串王之王 - 正宗成都串串火鍋 (已結業)

約左frd去尖沙咀行街食晚飯但又唔知食乜好 行行下係有d肚餓情況下經過見到依間個門面好企理 放題黎講價錢好抵食既特色打邊爐餐廳就即刻坐低左一坐低店員就好貼心咁一人派左一件好得意既圍裙俾我地著住 唔洗驚等陣食野整污糟件衫！我地揀左鴛鴦鍋，一邊係藥膳一邊係麻辣，落單時店員話因為我地係正價時段入坐所以有得送小食！落完單後就出左去裝調味料，佢有八款調味料/醬，除此之外仲有側邊擺既辣油同蠔油任君選擇。我見店員好細心打理個調味bar，食客一用完就會去清理，好抵讚！👍🏾返埋位冇幾耐個小食就到喇，依個串王酥肉配辣粉一齊上，就咁食酥肉都已經好香口，再點埋個辣粉更加香更加好味道！我地仲嗌左個甜品煉奶糍粑，糍粑外層卜卜脆，入面煙煙韌韌咁，加埋煉奶食，perfect😍食食下個鍋就到左喇，見d水未滾我地就出去拎食物。所有打邊爐必食既食物都應有盡有咁擺左係雪櫃，炸魚皮、肥牛、響鈴冇擺落雪櫃，係雪櫃隔離廚房個窗口果度問店員佢地就會拎俾你☺拎左食物返去水都開始滾，我地即刻擺食物落去！之前出去打邊爐都有試藥膳鍋，再食依間個藥膳鍋發覺依間果個藥材味足過之前食果間好多！個湯底就咁飲都好味，因為我地另一邊係麻辣鍋，所以d蔬菜

因為好掛住大陸啲串串，所以就搵到依間任食試吓。估唔到食物質素都幾高，選擇又多，值得再encore！一入座首先會免費送碟青瓜😋我哋叫咗鴛鴦湯底，嗌左藥膳同麻辣，一辣一唔辣中和下。其實佢個湯幾足料好濃，藥膳嗰邊真係見到好多藥材同好大藥味！主菜！佢除咗串串仲有好多一碟碟嘅嘢俾你揀。會不定時咁出新野。魚皮超級好食，仲有佢嘅牛都好正！串串方面我覺得雞軟骨，同埋五花肉都好食，仲有我嘅至愛麻薯丸。我哋咁啱咁好彩搶到啲新鮮海鮮，佢嘅蝦真係勁好食！不過一轉就冇再見到佢出。仲有好多唔同野飲可以揀，唔同嘅紙包飲品，可樂汽水，椰奶。

星期日想食邊爐就睇下有咩特別既試試，見有間叫串串就心癢癢想試。間野行中國風仲有自助調料區，有香蔥、莞茜、醬油、蒜蓉、花椒碎、花生碎等等。可以因應個人口味自行調一個岩自己既secret sauce!連圍裙都好毛主席feel有大陸探x feel呢個任食120分鐘既串串邊爐每位$248，送一客小食，我就叫咗煉奶糍粑，外面香脆得黎有煉奶既甜味，入面都軟糯煙韌，幾好味。自助巴應有盡有，有基本既丸類、腸類，菜類仲有一d風味串串，好似蔥蒜牛肉咁。另外仲有大陸常見既蓮藕、鴨血、豆皮、水尤、黑牛柏葉、海帶等等。食料都fill得幾快。但個地方都幾淺笮,d人出出入入要小心d。叫咗一個鴛鴦鍋:番茄(左)、麻辣(右)，番茄湯夠濃郁唔會淡，而麻辣就叫咗微辣因爲真係會愈煮愈辣滾起來吧！數下戰積先，其實幾有成就感。串串一串唔會好多可以拎多幾串，因應自己既食量，唔會浪費食物好耐無見到王老吉喇，仲有其他既紙包野飲，全部都係任飲既。因為個湯底愈食愈辣最後好似都飲咗3包，個肚好漲。

串串風吹到黎香港一段時間，今次K姐去左位於尖沙咀既串串火鍋會一會佢😝湯底可選藥膳，蕃茄，沙嗲，菌王，麻辣(大辣，中辣，小辣，微辣)，食串串點可以唔叫麻辣鍋底，所以今次就叫鴛鴦鍋底(小麻辣加藥膳)，湯底配料十足，但後期有點愈食愈咸😅配料方面：揀完湯底就可以出去揀食材，有好多款式可以選擇，特色串串香菜牛肉，蒜芯牛肉，孜然牛肉，xo醬豬頸肉，羊肉，各式丸類，芝士腸，蔬菜款式都唔少，油麥菜，娃娃菜，油泡豆腐，土豆片等等，真係每樣試啲都飽左🤣如果仲未飽，唔緊要，仲有紅薯粉，粉絲，公仔麵可以選擇嫁😌飲品方面：有汽水，椰汁，王老吉，黑枯草等等涼茶另外，亦有一些特色小食，例如串王酥肉($68)，其實即係酥炸雞肉粒，炸得香脆，再蘸上辣椒粉，變得更加惹味😍同煉奶糍耙($56)：熱辣辣糍耙非常軟糯，再沾上少許煉奶，是不錯的解辣甜品呢😆

平時喺香港食開嘅串串香，都係佢煮好拎出嚟。而串王之王-正宗成都串串火鍋就係打邊爐形式，自己去揀串串黎淥。食麻辣最正就係可以將食材點秘製麻油解辣同增加香味。我通常會用麻油+蠔油+乾蒜做點醬

期待已久～今次終於約齊人去食串串，呢間鋪頭係尖沙咀地鐵站附近相當就腳。由於我地有6個人所以就叫左兩個鴛鴦鍋試吓唔同嘅湯底，我哋分別叫咗麻辣，藥膳，沙嗲同菌王。我覺得麻辣就最惹味，用嚟碌肉類同內臟就最適合不過，菌王同藥膳好香，用黎煮菜或姐菇類就最prefect😋佢一個湯底就送一款小食，我地叫左串王酥肉同煉奶糍粑，糍粑口感幾特別但冇乜味道，酥肉就幾正，係湯到碌一碌當魚皮咁食一流～所有食物除左小食之外都可以自助拎其中最推薦竹笙，黃喉，毛肚同鵝腸！冇諗過食放題都有得食到黃喉同毛肚，平時出去食麻辣火鍋呢啲都幾貴下，估唔到呢再有得任食！啲食材仲要幾新鮮下唔係隨便比啲野出黎就算個種。 另外比較得意嘅係佢嘅墨魚腸，雖然加左墨汁黑蚊蚊，但幾好咬口，好好味。今餐真係食得超飽，好滿足！侍應服務好周到，有機會會再黎！

我們有時候明明知道自己吃不了這麼辣，還會照吃。然後一邊吃，一邊抹眼淚鼻涕。這種感覺很爽，我自身挺喜歡吃四川美食，所以串串香不能不提，在四川很受年輕人歡迎，晚上坐在街邊吃幾串，喝酒聊天是他們的喜好。但在香港這種街頭風味很難去感受，唯有入舖淨係品嚐一串一串既四川香辣美食吧。.是日走到金馬倫道尋找一間【串王之王-正宗成都串串火鍋】，可以在港鐵尖沙咀/尖東站 B2 出，大概四分鐘可以到達，點解有其他串串火鍋唔揀揀呢間？！因為就係見佢有個火鍋放題，每位248任飲任食既四川串串火鍋。一串串任食，又係一種好爽既感覺。舒適又光亮，店舖主要裝潢用竹去延身，可能關竹籤是吧，牆上是中式設計的圖畫及有特色可愛的公仔。每張枱都有足間去放野食，拎多左野食放枱都唔怕唔夠位；然後店內大多數都係播大陸hit爆既歌，好似某啲係抖音熱爆歌曲都有呢。挺High的，四川風格出晒黎呀！唔講我以為自己係深圳...坐低後見到餐具和圍裙都好有特色...落足心機同誠意。店員講解一下個流程比我地知就可以出去拎野食同野飲啦。「任點任食任飲120分鐘$248」.出面野食有好多款呀，可以在雪櫃自取食物，因為火鍋串串配料就用自助形式，出去拎個底盤

今日心情勁興奮 因為收工約咗朋友嚟尖沙咀食呢間串王之王 係食重慶嘅串串鍋 終於唔使返大陸食了 車錢同時間都慳番一大筆呢度係任食計算 啱曬一大班人嚟食 鍾意食咩就食咩 材料可以喺外面嘅凍櫃度拎 每碟份量都係唔大 可以食多幾款唔同嘢食 而且Refill速度都好快 叫咗個重慶麻辣火鍋 同埋藥膳火鍋 嚟呢度食麻辣當然有保證 但估唔到藥膳鍋都咁足料 嗰浸藥材味湧緊出嚟 配上鴨血肥牛等等 都可以令食材入味嚟食重慶嘢點可以唔食麻辣鍋 麻辣鍋配上鵝腸 爽口彈牙 索曬麻辣香 一流 黑柏葉都係外面少有嘅食材 夠曬重慶老味道 串串鍋特色就係好似串燒咁串好食物 放落火鍋入面 仲有唔同醃料嘅肉類 超得意 當然嘢飲都係任飲

之前成日聽朋友提起串王之王, 話係內地好出名好好食... 終於俾我等到唔洗返大陸食, 香港都有得食丫!!店舖地點仲係尖沙咀添, 方便至極店舖唔算話好大, 但坐得舒服~二百幾蚊位, 火鍋任飲任食, 價錢都合理丫..飲品櫃~~有唔少紙包同罐裝飲品自助食物區~叫得串王之王, 呢道好多食物都係一串串..種類都幾多架有辣有唔辣~另外仲有一碟碟食物選擇~推介墨魚腸, 巧巧味!!好難得仲有鴨舌食, 正!!!鴛鴦鍋 (沙爹&藥膳)藥膳味唔算太濃, 打邊爐一流!!沙爹好香, 食到停唔到口一串串放晒入火鍋, 方便又易食~我地仲叫左小食呢~串王酥肉酥肉外脆內軟, 肉質軟腍...鍾意食辣既可點埋辣粉食呢~煉奶糍粑呢個做甜品冇得頂, 甜甜地煙煙韌韌

突然掛住麻辣火鍋，又見呢間主打串串火鍋，未試過的我決定一試！全部自己出去拎， 我鐘意佢每一串都係得2塊肉，咁就可以每樣都試 又唔會太快飽啦！ 櫃下面一碟碟嘅火鍋料都係任拎，直接拎一碟走，間唔中就會上d新款式，幾有驚喜調味料入面的辣粉幾好味，帶有少少甜味的，幾香辣。同埋麻辣火鍋唔少得嘅麻油！！！每枱有一樽。我點左鴛鴦湯底：麻辣同藥膳。前者好夠辣，唔會太咸， 花椒味好出！ 而後者我就用來滾菜，清淡少少。 呢度d肉類串串多數都係醃過，有調味的，再加埋呢個麻辣鍋，唔洗點醬油都好夠味好入味了！ 一碟碟的火鍋料： 豬紅同麻辣鍋太夾了！ 必試仲有少見的竹笙好少火鍋店有呢樣！放落麻辣鍋就吸晒d湯汁幾惹味！海鮮都幾新鮮！呢碟係小驚喜又係第一次見火鍋店有！ 醃好左的牛肉再加埋兩隻生雞蛋，店員話要撈埋一齊，再放落去滾！ 唔知係咪因為有雞蛋，我食落口就覺得幾滑，同埋有香辣味串王酥肉：即酥炸豬肉， 炸皮薄薄的，幾脆口，點辣粉食 有祖國的味道！煉奶糍粑， 我之前試話糍粑+紅糖/黑糖漿， 加煉奶味道無咁甜。外皮幾脆的。而家有二人同行一人半價，平左唔少！加$30有雞煲食，但本身食物已經幾多，我就冇點了

如果你地同我一樣咁熱愛打邊爐 一定要去試試串串火鍋😍 一串串落份量容易控制 一定唔會做大嘥鬼！今次就俾我係尖沙咀搵到串王之王 同朋友夾埋係優惠時段食（12pm-5pm / 7pm前離座）仲有得第二位半價（HKD124）🙈 咁抵就有得任食既當然要試試！湯底有得揀鴛鴦 當然要試試著名既麻辣湯🌶同最愛既蕃茄🍅串串既種類好多 有水魷魚 金菇肥牛 冬瓜 龍脷柳等等 一口一串岩岩好 試曬咁多款不是夢😎呢度都有一盤盤既野食俾大家任揀 有黑牛栢葉 鵝腸 水魷魚 墨丸 鴨血等等等等😆 滿足我地n個願望😂最尾不得不提既當然係特色小吃 佢地會送一款 而我地就揀左大受好評既串王酥肉 新鮮炸起熱辣辣架😍 粉薄啖啖肉👻

尖沙咀唔小朋友相信都行到爛😂😂但食嘢方面真係得好少選🤔🤔🤔行過金馬倫道見到間串王之王開咗一段時間,就入去試吓!!!裝修唔算特別，普普通通，但勝在坐得舒服!!!!望到Menu同餐具真係笑咗聲😂😂行特色搞笑路線 😂😂望到張濕紙巾真係唔知講咩好😂😂😂😂😂食嘢方面叫咗鴛鴦湯底，沙嗲同藥膳👍🏻👍🏻湯底勁有味！好足料！仲送每人一份特色小食，叫咗個煉奶糍粑，同串王酥肉，唔駛等湯底熱又可以過下口癮先👍👍👍而且全部小食都係新鮮整，唔係翻炸，咬落好脆口😋😋😋糍粑好有口感♥️♥️😍😍😍飲品種類好大路，👍🏻👍🏻👍🏻主要都係茶類同汽水，嘢食方面就自助形式出去拎，用竹籤吉好一串串，唔使同人爭一個夾👏🏻👏🏻👏🏻同唔會用同一個夾夾好多嘢食污染左👏🏻👏🏻👏🏻放落湯底唔使用個籃👏🏻👏🏻👏🏻用完放入竹籤桶，十分細心❤❤嘢食方面種類比同類型打邊爐都算多，而且好多肉類都醃製過👍🏻👍🏻而頭一輪拎咗青口，竹笙，萵筍，同雞肉，放落湯底食仲食到醃製過嘅味道，證明過程唔馬虎唔求其😎😎😎湯底來講普普通通，不過不得不讚藥膳湯底好香好重藥膳味!!!!烚完啲嘢食落去都有陣味😍😍😍😍仲有特色蛋餃子，同淮山呢啲新鮮食材👍🏻👍🏻總括來講，下次再去尖沙咀

成都串串火鍋就聽過好多次，一直未有機會試，今次終於約到愛食辣的朋友黎試下呢到既串串任食放題！餐具充滿幽默感湯底我地叫左個鴛鴦湯底，係麻辣同埋藥膳，咁就可以試晒兩種唔同口味。自助吧飲品任揀醬料食物自助吧裡頭有好多食材，好多唔同種類嘅蔬菜、肉類甚至海鮮都齊備。同之前食過果d火鍋幾唔同，呢到d食材大都係串埋做一串串咁，我地可以好方便咁拎，同埋放落火鍋到煮都唔會係個鍋沉晒底，而唔駛熟果時係個鍋搵一輪。我地揀左好多野食！有芝士腸、豬肉、魷魚、雞翼、牛肉、冬瓜、雲耳、枝竹、牛丸、魚蛋、土豆片、秋葵、冬菇、栗米同埋萵筍片，真係好多選擇，材料新鮮不在話下。除左串燒，仲有金菇、水餃、鴨血、帆立貝同百葉，全部都好新鮮，認真大件抵食。非常滿足！最後我地仲叫左份小食。串王酥肉酥肉炸得好金黃，咬感好好，皮脆肉厚而且酥味好出，再加上點埋個辣粉，味道熱辣辣更加香喉惹味。認真滿足好味！

第一次食火鍋係無肥牛供應🥵🥵🥵🥵🥵🥵🥵🥵🥵🥵🥵🥵火鍋店無肥牛供應———-而解釋係未解凍................未解凍就唔好開門做生意啦🤬🤬🤬🤬🤬🤬🤬🤬🤬而其他食物又款式少！就算佢第二位半價都每人要二百幾埋單，二百幾去邊都食到比佢好好多啦！無下次！真係嬲到第一次要比負評🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬🤬

有一日行過金馬倫道，見到呢間串王之王，覺得幾有特色，前幾日就約咗我朋友去依度聚一聚！呢間串王之王主打麻辣火鍋，同埋一串串用竹簽串好嘅食物！唔同時段任食都會有唔同價錢，另外好似有兩個時間選擇，食兩個鐘/個半鐘，不過聽個價錢都係抵食！下面兩款小食都想推介俾大家，第一個係煉奶糯粑（應該無記錯）😂，第二個係串王酥肉，不過一個係甜嘅外脆內軟，一個係咸嘅，呢兩款都建議大家嗌黎食。我同個朋友嗌左鴛鴦鍋，一邊係小辣麻辣火鍋，一邊係清啲嘅湯底（純粹怕太辣）😂由於我地都係鍾意食麻辣又怕辣，所以呢個辣度真係岩岩好！出到去拎嘢食位，見到一串串嘅嘢食已經流晒口水🤣好多唔同嘅肉串我不斷拎佢嘅牛肉同埋豬頸肉，特別想推薦大家拎豆卜、魚皮、魚腐同埋響鈴，真係好入味😍😍最後一提，呢間嘢係任飲架，都有好多唔同款嘅嘢飲！