九記打冷.小菜.粉麵 (已結業)

媽媽已講了多次，朋友說這間店的食物好食，行街後就在這裏開飯。餐牌有多款煲仔小菜，有些更是廚師推介。<滷水鵝片>份量真是令人十分驚喜，鵝片的厚度及大細適中，肉質細嫩，配上醋更加味美。<排骨煲涼瓜例牌>這個煲夠熱，又有鹹酸菜，涼瓜帶甘味，沒有半點苦味，而且炆得夠腍，排骨的肉已經非常綿滑，湯是精華所在，不要放過。<椒鹽九肚魚>九肚魚很滑，真的軟滑可口，脆漿沒有過厚，椒鹽夠濃烈。<蝦醬通菜>蝦醬的味道超濃，通菜也炒得夠爽，明顯是用猛火炒的鑊氣，而通菜很入味。店舖裝修似茶餐廳，卻有濃厚的打冷風味。

今日行經尖沙咀又想食粉麵，諗起之前食過一間好好食嘅潮州打冷粉麵店，距離我位置不遠，於是就上去食門口厨窗內掛滿了至出名的滷水鵝同沙薑雞，睇到都流晒口水。店鋪內雖然不大，但也整潔舒適。中午雖以粉面和碟頭飯為主，但既然一場來到，一定要試下鎮店之寶滷水鵝。鵝一上枱，滷水的香味充斥著周圍，忍不住馬上試一塊鵝片，師傅刀工了得，鵝片切得厚薄均勻每片一樣。食落咁香嫩滑不嚡口，最重要係鹵水汁點多了也不會過鹹，就算食曬成碟鵝肉和滷汁也不覺得口渴，証明是真材實料沒有加味精的。淨雲吞大大粒，一粒有3份2豬肉加大半隻蝦，爽甜彈牙加上滑滑嘟嘟外皮，一粒接一粒食不停口，另外大廚加入大量生菜做配菜，就算食曬整碗也不覺得有罪惡感。墨魚鬚麵內的墨魚鬚份量好多。每一條都爽脆彈牙又鮮甜，真係食過翻尋味。

尖沙咀打冷店不多，漆咸道南有間”九記打冷”可謂位置方便，食物一應俱全，打冷、小菜、粉麵等應有盡有，價錢相宜而且款款大大碟。店內走茶餐廳路線，有圓枱及卡位，坐得舒服又有電視睇，店員很有人情味。鵝片是必試之選，滷水鵝肉豐厚啖啖肉，邊位脂肪比例少肥瘦剛剛好，鵝片入味非常好咬口，底層更有滷水豆腐及花生，過足口癮！椒鹽九肚魚是打冷必備，魚身切件起雙飛，非常方便入口，外皮炸得金黃香脆而內裡嫩滑，魚骨細細條脆得可完整咬碎。韮菜豬紅大大粒完整超滑溜，韮菜吸滿滷水汁鮮甜好味，加少許潮式辣椒醬簡直完美。🦪蠔仔粥用料十足，材料多得浮面，蠔仔份量多而且粒粒脹卜卜，湯底有濃厚鹹鮮味，2-4人食也很足夠。

喺尖沙咀行完歷史博物館，等緊巴士回家嘅時候，見到有間九記打冷牛雜粉麵，既然架巴士遲遲都未到，又攰又有D肚餓，就入去醫下肚先！一坐低就見枱面大大隻字寫:冰鎮鮑魚$38隻, 😍😍天氣熱真係唔太想食熱野🥵🥵即刻叫了兩隻來試試, 鮑魚上枱都幾靚喎, 除食到鮑魚本身嘅鮮甜味, 大廚應該用左D秘汁醃製過, 加埋芥末醬油, 果真係炎夏之選👍🏻繼而再叫多碟豬手撈麫$45, 豬手有三件, 入味之餘亦煮得夠淋, 麫質亦彈牙😋😋既然入到間潮州鋪, 就梗係要叫番碗蠔仔粥$48碗唔貴喎+$9有杯凍檸蜜添👏🏻👏🏻蠔仔不太大隻, 但勝在夠多, 也可以食到有用方塊魚來煮粥, 所以成碗蠔仔粥都好有鮮甜味。最最最重要係食完回家也不會口渴, 哈哈, 亦冇肚痛呢🙏🏻🙏🏻🙏🏻朋友見到炆筍蝦$58, 也心心眼, 叫黎食, 誰知, 來了一大碗嘅濃味炆筍, 一隻蝦也不見喎, 細問店員....原來係用蝦米來炆D筍咋,差D想話佢地不符商品說明條例嘅時候, 店員補充說明, 係潮州人或食過潮州野嘅都知架, 名菜之一添!好的, 好的, 又長知識😂😂雖然不似預期, 但D筍又真係炆得好入味, 就算食唔哂都要打包返屋企....加餸

今日和同事去尖沙咀整頭髮，講好一齊食埋飯先走，佢提起想食潮菜打冷，我就記得同老公去過九記打冷小菜，食物方面唔錯，而且餐廳全日免加一，有打冷、小菜和粉麵。一於帶同事去試吓！前菜$20，茶芥每位$10，沒有加一。蘿蔔拼豬紅：打冷必食，豬紅入味又滑溜，蘿蔔夠林，清甜入味。蠔餅：煎炸至金黃色，口感好酥脆，蠔仔份量十足，啖啖都食到蠔肉，味道鮮甜冇腥味。點些魚露能令味道提升。澄海獅頭鵝套餐：澄海獅頭鵝、滷水豆腐拼花生、紫菜湯、白飯或白粥。獅頭鵝是汕頭澄海地區產的，肉質比較鮮嫩和鮮甜，鵝肉滷得入味，有一股清甜的香味。滷水豆腐亦入味嫩滑，花生有口感不太林。薑蔥鯇魚煲：真材實料，鯇魚份量十足，而且炆得入味，啖啖魚肉加上魚腩的油脂、爆香過的蔥及薑，真的可以食不停口。白粥綿滑鹹檸檬雪碧冰飲只需加$9

喺尖沙咀 Staycation 完結後，途經好耐冇去嘅漆咸道南， 不少地舖也丟空 ，感覺有點冷清。 還好有幾間食肆依然其門如市。 好耐冇食潮州打冷～ 咁啱見到「九記打冷.小菜.粉麵」， 相當合時!有卡座亦有大圓枱 ，典型茶餐廳格局。 招呼唔錯。晚市時間 特別多選擇， 打冷小食， 牛腩，牛雜粉麵， 廣東小炒， 蒸餸，海鮮一應俱全～「蠔仔粥」一碗份量，非常大份！湯底也有海鮮鮮味 ，加上肉碎， 味道更豐富。蠔仔肉 比較細隻但數量也不少 。 如果加上芫茜，少許薑和胡椒粉更加perfect！澄海獅頭鵝套餐$68全日供應套餐好抵食， 有紫菜湯， 白飯，澄海獅頭鵝 ，鹵水豆腐，花生。紫菜湯好有潮州風味， 還好唔會太鹹。鹵水鵝肉質嫩滑，啖啖鮮味。 鹵水甘香濃都但又唔會太鹹或太重八角的味道！👍墊底的花生和鹵水豆腐完全吸滿鵝肉嘅鮮味!另一經典打冷小食「韭菜豬紅」件件完整， 超滑溜又入味！ 韭菜亦吸滿鹵水汁嘅味道， 入口清甜。也可以試試佢嘅正宗潮州辣椒油， 好有麻香，辣度十足，直衝上腦～好春菜鹹肉經典嘅潮州人傳統家常美食， 上檯嘅時候好熱， 春菜貌似芥菜，炆到好冧身好滑，湯底味道濃郁。椒鹽鮮魷鮮魷肉夠厚，鮮

星期日下午我從「西貢」乘坐巴士直接來到「尖沙咀」，從「K11 Musea」近「梳士巴利道」巴士站落車之後，立刻進入隧道橫過「梳士巴利道」，再沿着「漆咸道南」尋找目標裡面的潮州菜餐廳。可惜我去到「漆咸道南」的時候，才發現那間潮州菜餐廳始終還是關上大閘，沒有營業。我被迫放棄光顧「漆咸道南」的潮州菜餐廳，改為尋找其他的食店。結果我在「漆咸道南」附近一帶的食店裡面不斷反覆搜索，終於給我發現到有另一間潮州菜餐廳，餐廳的實際名稱感覺有點長，叫做「九記打冷 · 小菜 · 粉麵」。雖然「九記打冷 · 小菜 · 粉麵」餐廳樓面裡面也放置了一部電視機，電視機也正式播放新聞報導，幸好新聞報導在我上門光顧「九記打冷 · 小菜 · 粉麵」的時候，已經到了尾聲。隨著電視機裡面的新聞報導終於播放完畢，我的耳根終於可以回復清靜，可以集中精神享用「九記打冷 · 小菜 · 粉麵」的潮州「牛腩飯」，享用潮州「牛腩飯」裡面的滷水汁鹹甜味道。除了潮州「牛腩飯」食品，我另外在「九記打冷 · 小菜 · 粉麵」的餐牌所有食品裡面，找到另一款很想嘗試的食品，那食品就是以一大窩直接上，有大量新鮮「蠔仔」在裡面的「潮州粥」。「九記打冷 ·

平时一个人很少吃潮洲菜，其实打冷最好约几个人，可以多点几个菜。漆咸道的九记已经开了好多年，一直没有试过。最近发现他们有一个人的狮头鹅套餐，下了班就一个走进去试试。68元的价格是很优惠，虽然份量是迁就一人份量，但绝对够吃。满怀希望终于上菜了，鵝块摆位有点乱，影响了卖相。吃了几块鹅肉，感觉是比相像中差了一点。肉质不够细腻，也缺了鹅肉应有的香味，而且有点韌。至于奉送的紫菜汤，感觉是太多味精。如果要求不高，这个价格绝对可以吃饱。

九記 — 位於尖沙咀的潮式打冷店，交通位置方便，適合大家下班、放學或者附近Happy Hour後，相約相聚吃小菜。欖菜肉季四季豆各款炒菜都炒得很有「鑊氣」，不過我自己就比較喜歡四季豆，因為爽口清脆，亦夠惹味，儘管是先炸後炒較為油膩，但味道確實吸引。滷水鵝片足料滷水鵝片，味道豐富入味，肉質爽滑，有咬勁之餘亦不難咬開，肥瘦剛剛好，適合配酒或者配飯。豉椒炒蜆非常有鑊氣的炒蜆，豉椒汁夠濃郁入味，每一次打冷都一定要吃。炸蠔仔餅又是一個經典菜式，搭配魚露，配白飯一流。香酥、惹味，蠔仔亦沒有腥味或者沙，而且$88這價錢非常合理。滷水墨魚片潮州打冷經典菜式，必點系列！滷水墨魚片是食其質感，非常爽口彈牙，而且淡滷水味又不會蓋過墨魚鮮。

說起來，也有若干年沒有吃潮州打冷，近期不知為何想著要吃滷水鵝片，便趁著和幾位朋友在尖沙咀的聚會選了這在漆咸道南的九記打冷。滷水鵝片 ($148): 潮州打冷必食的滷水鵝片，鵝肉肥美，肥瘦比例合適，份量也不少，滷水汁濃郁甜美，滷得蠻入味，必須一試！潮皇雞 (半隻): 店員推介的菜式，說是其中一款招牌菜。比一般的白切雞和豉油雞出色不少，滷得蠻香甜，還可配薑蓉享用，口味較Rich，蠻好吃的。滷水墨魚 ($108/例): 同是滷水汁，但墨魚吸汁能力較低，正好不會蓋過墨水魚的鮮味，質感亦相當Q彈，同枱友人爭相搶吃，不出一會搶光，還吵著要encore，這墨魚亦值得一試... 潮州蠔餅 ($88): 蠔餅炸得非常薄脆香酥，有種入口即化的口感，蠔仔份量多，相當足料，儘管稍微膩，加點魚露能降低油膩感。

今日來到尖東漆咸道南，見到這間老字號的九記打冷，門口上的雞及鹵水鵝非常吸引，於是決定今晚食打冷。餐廳裝修企理舒適，見到連外國人都喜愛食打冷呢。例牌潮皇雞$88潮皇雞底下有一些芽菜，比較爽口。廚師掌控時間非常好，雞熟度剛剛好，雞骨骨髓還見到少少嫩紅，而雞肉就帶有沙薑味，非常嫩滑。鹵水掌翼$108打冷我最愛食的就是鹵水掌翼，餐廳的鹵水掌翼鹵得皮腍肉滑，肉質不會鞋，再配上餐廳辣度非常夠又香的辣椒油，非常美味。方魚肉碎蠔仔粥一碗$48蠔仔粥粥底鮮甜，蠔仔細細粒，但脹卜卜，又軟很嫩滑。豆豉鯪魚油麥菜$88豆豉鯪魚油麥菜炒得很香口，夠鑊氣，又爽口，不過覺得稍為淡味少少，如果咸少少就更好。清熱心丸綠豆爽$48綠豆已經去殼，綿中帶少少爽，甜度剛剛好，食完感覺清熱又消滯。

入秋後通常都會吃火鍋，但今晚想轉轉胃口，嚟到尖沙咀漆咸道(九記打冷.小菜.粉麵)食一些清淡，同時又不用打邊爐時食到好飽又不能停止，九記是一間老字號的小店，今晚難得嚟到就試多幾樣出名的招牌菜。鹵水鵝必食，肉質豐厚、肉汁豐富，好香鵝肉味道。鹵水墨魚片，新鮮、爽口，這個是我的至愛。豉椒炒蜆，將新鮮的蜆肉配上豆豉、醬汁、配料一起，炒得十分惹味。潮皇雞半隻，不會太肥、太厚肉、太老的雞才有口感，這就是我喜愛食的。餐牌上食物款式十分多，鹵水、海鮮、粥粉麵飯樣樣有齊，價錢都好抵食。

食過的打冷店環境格局都很細小，不能要求太多。而這間位於尖沙咀的老字號，卻地方大感覺似茶餐廳，算坐得舒服。滷水鵝拼盤（小），$188。材料很多。有鵝件、生腸、紅腸、墨魚、大腸、芽菜等等。滷水香濃入味，吃了多件而不覺咸。主角滷水鵝軟腍有咬囗，好味。香煎芽帶魚，$88。香脆厚實，面頭煎到脆卜卜，襯熱吃好正。凍後吃口感似咸魚，咸香味濃一些。因為掛住吃，吃了一半才記得影相。潮洲炆春菜（例），$63。打冷店門囗通常都見到有一煲春菜，今次 終於試試看。春菜炆得很腍，吸入湯的精華，口感濕潤軟腍，很入味。還少量腩肉，也很軟腍。除了打冷，這裏還有粉麵飯小菜，種類多樣，格價也很合理。怪不得客源不絕。

打冷多數都令人想到氣氣是好，但環境不太舒適，都是膠枱布加上膠圓櫈。可是，卻令人耳目一新。久不久，總會有想打打冷吃吃滷味喝喝啤酒的念頭。想不到來到尖沙咀也有打冷小菜的店。打冷必食魚飯，很多人都喜歡點大眼雞，貪牠肉滑又甜，當然要來一尾。果然肉質鮮美，一定要點上普寧豆醬，那種味道不可言喻。鹵味也是打冷必備，鹵水鵝入味，加上豆腐和滷蛋，可以吃上幾碗飯呢！另外，沙薑雞套餐也很超值，雞肉固然滑，沙薑雞汁也很夠味，配上油飯，又停不下口了！

平時去食打冷都會旺角或油麻地，但其實尖沙咀都有一間老字號冷檔，環境都好大呢到除咗潮州打冷外，仲有粉麵及小菜食，款式種類都好多生腸併鵝腸2款都好爽口脆身，豉油汁鹹甜適中，仲有芽菜及豆卜喺底做配菜潮州白粥都煲得好綿，粥與水比例適中，暖暖地剛剛好鵝件份量都算多，斬到大大件又厚身，鵝隻鹵得入味，鵝肉嫩腍帶一點咬口，仲有鹵水豆腐喺底，豆腐都好種鹵水味另外仲有時價烏頭魚，成條魚好新鮮又厚肉，入面仲有啲黃油，食落甘香又鮮味