佐賀燒肉谷 (雅蘭中心)

營業中

休息中

呢晚到左旺角雅蘭中心的【佐賀燒肉谷日式燒烤放題專門店】食燒肉放題，食物高質又豐富，120分鐘任飲任食輕輕鬆鬆唔洗趕～ 餐廳地方寬敞，有大量卡位，坐得舒服～餐廳呢度有4種價錢嘅套餐可以選擇，我地揀左Lv3 澳洲和牛海鮮放題，有超過128款美食，以及自助專區40種美食，好多選擇喔！仲可以免費暢飲啤酒或清酒啊！一開始會上頭盤澳洲和牛海鮮盤，好吸睛，打卡啱晒！肉類包括：澳洲和牛上級牛胸肉油膩分佈均勻，入口又香又滑、牛舌亦有水準，好咬口，仲有和牛肉眼芯、和牛特上牛肋肉、特選牛小排、美國牛胸腹肉等都好高質，海鮮有法國黃金螺、原隻鮑魚燒、帆立貝、青口和大海老～ 等我地可以先試左牛嘅不同部位和精選嘅海鮮，之後按喜好encore喜歡嘅款式～煙燻壺漬封門柳，肉味香濃而且好夠淋，醃得好入味，完全唔需要沾鹽花都已經好好味了！霜降一口牛，一粒一口好滋味～ 必食燒日本原隻生蠔，大大隻肉厚好香滑～適逢奧運港隊攞到金牌，餐廳當日仲另外送左日本和牛嫩肌壽喜燒俾我地食Lv3或Lv4套餐嘅客人，好有驚喜！一片片雪花嘅日本和牛，油脂分佈均勻，入口即溶，沾上蛋汁份外細嫩幼滑！呢排除左有燒肉放題套餐外，仲做緊期間限定水果祭，可以

今日黎左旺角既佐賀燒肉谷有大大大驚喜呀!!冇諗過係香港都可以食到日本高級和牛, 仲要係堅日本質素同埋係!! 餐廳以燒肉放題作為賣點, 一共有個4 Level既燒肉套餐選擇, 全部都係任飲任食我今次食既係120分鐘日本佐賀A4和牛海鮮放題 $658/位~120分鐘慢慢燒都好夠食呢餐廳仲推廣緊痛風海鮮祭, 每枱送極上海鮮拼盤一份放題分自助區同QR CODE落單~~自助區有少量熟食, 例如日式蘿蔔牛肉, 鹵水雞翼, 仲有牛角包, 炸薯餅之類....雪櫃入面就有沙律, 日式小食同埋甜品...甜品櫃有多款日本甜品同水果QR CODE落單有超多選擇~首先就叫左D前菜沙律....呢款煙三文魚田園沙律同煙三文魚柚子冷豆腐都唔錯~作為前菜好fresh好開胃極上海鮮拼盤大大盤超豐富!!多款海鮮包括日本蠔、牙帶魚、白鱔、虎蝦、蟶子、鮑魚、帆立貝每款各2隻全部海鮮都好新鮮!! 燒一陣好快食得燒蠔仲可以無限encore, 蠔控表示超滿意!!!頭輪會先上一盤日本A4和牛~~有六款唔同產地同部位既和牛....全部都好正!!油脂滿滿, 油脂感超豐富每塊都入口即溶, 同係日本食嘢和牛一様質素, 超高質encore嘅和牛

呢度100 分鐘燒肉任食。有幾個唔同套餐選擇，今次因為朋友仔生日。就當然要食豪啲啦！ 和牛好多唔同部選擇，我最愛 😍 究極佐賀和牛三角嫩肌、佐賀A4和牛小排、極上黑毛和牛肩胛， 油脂均勻，啖啖脂油香氣 入口即溶。佐賀A4和牛牛肋條，肋肉，牛味濃，肉質超水準。今個月水果祭 ！ 除左有幾款果味烤肉，仲有榴槤炸彈🌟金黃香脆嘅外皮，一啖咬落去滿香甜嫩滑嘅榴槤肉！ 仲有貓山王榴槤刈包 ！ 滿滿一大球榴連肉😍 榴連控嘅我表示大滿足！呂宋芒雜果沙律 、水果醬封門柳壺漬 都係期間限定。仲有好多款肉類，肉牛雞樣樣齊，仲有厚切靚羊架！海鮮有大大隻鮮甜帆立貝、廣島蠔，原隻生蠔，大海老… 等甜品，小食、飲品超多選擇。不過我食和牛食到超飽，好多野都未試晒。就連雪糕都係Movenpick 架😍 ！仲有蜜瓜味同士多啤梨軟雪糕最後燒埋棉花糖，超超超超超滿足🥰

想任食又有高質嘅和牛，咁就要試吓呢一間啊！今次就叫咗一個Level 4既,可以食晒咁多款牛，但係當然和牛一定係首選啦！咁啱仲要撞正水果祭，就有更多選擇！實現和牛海鮮，和牛一定食油花重嘅，我自己最鍾意和牛三角嫩肌同和牛角，真係入口即溶！對比番澳洲和牛，真係爭好遠！所以如果真係想食，我覺得level 4食日本和牛係值得嘅！如果唔係午市都可以加$36 ，會有三片嘅和牛三角嫩肌，都一樣可以滿足你！如果你唔係好容易飽，海鮮一定要叫原條魷魚筒，半條都大過我隻手，烤黎食好爽！如果唔係，就叫鮑魚同埋生蠔，連同海蝦，大大隻又好味！我自己覺得個鮑魚一定要燒得啱啱好，先會有爽嘅口感！水果夏祭唔可以缺少嘅係日本和牛炒麵，雖然放題食炒麵未必咁多人叫，但係真係好好食！另外貓山王榴槤刈包每人一件，上面嘅榴槤蓉，鍾意食榴槤嘅一定要試吓！

突然間想食放題，係旺角即時諗起佐賀。同朋友比較早去到，可以即時入坐。去到點左LV.3 澳洲和牛海鲜放题 有128款食物可選擇。一嚟先上一轉牛肉同埋海鮮。有唔同款式牛肉先試試。煙燻壺漬封門柳是必食海鮮方面有青口，帶子，飽魚，個人很推大海老同埋日本生蠔。生蠔尤其大隻同有鮮味，不斷encoreLv3 會包任飲啤酒同清酒另外期間限定榴槤刈包，每人限一件。此店員工服務都很好， 亦會主動幫忙換網。所以食得好開心同好飽

第一次去，去到門口有位阿姐帶位，未入去要我揀餐！佢指住個餐牌係咁講，搞到我一頭霧水！係咁指住貴價餐，完全冚住最平嗰個，後來有其他客嚟先帶我入座再點餐，最重要是態度差！不過其他服務員都好有禮貌，服務好好！

呢度有唔同嘅燒肉放題套餐，我哋揀咗level 3嘅澳洲和牛海鮮放題$488/位，可以任食多達128款美食。澳洲和牛系列我地每樣點左啲啲。有肉眼芯，油花分布均勻，肉味濃郁。特上牛肋肉則帶有啲嚼勁，每啖都充滿牛肉嘅香氣。上級牛胸肉就啱嗰啲鐘意啲肉香濃烈嘅朋友，味道突出。燒牛舌爽口。除咗和牛之外，肉類仲有香草羊架、雞肉。講到海鮮，呢度有原條魷魚筒，幾彈牙。大海老肉質鮮甜。海魚魚干有鮮魚干味。原隻鮑魚燒都可以任食，幾彈牙。飲品任飲、甜品任食。

最近喺社交平台見到佐賀燒肉谷推出咗個優惠，為咗慶祝香港運動員喺奧運獲得金牌，而家凡點選LV 3或以上就會送A4日本和牛嫩肌壽喜燒一份，每位仲送Sapporo生啤。我同老公見到呢個優惠就二話不說去幫襯下。 餐廳有4個級別嘅餐，我哋揀咗Lv3- 澳洲和牛海鮮放題，有128款食品，可以免費暢飲Sapporo生啤加清酒，任飲任食120分鐘。 呢期餐廳仲推出水果夏祭，有多款用水果入饌嘅菜式，包括水果醬封門柳壺漬、 水果醬醃花魷魚、 朱古力棉花糖香蕉船、 椰青糯米糍、 貓山王榴槤刈包、 日本香脆蕃薯、 榴槤炸彈、呂宋芒雜果沙律， 自助區方面亦有檸檬可樂雞翼、 山賊汁火龍果炒牛肉。其中呂宋芒雜果沙律用上新鮮嘅呂宋芒，份量十足，味道鮮甜，喺燒肉之前作為開胃菜絕對係一個唔錯嘅選擇。 雜果醬封門柳壺漬混合咗日本柚子、蘋果、奇異果、檸檬而製成嘅醬汁，味道酸甜清新。 首先職員先送上第一輪燒肉同海鮮， 燒肉用個木梯裝住，儀式感滿滿😍，包括有美國牛胸腹肉、嚴選牛肩里肌、特選牛小排、牛舌、美國和牛肩胛肉眼、澳洲穀飼原塊牛板腱、澳洲和牛、澳洲和牛特上。牛肉質素逐級而上，我哋都順住次序咁燒，當然最好質素係澳洲和牛、澳洲

LV3 - 澳洲和牛海鮮餐牛有驚喜!牛種類選擇很多， 質素很高，肉質嫩滑juicy，必食水果醬封門柳壺漬如牛魔王的人， 完全值得一試海鮮，甜品和其它額外食品一般， 如餐無海鮮拼盤會更好， 雖然賣相很好， 海鮮一般飲品選擇很多餐廳都好貼心，見我白色衫， 主動提供即棄圍裙，怕我會俾比醬汁整糟件衫同油煙整污。整體來說， 值得再去坐窗邊卡位， 坐位非常舒適

「佐賀燒肉谷」 - 燒肉放題📍旺角雅蘭中心地下 (部份) 及 1樓116 號舖進門第一眼就被滿滿的自助飲料和甜點區吸引,保鮮設備做得極其出色。連咖啡機都使用真咖啡豆,可以看出店家的用心。餐廳提供的和牛系列更是亮點所在。煙燻壺漬封門柳會由服務員幫大家即場燒烤，確保燒到剛剛好！封門柳是成隻牛，肉味最濃的一部分，因為每隻牛只得一條，所以，封門柳亦被譽為是「牛之靈魂」。無論是和牛切、和牛肩胛,還是和牛薄炙烧牛肋條、日本和牛三角嫩肌,每一款肉質都極其鮮美，十分好吃😋與一般放題餐廳相比，這裡的肉質顯然更勝一籌。現在更有一客壽喜燒由職員親手弄，入口即溶的牛🤤湯也不會太甜。海鮮方面,鮑魚和薄烧鳗魚同樣出色，沒有半點腥味，口感鮮美彈牙。七月更有深受歡迎的貓山王榴槤刈包，內餡是厚厚一層香甜細膩的貓山王榴槤果肉。另外還有榴槤炸彈等創意菜品,都充分利用了時令水果😋榴槤愛好者不能錯過🥳

三代同堂一齊食燒牛肉，去咗佐賀燒肉谷，我哋點左Lv 4 日本佐賀 A4 和牛海鮮放題，加上啲和牛真係超級正😋日本A4和牛油脂分布平均，入口即化，肉質軟滑。澳洲和牛油脂較少，肉香味濃，一樣好味🤤推薦呢兩個部分👇🏻佐賀A4和牛薄炙牛肋肉究極日本和牛三角嫩肌肉質嫩滑juicy，我哋食咗好多😆仲有好多海鮮，蝦、螺、蠔、鮑等，種類都唔少。我哋唔太識燒海鮮，侍應姐姐好耐心教我哋☺️必食水果醬封門柳，小朋友嘅最愛😍甜甜嘅水果醬，同肉質軟滑嘅封門柳好夾，唔止小朋友，大人都覺得好好味😋多得張家朗攞金牌，餐廳仲送左和牛嫩肌壽喜燒。只要當日有獎牌，就有7日extra送和牛。我哋今次送嘅和牛壽喜燒，由專人為我哋煮，一級棒嘅享受😋而家水果祭，每人送一份呂宋芒海鮮沙律做頭盤，同埋餐後甜品貓山王榴槤刈包一份，真係大滿足😋😋Level 4 係最高級套餐，都只係每位$658，除咗限定小食外，全場所有食物都係任飲任食，套餐包啤酒，揸車人士唔飲酒，都仲有好多飲品選擇，仲有甜品、小食、雪糕，所以都好抵食呀！暑假期間，餐廳仲送恐龍蛋俾小朋友，可以放入水中孵化成恐龍仔，有得食、有得送，又有得玩，下次都會再去食😊😊

📸佐賀燒肉谷120分鐘任食和牛放題🤩最近餐廳推出痛風海鮮祭LV3或以上奉送極上海鮮拼盤極上海鮮拼盤包括日本蠔、白鱔、虎蝦、蟶子、鮑魚🎂6月係為食妹生日梗係要食豪啲揀咗最貴既LV4歎一歎入座之後會送上一份和牛拼盤同壺漬封門柳職員會幫手燒封門柳牛味十足又唔鞋 而且夠曬入味唔洗沾醬料都好好食個人推介佐賀A4和牛肩胛、佐賀A4和牛小排、牛舌以及各款海鮮任點任食餐廳更設自助飲品、蔬菜、甜品櫃仲有雪糕添ꪔ̤̫‬ꪔ̤̱ꪔ̤̮ꪔ̤̥ꪔ̤̫‬ꪔ̤̱ꪔ̤̮ꪔ̤̥ꪔ̤̫‬ꪔ̤̱ꪔ̤̮ꪔ̤̥ꪔ̤̫‬ꪔ̤̱ꪔ̤̮ꪔ̤̥ꪔ̤̫‬ꪔ̤̱ꪔ̤̮ꪔ̤̥ꪔ̤̫‬ꪔ̤̱ꪔ̤̮ꪔ̤̥💰LV3 澳洲和牛海鮮放題 $488LV4 A4和牛海鮮放題 $658早割/宵夜時段 -$40

諗唔到食乜嘅時候，放題絕對係個好選擇~ 尤其係好似我呢類，鍾意樣樣野試少少嘅人就最啱！餐牌上分別有4個等級可以揀，我地就揀咗LV3澳洲和牛海鮮放題。除咗有牛同海鮮外，仲有雞、羊、各款前菜/沙律、日式料理、蔬菜、飯、麵、湯、甜品都係任食～因為做緊水果夏祭，坐低無耐，職員就為我地送上呂宋芒雜果沙律(限一份）同水果醬封門柳壺漬。食少少沙律開下胃。之後再送上排得好靚嘅拼盤，包括有：澳洲和牛-牛肋肉、澳洲和牛-上級牛胸腹肉、澳洲穀飼原塊牛板健、美國和牛肩胛肉眼、特選牛小排、牛舌、嚴選牛肩里肌肉、美國牛胸腹肉。海鮮方面就有： 大虎蝦、鮑魚、帆立貝、青口、翡翠螺。試過拼盤上唔同嘅牛之後，我主供以下衣幾款！當然以和牛為主！肉質比較香嫩～配埋生菜同香蒜醬食，感覺唔會太膩~ 澳洲和牛肉眼芯（醬醃）美國和牛肩胛肉眼（燒汁）澳洲和牛-上級牛胸肉（原味）澳洲和牛-特上牛肋肉（原味厚切）海鮮類方面，必點嘅一定係生蠔、醬燒廣島蠔、清酒煮蜆、蒲燒鰻魚同海魚魚干！生蠔都幾大隻～如果想方便啲嘅就可以直接揀醬燒廣島蠔。至於蒲燒鰻魚，又厚又大件，都幾有驚喜！魚干就可以當做小食，配埋啤酒就啱晒！食完咁多肉類之後，可以食返啲蔬菜

今日去咗旺角雅蘭中心一間叫「佐賀燒肉谷」嘅餐廳食放題晚餐，放題有4個價格嘅餐可以選擇，我哋今次揀咗level 3嘅澳洲和牛海鮮放題，128分鐘可以任食128款食物，而且可以任嗌日本清酒同生啤。餐廳都好貼心咁每人提供咗即棄圍裙，令顧客食嘢嘅時候可以放心唔使比醬汁同油煙整污糟件衫。呢個餐會先上咗一盤澳洲和牛同海鮮拼盤，食完先再用QR code加單，肉類包括澳洲和牛肉眼芯、特上牛肋肉、上級牛胸肉、厚燒牛舌，各個部位都有唔同嘅肉質口感，而且醃料可以選擇原味、燒汁、鹽味、黑椒、蒜蓉味噌或辛味，同一款肉都可以試唔同嘅味道，自由配搭選擇。海鮮拼盤就包括鮑魚、日本廣島蠔、青口、大蝦同翡翠螺，燒烤時比較需要技巧，要掌握到煮熟同過熟嘅時機，另外加單仲可以嗌魷魚筒、三文魚鰭、鰻魚等等。餐廳最近推出咗一個水果夏祭，有多款配合夏天口味嘅特色食物，例如雜果醬封門柳壺漬、雜果醬梅花壺漬、雜果醬醃𠝹花魷魚、呂宋芒雜果沙律、椰青糯米糍等，全部都有鮮果做材料，味道非常清新，當中特別推介雜果醬封門柳壺漬，肉質結實，封門柳吸收哂雜果醬，用較剪剪開一件件咁燒會更容易；另外，貓山王榴槤刈包每人限叫一件，D24榴槤肉綿滑細膩，食完

佐賀燒肉谷都有好多分店，旺角雅蘭中心店裝修好有日式風格 餐枱整潔，卡位舒適，窗邊卡位仲可以望出街景，燒肉油煙味處理得幾好。自助區方面，有幾款熱盤，有拌飯區、雪糕區、多款前菜、甜品、生果及飲品都係任食！依家做緊7月水果祭，用生果令大家可以感受夏日氣息，必食貓山王榴槤刈包、榴槤炸彈…厚厚一層貓山王果肉，極之吸引！榴槤控不能錯過！lv 3:澳洲和牛海鮮放題超級豐富！先會送上一盤頭盤，包括澳洲和牛肉眼芯、澳洲和牛特上牛肋肉、澳洲和牛上級牛胸肉等，另有照燒帆立貝、法國黃金螺、原隻鮑魚燒，食材新鮮而且用咗木梯形擺盤，打卡一流！放題系Qr code 落單，上菜快速！極推薦封門柳，牛肉味香濃，肉質軟脆有口感。而且佢哋用咗酸甜清爽的水果醬醃製，食落倍感入味。澳洲和牛上級牛胸肉油花分布均勻，充滿油香，入口即化。海鮮尤其要食帆立貝、鮑魚，質素好高，鮑魚要記得除咗殼先燒。飲品區值得一贊！選擇豐富而且飲品高質！抵食！