二宜樓 (已結業)

第一次到二宜吃晚飯, 人不多, 只坐了一半人, 約十檯左右.我和媽媽想吃蛇羹, 於是叫了一盅蛇羹@$58同媽媽share, 蛇肉好滑, 比豬肉好味, 加上檸檬草及脆脆, 整個蛇羹好香, 食完後, 曖笠笠, 推介.另外, 叫了一個魚頭窩, 有爐火開著, 熱騰騰, 用料十分豐富, 數件魚頭, 藥材, 紅棗, 酒味好香濃, 魚頭新鮮, 湯很滋補, 星期一至星期四特價@$38, 好抵.羅漢齋@$50, 底層的豆腐好滑又有豆味, 面層的齋料豐富, 有甜豆, 菜心, 紅蘿蔔, 木耳, 竹筍等, 材料新鮮, 好味.再叫2個白飯, 又有2個free紅豆沙, 好豐富曖笠笠的一餐.

Happy New Year!!! 希望 2009 一洗 2008 的衰氣!今年第一餐茶，本來想去灣仔稻X, 點知那 receptionist 話唔搭檯要等好耐，因得唯一一張二人唔搭檯的檯剛入座，oh my god! 今時今日咁態度!　咁梗係 sayonara 啦。去到二宜樓，好多位，即刻入座。呢度原來公眾假期午市有七折，出乎意外呢。點了羅白糕，椰皇西米佈甸，煲仔糯米飯，馬拉糕同叉燒腸粉。羅白糕黎到白白淨淨，以為唔係好好味，哈點知幾好味，又有羅白絲，又有臘味的味，好味道。椰皇西米佈甸，好靚呀，布甸面焗得好靚，未食已吸引，食落好creamy, 又唔太甜，so good 呀！煲仔糯米飯，稍油啦，不過ｄ糯米飯都煮得唔錯，軟硬適中。馬拉糕就好一般，呢度係古法那隻，唔係有奶黃那隻。我喜歡有奶皇那隻，好味點！叉燒腸粉都okay 啦，不過腸粉不是即拉的，稍為有點遺憾呢。

四個人到這裡吃飯，每款小菜都好好味。特別推介兩款：蛇羹：廿幾年人第一次食蛇羹。自己一直對蛇羹好抗拒，總覺得好似好恐怖。但來了一人一盅，在不得不吃的情況下，便食了廿多年來的第一盅蛇羹。怎知........好好味！(雖然不太懂得形容)我把整盅都吃完，整個人立即曖笠笠。鮮蝦蒸水蛋：蝦和水蛋一 直是我的最愛。但從未試過兩者一齊蒸。蝦好甜，而且水蛋好滑，水蛋裡還夾雜了少許咸蛋，好香口。哈！真的好驚喜，想不到有我最愛的咸蛋。這裡的環境很舒服，椅子矮矮的，但好特別好舒服。昨天是我很開心的一天，開心得會心微笑。和喜歡的人吃一頓美味的晚餐，再配上好心情，真的很滿足 =)

上星期同上司嚟lee間新星旗下既二宜樓飲晏，因為開會遲左，老細好warm，竟然叫定碗魚翅撈飯俾我食，真係感動死人!!!魚翅撈飯，d湯好清、好好味，魚翅又夠腍，好鬼貴氣!!!點心餃子拼盤，好抵食，隻隻都好晶瑩剔透，好可愛，一咬仲好多汁，好好味南瓜撈芋頭，個汁都好正，d芋頭好粉，如果唔係食左個魚翅撈飯，叫個白飯撈汁都不知幾好!!!好好味，好豪氣，多謝老細!!!

同媽仔飲茶, 地鐵站行去二宜都要8mins. 叫了瘦肉弼, 鳳爪, 牛肉飯和 煎腸粉瘦肉弼: 加脆脆, 好味鳳爪: 入味, 正, 推介牛肉飯: $4.8, 大大份, 味道一般煎腸粉: 好香口, 推介茶: $6一位, 水仙好香, 正茶二人合共 $40, 抵

跟女拿著一箱數袋的戰利品從會展出來，一心想到老上海吃晚飯的我們，想不到會在快要到埗之際，卻被另一家食店吸引了過來。原因很簡單，就是因為它主打客家菜，除了對蝦醬蒸豬腩沒甚麼抵抗力之外，這三個字也是"禁語"之一。既來之，則安之。有緣遇上也就一試無妨，我們也沒再多想了便進去了。店內裝修頗特別，例如在天花的幾盞燈的外殼，是從前漁夫用的長身漁網。在牆上也掛著剛剛被列為世界文化遺產的土樓，在旁亦有它的注解，而"二宜樓"這店名就是這些土樓其中之一的真正名字來的。拿起菜牌，選了剛才在外看到的那個抵食套餐，另加了一點小菜便把視線轉回牆上的奧運節目去。打頭陣的是<<紅燒海鮮翅>>，這樣的價錢當然不會是上等貨色，不過也尚算足料，有一點點散翅外，也有不少的蝦粒和竹笙。味道沒過咸，稠度適中。<<豆醬炒芥蘭>>，氣味上是不錯的，一陣陣香味由甜豆醬傳出來。芥蘭普通，碧綠但不清甜，不過不失.....<<炸咸肉>>只有數件，不過卻是佐酒佳品，因為為咸肉炸得透徹，入口咸香而有一點點脆口，拿來送飯也是十分適合的。再來是了無生氣的

早兩日同埋幾位舊戰友聚舊午膳, 而地點就有人提議黎呢間食店, 由於師傅從來都未黎過, 所以都幾開心可以有機會一試!由於呢幾日監房工作比較繁重, 所以師傅都遲左少少先到, 去到竟然未齊人, 但好彩已經柯打左點心, 又唔知點解d時間啱啱好, 當d點心一到其他人亦相繼到達! 點心都柯打左好多, 有蝦餃, 燒賣, 牛柏葉, 牛肉蒸腸粉, 叉燒蒸腸粉, 炸魷魚, 油菜同炒飯等等, 坦白講點心真係冇咩特別, 加上師傅真係冇咩胃口, 所以更加覺得冇咩邊樣係必食, 但亦都唔係幾差, 點心唔算太油, 都可以; 而氣氛好好, 令師傅非常舒服! 總括黎講食物質素都可以, 環境就幾舒服, 而服務態度友善, 價錢唔算太貴, 四個人埋單三百幾, 加上呢餐唔使錢, 更加抵食; 師傅難得同班舊戰友吹吹水, 呻下苦, 話咁快就一粒鐘, 真係歡樂時光過得特別快; 而呢一餐師傅之意絕不在吃, 所以亦希望下次能再黎呢間食店試多次, 笑臉唔會比住, 下次睇真d先啦!

本來一早同朋友傾好去食街邊野，點知落起大雨，於是就臨時轉plan b來二宜樓飲茶。即刻打去訂位先!去到講話book左枱，個知客就咁遞左張點心紙畀我就咁指左指，不過竟然冇人帶枱! 我個樣好迷茫，個部長先先可憐下我問我咩枱。同佢講左佢竟然都唔知我張枱係邊，要問個點心阿姐先知，喂部長喎大佬...坐底發覺依度環境都唔錯，裝修幾靚呀! 友人來到就叫野食啦~ 點心紙好長好多野揀呀...因為佢都好多小菜，不過我地淨係叫點心。流沙包: 味道唔錯，樣都好靚，不過好油，唔夠香，包唔夠軟椒鹽魷魚鬚: 好鬆脆不過完全零味道...仲話椒鹽...香菇燒賣: 以為依個應該安全d啦掛...點知都係麻麻地...肉好實唔夠香...我地食晒之後先發覺我地叫既係"香菇"燒賣...不過佢冇香菇...得粒杞子係上面! 呃人架!蘿蔔糕: 普普通通釀茄子: 唔錯春卷: 有最可怕的西芹! omg...叉燒腸: 唔夠滑...腐皮卷: 又係有西芹...唔通西芹大減價? 都過得去既蛋散: 不知所謂...已經腍晒，應該整左好耐...得好少好少糖漿...唔係咁都要"han"呀嘛??茶好濃...比豉油仲要深色!! 同埋本來諗住叫個椰皇西米布甸..

2008年6月27日下午12:10pm 同舊同事去二宜樓聚舊, 二人叫咗:1) 流沙奶皇包 – 小心”met”開流沙會彈到個身 “met”開之後見到好多油啊! 好得人驚! 下次咪攪.2) 麻辣粉皮 – 辣辣地, 又滑滑地, 都幾好味!3) 炒腸粉 – 煎得唔夠香, 好普通!4) 蒜蓉娃娃菜 – 呢個重普通, 可以唔試!兩個人埋單$105, 其實都ok架! 味道亦不過不失!

都有一段時間沒有幫襯，只記得呢度既租品賣相和味道都不是太好，楊枝金露更是「令人難忘」，所以沒有打算點，點了一大堆點心，流沙奶皇包保持到水準，炸魷魚蘇好新鮮，唔「un」。食點心食到尾聲時，見到隔離table 點了椰皇西米布甸，賣相唔似「外判」、都幾吸引，於是點了四客，發現味道不錯，不太甜，夠熱，可以一試。美中不足時埋單要等好耐…今日等了二十分鐘……個侍應姐姐仲要行得好慢咁拎張單黎…結果遲左返公司…

跟同事食lunch飲茶，午市都好多人去,所以服務員比較忙, 服務差啲.環境都唔錯, 點心質素都ok.仲有一點前結帳有9折

屯門海趣的二宜樓，食物水準普通，但勝在價錢合理，所以我和老公每天光顧早茶，但近來這裹的知客水平甚低，除了在客人面前罵其他客人：「飲果幾蚊茶，就多多野講。」之外，還要支配客人坐的位置，可是安排極不合理，她竟然要求兩位客人坐四人檯，但要打對面坐，此安排分明趕客，我們當然不肯就範，於是同佢理論，佢的態度好惡劣，這最後當然唔開心啦！我地正式排隊入去比錢飲茶，佢有咩理有要控制我地點樣坐，我地還留意到這裹經常有幾張檯留左唔比人坐。我相信這絕不會是服務性行業的應有態度和水平。

午市在灣仔飲茶，二宜樓的點心和炒粉麵飯質素、環境和服務都算是比較平穩的一間，即使人山人海都甚少漏單。推介是椰皇西米布甸(大點) - 充滿椰香，西米布甸不算太甜，又香又滑不建議叫楊枝金露(中點) - 用外賣膠杯盛載，很奇怪，入面還要有冰的!

今日去二宜樓飲茶, 見到門外的海報極力推銷奶黃飽, 加上賣相好似不俗, 所以一路等位, 一路期待品嚐奶黃飽, 點知...叫飛入座果位知客, 亂叫一通, 明明未入座的, 又delete左人地個號碼, 已經入座的, 又重複地叫人地個號碼, 總之一個亂字終於被安排入座, 叫左幾個點心, 點心一路黎, 明明我地所點既點心已經到齊, 但係不斷有唔屬於我地既點心黎, 我地已經講左好多次, 唔係我地, 但係點心阿姐, 唔理會, 見到有位就放低, 至於點心味道一般, 期待的流沙奶黃飽, 係, 係有流, 不過流出黎既, 唔係奶皇, 而係油, 好恐怖, 加上價錢唔係一般點心價錢, 而係$16.8得3個奶黃飽, 認真唔抵食到左結帳的時候, 另一位知客攞左賬單黎, 一次過比錢同找錢, 係, 動作好快, 可惜, 當果個知客拎轉身離開我地張桌時, 我地本來想飲多杯茶先離開, 點知已經見到下一張被安排入座既客已經企係我地張桌喇, 我地一路飲食, 一路比果幾個食客同好凶惡既眼神住, 當我地離開既時候, 就如門口既知客反映我地既意見, 點知...果個知客不但冇解釋, 冇道歉, 仲要用粗口話我地, 講完之後, 又唔認講過

又去了這裡飲茶, 午市的時候真的人山人海, 沒有訂位的話, 想有位也難. 午市擺位都幾逼, 不過環境仲算不俗的.始終這裡並不係傳統的港式茶樓, 點心紙的選擇也有點不同. 是日吃到的有以下點心:梅菜扣肉包: 6分, 都係第一次吃到這樣式的包, 外貌係似菜肉包的, 一食落口係啖啖梅菜扣肉, 好大舊肥豬肉個隻, 那些梅菜, 酸酸的, 其實又跟個包麻麻夾. 試試無坊的, 但係一定無下次. 因為成臺得我一個敢食, 個個見到舊肥豬肉已經打退堂鼓了.杏汁燕麥包: 8分, 而個包反而係幾好, 杏汁相當之香, 也係流質的狀態, 熱熱的, 係燕麥包來的, 健康一點, 吃完個梅菜扣肉包, 轉轉台, 清一清.招牌流沙包: 8分, 流沙包係招牌來的, 一叫兩籠, 也係一轉眼就清掉. 叫得流沙, 這裡的奶皇也係真的幾流, 係一咬落口即刻有奶皇標出來個隻, 奶皇不太甜, 熱辣辣, 幾好.綠茶馬拉糕: 5分, 這個綠茶馬拉糕係一整件上的, 平日吃開的綠茶馬拉券通常係有奶皇的, 這個就係剩綠茶, 賣相綠綠的, 吃落口就好像不太夠綠茶味, 也不太鬆化.清香綠茶粿: 7分, 來得吃客家野, 也叫了個粿吃吃. 綠茶味也是偏淡