二宜樓 (已結業)

阿A閒請地約阿M飲吓茶，同人搭枱，真係唔係咁好．哩間係食客家菜，有好多人幫襯，夜晚八點半後點心平平，下次再去先．前菜：花生雜豆，茶：香片帶子腸粉，細細粒，無咩特別．燒賣，點辣醬，正．鳳爪，一般，有ｄ芋頭伴碟．炸蝦腐皮卷，幾好食．流沙包，凍咗少少先至食，都唔錯．埋單：HK$108

我都經常去二宜樓，它係免茶的。服務無問題。食品不差，坐位都舒適。不會要客人搭檯，灣仔區咁價錢，算難得。它下午茶時間的特價粉麵很大碟，抵食！

辣椒仔所說的差.然過期實,辣椒仔於8月29日同一天寫2篇東園金閣海鮮酒家(灣仔) 好.一篇二宜樓(灣仔) 差,好有鱔稿味.我替二宜樓(灣仔)平反,二宜樓是全日免茶的,何來收多茶錢.我在灣仔番工.一個禮拜都會去1,2次LUNCH.食物點心都過得去.服務可能LUNCH TIME.應接不暇,也不過不失.整體而言, 餸菜夠份量, 特別午市198餐,這價錢很抵吃。各款餸菜味道都頗佳, 有水準。待應服務亦不錯, 有求必應, 笑容足夠。此處裝修古色古香, 很特別。燈光稍暗要改善

This restaurant's worth visiting. Prices are reasonable and food quality is above average. Try their chicken in rice wine pot. Comes in a huge pot but the concoction is fantastic, especially on a cold winter's night.

晚餐和我媽去試了二宜樓的魚翅餐.套餐蠻豐富的,有魚翅,河鮮,蔬菜,小菜一款,同埋香口小吃一款.(還有白飯/番薯白粥,糖水和紅酒/橙汁一杯.)魚翅確實是麻麻.像塑膠一樣的翅,伴著有些生生地的小唐菜,泡在一碗醬油+芡汁裏,頓時後悔應該散叫好了(原本是想點客家煨翅的),以及有點懷疑以下的菜會是怎樣的.香口小吃我們選了蝦糕骨,是用蝦糕醃過的排骨然後再炸一下.排骨醃得入味,好香好香!而且粉沾得薄薄的不會覺得很熱氣.全晚最好吃的就是這一味啦.小菜我們挑了鹽水雞,平平穩穩的,沒啥特別.至於其他的菜也都不過不失,稍嫌菜心炒得生了點.其實還算幾抵食,因為有這麼多東西.不過下次去的話,可能會散叫囉.

四個人黎食lunch。呢度好煩，book 左位都要等。但最煩都係佢d waiter，同reception 好唔惦，好無禮貌，又唔識做野(e.g. 用眼"bear" 下我叫我玀開d碟野同接佢手上碟新野)。d 野食麻麻，服務很差。最唔抵既係佢朽留左唔記得比碟花生我地，反而要收多10 蚊茶錢。chi sin ga...我都好少咁care d waiter 服務，但食物差，態度差，叫我點黎多次。

星期六嚟飲茶。標明係客家菜，但係點心紙上絕大多數係普通嘅廣東點心，客家點心得兩、三款。點都要試吓，就點了客家眉豆茶粿(中點$11.8)。可惜茶粿整得太實，差過客家好棧。這裏是新星集團的，所以流沙包(大點$14.8)是招牌點心，。一籠三個，夾開啲餡料流出嚟，都算做到流沙效果，不過食落不覺得特別出色，可能期望太高吧。另外食了叉燒餐包(中點)和叉燒腸(大點)，均屬一般，其中尤以腸粉較差，粉厚偏實，啲叉燒餡又唔好味。點心麻麻，就叫碟家鄉特色炒麵($50)填肚。材料有雞肉、豬肚和蝦等，可惜水準重差，「獻」汁太多太杰，啲料本身又冇味。服務方面亦令人失望，侍應大多懶懶閒，已經冇乜客，還不會快手收碟收籠，另外又見到有幾批客攞住門口知客俾嘅飛仔入嚟，但係冇侍應理佢哋，要佢哋自己搵檯。最後要彈嘅係佢哋嘅抽風系統，由於隔開廚房和我哋用餐地方嘅牆唔係到頂，所以廚房啲油煙攻哂出嚟，認真唔掂。

與老闆&老闆娘到客到作了最後一次presentation，究竟個客啋唔啋佢地已經唔係我能力範圍之內，一切還看老闆娘的做化。係仲未有乜做化前，當然要做有益身心o既事---食晏。相信老闆娘都知道自己有d唔妥佢，今次無去公司canteen黃珍珍or 飛的落去北角咁癲，近近地就去二宜樓。(Oh ! Thank God!) 拒絕幫老闆娘剔點心紙下，拋番個波俾老闆，點o岩佢老婆食個d，咪又係叫個幾樣，盞搞。好彩，都仲有流沙包食下。名不虛傳的流沙包果然真材實料，熱辣辣的蛋黃奶黃如岩漿般湧出來，勝過固體狀的多多聲。跟住上的蝦醬鮮魷，食得出非常新鮮，最愛魷魚用來游水個兩塊瓣，勁爽口！跟住o既糯米卷同燒賣，都只係一般。另外仲有小籠包，相信都係為o左迎合港人需求先至有。皮薄，但易爛係我試過後o既評語，而語不驚人誓不休o既老闆娘竟然話：「D皮未熟呀！仲成舊都係白色！唔好食！」.........無o野講！之前都領教過呢到咸到嘔o既滋味，但係今次好有驚喜，似乎換o左師傅o番。先有鑊氣十足o既紅腰豆炒飯，飯炒得乾身，粒粒飯都係單身貴族分開o既，有d仲微微帶焦，仲有白果tim!嘩！接近炒飯最高境界。呢個炒飯差少少就可

為公司五位七月生日同事搞生日飯局。一行廿六人開兩席。選了$1880 的全包宴再訂了壽包，每個菜的份量足，味道奕佳。當中最impressive 是拼盆的炸大腸，好香口。另外個豬手都好好，夠淋又夠味。因為太飽，無食到荷葉飯及伊麵，不過同事說好食。另個子母壽包真的很巨型﹗都好味。

朋友遠行前的餐聚，祝你一路順風．六個人點了五道菜：魚香茄子煲，東江豆腐煲，糖醋魚塊，扁干四季豆，蕃茄肉排，每樣都材料新鮮，醬汁惹味．甜品嚐了木瓜雪耳糖水，很清甜．環境很舒適，不太吵鬧，適合和朋友聚舊．

我講嘅係屯門海翠坊嘅二宜樓～潮州客家菜。喺海翠坊開業嘅食肆，終於試勻晒啦，呢間最遲開業，而我到而家先有機會幫趁。今日係星期五，有下午茶供應﹙星期六日欠奉﹚，大中小點一律7.80，認真底食，我地都係凈叫點心。有花生雞脚﹑墨鱼卷﹑芋蓉粿﹑春菜餃﹑同埋流沙飽。除咗流沙飽，其他都係潮式點心。要講嘅係：墨魚卷～蒸嘅，賣相簡單得嚟又幾受落，一碟四件，好多墨鱼粒在內，清淡好食，又有趙頭。芋蓉粿～煎嘅糯米糍，少少甜，不過要趁熱食，凍咗就煙韌Ｄ。春菜餃～春菜係潮州特產，不過所食倒嘅唔似以前食過果種，但係都幾清爽，配以蝦仁，清清地，可惜外皮掃得太多油，扣咗分。流沙飽～最流沙的一次，食果陣都己經好小心，但係都唧到碗碟都係晒，好彩冇沾污件衫，好失禮。因為試過《潮樓》一役，唔敢抱太大期望，點知呢間冇打正潮菜招牌，反而食倒潮﹑客和廣東點心，所以呢餐都好滿意，加上呢度裝修幾特別，以圓型來設計，外圍二人枱及卡位，燈光柔和，似餐廳或日式餐廳，中間係多人枱，較為光猛，適合一家大細。服務效律唔錯，可惜我地一連幾張枱頭頂都耐唔中有水滴落嚟，可能係冷氣喉嘅問題，領導人真係要跟跟啦。

與朋友聚餐\，我提議試新地方。有一次經過這餐\廳附近，便上網找找食評；而且也在雜誌見過介紹，相中的餐\廳環境好像不錯。於是大伙兒便決定試下。最近這餐\廳有推廣，＄８８有冬瓜盅及半隻鹽水雞。另我們叫了食評中推介的南瓜芋頭煲和梅菜扣肉外，亦點了鹽燒豬肚、竹時菜及荷葉飯。＊冬瓜盅一般，冇夜香花。＊鹽水雞正，肉質唔”鞋”，又唔會咸。＊南瓜芋頭煲，最正係個汁囉，顏色好似葡汁架。＊梅菜扣肉，自家製，唔咸重甜的，不過ｄ扣肉真係幾肥。＊鹽燒豬肚，好正，用錫紙包住上，質感爽唔粉，乾身得來不會硬，不咸，值得推介。＊竹時菜，一般，不特別建議。＊荷葉飯，有濃濃的五香粉製，所以香口，餡汁豐富，原來加了肥豬肉在內，所以軟綿綿的。好好味。總括而言，大家都好滿意食物的水準。

7個人lunch來飲荼,叫了頗多點心,質素一般,價錢OK.但勝在環境夠privacy,每張枱都有屏風隔開.

生日飯局, 1 行13 人, 要了$1880 的全包宴. 送汽水6罐或啤酒3枝, 茶芥加一全免。餸菜有7餸一翅、飯、伊麵及糖水:客家三式拼盆,8 分- 炸大腸, 炸得頗香口, 咬落有少少油, 可以說是皮脆"低"嫩滑; 南乳排骨, 味道夠, 肉亦軟滑, 半肥瘦, 咬茖口感一流; 另一樣不知名堂, 免治豬肉混內馬蹄, 外圍沾粉炸切大件上, 炸得剛好, 外皮脆, 肉不乾, 吃落還有肉汁, 不錯。百醬珍菌蝦球花枝, 6 分- 蝦球,花枝爽口彈牙, 珍菌油了點, 蜜糖豆炒得不夠熟, 差了點。二宜小炒皇, 7 分- 韮菜花炒蝦乾及螺仔。蝦乾味道適中, 不鹹不乾, 有鮮味。迷你螺仔很易入口, 不韌。但韮菜花沾了不少油, 不敢多吃。高湯泡芥蘭, 6 分- 芥蘭頗嫩, 夠腍。湯應該是加了味精, 食後有點頭痛。紅燒竹笙雞絲翅, 7 分- 很多料, 竹笙, 雞絲很多, 雞絲很滑; 翅雖不多, 但整體來說, 水準尚可接受。鮑汁金錢豬手, 8 分–很大件, 我沒吃, 只吃了墊低的生菜。鮑汁夠味, 很香。朋友們說豬手味道不俗, 入味, 大大件, 吃得很滿足。清蒸雙桂魚, 7 分–夠滑, 如用果皮蒸更好。他們只用上

昨晚一行九人到了此間店為朋友慶祝生日,叫了九一羹,每碟都唔算好大碟,但味道就唔錯,我同朋友都覺得南瓜芋頭排骨好好食,好香芋頭味,其他都唔錯.環境幾特別,好中式舊酒樓feel,但與之間空間比較少,員工服務態度都幾好,成班朋友聚會最好不過!