二宜樓 (已結業)

總共去過三次，三次食物質素都覺得OK，環境舒服，而且免茶錢，都係一間去得過嘅食店。最近嗰次同男友叫咗兩個餸，南瓜竽頭骨同埋鮮蟹肉蒸豆腐。南瓜竽頭肉排做得非常唔錯，啲肉排有彈性而且一啲都唔鞋；南瓜鮮甜，不會過淋；竽頭非常入味又不失竽頭獨有嘅香味。鮮蟹肉蒸豆腐嘅賣相唔係太好，蟹肉少而且四散係豆腐面。雖然賣相平平，但係食落又幾好bor，蟹肉結實鮮甜，吃得出係生拆，非常新鮮。

用o左兩個幾鐘完全最強之戰後, 梗係要o黎番一個豐富午餐!如果今日唔係咁多人跑完步之後係番附近食lunch,相信星期日呢到係唔洗點等位gae.午市點心質素唔錯,但係選擇唔多. 流沙飽當然得手,蝦餃都有水準,鳳爪唔會蒸到霉.杧果水晶飽好似熱o左o既杧果布丁. 小菜o既梅菜扣肉全枱叫好. 梅菜係甜梅菜,少少甜味,唔會得過咸字. 扣肉係三成肥七成肉,o岩女仔胃口,但係如果好似我爹o地果d客家佬,就未必覺得佢夠肥. 有梅菜扣肉,當然要有個白飯先得啦!五個人一共十二碟點心,一個小菜,每個都只不過要五十幾蚊,ok 喎!

20/12/2005 8:00pm朋友正式成為律師, 邀請我和另外兩個朋友吃晚飯. 四個女子就叫了四餸一湯:香橙骨–很濃的橙香和蜜味, 排骨也肥瘦適中, 不會過火乾蔥雞煲–全晚最香氣撲鼻的菜, 未打開蓋\已聞到了. 口感味道都好.竹笙紅燒豆腐- 豆腐仍保持嫩滑. 因為廚房搞錯了, 漏加竹笙, 所以他們再煮一碟給我們. 不過, 只有四片竹笙, 似乎吝嗇一點.蒜茸窩筍絲(即油麥菜心) - ok燉豬“月展”湯–ok. 還有四白粥, 一白飯. - 白粥帶來驚喜, 沒有味精, 有些乾貝絲呢!芝麻糊二個, 馬荳糕一件- 芝麻糊顯然是沖粉之作, 有點失望…堆單共$46x. 多謝呀,李律師. :-) 就份量/服務/味道而言, 是不錯啊! 值得再去.

間餐廳好唔得我地叫左一個大閘蟹餐，每個人都係$120 ，都唔會expect d 蟹會好食，所以我唔會comment d 蟹。但係我想comment 其他餸:1) 海鮮豆腐羹--> 唔知點解會變左豆腐魚頭湯? 你話魚頭等於海鮮，ok，但係湯同羹都會唔同呱2) 鹽水雞同清蒸魚--> 好鹹3) 雪耳木瓜糖水--> 超甜4) 得菜心同糯米飯係ok果到d service 好唔得，可以話係超差，都未見過有waiteress o係個客面前話個客。我同個friend 都唔係好鍾意食蟹，所以只食左d 羔、肉同蟹鉗，其他腳都冇拆(其實都冇乜肉)。成隻蟹形都仲o係到。個waiteress 收野時話: 你地食蟹食成咁呀! 然後攞住我地d 蟹殼比個經理睇，同個經理講，睇下佢地咁樣食蟹...佢係唔係short ga? 又關佢事? 唔食咪唔食lor ....... 你都唔洗o係我地面前講下話。仲有我地未食完佢地就趕住收野，仲未食完wor。星期五晚7:30都係黃金時間la，但係佢地個大廳得我地一枱客。以後都唔會再去

最近上興趣班，大家相約最後一堂放學後一齊吃晚飯。由於上課地點在灣仔，順理成章也選擇在此區的食肆，加上放學時間為九點半，大家也希望找一間食店可以給予大家空間談天說地，幾經思量加上參閱大家食評後，最後我揀選此店。抵達時已經是十點，由於不是太多人，我們可以邊吃邊聊天。估唔到夜茶小點至晚上十點半，所以我們也趕及選了少許點心，再選一些小菜。印象最深刻是火龍果炒雜菇，上時，大家已被賣相所吸引，加上味道很淸新，全一致讚賞。沙律骨類似京都骨，不過以千島汁代替，估唔到千島汁除配沙律外，原來配京都骨也出期討好。最差是潮州粥很咸呀! 飯後甜品士多啤梨布甸及楊枝金露是不二之選，我選了士多啤梨布甸，布甸內有少許士多啤梨肉很不錯，起碼不像其他食店只是獨沽一味的芒果布甸，很有新鮮感呀。全店裝修不錯，環境優雅，大家都同意這是談天好地方。整体而言，食物水準與環境也很好，大家也頗滿意我此次的推薦。

今日同同事2個人11:45am黎飲茶,之前呢度12:45前埋單當早茶計,但而家過左12點系午市$11,$14,$16我地叫左5個點心:x肉餃,蔥花蝦米腸,蘿蔔糕,甜茶果,雞粥.x肉餃---味道似無湯既灌湯餃,皮厚得很,肉吾夠鮮.蔥花蝦米腸---腸粉夠薄,但實在太油!蘿蔔糕---算系最好既一様.甜茶果---出乎意料地差,內裏竟然系椰絲餡,大失所望!雞粥---夠綿但太杰身,雞亦吾夠滑!埋單$92,十分吾抵食!

系北角既OT生涯終於結束;今晚2點同朋友一行3人黎飲下午茶,裝修睇得出都花左d心思,有點新舊合壁既感覺;臺與臺之間有一定距離,自成一角,吾錯!下午茶小點$8.x,中$11.x,大$11.x,無加一.我地點左8款點心,花生豬骨粥$6.8,旦散,客家茶果(咸),芝士腸仔酥,流沙包,蝦米腸,蘿蔔糕,,素餃.除左芝士腸仔酥普通左d,流沙包吾夠流但甜度適中,包夠軟身.其餘全部點心都做得十分出色!少必叫粥,腸粉,茶果及蘿蔔糕!埋單$95,每人$32,超級抵食!服務亦恰到好處.絕對系食得過!

今晚滂沱大雨, 放工後在鷹君Pacific Coffee 發呆. 晚飯未有落腳處. 於是去電腦睇openrice, 見到二宜樓的評分不錯, 地點又就腳, 加上見到openrice 食家曾在此聚會, 所以放心一去.二宜樓去到門口, 原來八時半開始特價, 最平由20 元起. 裝修是現代中式酒樓格局, 相信花了不少心思. 枱椅較矮, 但也可接受.另外全店禁煙, 空氣清新.先來一碟酸菜, 相當不錯. 我叫了一客特價的波蘿咕嚕豆腐(28), 另外叫了一客大家都有叫的蜜桃咕嚕肉. 一時想不起連叫了兩客同樣酸甜汁的菜, 來了後才有點後悔.先來波蘿咕嚕豆腐, 豆腐是玉子豆腐那一類, 細小而相當滑溜, 加了脆漿炸完後, 再加酸甜汁, 相當不錯.另一客蜜桃咕嚕肉, 如大家所言, 是肉片而不是肉排, 有點硬, 反而蜜桃加酸甜汁有點新鮮感.飯後叫了兩客甜品, 一是楊枝甘露, 用料相當足, 但用膠杯盛載, 卻像街邊小食感覺. 反而另一個木瓜雪耳糖水卻相當討好, 甜度適中, 雪耳及木瓜相當腍, 相當不錯.服務相當不錯, 其中一個傳菜嬸嬸笑得像六合彩一樣, 作為食客, 見到自已都好開心,整晚最後結帳125 元, 每

20050603 7.30pm跟男友本來在老銅晚飯, 諗唔到食乜好, 行到去灣仔, 又唔想去三里屯食西餐, 見menu 呢度平平o地又好耐無食過客家o野, 試下.2人吃-* 荷葉飯- 男朋友話係粽味.又的確係無任何荷葉味........不過當火局飯食就還可以.* 蜜桃咕嚕肉- 最差呢個, 我唔覺得自己食緊肉片lor...係食緊炸漿, 最慘係o的汁都兜唔勻......* 支竹浸菜仔- 其實即是支竹炒菜, ok 啦.環境係"稻香系"裝修- 即是深色柚木地板果味.都OK啦. service 一般, waitress 態度麻麻.total $200 around. 份量大吃不完但食味一般, 唔會再o黎.

好彩唔係行咁遠食飯，真係多謝今次大皇英明決定。我o地D小菜好似打衝鋒，好快上台。蕃茄豬筋骨-全晚最好，我懷疑加了蕃膏一起煮，因為蕃茄味好濃，豬筋骨夠晒入味，唔會好似西式煮法又韌又乾。蜜桃咕嚕肉-應該是咕嚕肉片才對，味道怪怪的，有別於一般的咕嚕肉的甜酸汁。鹽水雞-大皇話唔夠鹹，我就覺得剛好，幾有雞味，而且肉質幾滑，比起前一晚去新和富的雞還要好。枝竹浸白菜仔-這個菜最好係獻汁唔多，唔會太漿口，白菜夠嫩，可惜d冬菇唔太入味，亦不彈牙。東江豆腐煲-成個煲最差係豆腐，唔得滑，生菜好大粿又嫩，而鯪魚肉幾彈牙。脆瓜炒鮮魷-我幾欣賞，味道清淡唔會太油。香芋石螺泡飯-我只食了少少，太多芋頭口感好”杰”身，如果食得多都幾溜下。Openrice習慣係食完飯來個飯後甜品啦!今次亦不例外，除了(凍)楊枝甘露外、酒釀丸子、萬壽無疆及綠豆清心丸三種甜品的都試過。酒讓丸子好重酒味、佢o地話湯丸唔掂。萬壽無疆味道怪怪，我o地笑說似公主食的糊仔。而我食的綠豆清心丸，真係好清，好淡味，好少開邊綠豆，清心丸又唔夠彈牙。整體來講味道一般，勝在好平。但對於我來講，同openrice食友聚會，食飯同吹水都好一樣重要。Quote番L

第一次同班Openricers 在灣仔打羽毛球，原來呢個網站真係好多各類勁人，失敬失敬！打完波，我地懶得去諗，就近近地去左呢間食晚飯。各類小菜唔算貴，頗大眾化價錢。隨便點了幾個菜，有：1) 蜜桃咕嚕肉—可能用上蜜桃代替菠蘿，食落比較甜的，相信未能滿足咕嚕公主的要求。2) 枝竹浸白菜仔—而家至醒起好似冇食到d枝竹，反而冬菇就有，白菜算是幼嫩一種，湯清清地，算唔錯。3) 鹽水雞—用沙鍋盛著，雞不肥肉頗滑，雞味還可，但略嫌不夠鹹。4) 番茄豬筋骨—這個是頗為突出的一味，蕃茄味幾香，豬筋骨亦唔韌有咬口，每件size亦算適中。5) 東江豆腐煲—豆腐唔太滑，但配上的魚蛋肉幾彈牙脆口，加上湯底鮮甜，整體還可以。6) 脆瓜炒鮮魷—節瓜幾爽脆新鮮，魷魚亦唔韌，但味道較淡。7) 香芋石螺泡飯—芋頭略嫌太多，令整個泡飯有點杰，螺肉不算多，所以螺肉味不出。用黎作為主食一種亦無妨。另外，還點了幾個甜品，楊枝甘露、酒釀丸子、萬壽無疆(南瓜蓮子)等等，甜品這裡比較失色，大家都覺不太討好。後話，話說有人對先拿來的兩杯楊枝甘露用膠杯盛著，覺得有點出奇，反問侍應：「原來是凍的？可唔可以熱咖？」立即惹來一陣笑聲，才知道楊枝

本來歡喜的假期，變成惡夢的開始，永不亡滅。一班同事要開夜，便要與他們食些少野作戰，事後乜都幫唔到手，要隔兩日之後先可以動到工。老細要以最平最快的方法醫肚，高湯浸娃娃菜便是打頭陣，湯幾青甜；南乳粗齋緃使又打左獻，味道略鹹但送飯一流；黑椒牛仔肉粒炒得乾兼野味，不錯不錯；最深刻的都是梅菜扣肉，幾鬼女士似乎不太喜歡，而自己係一舊一舊咁食，而且有薯仔係底，的油好自然咁索曬入去，值得一讚。還有一味自己都唔記得，sorry。心情不佳時，好難去評論，而事後都覺得唔錯，起碼趕住真係好快上到菜，呢點真係叫有些唔好意思。

於2月27日晚上order一個$888套餐,食物份量足夠,雞湯浸時蔬(菠菜)及珊瑚影白玉值得推介.菠菜烹調時間控制相當恰當.持應生推介套餐內家鄉鹽水雞可換招牌鹽焗雞,但需額外加$100,本人查看餐牌鹽焗雞的確比鹽水雞貴(但相差只是$60,但為何套餐要加$100呢?古法蒸桂魚,兩條各約14桂魚,份量充足,但蒸魚材料肉絲則未蒸熟透便奉上,應多加注意.套餐內合時甜品毫無驚喜,腐竹白果糖水,太甜了.建議選用茶果作甜品,會較有特色.室內裝修及座位予人舒適感覺,持應生服務態度良好.記緊以匯豐信用咭埋單,可享有九折優惠.

兩個人去吃晚飯．這兒的裝修頗精緻．點了一個芋頭石螺肉泡飯，奇妙骨，吊片瑤柱蒸水蛋．泡飯幾清，幾好味．蒸水蛋好滑．兩個人，這份量剛剛好．飯後，有果盤和糖水．

又一次同"開飯喇"版友聚會, 食物方面整體上不過不失, 午餐來說已是經濟抵食, 但服務方面有點問題, 一般侍應與客人對應不太有禮貌; 上點心時亦有點生手, 其中一個侍應一時貪快, 打瀉了鮮魷的湯汁仍在上菜, 邊上菜邊漏水, 幸好朋友閃過去; 最後一味蘿蔔板, 還沒有弄得全熟, 有點大意.