中環茶記 (已結業)

之前出咗幾個關於倫敦美食post 我諗大家都開始睇到有啲悶😝😝 今個post就講下香港嘅食物啦 喺倫敦返嚟當日就去咗食車仔麵 第二日就去咗搵茶記食 食咗咁多日西餐始終係好掛住香港嘅美食⠀⠀呢間中環茶記係喺姓蔡開嗰間越南粉斜對面 店舖都幾大加上有四層樓高 好容易就留意到 懷舊嘅裝修應該係佢哋嘅特別之處吧⠀⠀中式炒粉麵飯 小菜 小食 咖喱系列 茶餐...食物款式真係多到數唔晒 我叫咗份「香煎豬扒辛辣麵」配奶油多 係懷舊冰室常餐嘅其中一款 另外叫咗份咖喱吉列豬豬扒 平時喺茶餐廳食嘅吉列豬扒多數係跟飯或意粉 呢間茶記就特別啲 可以揀白飯或蔥油餅 我哋梗係揀蔥油餅啦特別啲嘛好多日冇飲過港式奶茶啦 當然要整返杯啦！

朋友帶路去食飯，中環lunch time果然人山人海，想搵個地方食飯都好難。平時中環食飯都好貴，今日同事帶路去食茶記。「中環茶記」，一間港式風味濃厚既茶餐廳，入到去好有懷舊風味。我叫左咖喱吉列豬排飯，再叫左一杯懷舊月兔。茶記好夠鑊氣！賣相好吸引啊。咖喱味道好香濃夠哂惹味，唔會好辣有輕輕椰汁味。吉列豬排好鬆脆，入口豬排有滿滿肉汁，入口好香口超滿足。每口香口脆卜卜，完全唔會腍哂。我叫左一個小食，大腸無腥臭味，入口好爽嫩好肥美。

明治牛奶奄列山多士配招牌沙嗲牛肉麵 $68真係一座山😂兩個人share都覺多可以自選配料揀咗芝士同蘑菇炒蛋唔老多蛋汁而且夠滑可以一戰如果多士可以脆啲軟熟啲就perfect沙嗲牛肉相對就比較失色了湯水可以少啲沙嗲可以濃郁啲.海南雞無骨豬手雙拼 $88覺得呢個配搭超好勁吸引薄切豬手更有口感海南雞偏肥但係算滑.薑檸雞翼 $36當小菜食還是可以的.裝潢的確是很有香港味道應該有唔少遊客因為門口走入去價錢在茶記不算便宜多在門口打幾張卡吧

呢間係充滿60年代港式茶記情懷的餐廳。綠色大風扇，仲有啲霓虹燈入面裝修設計都係行懷舊風。👉🏼牛油果豬仔包 店員介紹牛油果醬要加檸檬汁，食落比較開胃。切記一定要同牛油果醬，仲有番茄一齊食，好味程度會增加哦。--👉🏼紫薯粒粒爆餡西多 好多紫薯，多到爆出黎。西多外脆內軟，炸得剛剛好，紫薯不會太甜，食曬兩樣野完不會覺得好漏👍🏼--最後當然要有杯我最愛的檸檬茶啦！覺得自己影得好靚😝，突顯曬香港茶餐廳的特色

喺中環呢度，有間四層樓高嘅「茶餐廳」。🌆 裝修充滿懷舊風味六七十年代風格，令茶餐廳文化重現，超有風味。⁣⁣⁣🧧⁣⁣⁣⁣香煎羊西冷 ($148) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣總共都有有好多塊羊扒，而且唔會好騷咁樣。🐑 但係就有少少油膩。😅 跟埋仲有賣嘢飲同埋薯菜，中環嚟講，都幾抵食。⁣⁣⁣⁣👍🏻⁣⁣⁣⁣煎封海鱸魚 ($108) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣大大條海鱸魚，經過煎封後，外皮酥脆，但內層嘅肉仍然好鮮嫩。🐟 外脆內軟咁樣好好味，亦都不乏魚嘅鮮味，唔錯。⁣⁣⁣⁣😚⁣⁣⁣⁣日式多多 ($38) ⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣⁣呢個咁有趣嘅menu item其實係將啲日本優質麵包切條後，經過深深嘅油炸，變得超級鬆脆。🇯🇵 除咗可以配上練奶之外，亦都可以揀柚子醬，朱古力醬或者鹹蛋黃。🤤 脆脆嘅多士加上醬料一齊食，滋味無窮。⁣⁣⁣⁣😆⁣⁣⁣⁣

成日都聽到同事話👉🏻中環茶記👈🏻 性價比超高-好抵食, 我今日就去試下先👅..餐廳既裝修係懷舊風，好有80年代既茶餐廳feel🙈 講返野食先...點先個”煎蛋火腿菠蘿包”(HK$45) 份量超大,圖二見到仲大過我個拳頭呀😳 菠蘿包外皮好脆身,配上半融既芝士同少少既流心蛋同火腿, 食落岩岩好‼️ 又唔會太膩👍🏻..再點個”豬膶出前一叮公仔麵+滑蛋吐司”(HK$60) 個麵係超級香😍 豬膶厚身爽滑,湯底濃郁, 而且麵底用出前一丁軟硬度適中一個字”正”〰️ “烤豬扒拼鰻魚鐵板”(HK$138) 條鰻魚真心好長, 肉質肥美👀 另外, 厚切豬扒係茶記既招牌, 用左24小時醃製再煮, 食落好鬆軟, 真係啖啖肉🤩

今日去開中環行PMQ, 順便搵個朋友食埋晚餐先返屋企, 於是行下附近睇下有咩食? 又順便等埋朋友放工~ 行到威靈頓街附近見到一間門口比較特別既茶餐廳, 睇睇門口餐牌又覺得價錢合理, 於是就入左去喇~ 餐廳以懷舊風格裝修, 感覺似7,80年代既茶記, 而且待應都好NICE, 知道我等緊朋友未決定好食咩? 除左推介食物比我之外, 仲推介我先叫佢地杯皇牌滑奶茶飲住慢慢等朋友~ 奶茶的確係好滑好香, 誠意推介必飲~ 之後我地叫左兩個小菜, 瑤柱上湯浸時蔬同咕嚕魚塊, 另外分別加40蚊兩碗白飯同是日例湯, 例湯係冬瓜紅蘿蔔薏米煲豬骨, 夠晒熱辣辣, 好清甜同好足料~ 瑤柱上湯浸時蔬用左我至愛既白菜仔, 一樣好清甜同埋好乾淨, 唔會有沙, 值得一讚! 咕嚕魚塊即叫即炸, 酸酸甜甜又脆皮, 做得出色係個粉漿一D都唔厚身, 所以炸出黎好有口感同好脆~ 

同朋友黎中環行街見餓，即刻見到呢間中環茶記，即刻充充飢先。我地叫左個唔係咁常見既可樂炆豬手。原來用可樂炆既豬手係會將可樂既香味滲左入豬手入面，而呢度炆豬手既火候都好夠，所以食落唔硬身，仲好juicy添。另外我地再叫多碟鹵水拼盤。入面有大腸啦，牛展同埋鵝翼，仲有芽菜墊底，份量都幾多，而且好香鹵水味。特別欣賞呢度既鵝翼，廚師將舊鵝翼切得更細，食起個陣要掉骨都方便左。因為全部都係肉既關係，我地特登再叫碟蠔油菜心黎中和返。由於菜心本身好甜，唔駛點落蠔油都好夠味。飲品方面，我地叫左杯紅豆冰同埋凍鹹擰蜜。杯紅豆冰既紅豆半呈沙狀，連埋花奶飲真係絕配。至於杯凍鹹檸蜜，飲完好潤喉，如果喉嚨不適可以一試。

今日放工要OT 想食埋飯先返屋企就嚟咗附近呢間中環茶記 茶記有成兩層高 都幾多位坐 中環食飯都幾難搵位 唔怕無位坐😆 茶記嘅裝修好有特色 好有60年代嘅感覺睇吓Menu有咩食先我哋三個人就一人叫咗一個主食再加一個小食咖喱牛腩配蔥油餅（可選飯）咖喱類嘅食物都幾多選擇 有牛有雞有海鮮咖喱偏辣好惹味 牛腩炆得好琳身 日式鰻魚炒飯一見到個名就想食 竟然有日式嘅味道 而且鰻魚塊塊好大塊 仲要好多 啖啖鰻魚 抵食又好味😋乾炒牛河 好耐冇食過乾炒牛河 好夠鑊氣嘅乾炒牛河 而且濕度啱啱好 新鮮牛肉食落去質感啱啱好 軟度適中邪惡鹹蛋流心西多有好幾款可以選擇 其中最想食邪惡鹹蛋同牛油果🥑 今日就試咗個邪惡鹹蛋先 個西多都幾厚 目測有3-4cm 切落去中間係滿滿嘅鹹蛋 仲食到幾隻鹹蛋黃 好滿足🥳🥳本來想叫個滷水拼盤點知牛展買晒所以我哋就轉左個滷水鵝翼 椒鹽多春魚 好有咬口嘅多春魚 薄薄地嘅一層粉 食落竟然有啲似炸魚 椒鹽多春魚最正就係配埋杯嘢飲青檸香茅可樂 & 海鹽柚子樂 味道比較特別 估唔到海鹽同柚子加埋可樂有幾夾整體來講 餐廳地方闊落 樓底高 職員服務幾好快手 上菜又快 同埋食物有特色有質素 呢個價錢中

星期日嚟到中環食晚餐，揀左裝修超香港style geh 中環茶記!!! 茶記嚟講d裝修、坐位都好舒適靚仔💡💡.嗌左個常餐a😄 係豬軟骨羅宋湯通粉配多士炒蛋🥳 羅宋湯係冇咁濃味個種，帶有蔬菜個種清甜味！豬軟骨都幾多幾淋，加上蔬菜同通粉一齊食口感有層次😋 炒蛋好滑，唔會太熟！配上牛油厚多士食簡直perfect~ .菠蘿炒飯🍍🍍 份量十足呀！材料又豐富👀👀有青口、蝦仁、肉鬆、堤子等等！飯係炒得好粒粒分明的，所以食落口感幾好💪🏻💪🏻.菜心正常👅.紅豆冰🐲 茶記必點呀！紅豆好多，幾綿密的💋👅

#老蘭照妖鏡另一選擇講到蘭桂坊，喜愛夜蒲的人一定對中環威靈頓街那家翠華有所認識，據說不少人在老蘭飲嘢之前或之後，都會去附近幾乎通宵營業的翠華醫肚。久而久之，這家翠華有了一個花名叫「照妖鏡」，每當你在昏暗酒吧角落認識了新朋友，想清楚的「了解」對方，藉着光猛的燈光，便可以吃着宵夜，用眼睛望真一些，再用口傾傾下，盤算一下和對面的人有否下文。最近的事件和持續偏高的作價可能令不少人不想再光顧翠華，今次分享一家餐廳正好位於中環翠華的對面，裝修也具七十年代冰室感覺，而且燈光同樣明亮猛烈，一於看看食物質素如何！#羅漢齋麵 Vegetarian Fried Noodle in "Luo Han style" ($78)茶餐廳常見的菜式，份量夠，而且足料，有木耳 、茄子、西蘭花、豆角、白菜、腐竹、紅蘿蔔等配料。麵底係硬和脆身的，羅漢齋炒得入味，加上些許醬汁，味道不錯，香口夠鑊氣。#香煎美國牛柳拼大蝦 Sizzling Special - Beef Tenderloin & Prawn ($168)牛柳，牛隻腰部的肉。被認為是傳統牛排中最柔嫩的部位，入口即融，肉質細緻，啖啖肉香，脂肪(油花)如大理石紋般分布

其實平時好少去中環食嘢因為中環啲嘢食通常都好貴不過今次就試咗呢間算係喺中環比較平嘅餐廳叫做中環茶記———————其實我哋主要想食呢間係因為佢有個芝士辣肉醬煎蛋營多撈麵多士（$68），之後仲帶咗一個焗芝士肉醬意大利粉（$68），一個芝士焗葡國雞意粉（$68）同埋牛油果流心多士（$48）首先講特別嘅話，呢個芝士辣肉醬煎蛋營多撈麵多士真係做到gimmick，因為真係未喺香港見過有咁嘅配搭，我自己個人就覺得其實係幾唔錯嘅，而且個煎蛋仲係半生熟嘅，所以你一篤嗰蛋黃就會流曬啲蛋汁出嚟，整體來講味道都幾match嘅，一邊食多士一邊食撈麵嘅感覺好創新，值得一試之後就講埋兩個意粉啦，焗芝士肉醬意大利粉其實同坊間嘅唔算太大分別，都係好多肉醬，而且份量超多，而芝士焗葡國雞意粉其實比我想像中好食得多，佢呢個葡汁同我之前係澳門食到嘅味道幾乎一模一樣，而且雞肉好滑一啲都唔乾同埋鞋烚烚，份量又勁多有四嚿雞肉，有機會嘅話我下次都會再嗌呢個意粉嚟食最後就講埋嗰個牛油果流心多士，佢呢度就寫到明話係將原個牛油果打成蓉，我哋第一下切果下就真係覺得佢真係好足料，味道方面其實覺得都幾清新，因為佢仲有檸檬汁係入面所以唔會太漏，幾吸

喱條街既鋪頭食得多，最近新開一間充滿香港特色的茶記「中環茶記」，裝修採用6、70年代懷舊港式茶餐廳風格，將屬於香港的茶餐廳文化重現大家眼前，十分適合打卡。在這裡到處都可看到不同懷舊風格的佈置，如有天花吊扇、墨綠色地磚、卡座，到處都是打卡位，好像進入了時光機穿越到60年代。叫左2人套餐，包括前菜麻辣豬手口味相當過隱，飯前吊胃不錯👍每塊肉質岩岩好，不多亦不少。金銀蛋上湯時菜，有菇、金銀蛋、碎肉，份量挺多，生菜新鮮。亦都係我最期待嘅豉汁蒸倉魚，嫩滑王立鯧，配白飯一流，二人食份量足料，而且店員一蒸好香味有家常便飯感覺。忍不住口的芝士肉醬薯條$28即叫即炸，而且不會太厚皮，香脆而沒有油膩感覺，食落脆卜卜，值得一試！熱檸樂，真係第一次飲熱煮檸檬可樂。茶餐廳竟然有嘅青島啤酒🍻當然要啤啤。二人套餐於全日供應，包括前菜麻辣豬手（小食）、主食豉汁蒸倉魚或薑蔥霸王雞（二選一）、金銀蛋上湯時菜，配兩個白飯，例湯或咖啡奶茶☕️而且餐單豐富，相信食幾次都食唔晒，而且有好多想吃的美食，會再encore 🤗埋單飲嘢都是每人一百鬆d , 合理！不同懷舊字體句子，搞笑過癮。多以4人座位為主，地方闊落，坐得舒適，到處也貼上舊

行過中環見到尼個閃閃發光既招牌先知道原來威靈頓街有間茶記。入面既環境都唔錯，有以前港式茶餐廳既影子，*********************講返啲野食先，見到佢地最出名既係肉扒，我尼隻食肉獸梗係唔放過佢啦佢地既「皇牌雜扒」夠大份，啖啖肉好滋味。******************************仲有「咖喱雞球配蔥油餅」香味濃郁仲有淡淡既椰香味，配飯同蔥油餅一流******************************最後食左「薑檸樂雞翼」，可樂雞翼食得多，但薑檸樂雞翼就未試過。薑檸樂既味道未算特出，但雞翼都鹵得好入味******************************總括而言，尼間茶記都值得一戰，價錢都合理，四樣野食賣單都係三百蚊有找，最推介佢地既咖喱雞，下次會再黎試下其他菜式

近來某社交平台好多人介紹呢間茶餐廳，上星期有一晚放工見冇嘢做就去試吓。中環呢排夜晚都水靜蛾飛，所以都唔使排隊。一坐低望餐牌都幾多款式，有小菜、鐵板、咖喱等等。第一次幫襯都係叫幾樣王牌試試先。沙嗲牛肉菠蘿包菠蘿包唔會鬆泡泡，好有口感。牛肉肉質幾鮮嫩，唔似用生粉乸過，而最重要嘅沙嗲汁亦都好濃味。如果成個包熱啲會更加完美。芝士肉醬焗薯條菠蘿包套餐包埋，薯條都幾大兜，配肉醬係非一般食法，都幾特別。日式鰻魚炒烏冬一上枱就俾佢嚇親，條鰻魚仲長過我隻手掌。鰻魚汁甜度適中，同烏冬出奇地好夾。同埋我最怕炒烏冬好多油，呢碟就剛剛好。王牌雜扒分別有豬扒、雞扒、薯條同一條司華力腸，配黑椒汁。豬扒厚度差不多有3cm，好鬆軟。其他嘅味道不過不失。龍鳳檸樂同埋凍檸茶都係餐飲，龍鳳檸樂唔使加錢，最開心😬😬😬。