何洪記 (已結業)

又係睇左阿蘇嚟食1. 干炒牛河- nothing special but dun know why they can charge for $50.2 淨云吞- 有成十粒云吞, 幾好美但太多味精$25一個字"貴"!

睇左阿蘇之後，我地特登走來呢度食野。嘩，估唔到佢ｄ價錢都幾貴架喎。我地叫左一碟炸醬撈麵，成３８蚊，ｄ麵幾彈牙，又有好大陣南乳味，都幾好食。另外叫左碟干炒牛河，都唔算油，但係冇乜特別囉，ｄ牛肉又拿過晒。呢間野簡直酒樓價，兼且勁多味精，食完要猛飲水。

今日去銅鑼灣做gym, 轉個彎就見到一間舊式麵店..試一試好唔好食..本身好鍾意食水餀, 所以叫咗一豌淨水餀..$27 (價錢唔抵食)味道一般, 上環永吉街那間麵店, 好食好多

呀so 未介紹前也有吃過...覺得也ok.... 今天再試一次....云吞麵不錯,但十分小....吃一個一定不夠,除非你己有五分飽~~粥...味道好...但吃後十分口渴.我想是味精吧~~經典牛腩飯,要試了,48元,你會後悔一晚的~~肉絲炒麵及干炒牛河也ok的~~~想提提各位,下午lunch 後至５點前是沒有炒東西吃的~~以這價錢,在causeway bay 有太多其它之選擇,不用大熱天時在這小小的鬥口等..逼逼的坐位..一般的食物...

也是看過蘇施黃的節目，才專程來試一試。淨雲吞($25)- 八粒一碗，細細粒，用料生鮮，好味，但說是最港最好味的雲吞，未必誇了一點。如沒抱太大期望的話，會好一點。肉絲炒麵($50)- 麵幼，炒功確是高水準，但真如上一篇筆者所說是無味的。生腸及第粥($30)- 一流！粥底好，用料新鮮。茶餐廳格局，很多人，有上下兩層，今次未到過樓上參觀，樓下有些二人卡坐，價錢是貴了一點。懷疑味精很重，吃後有點不適。

話說剛過的星期日睇了阿so的節目，介紹了麥奀記及何洪記呢兩間老鋪。麥奀記...以前食過了...覺得d 面一般，唔值咁貴。所以昨日就同老公去了"何洪記"...結果...同麥奀記的評價一樣。乾炒牛河...d 牛河"拿"得勁過頭無晒肉味，d 河粉又勁少...肉絲炒面...老公係咁落醋，我就無落，所以我問佢點解...佢話d 面無味...的確真係無味...唔咸而且無肉味...因為d 肉勁少...得芽菜同"九"黃...淨雲吞...又係無味...d 雲吞唔甜又唔係特別爽口...係d 湯叫加返d 分數，因為真係好香大地魚味...(我阿媽的雲吞都可以開店了~)兩個人...三樣就食了$125...無下次了~~如果要食平價肉絲炒面但同等質素...我會推介青衣IVE的飯堂。

知道呢度好耐喇，今日同呢度好有緣，同上司來這裡開會，完左之後，上司話特登無吃午飯，就是衝著這裡而來。以為這裡是舊式麵店的裝修，原來係好新裝潢。咁我食左自己個飯喇，亦一於去下啦。他就叫我一起，都食d啦。我要了淨雲吞，上司要雲吞麵。好好味呀。蝦子湯底好靚。雲吞細細粒，好易食。不過好好好貴，$25/碗。多謝晒。

記得某雜誌介紹過話呢間的乾炒牛河好了得.....自己又唔係太肚餓...所以兩條友走左入黎食:乾炒牛河- 差唔多檯檯都有一碟炒炒野...呢碟牛河都幾好味...牛肉泡過...所以香口...河粉條條都沾到醬汁....但$50 又唔覺值係邊...艇仔粥- 料足...好鐘意個粥底...有一條條瑤柱絲...貴少少都抵....總括黎講呢間唔係唔好味...但係貴囉...唔係好值囉....如果真係想食乾牛河...我寧願去茶餐廳...如果想食粥...都可以去呢間既...起碼佢乾淨又企理.....

無「上色」的銀絲幼麵，爽身而無添加強勁鹼水味，簡單得要命，少少熟油多多蔥絲，完全符合吃得健康的要求。無「上色」的好處是就算蔥絲煮得過火，縱無口感、縱無霸道辛味，殘餘微微的辛香剛好襯得起無色味淡的幼麵。入口還不錯，當然，若「篩水」時加多兩錢肉緊，撈上手感覺會更好。

昨晚(4月11日)兩夫妻去食何洪記,因為想試它有名的酥炸雲吞:1.酥炸雲吞($62)原本以為D雲吞好似錦滷雲吞，原來所用的就是雲吞麵的雲吞，所以脆的部分不像錦滷雲吞的多，雲吞的味道不是不好，但我還是喜歡食錦滷雲吞多一點。那個醬汁則與錦滷雲吞的醬汁差不多，我覺得甜了和濃傑了一點。2.雲吞麵($25)雲吞一口一個，好食。反而我覺得麵只是一般。$25有D貴囉。3.經典咖喱牛腩飯($48)這個反而對我來說有點驚喜，可能沒有期望。牛腩很腍，咖喱汁好稀，但味道不錯，也不會很辣。總的來說我們都覺得何洪記都係偏貴。

20070117這是honey對此間的評價，我也頗有同感。室內格局是剛剛好的緊湊，既熱鬧又不至於擠逼，不知與晚上9：45的時間有沒有關係。直到我們10:30走的時候，都是保持著滿座，有人走，就有人來。夜雨風涼，很想要些溫暖的東西，兩個人寫了：豬潤牛肉粥：粥底綿，牛肉嫩，略有味精，梳打粉也不少，不過總體還不錯；蠔油芥蘭：分開上，芥蘭十分鮮甜；魚皮：細細碟很精緻，口感爽脆，送粥頗佳。清清的吃下去，腸胃很舒服，又立時暖起來，服務態度也說得過去，還會再來幫襯的：）不過份量就著實不大，以下對話為證：“咦~原來唔係好大碗喔~”“唔嘍，價錢以為多啲添~”

早排同兩位朋友晨咁早一齊去銅鑼灣排隊買飛，見十二點幾肚餓唔知食咩好之際～就諗起我之前在這裡睇話幾好幾好咁．．於是就盲鐘鐘入左去試下有幾好食啦．．但係我地一致認為佢同一般茶餐廳冇咩分別！最大既分別就係勁貴又唔值囉！！試左佢既牛腩撈麵（＄３ｘ），勁細碟都算（如果係好食既話），但仲要係食到麵有ｄ鹼水味～如果講爽佢係有．．但大把麵家一樣做到～好似深水埗劉森記、大埔平記都仲好食過佢，價錢又唔貴～冇咩必要特登去個度食！仲有，試左佢既沙爹菜遠牛肉炒河（＄４８），最大既驚喜就係同其他荼餐廳食到既冇咩分別，失望！冇呃你～佢只不過係ｄ牛肉少落左ｄ鬆肉粉，但你去第度食又係咁既味～仲要收我＄４８一碟真係攞命！食到呢度已經唔想嗌其他！寧願去第二度買零食算～加上佢地ｄ阿姐服務真係唔多掂～上到閣樓一埋位坐低睇ｍｅｎｕ時佢就企定定擺定ｐｏｓｅ等寫野勁心急咁～我好心小小話我地諗下先等陣再嗌姐．．佢就話”下～咁我落左去你地淨間自己落黎嗌架喇”，然後勁不悅咁落左樓．到我地食完野想飲番杯茶先走姐．．我地一路傾計個陣佢就一路同執邊個講”出面有好多人等緊呀”好想趕我地走咁款～真係以後唔會再黎呀！

1) 豉椒牛河（$48）：濕炒。淨係齋食河粉都好好味，牛肉唔韌唔老又入味，掂！我平時唔食牛都想食多幾舊。幾大碟不過比較油。2) 炸醬撈麵（$37）：少少辣（我怕辣），冇豉椒牛河咁正但都幾好味。好耐冇食喇…間野好多人，好多人食congee，我諗都唔錯。算貴少少，但絕對值得一試，好少可食ｄ咁普通o既菜色都咁impressive。

廣州麥煥池嘅池記老店，後人分別有池記，麥奀，忠記麥奀，同唯一第一代外傳弟子何洪何洪記，堪稱達官貴人名人明星首選嘅雲吞麵店，其干炒牛河更被蔡蘭吹到上天，本人試過之後，又係嗰句: "SO WHAT!"今次躉喎試吓許雲吞麵又典得先！個樣考似老字號緊喎！薑葱撈麵豬油考香麵考彈牙,9秒9食完！但Ｄ麵放咗湯又會典呢？湯，係蝦子同大地魚餚，但有味精，又唔夠麥奀鮮甜。。。雲吞麵，D麵放咗湯食到一半就淋咗，雲吞Ｄ虾唔爽，唔殿呀！麥奀樣樣都很定考過佢！魚皮新鮮爽脆，係厚咗Ｄ。。。油菜就唔錯碟雞絲炒麵考多人叫架！麵考夠脆，芡汁唔錯，雞絲考滑，有鑊氣，考味！清碟！不過食到尾都幾油。。。埋單$138賽後檢討：如估麥奀執咗我會返嚟食雲吞麵。But如估想食炒麵呢度都ok嘅。

數週前讀過蔡老食誌，對何洪記乾炒牛河推崇備致，香江第一牛河云云。難得過海出城，特登找這家小店朝貢。看題目就知道再次上蔡老的當。河粉無黏住，不過有點點黑色鑊「long」。牛肉只能說還好。老實，求其肯落油、師父手臂夠力的大牌檔都有何洪記的水準，比它好的大有店在。斷估唔使特登走去食。