串點 (已結業)

今日去長沙灣嘅朋友屋企玩，諗住落去搵間餐廳食個下午茶，我同朋友比呢間餐廳嘅門口吸引咗，門口放咗兩張櫈， 10分寫意，原來長沙灣都有啲咁露營裝修風格嘅餐廳。餐廳嘅裝修以露營以及串燒為基調，餐廳入邊嘅座位感覺全部都精心安排！小龍蝦沙律基本上食日式居酒屋或者拉麵店，我最鍾意小龍蝦沙律，用匙羹長少少嘅小龍蝦沙律放喺紫菜上面包起放入口，大滿足！雞皮餃子/辣味炸雞平時好難喺出面食到雞皮餃子，入面仲包住唔同嘅餡料，所以我同我朋友即刻嘗試吓，估唔到超級有驚喜，連平時唔食雞皮嘅我都鍾意！雞肉串呢度嘅雞肉串有地獄麻辣、仲有沙喱， 了解之後先至發現原來係沙嗲加咖喱，我最鍾意呢度嘅地獄麻辣雞肉串，啱晒我呢啲勁鍾意食辣嘅人士，真係辣到飛起，但係超爽！厚切餐肉蛋麻辣撈一丁呢度菜式幾特別，有齊晒我最鍾意嘅餐肉蛋同埋出前一丁，仲要係辣嘅，原本望落好似好細碟，但係原來食落係超級飽!我諗緊如果係市區想搵個輕鬆嘅地方，又可以享受一下露營嘅風味，呢度係一個唔錯嘅選擇！

呢間餐廳係以露營做主題，無論係餐廳出邊定入面佈置，都會見到露營枱櫈同露營燈，真係有種去camping嘅感覺🏕龍蝦沙律🦞龍蝦沙律好鮮甜，可以配埋紫菜一齊食🤤雞皮餃子🥟好特別，係用雞皮包住嘅炸餃子，好香脆，配柚子醋好夾，呢個我同朋友都好鍾意😆同埋唔可以漏咗串燒，我哋叫咗雞肉丸子，甜甜哋，雞軟骨好脆口，沙嗲味同冬陰功味嘅雞肉串，肉質嫩滑又惹味，蜜汁腩肉，唔會覺得油膩，好juicy🤤厚切餐肉蛋麻辣撈一丁🍜份量好大份，有兩塊厚切嘅午餐肉，太陽蛋煎得啱啱好😆平時好少見到用camping做主題嘅餐廳，一邊食嘢，一邊聽住音樂，感覺都幾chill😌

經過見到有一間以露營為主題嘅小店，見到門口menu有個好抵食嘅二人餐,圍返每人均價都係$74，完全吸引到我哋入去一探究竟😋店內用品、餐具同枱櫈⋯⋯都係露營用品非常特別～口水鵝腸～乾淨企理，非常爽口彈牙，配上口水汁，YYDS~辣味炸雞～炸雞肉質嫩滑，炸醬亦都非常薄，絕對冇食到一口粉嘅感覺！真材實料！雞皮餃子～餃子皮嘅脆度絕對有驚喜，包裹著醃製過嘅雞肉，令人別有一番享受，口感一流！西班牙黑豚腩～感覺非常之rich,一口一件，調味得宜，大滿足！雞肉串～有三個唔同口味，每個口味都非常突出，分別係咖喱、泰式、麻辣，當中我較喜歡泰式，酸酸辣辣非常惹味，雞肉本身非常多汁，肉嘅份量亦都非常均勻，真心推薦😍厚切餐肉蛋麻辣撈一丁～燶邊蛋同香脆嘅厚切午餐肉，看似簡單但其實需要耐心烹調，食材非常普遍，但又非常好食😋濃厚蛋黃加上麻辣汁，簡直天衣無縫👍🏻👍🏻👍🏻

同朋友去到長沙灣依間以日係裝修同露營做主題既串燒餐廳食串燒～餐廳是森系木裝修設計～搭上了露營用品，好似露營椅，露營燈，露營餐具等令人身處係一個休閒既森系空間～ 非常舒適我哋叫左炭燒豬頸肉，冬陰功雞串，咖喱串，燒汁雞軟骨丸子串，燒汁豬肉串同埋超級辣既辣雞串。仲叫左雞皮餃子🥟，香辣鵝腸仲有餐肉荷包蛋撈丁做主食～超級誠意推介炭燒豬頸肉！超級香口美味，食落有燒叉燒做法既香味，非常特別！調味汁仲有小小醋味，減低油膩感～ 非常美味！！冬陰功雞串非常特別！有冬陰功香味既串燒～ 咖喱串都好特別好好味～ 大贊燒汁雞軟骨丸子串！口感超特別！食軟軟的丸子時同時有雞軟骨在丸子內，口感層次非常豐富！跟燒汁配合得天衣無縫！必食推介燒汁豬肉串都好好味，超級辣既辣雞串真係魔鬼級既辣度～ 喜歡食辣真係要挑戰一下！雞皮餃子🥟肉汁鮮味！外香脆內有肉香！非常特別！大贊！都係一定要食既野！香辣鵝腸係微辣既～ 所以唔食得辣既人都可以食到 鵝腸爽口彈牙，非常美味！餐肉荷包蛋撈丁既餐肉超級大件足料！撈丁都係微辣～ 配埋荷包蛋非常美味！餐廳嘅串燒真係非常，職員年輕有親切感！

📍長沙灣【串.】係露營做主題，入面嘅裝潢都好似露營車，特別嘅係入面枱、櫈、擺設，甚至係餐具都係露營用品，完全睇得出老闆係 #glamping 的愛好者😎！今次食嘅係串燒套餐，人均80蚊內！啲雞串燒得好入味，一串係雞軟骨肉丸、一串係醬汁、一串係香茅味，味道夠濃郁👍🏻仲有一碟爽脆嘅豬頸肉😋炸物係雞皮餃子，個外皮脆到不得了啊，好驚喜。套餐有前菜同主菜，前菜係涼拌鵝腸，主菜係邪惡嘅厚切午餐肉麻油撈丁😋，好滿足。地址: 長沙灣興華街38號海華麗軒地下3號舖前往方法：長沙灣站C2出口行經屋邨就到

超抵食午市串燒Omakase行過見到呢間串.嘅Lunch Omakase二人餐，有前菜、炸物、6款串燒、主食同飲品，居然只係要$148，非常抵食。餐廳裝潢以露營為主題，用咗好多露營用嘅設備做裝飾同餐具。龍蝦沙律先上嘅前菜係龍蝦沙律，份量足夠兩個人食，龍蝦肉爽口彈牙，可以用紫菜包住沙律食，食落就更加香口。串燒6款串燒，今日就食到汁燒牛肋肉串、羊肋肉串、冬陰功雞肉串、沙嗲咖哩雞肉串、脆骨雞肉丸子串同埋豬頸肉。兩款雞肉串都好入味，其中冬陰功味就夠哂特別，辣辣哋冬陰功味勁出。牛肋肉牛味香濃肉汁豐富。豬頸肉燒到好香逼哂d油出黎，所以唔會太油膩，肉質爽口。雞皮餃子炸咗嘅雞皮入面包住菜肉餡，真係好似隻餃子咁。雞皮炸到好香口同脆身，肉餡都好juicy。炸雞蛋麻辣撈一丁最後嘅主食係撈出前一丁，個麻辣汁就係成個麵嘅精粹，出前一丁吸收哂個汁，再撈埋隻蛋，十分惹味。飲品方面有汽水、茶等，亦都可以加錢啤一啤佢。我哋就要咗烏龍茶同梳打水。。。串點 (長沙灣)長沙灣興華街38號地下3號舖。。

係長沙灣嘅串.裝修好特別以露營為主題d 凳都似camping 個時坐嘅凳擺設都似～ 好過癮不過好在野食就好過camping 自己煮個d 好多camping 點小得餐蛋麵蛋味幾香 係隻perfect 嘅太陽蛋餐肉煎得香口但唔油然後串燒有冬蔭功味幾好味幾香 但唔過辣沙嗲味夠濃食到花生味肉質炸得啱啱好咬落有肉汁唔乾！雞軟骨好軟，但有咬口然後有雞皮餃子第一次食比起普通餃子更香更好口感更脆雖然有小小邪惡炸雞當然正向脆又夠味成餐雖然好邪惡但的確好味好滿足呀

早排睇#viutv #晚吹 介紹呢間露營⛺️餐廳一直好想食，今日假期過黎打卡🙈，原來lunch set有個好抵既lunch omakase $128 2人餐就包括前菜、炸物、6串串燒 同主食😍😍勁抵同好飽肚，勁值得推介✅.以下寫既價錢係佢既原價，但我食Set全部加埋只係$128 （2人份）😆😆超級抵食.🍴前菜龍蝦沙律 $48 （龍蝦粒粒加埋沙律醬一齊，包埋脆紫菜，真係好有露營風味）.🍴炸物雞皮餃子 $38 （外脆內軟，雞皮甘香可口）.🍴串燒汁燒牛肋肉串 $38西班牙黑豚腩 $28雞肉串　（冬蔭、沙嗲、麻辣）$22脆骨雞肉丸子 $22係露營餐廳食串燒真係別有一番風味，尤其是呢度既串燒全部都大大串，份量好足，唔會好似有啲日式小店細細串咁，特別欣賞佢個脆骨雞肉丸子🍡甜甜又帶點爽，好有咬口；西班牙黑豚腩係將舊舊黑豚腩先醃好再燒，口感一流。.🍴主食 厚切餐肉蛋麻辣撈一丁 $58（成吋厚既餐肉煎到脆卜卜，之後加隻濃邊煎蛋，再加埋麻辣撈一丁，將最簡單既食材整到好吸引👍🏻.餐廳成個環境都好用心設計，除左坐位係用露營椅同枱，連牆邊同decorations 都用上露營產品，相信店主應該真係好鍾意campin

長沙灣開咗間主打串燒嘅露營風格嘅居酒屋。Weekend下晝食個輕盈啲嘅early dinner。當日環境好靜，好啱拍拖傾偈。🥢龍蝦沙律$48裏頭有唔少蝦肉同埋蟹子，口感彈牙爽脆。既有蛋黃醬嘅甜味，又有少少芥末嘅辣味，味道清新開胃。🥢羊肋肉$24/串肉質偏向結實，膩味唔重。🥢脆骨雞肉丸子$24/串雞肉丸子口感軟嫩，配埋醬油同生雞蛋，甜味超重🤤。🥢沙嗲咖喱雞肉串$22/串雞肉嫩滑多汁，沙嗲咖喱味道濃郁，少少辣，有勁重香茅味。🥢汁燒牛肋肉串$38/串肉味濃郁，同甜味嘅燒汁好夾。🥢芝士豬頸肉撈一丁$58啖啖一丁都有鹹香嘅芝士味。豬頸肉燒得香口又爽牙。🌟推薦：脆骨雞肉丸子

呢間串燒店以camping 作主題🏕前陣子夜晚經過，見食客開住露營燈，坐喺露營椅傾計好有氣氛~ 禁晚市堂食，就黎食lunch啦！內裡以木系作主調，燈光配合埋露營檯櫈餐具，瞬間彷如置身營地～ 先點小食開開胃～ 口水鵝腸唔算特別辣，反而麻得出色，漸進式脷底發麻感。入口爽脆嚼勁，沒過多腸脂，涼菜伴酒絕配！蟹肉可樂餅外層炸得鬆脆，金黃香口度十足。輕輕切開中間，發出清脆爆裂聲，加一份空氣感。內層係大量幼滑奶白忌廉，熱力之下超流心。放入口仲有唔少蟹肉絲，味道咸香足料。汁燒牛肋肉串肉質滑嫩帶嚼勁，鎖住肉汁好juicy 。雞肉串同是雞肉串，兩種不同味覺層次。先嘗沙喱味，用沙嗲混咖喱而成醬汁，味道帶輕身沙茶香之餘，底子裡有甜甜地咖哩誘惑。另一款就係搽上冬蔭公醬汁，赤色橙虹感覺，充滿熱情泰式風味，香辣度比較上有冲衝力，味道有地道一D既香茅南薑氣味。雞軟骨邊角燒製到微焦香，軟骨散發適度油光，咬落脆卜卜軟韌度不錯。咸度控制得宜，食完真係想再食多串吖！ 西班牙黑豚腩五花完美比例，最正係質感上唔過乾、過瘦，入口脂香肉香結合起，再加埋店家特調既醬汁點綴下，滋味感提升不少。食後細問一下，原來係加入左潮式豆醬做法，難怪

餐廳：串. (長沙灣)地址：長沙灣興華街38號海華麗軒地下3號舖長沙灣呢間串. @grillpoint1005 開咗3個月有多，睇佢哋個名都知佢哋主打串燒🤪，前排佢哋嘅火焰啤酒雞先登上完ViuTV @viutv 嘅飲食晚吹節目——空肚講宵夜，主持人介紹完之後我就bookmark咗決定要去一試佢哋小店價錢、酒店質素嘅嘢食🍢望望Menu，除咗有超過60款海鮮、炸物、串燒可以叫之外🦑，仲有唔洗自己煩食咩嘅串點Set可以嗌，一個價錢$128兩個人就包1款前菜、1款炸物、6款串燒、1款主食；而午市亦有午市套餐提供，$48-$68就有一個主食加嘢飲，例如黑松露忌廉海鮮烏冬、芝士豬頸肉丁等，價錢都相當實惠👍未入到餐廳已經見到有啲camping櫈喺門口，令人一諗就諗起camping，相當有gimmick🎉！入到餐廳雖然唔大，得5張枱同Bar枱，最多都喺容納到十幾二十人，不過佈置同擺設都好有心思：露營燈、木製摺枱、甚至連餐具都喺平時去camp會用嘅cook set都見到，鍾意體驗camping嘅人就啱晒😍-前菜-✝️口水鵝腸 $48食「口水」食物最重要緊喺個「口水汁」啦😋，層次豐富嘅醬汁味道，辣中帶香、香

好特別呢一間串燒居酒屋，唔係普通居酒屋，係好似露營咁設計嘅，餐廳裏邊有露營嘅桌椅，好適合三五知己一齊過去，飲吓嘢，食下串燒。龍蝦沙律紫菜$48紫菜脆卜卜，龍蝦沙律甜甜地好入味，配埋紫菜食一流。雞皮餃子伴柚子醋$38呢款餃子好特別，係用雞皮包住，然之後去炸，外脆內嫩，個皮仲有煙煙銀銀嘅口感，非常唔錯，點埋柚子醋更加嘢味。芝士豬肝醬多士$28特別的菜式，第一次試到，芝士豬肝醬，味道創新。脆骨雞肉丸子、雞軟骨、雞肉串$22/1串呢度嘅重頭戲當然係串燒，好多款式好難揀，於是乎揀咗雞嘅系列，丸子甜甜地，雞軟骨脆卜卜，仲有嫩滑嘅雞肉串，好滿足呀！辣味炸雞$38炸雞有少少辣，但係味道都唔錯。Ps.有配埋月見汁，可以點串燒食，難得一見。總括而言唔錯，環境好特別，以露營為主題，同知己朋友過嚟一路食一路談心嘅好地方，而且食物製作用心，好有feel嘅地方。