九重鮮 (已結業)

($288 鷺梁津9重海鮮塔)店內韓風氣氛濃厚,仲可以借用韓服影相😍加埋多款式嘅韓式自助吧,價錢上的確幾抵.泡菜煎餅、沙巴肉蟹、鮑魚、海蝦、白蜆、沙白、多寶魚、蔬菜🥬拼盤、黑椒鹽肥牛、蒜蓉粉絲元貝.款式單睇都好多,但份量略厭少d,幸好有自助吧😍比較意外係黑椒鹽肥牛,調味幾好.多寶魚肉質好滑,粉絲元貝唔係用環保殻,真材實料.自助吧間唔中會有新食物推出，店員就會敲打一下鼓提醒大家有新食物上菜,蠻有心意.

好多年前食過九重鮮覺得味道唔錯,好有驚喜事隔多年再黎食,估唔到而家咁多花臣唔係淨係食海鮮,仲多左好多韓國小食,變成半自助餐自助吧除左有飲品,仲有各類韓式食品例如魚糕,辣炒年糕餅,炸雞,芽菜,泡菜,水果仲有鮑魚,蝦等等濟洲島10重海鮮塔可惜呢個係冇粥底既店員亦都好細心提醒溫度達至80度可以叫佢地幫手打開佢入面都好豐富,有韓式煎餅,龍蝦,鮑魚,蝦,龍躉,象拔蚌,大花蛤,沙白,元貝,菜,肥牛個蝦鉗幾大隻,啖啖肉,龍蝦身有少少膏鮑魚好鮮味最尾既粟米好甜

去開黃埔探親戚，佢哋book左高質既九重鮮餐廳一邊食蒸海鮮一邊同我食下飯傾下計！wow, 睇返今晚既海鮮都幾豐富，重點係親戚請食飯，客隨主便佢哋叫咩我食咩。佢哋叫左個368 任食餐，+$15就有埋任飲啤酒汽水！我哋6 點幾去到，都幾多人已經開緊餐，仲有好多人排緊限量既雞翼同鮮鮑魚等！一陣陣鮮味既海鮮香味喺每張檯散發出嚟，佢哋話平時都要訂位，如果唔係要等好耐的！等緊海鮮嚟既時間，出去小食檯拎返d小食都食下先，一般泡菜等傳統韓式小食，仲有沙律，關東煮咁，都幾多選擇每過一陣就會有限量既特色小食，有鮑魚仔，蝦，韓式炸雞等，聽到鼓聲就要留意啦！返到檯見到熱辣辣煎到非常香既泡菜煎餅已經送到檯上，辣辣地又地惹味！我哋叫左既濟洲島十重海鮮塔，等左陣就開始食得，一打開就散發出陣陣海鮮香味！第一層有牛味十足既黑椒鹽肥牛，同大大隻既象拔蚌！象拔蚌切好一條條，啖啖鮮甜爽滑既象拔蚌肉一夾就放入口中，又唔駛切，唔駛咬，非常窩心！下一層有同樣切好，啖啖大大隻肉既日本元貝！仲有鮮甜又爽口彈牙既海蝦，份量都夠3人享用！到下一層就係原隻龍蝦出場，隻隻都份量十足，龍蝦肉白雪雪一夾就離殼，肉汁都幾豐富，又幾爽口，蝦肉鮮甜，真

This resturant is totally rubbish. It is a terrible dining experience for me. Firstly, staff cannot refill the foods on time. Especially, for the chickens and some sause seafoods. Customers need to queue for a long time. Moreover, poor quality of the seafood. We are so disappointed! I hope the restaurant can make improvement.

紅磡自從有咗地鐵真係好方便食好嘢去到邊度冇難度今次嚟到紅磡黃埔花園「九重鮮」⭐️過嚟試吓呢間好多人打卡嘅韓國菜呢間專攻韓式烹調方法海鮮蒸塔今次食嘅係鷺梁津9重海鮮塔而且有泡菜煎餅以及韓式自助吧自助吧有辣炒年糕餅、魚糕芽菜、泡菜以及其他餐前小食仲有水果同埋精緻甜品店內裝修光猛而且服務員充足點餐後好快就有服務員送餐服務員亦都好細心提醒溫度達至80度可以叫服務員打開🔸鷺梁津9重海鮮塔九層塔包括有沙巴肉蟹、鮑魚、海蝦、白蜆、多寶魚、蔬菜拼盤、黑椒鹽肥牛以及蒜蓉粉絲元貝裏面嘅海鮮好新鮮而且份量夠飽尤其是沙巴肉蟹蟹膏肥美甘甜海蝦肉質爽口，鮑魚新鮮彈牙如果大家約朋友食飯突然諗起想食海鮮又唔使自己慢慢洗，海鮮又新鮮喺呢度真係不得了👍🏻而且店舖亦有漢服體驗三五成群食吓飯影下靚相不錯不錯👍🏻

蒸海鮮塔早幾年非常流行，早排見到網上介紹呢間韓式海鮮塔餐廳，望落非常吸引，今日一於黎試下。「九重鮮」位於黃埔天地聚寶坊，由黃埔站行過去只係需要幾分鐘，非常方便。餐廳佈置充滿韓國風格，店門口掛住好多韓服，客人有興趣可以試穿影相。晚餐以半自助模式營運，海鮮塔可以揀9層或10層，一場黎到梗係食豪d要10層，兩款餐都有泡菜煎餅及任食自助吧。自助吧食物款式非常多，有沙律、炒年糕及韓式魚糕湯等等，當中韓式魚糕湯煮得相當入味。韓式水冷麵唔係經常有機會試，冷麵食落煙煙韌韌，入口感覺冰涼，大熱天下食消暑一流。另外，自助吧不時都會有特式野食，例如炸雞及醬油鮑魚等等，每次出都會有店員打鑼通知客人有咩食。醬油蝦及鮑魚味道濃郁，雖然每次只能拎一隻，但會不停供應，可以食到夠為止。每次推出炸雞都有唔同口味，今次試左蜜糖芥末味及韓式辣醬味，炸雞炸得香脆，當中韓式辣醬味非常惹味，每件砌到細細件，咁就唔駛驚食得太多食唔落主菜啦。泡菜煎餅食落脆口，唔會煎得太油，泡菜味香濃，唔錯。等左咁耐，主角海鮮塔終於上場了，可能因為我地得兩個人嘅關係，十樣材料分五層上。海鮮塔頂插住溫度計，一到85度就可以叫店員開蓋，睇住個溫度極速咁升，

一層層既蒸海鮮雖然唔係新鮮事，但每次見到依然心動最近見網上介紹新推出既韓式海鮮塔+半自助套餐晚市分2個時段，我地周末訂左19:45-21:45~門口位置見到掛有大小男女既韓國服飾，好讓等位入座既食客可以穿上影相selfie一番。　安排好座位，店員都有介紹套餐我地點左升級版濟州島10重海鮮塔加$12任飲韓國汽水、啤酒、自家竹庶竹庶水、薏米水~先拎韓國既菠蘿、芒果啤酒然後到自助拎前菜、沙律最正係有一串串既魚片吖! 每次去韓國最愛既街頭小食❤~仲有蕎麥冷麵。食緊前菜既時候聽到敲鼓聲，原來係醬油蝦、鮑魚出場~ 每人每次拎一份。之後有幾次擊鼓就係炸雞~試左韓式辣醬、蜜糖芥辣 ，熱辣辣又香脆，再送上泡菜煎餅，都幾香口～食到呢度都一半飽，同時蒸籠既海鮮亦準備好，可以食啦！　我地得2個人，所以層數相對少，5層裝10款　最頂一層有黑椒鹽肥牛，象拔蚌已經切左一條條，非常鮮甜第二層係爽甜既海蝦、日本元貝無加蒜蓉粉絲，食到原汁原味之後係蒸龍蝦，肉質彈牙鮮味，蒸既時間剛好不過我地食得太慢，下層既大花甲、沙白就蒸得耐左。龍躉指天翅，係背鰭位置，肉質非常滑溜，魚皮膠質豐富。最底層係蔬菜同埋大大隻新鮮鮑魚。　最後再到

呢間人氣食店，好旺場，久不久就有新優惠或者改進，最近佢地更提升左重海鮮每位，今晚一定要試下係門口位置，有不同的韓國服飾，可以比客人試穿拍照留念，未開始食就已經好有氣氛，我當然都唔會錯過啦店內環境光猛舒適，特別係服務十分到位。店員不定時敲響韓鼓推出韓式辣醬炸雞、黑松露芝士炸雞同蜜糖芥辣口味炸雞，醬油蝦、醬油鮑魚等等客人需要排隊領取一人一份。食完五層已經好飽，但再飽都要試個粥，海鮮的精華就落在粥底中。下次繼續來。

餐廳喺黃埔花園第十一期地下，位置有少少僻，不過其實幾近黃埔地鐵站，加上門面顯眼，都唔難搵嘅。座位嚟講都算寬敞，周圍有啲傳統韓國裝飾品例如韓服公仔、扇、大鼓等等，仲有啲傳統韓服俾食客等位時著住影相。落咗單後冇耐就聽到擊鼓聲，原來係有鮑魚同蝦攞，食客攞住碟有秩序咁排隊去攞，每人一份而且數量充足，排到就一定有，唔怕爭先恐後。鮑魚同蝦都係醬油醃，有特色。韓式自助吧都幾多嘢食，有辣湯韓式魚糕、豆卜、鳴門卷、炒年糕、生果、點品糕點等等。之後店員就拎一座蒸籠出嚟，蒸籠上面有timer顯示蒸煮時間。先食象拔蚌同黑椒鹽肥牛，肥牛好有牛味，仲有邪惡肥膏，油香肉香配黑椒夠惹味。之後就海蝦同日本元貝，日本元貝好大隻，勁鮮甜，鮮甜到最後連蒸出嚟喺殼入面嘅水都飲埋。再嚟就係大大隻龍蝦，龍蝦肉雪白，蒸出嚟原汁原味，肉質鮮美。下一層係龍躉指天翅、大花蛤同沙白。龍躉肉好嫩滑，魚肉味豐富。最後係鮑魚+蔬菜拼盤。鮑魚蒸完都仲係大大隻，咬落超彈牙。蔬菜拼盤份量就少咗啲，但蒸煮真係比其他煮法食起嚟鮮甜好多，正！飲品方面，可以加$12任飲。飲品包括一般汽水果汁外，仲有餐廳自家製凍飲同韓國啤酒。我就揀咗

朋友見價錢okay 去試下點知真係麻麻依個係要排隊每人只可以拎一件既炸雞Kfc質素依隻係所謂既醬油蝦 不予置評9層海鮮終於黎不過唔知點解得5格第一層係肥牛油好油超油 仲要無味依個魚好啲，係好食既普通質素細隻到 唔知有咩好講 依度已經係三人份真係比隻半你🥴🥴🥴😌😌😌食豉油仲要冇味總之唔會再去

平時比較少去到黃埔，今日係朋友嘅介紹之後一齊嚟到黃埔呢間九重鮮，位置非常之好直接喺地鐵站行2分鐘就到啦。我哋今次就揀左升級版398十重濟州島海鮮塔，好搞笑㗎，一想到枱個職員就叫我地要睇住個溫度計升到去85度就可以食。我哋又真係傻傻咁是不是望住粉紅色嘅溫度計。海鮮煎餅入邊都有唔少款嘅海鮮，煎得脆脆地唔錯，不過唔好咁快食晒好快飽，留肚 黑椒鹽肥牛肥牛質素都唔錯，食落都幾香牛味，估唔到蒸出來的肥牛都幾好食龍蝦呢個龍蝦真係不得了，食落去口感彈牙，肉質唔梅，彈牙日本元貝呢個元貝都非常之推介，食落非常之甜，一定要飲晒佢啲湯，今次呢個元貝係我食過咁多次嘅蒸氣火鍋最甜嘅，唔知關唔關日本貨源事。另外都有象拔蚌同埋龍躉，啱晒海鮮控。加上呢間嘅蒸氣火鍋比較特別，佢哋出邊有自助吧，有好多唔同韓式小食，居然有魚糕，好耐冇食過。另外佢哋每隔一段時間就會有蜜糖炸雞啦黑松露炸雞啦冰鎮鮑魚冰鎮鮮蝦等等，好搞笑㗎，職員一敲鑼好多人就即刻沖曬去排隊，仲比朋友見到我成個師奶款去拎嘢食😂😂

住左黃埔咁多年 好多街坊鄰居都話呢間好食要試下呀 要食呀 可惜唔係好得閒 🤭點知今日有時間wor 瞬間時間似乳溝一樣唧出嚟點知呢個原來係惡夢既開始🙍‍♂️🙍‍♂️首先冇人介紹下D餐牌包D咩 唔包D咩我揀左9重海鮮塔 點知係冇粥底架 我覺得自己俾人玩 咁都算 九重實際得6重 你叫我點冷靜wor呢個叫第一重wor 笑死 自助bar都🈶️啦😪😪好油膩 食左一舊就唔想食😅😫呢個先係第一重海鮮每人三舊肥牛 哇 好多咁wor 吉野家都冇咁少啦係好食既 好新鮮 肥牛味一流 想食多舊都冇蝦每人兩舊 扇貝一粒 哇 扇貝好正 雖然唔大粒 但D汁好食過扇貝 蝦🦐都幾鮮甜原味多汁 可惜太少 未食出咩味就冇呢個好正 叫咩多寶魚 好好食呀沙白同蜆肉一齊擺 講真份量唔多 係好食既尤其係鮑魚 好有咬感 勁新鮮 彈牙 😍😍蔬菜🥬普普通通 呢個係全場最正既蟹 多肉肥美 新鮮多汁 我好想再食😍😋😋小小插曲係 自助吧既雞肉食到一舊係生既 好唔掂 叫個經理來 距直接無視我 因為我俾左錢我好失望對呢間餐廳既態度 雖然嘢食好食 但份量真係唔夠 我好似食完好似未食咁 價錢又係唔平 埋單要352 我相信咁既價錢會食到更好 一次夠啦呢間我

九重鮮-升級版10重海鮮塔蒸鍋門面九重鮮三個大字的招牌，旁邊寫著幾個韓字，內裡首先映入眼簾是一系列的韓服，配以木元素的傢私，光線明亮舒服，今天的主角是韓國濟州島10重海鮮塔。泡菜煎餅首先就是泡菜煎餅作小食，薄薄的煎餅，外圈脆脆內裡綿綿的口感，當中混入泡菜帶點辣辣的味道。升級版濟州島10重海鮮塔非常巨大的不銹鋼蒸鍋，合共五層高的高度，由食材的熟成程度和味道，由上而下，味道亦不斷更濃更鮮。最頂層是象拔蚌和黑椒鹽肥牛，油份十足的肥牛，黑椒鹽味非常開胃；象拔蚌熟度剛好，不過老又爽口。第二層是日本元貝和海蝦，彈牙的海蝦加上超大粒的日本元貝。第三層是原隻開邊龍蝦，龍蝦多汁鮮味啖啖肉。第四層是海量多的大花蛤和沙白，還有新鮮花尾龍躉上肉，魚油十足的魚肉，腍身又不易散開。最底層是蔬菜拼盤和鮑魚，蔬菜索滿海鮮汁的精華，鮑魚亦腍身又彈牙。除海鮮外，還有韓式地道小食和飲品提供。

其實當黃埔花園有咗地鐵之後，每次過嚟呢邊探朋友都特別方便，而且呢邊特別多好嘢食，今晚就再重臨呢間「九重鮮」🤗呢間人氣食店，好旺場，久不久就有新優惠或者改進，最近佢地更提升左「🔟重海鮮塔」，每位$368，今晚一定要試下😬係門口位置，有不同的韓國服飾，可以比客人試穿拍照留念，未開始食就已經好有氣氛，我當然都唔會錯過啦😂店內環境光猛舒適，特別係服務十分到位，招呼週到，6⃣️點鐘就已經有不少食客陸續進場🤗中間是自助吧，提供各式韓國食品，而且定時有新鮮出爐的特色食品供應，而且會搞鐘宣告，客人會一湧而出，氣氛甚好😀為食客增添不少歡樂元素👍🏻層層疊的海鮮塔終於出場，想當年係佢哋首先引入呢種海鮮塔，當時不少餐廳爭相仿效，到今天只有呢間餐廳越做越好，絕對係實力的表現👍🏻一層一層的海鮮塔，由上而下，海鮮種類很多，包括有龍蝦🦞、鮑魚、海蝦🦐龍躉肉🐟、象拔蚌、大花蛤🐚、沙白及日本元貝，而且附送蔬菜拼盤🥬、黑椒鹽肥牛🥩、泡菜煎餅，真係數都數不清咁多😋😋😋每位客人只需加$12，就可以任飲呢度嘅自家製凍飲，韓國啤酒🍻和汽水🥤我就揀咗佢哋呢度嘅有氣檸檬礦泉水😬當你食完一層嘅時候，店員就會為你打開第二層，一層一層咁食落去，

我想食蒸海鮮塔好耐的了，咁啱朋友約食飯又提意食九重鮮，梗係即去啦！ 九重鮮在黃埔聚寶坊，雖然間舖不在商場內，但近天橋底位置都易搵嘅～餐廳內環境寬敞舒適，坐得舒服。今次我地食升級版濟州島10重海鮮塔($368一位) ，再加$12任飲，連埋韓式buffet，都算抵食！ 坐低無耐就有泡菜煎餅，味道都唔錯，夠哂脆！ 呢度服務都唔錯，海鮮塔一到侍應會介紹點食，又幫我地睇海鮮塔溫度，邊食邊提我地食下一層，如果唔係過左龍海鮮會變韌的了～侍應有禮物而且感覺貼心，所以食得開心呢～ 分享一下海鮮塔有咩食先！第一層有肥牛和象拔蚌，肥牛我麻麻，但象拔蚌好多肉好鮮甜。 第二層是海蝦和日本元貝，我幾中意個元貝，好大粒呀！而且鮮蒸好多汁，汁都飲埋，好味！ 跟住係龍躉指天翅、大花蛤、沙白，平時我唔多中意食魚，但意外地呢條龍躉唔腥，肉質嫩滑，都幾好食；而甲殻類都唔錯，好多隻，夠哂食！ 再下層是龍蝦，多肉鮮甜，侍應仲幫我地剝埋殻，啖啖肉，好溫暖呀！ 最後一層是鮑魚和蔬菜，鮑魚彈牙，蔬菜普普通通。 飲品有薏米水／竹蔗茅根，仲有韓國汽水啤酒任飲，都幾多選擇。 韓式自助餐全都是韓國特式美色，辣湯韓式魚糕、豆卜同鳴門卷好惹味！