁濃郁芋頭味，好飲！

同朋友嚟到中環返工，見到呢一間裝修得好別緻嘅茶餐廳，於是就入去試吓啦。入面係走懷舊嘅風格，有好多舊時代嘅相片、設計、磁、燈飾等等，非常之有氣氛。而且環境整理乾淨舒適，員工服務態度都唔錯。餐牌上面嘅選擇都幾多，我哋叫咗一個咖喱牛腩飯配薄餅，同埋一個大蝦牛柳鐵板燒。個咖喱牛腩飯啲汁唔錯，又唔會話好辣，配上手抓餅，更顯風味！牛腩嘅份量都幾多，唔吝嗇，炆得來都幾淋。鐵板燒個人就覺得比較一般，蝦雖然好大隻，但係稍為蓋過咗鮮味啊。不過份量亦都好足，又有薯菜，再加埋有汁自己到落去，都幾開心。而我最欣賞嘅其實係紅豆冰同埋鹹蛋西多士。呢個fusion菜非常之特別，食落又咸又甜，其實配搭得幾得意！紅豆冰勁多紅豆，飲飲落好重奶味！整體價錢適中，而且食物質素都幾好，環境又幾得意，都幾推介🤪

中環食飯不嬲唔平，最近搵到間抵食夾大件嘅茶記，食物高質又有特色，深得我歡心。是夜八點未夠，已經好多人。☀️邪惡鹹蛋流心西多 $48見到牆上poster有推介幾款特色西多，其中一款就係鹹蛋流心😍😍聽到都覺得邪惡呀！由於邪惡食物最吸引人！所以我地諗都唔洗諗就叫呢款！一切開，真係好足料！入面滿滿嘅咸蛋黃流沙，咸香十足，非常惹味！配埋香甜鬆軟嘅西多士，幾邪惡都要食🤤☀️懷舊冰室常餐A-羅宋湯豬軟骨通粉配北海道農場炒蛋多士 $62男朋友叫嘅通粉常餐，非常大碗😳味道酸甜開胃，通粉都得啱啱好，充滿彈性，仲有大量雜菜同肉粒，非常足料！炒蛋香滑，多士外脆內軟。☀️咕嚕蝦仁 $88 賣相吸引，睇到都流口水🤤蝦仁份量好多！一口一粒，外皮香脆，食落啖啖肉😋咕嚕醬酸甜度適中，好餸得飯！跟小菜可以配白飯(+$10)，例湯(+$10)。是日例湯青紅蘿蔔豬骨，足料清甜冇味精。☀️柚子可樂雞翼 $36佢地有幾款用可樂烹調嘅小食，我地就揀咗柚子可樂雞翼，真係食到柚子喎！甜甜地好清香，柚子同可樂嘅味道原來可以咁夾！雞翼嫩滑juicy！☀️熱朱古力香滑濃厚🥰☀️龍鳳檸樂龍鳳檸樂係男朋友至愛，次次去茶記都叫，呢到跟餐+$8就有👍🏻

前排加班經過見到裝修得幾特別就一於入去試下裝修以懷舊港式茶餐廳為主題，樓底高所以坐得舒服食物都幾有驚喜，有幾多懷舊mix創新食品，價錢相宜豬手切成厚片，食落好有口感，麻辣味好惹味，不過中意辣既小編就覺得唔夠辣呢個鐵板燒既配搭同質素好有驚喜豬扒大大塊同厚身，食落好有口感，而且鮮嫩多汁，配埋黑椒汁就最正鰻魚仲要好長身同厚肉，食落好肥美，而且鰻魚汁好莣味 估唔到茶記都會有酸菜魚，魚片食落好嫩同入味，而且湯底酸酸地帶小辣，底下仲有好多粉絲吸哂味，十分惹味 懷舊雪兔個樣好吸晴，用雜果賓治做或，倒入蝶豆花醬就變得漸變，飲落幾涼爽，仲鋪上棉花糖幾得意總括黎講： 餐廳坐得舒服，員工都好好態度，食物有特色同有質，CP值高