二宜樓 (已結業)

放自己一天假，跟太座好好休息一下...朝早响灣仔揾個好坐D嘅地方飲茶。叫個三五七碟點心，一壺茶，慢慢嘆...點心水準普通，只有豆苗餃及牛肉腸粉較好。原因好簡單，叫嘅全部係早茶特價點心ma...食咗六碟嘢加埋一盅飯，連茶芥加一都係六十大洋有找，抵到暈...

前幾日同友人食dinner.放工已經好夜了,搵下搵下,都唔知食咩,就去0左依間成日經過但係未食過的店子. 3個人,叫0左好多野食. 黃酒煮雞–連住火上,煮呀煮,好有酒味,幾好食.雜菌牛肉煲–d牛肉走過油先去煮同d菌炒,幾有牛味,好香口.朱油撈飯–真係太油喇,佢連埋d炸0左一粒粒的朱油渣上,3個人share一碗都食到好飽呀.油爆朱肚–唔好食既>_< d朱肚好un.涼瓜煮蝦乾–幾好食ga,清清地,d蝦乾幾夠味.椰皇燉魚翅–每人一盅,只係28蚊! 好好食呀! 好清,燉得夠火. Highly recommended!埋尾食0左個流沙包,無想像中咁好食呀..食0左咁多野,先每人140蚊,好平呀!!!!!!!!!! d野幾好食,又唔貴,都唔知點解唔多人去食既...

之前嚟過呢間酒樓食lunch，覺得點心同價錢ok，咪諗住同屋企人响呢度食晚飯咯，點知原來小菜係麻麻......碟碟餸份量比較小，覺得唔係咁抵食東寶牛肉西蘭花炒帶子沙薑雞：賣相唔靚金銀蛋莧菜：阿爸阿媽話啲菜"鞋"，唔好食。而我因為一向唔食莧菜，所以冇試珊瑚豆腐：阿媽話豆腐幾滑，而我就覺得啲汁唔能夠令佢入味，幾"寡"幾淡芒果炒飯：啲芒果甜喎！加入飯中令個飯都帶甜，尚可！楊枝甘露：竟然用透明膠杯加飲管上，唔係用甜品盅上，似許留山一樣。呢款甜品夠甜，唔會偏苦或偏酸，好幾好"飲"夏威夷果凍：只不過係什果大菜糕，非常普通紫貝天葵糕：原來係椰汁糕加紫色糕是也！

中午時段很大油煙味,招呼一般,前菜NUTS難食很浪費,但腸粉好味,有特價都會再去.

蕃茄豬肋骨：呢碟係我覺得全晚最好味的菜，蕃茄同豬肋骨配合得天衣無縫；肋骨又夠‘林’。香芋南瓜煲：Ｄ芋頭炸過才與南瓜兜埋一齊，很香。二宜小炒王：韮菜花好鮮甜＆爽，加埋菜圃一齊炒，正上加正。O者O者通菜煲：香就幾香，可惜是全晚最油膩的一道菜；又難怪，因為通菜唔加油就好易變黃變黑呢！流沙奶皇包：有進步！因之前去食，流出O黎O個Ｄ，絕大部分油；而今次流的‘杰’O既程度適中，所以，我覺得好好味。

老闆話請食飯，原本打算去食西餐，點知有人建議不如去飲茶，所以就決定咗去二宜樓嘞，有同事一早就去霸定位，一去到就有位，真係好嘞。同事們一行八人，點咗好多點心，有蝦餃、煎腸粉、流沙奶皇包、懷舊馬拉糕、鮑汁鳳爪、豉汁鳳爪、碧綠帶子餃、芝麻鹹水角、椒絲腐乳通菜等等。仲點咗兩個荷葉飯，所以都好飽肚。所有點心水準都唔錯，唯一差d既就係鳳爪太瘦，鮑汁味道又唔夠濃，唔好食。最後d女同事們就梗係要叫甜品嫁啦，要咗紅豆沙一碗、楊枝甘露兩杯、紫貝天葵糕及桂花杞子糕各一碟，我試過兩款糕點，味道麻麻地啫。埋計六百幾蚊，仲計多咗我地兩個茶錢，不過佢地話算數喎，費事又要等再計過。

上個星期日一行12人食生日飯, 叫o左好o野, 整體上都ok, 最有印象o既就係好多南瓜煮o既菜式, 個人不太喜歡南瓜o野食, 所以俾唔到意見. 最好味o既就係個牛腩, 入口即溶, 好香肉味.服務麻麻o地, 有其中一個伙計講埋o的唔好笑o野笑話, 悶. 仲有, 因為要切生日蛋糕, 叫拎o的碟o黎就拎碟, 完全唔醒目要拎埋叉, 唔通要我o地用手食?!?!

考完試, 同同學一齊食飯, 最近就係呢間, 就走左入去食!之前已聽過朋友講呢間都幾好架, 又唔太貴.入到去, 裝修得唔錯喎, 好中國feel, 感覺都好舒服.餐牌上既野食都幾特別, 我地4個人去, 點左:- 黃酒煮雞- 有雞, 紅棗, 雞蛋花, 黃酒, 非常保,好香, d雞吸晒紅棗既甜味和黃酒既酒味, 飲埋d湯更正, 一路煲一路食, 感覺唔錯 - 香芋南瓜煲- 芋頭好粉, 正, 但南瓜一般, 唔知點解唔"淋", 仲爽的, 可能本身南瓜唔靚- 米鴨煲- 有鴨, 豬皮, 菇, 個汁好野味, 所有野都入晒味, 正.流沙奶皇包- 因為有另一張餐牌特別介紹此包, 令我地覺得一定會好味, 於是咪試下囉.. 好流, 真係好流, 但太流了, 好易流晒出來, 同埋蒸得唔夠奈, 搞到包唔夠軟, 裡面亦唔夠熱, 未食過一間係唔夠熱既奶皇包囉!>.< 其他的都會熱到辣口的, 所以出奇地失望...因為估唔到不過, 其他餸都ok的.

那天很熱，唱完K同屋企人在二宜樓食飯，以前在灣你返工有時都會來呢度食LUNCH，印象都唔錯，流沙包最好食。7時入座，星期日都無係滿晒座，可能因為灣仔始終無銅鑼灣就腳的關係吧。要了很多菜：冬瓜盅有好多料，包括帶子、珊瑚螃、瘦肉等等、等等，平時我都唔係好鍾意飲湯，尤其大熱天時，不過呢個湯真係好甜，飲左2碗，雖然鍾意加胡椒粉食，但第1碗無加，因為想試真D個原味，果然無決定錯。炸豬大腸，平時大排檔的豬大腸或會洗得唔夠乾淨，雖然炸得好味，但係都會好仔細咁，研究會唔會仲有D唔乾淨的物體在腸內先食，至於一般酒家的，則會洗得好乾淨，乾淨到連膏都無埋，好乾；而呢度的，既能放心食，又唔會乾，正。醬油雞腳，嘩，雞腳係新鮮雞的腳，好有鮮味哦!餐飯食得好開心，好滿足。

20070328與舊同學飯聚，七點鐘，六人台，提前訂了一個客家鮮蝦荷葉飯，其他的就落座再商量。沙薑雞（半隻）：是用煲仔上的，有點奇怪，不過倒添了幾分煙火氣，好像更香口一點，雞肉質地很滑；東江豆腐煲：也是煲仔，感覺卻截然，奶白的魚湯，鮮甜得來很清醇，裏面有油菜、鯪魚球、草菇等，主角當然是大大件光潔嫩滑的豆腐，全無調味料的濃妝豔抹，原味質樸；南瓜芋頭煲：又是煲仔，依然不同，芡汁很濃稠，南瓜與芋頭切成手指大小的長條，浸在裏面，一個糯一個粉，與芡汁如水乳交融，拌飯尤其一流；番茄豬筋骨：豬筋骨的數量不多，不過肉質很鮮美，番茄切得大大件，映得整碟都火紅熱鬧：）酸甜的味道完全釋放出來……吃肉也是可以毫無油膩之感的：）客家鮮蝦荷葉飯：很大碟，吃起來不同一般的荷葉飯，反而很像大粽子，只不過飯底比較散，浸透肉香，幾個人都讚不絕口；流沙包半打：一籠三隻，體積不算小，熱氣氤氳的樣子，略嫌太白了一點：）幾個朋友怨它不夠流沙，不過我這只還OK啦，當然比想像之中是差了一點。可能是週三的原因，店裏並不算太多人，裝修風格很典雅，胡桃木色的家私，引有唐詩的柱子，還有造型別致的吊燈，中式得來帶點新意。可惜臨窗都是四人台，多

約了兩位consultant午膳兼傾野，地點由對方選擇，人家揀了我公司附近的二宜樓。平日的十二點幾，客人唔算多，而且地方幾清靜又不太迫，是說話的好地方。點菜由對方發板，他們選了半隻口水雞、粟米魚柳飯、冬菇菜心、牛肉、叉燒腸等等。點菜後，對方便認真地present。吃?已是其次。依稀記得口水雞是幾有雞味，可惜麻辣味道不足，算不上正宗。腸粉就幾好味；粟米魚柳飯應是用雪藏貨，都算是多肉同埋粟米也蓋過魚的雪味，唔差。菜心反而比較硬，是煮的時間唔夠所致。牛肉就一般啦，沒有太大驚喜。公平點來說，今餐主要是為公事來吃，集中力也在於聽對方的present，所以對食物的品嚐方面不是太集中。

食咗幾次, 食物幾可口, 坐位舒服. 不過侍應不够, 但總算有人加水(雖然笑容欠奉). 價錢算合理.

今年年初二,本來年年都會係姨媽屋企拜完年,打完麻雀食飯直落,今年姨媽話唔煮,出去食,所以媽咪就訂位打完麻雀,就開飯!今次我係叫餐,不過全部加大,先個豬肺湯,好甜,又無乜味精,ok喎!豉油皇炒蝦,好香口,我表弟食都停唔到口,發財好市同橫財就手,一聽個名己經知乜料,雖然我只係食少少,但味道都ok!螺片炒雜菌,香口,蒸魚同雞就普通d,最後有炒飯同伊麵,我只係食炒飯,仲食兩碗添,炒飯幾好味,d料夠多,好似d蝦粒咁,都好新鮮同爽口,肥b就食伊麵,佢都話都幾好味,食埋糖水,飽哂!

其實已經幫襯過好其次, 呢度食品水準係OK既, 服務只係不過不失, 午市人多照顧差D可以理解, 不過我就未試過見到'笑容可掬'(笑容不嬲都欠奉就真), 人手其實係非常唔夠, 但係價錢的確實惠所以都唔多要求喇但係今日去食LUNCH態度真係10個差>.< !!! 首先, 尋日已經預訂今日5位檯, 人數無多無少, 帶位小姐居然安排張4人4方檯比我地, 點坐呀? -__-"再同帶位小姐講, 我地係有訂位唔係walk in, 佢居然答'今日booking 好full' <- 咁你可以尋日話無晒檯, 我可以訂第2度, 而唔係求其俾張檯敷衍d客重覆講左好多次我地係尋日訂左5位檯, 個帶位走左去, 另一個女人叫我地'坐住先', 耍人嗎? 後來堅決唔肯坐, 先再帶去另一邊- - - - - - 大把吉檯!! (20%滿都無) -_______-" 不過一如以往, 坐低10分鐘茶都無... 無人serve, 無客...

最近, 一連兩個星期六的晚上到去了二宜樓食飯。上星期六與男友行完展覽會, 便專登帶他來吃; 因為我之前食過覺得好味。本想叫荷葉飯, 但賣哂~ 所以只叫了2個, 但好飽!!梅菜扣肉($48) - 原來放左d芋頭同梅菜一齊在底, 同出菜非常快, 呢樣一叫就有。南瓜芋頭骨($58) - 好好味, 他們把肉排先炸, 再同芋頭/南瓜一齊煮。一向以來,他們的南瓜芋頭煲都好味,d汁好甜。所以配合了肉排也一樣好味。昨晚, 一早訂了荷葉飯, 所以有得吃。一行5人, 因男友也覺好味, 所以同家人起來, 可以叫多好多。梅菜扣肉($48) - 爸爸說一般,不夠上次在大陸食咁好。w.w"水晶雞- 半隻($58) - 味道ok, 但略嫌熟左d。賣相不夠好, 可以不試。荷葉飯($68) - 嘩, 同上次一樣咁好食。不過今次好似少左d五香粉。媽咪話只係食到好大陣鹹蛋黃味。記住食的時侯, 要將中間的餡拌勻才吃。good 蝦羔骨($58) - 唔.... 爸媽一同讚呢個炸得香口鬆軟,一流!!炸大腸($68) - v.v 不用試了, 一上桌, 爸爸話好臭。媽咪話應該係d豬腸洗得不夠乾淨。流沙飽($36 半打) - d 好流