健康齋廚

營業中

休息中

今日下了傍陀大雨，又好肚餓，途經健康齋廚，於是入內開飯。環境不錯，坐得好舒服，點了薑汁炒菜心 （HKD 50 )薑汁可以驅寒，炒菜心 炒得好好，青青綠綠又夠鑊氣，入口清甜又有薑汁味。少油都炒得咁靚竹笙扒豆腐 (HKD 70)竹笙抄得入味又清爽，豆腐味道剛好，生菜抄得青青綠，紅蘿蔔又夠味。兩款小菜配飯一流。 乾炒三絲意粉 (HKD 55)意粉軟硬適中，色澤炒得好靚，少油少鹽，健康又好味，適合素食愛好者。最後，吃胞胞，又停了雨，真係好呀。

奉行每月一素的我最近想吃久違了的齋菜，然而近年興起新派素食餐廳，傳統的齋菜店已經買少見少，以往食開的齋菜店都少下一間又一間，於是今次就專程前往黃大仙的這一間試一試！餐廳近地鐵店位置不難找，我和媽媽二人先點了一碟小的齋鹵味，有齊六款口味。我一向最喜歡吃酸齋，這裏的酸齋的酸甜味調得剛好，完全不會有一陣死甜味或酸得刺喉。而媽媽最愛齋雞粒，她大讚這裏的雞粒做得口感煙靭，整碟齋鹵味亦做得十分出色，展現出傳統齋舖的功架。接下來叫了一道薑汁炒雜菜，味道清淡得來有淡淡的薑味，明顯餐廳沒有落任何人工調味料，是一道天然的健康菜式。最後就是整餐飯我最喜歡的錦滷雲呑，我完全可以為了這道錦滷雲呑而再來！上菜時看見滿滿一盤金黃色的錦鹵雲吞已經十分興奮，而且更是最舊式，小時候常常吃的那一種。雲吞皮炸得非常香脆，而作為靈魂的酸甜醬汁更是做得很突出，番茄、燈籠椒、菠蘿等用料十足，醬汁不會因為落了太多生粉而變得漿口，這碟錦鹵雲吞絕對稱得上為店內招牌菜式。最後不得不提餐廳有派發飯卷給區內長者，當日亦見到有長者前來換領飯盒，這樣有良心的小店真的值得大大力支持💪🏻💪🏻💪🏻

成日出街食，肉膩之餘鹽糖味精都好重，所以決定試間無味精系列既齋菜鋪位雖然身處細街，但質素一d都唔差套餐注明沒味精，的確，味道一食就知，起碼我沒食完返去口乾飲水閒日都咁多人，已經好期待佢既齋菜有唔同人數既套餐選擇，但我呢次散叫，希望可以試多d店主推介既野呢個芋頭魚，又名五柳素鮮班，炸得好香脆，香芋味濃，入口就化泥，但一d都唔油膩，我估用油都好有關，唔似出面食完好肥膩感覺西芹腰果炒菇🍄丁，呢味好似屋企自己炒咁健康，好有住家味道，腰果香脆，芹就爽甜，配合冬菇既香，好清新竹笙上上素煲，煲仔素菜系店主推介，果然沒介紹錯！南乳味好香，支竹好淋一d都沒出面食既豆壓味，竹笙索曬南乳香，配合埋最底既菜心，比羅漢齋更豐富，更啱配飯最後點左個湯，素翅，好足料，裡面d豆製絲都幾似肉絲，木耳既爽脆，好飲值得一提個甜酸汁，好惹味，五顏六色既甜椒豐富左個賣相同味道，點炸野一流後生飲唔慣佢地自家涼茶唔緊要，有一品，我地一黑一白，健康之選！總結，住家味咁健康，清淡得黎好多款式，我好推薦呢間齋菜，好多間齋菜齋而不淡反而油膩，健康齋廚真正做到健康，味美！

清清地想食下素，就搵下附近既素食，依間好家常菜，份量又多，又抵食款式好多！紅燒雞絲翅，叫左一窩，我地4人分，6人share就岩岩好芋頭魚（五柳素仙斑），皮薄又脆，芋頭份量多竹苼上齋煲，好足料！份量多，有南乳味，仲會送2碗飯錦鹵雲吞，又薄又脆，加埋甜甜酸酸既汁，好食！腰果菇丁餐廳人流都多，當天雖然只有一個店員，但態度好好，做野又快手，選擇多，野食夠清淡，如果想食得健康又抵食既，依間真心係一個唔錯既選擇！

而家香港真係好難搵到可以食「齋」嘅舖頭，最近同朋友難得黎到黃大仙，有機會食到！感覺地方環境都唔錯，人流唔算多，但都好舒服好寬闊！呢度嘅餐廳餐牌都好豐富，有好多唔同款式俾食客選擇！價錢唔算貴，而且仲唔洗加一服務費！好抵！主菜方面，我地叫咗「上古法齋煲」，可以話係雜錦煲！以上呢個煲有好多唔同嘅配菜，例如有冬茹、青菜、豆腐、豆卜、粉絲等！好新鮮好美味呀！仲非常醒胃添，份量亦很多！呢碟係齋鹵味，價錢一啲都唔貴！

傳統齋舖越來越少，有時掛住都會去食下，始終有些餸菜真係要在齋舖食先有味道。前陣子去睇傢俬，路過這間齋舖都幾大，就相約朋友來一試。店內電視正播放我在追看的劇集，真係好有街坊的感覺。之前仲擔心芋頭魚賣晒，一入舖頭店員很好，還介紹廚師推介樣樣都有，真好。"自製齋滷味"款款都幾好味，最上面塊炸腐竹好有蛋香，齋义燒同齋燒鵝都好煙韌，如果酸齋再酸一點更惹味。"紅燒竹笙翅"我好鐘意食碗仔翅，這個又唔同食法，唔覺有味精又唔太鹹，材料又健康，木耳同竹笙好爽口。"五柳素鮮斑"外脆內軟，餡料芋頭又多又好香濃，去齋舖必食。"錦鹵雲吞"脆脆脆，新鮮炸出來真的很香脆，配上酸甜汁，好味到唔停得口呀！

成日大魚大肉，有時都要清清地，為健康加油。今晚等爸媽休息下，約埋佢哋一齊去開餐。這家齋舖又幾大，感覺很乾淨舒服，而且餸菜選擇都算多，今晚由爸爸話事，幾款都好味道又會會太鹹。自製齋滷味：我最愛的齋燒鵝整得好好味，調味辣汁的味道剛剛好。紅燒竹苼翅：好足料，竹苼同木耳都好多，個湯羹清清地，配埋竹苼同翅，啖啖都咁豐富。五柳素仙班：睇表面的確同平時係出面食既唔同，但食落佢又炸得個面好鬆化，芋蓉好軟唔會太實肉，配甜酸汁真係好夾。鮮淮山炒南瓜：用椰汁炒，好有椰香味，好特別，淮山同南瓜好淋好入味。

前幾晚要到荷里活戲院看無聲絕境優先境，有見差不多每次外出進餐都是多肉少菜，所以這天就走遠一點，來到黃大仙的健康齋廚吃一頓素食晚餐。內裡面積寬敞，裝修簡樸，燈火光猛。二人餐有湯、小菜、白飯，也只不過是$138，不收加一茶芥，價錢大眾化。齋滷味 $35齋滷味可說是素食中較為重口味，不過我自小就特別喜歡齋滷味，貪其酸酸甜甜夠開胃，差不多每次到中式素菜館都必定會點。有時在街上買齋滷味都是硬繃繃的很死實，很明顯是擱太久不新鮮，這裡的齋滷味一碟就有齊酸齋、豉油齋、咖哩齋、素鵝、齋叉燒及齋鴨腎幾款口味，調味雖然略為偏淡，不過口感軟嫩煙韌有咬口。粟米豆腐羹想不到跟餐的湯羹份量超多，差不多是四碗的份量。配料豐富，內有粟米、豆腐、竹笙、蔬菜，湯頭厚身晶瑩，而且調味比較輕手，反而更能突出粟米本身的甘甜味。腰果菇丁腰果配上翠玉瓜、西芹、冬菇、紅蘿蔔、素肉等，食材配搭色彩繽紛，提起食慾。腰果大顆飽滿，保留香脆口感，只是加了少許鹽調味，一點也不油膩。素鴨粉絲雜菜煲加$10就可將小菜轉煲，雜菜亦包含了多款蔬菜款式，例如豆苗、西蘭花、椰菜花、菜心、生菜等等，即使少油少鹽，不過吃起來毫不低調乏味，還可吸收大量膳食纖維。

朋友早前說過想吃齋，我自己都非常喜歡食齋鹵味的，為了方便大家便相約九龍區，找上了這家健康齋廚。地點算易找，看看地圖好快找到了，鋪面很大，比過往吃過的齋鋪位大兩倍以上，環境光猛，樓面非常乾淨衛生，我們7時便到達，客人不算多，上菜速度亦很快。我們點了二人餐($138)，可選一個湯品、兩個小菜(轉煲加$10)、兩大碗白飯；另外加一碟細的齋滷味。朋友一到埗已不斷說很口渴，看到有菊花茶隨即要了一支($15)，幫她消暑解渴!一、粟米豆腐羮挺大碗，有豆腐、粟米、疑似油炸鬼的麵筋，材料多，味道清清地，最好不覺鹹而有粟米甜，喜歡的可加胡椒粉二、魚香茄子煲熱辣辣滾著上枱，滿滿的茄子，煮得很腍而且只是微微的辣，同樣只是少少鹹，標榜健康，不錯!三、豉汁素鰻魚煲用紫菜卷著腐皮卷模仿鰻魚，裡面還有燈籠椒和菜心，本身就喜歡紫菜，所以都很喜歡這個煲!四、自家製齋滷味(細 $35)齋之中我最愛就是齋滷味，這裡出品好好食，拼盤有7款，特別喜歡齋叉燒和麵筋，而且夠「凍」，因我不太喜歡不冷不熱的，而且細份都很多呢！我倆點的二人餐已經太豐富了，未能完全吃光兩個煲仔菜，真的太超值，不會過鹹又不油膩，飽到頂住個肚走，有機會一定會再

前陣子食得過多火鍋、燒烤、放題，係時候食清淡少少，今晚就食素啦！健康齋廚地點唔算易搵，但地鐵行幾分鐘就到，餐廳門面乾淨，燈光充足，有少許佛教裝飾，環境安靜，感覺平和舒服。我地兩個人點了一個二人餐$138湯品：西湖牛肉羹小菜：涼瓜牛肉，豉汁鰻魚煲（另加$10）先講西湖牛肉羹，材料好足！有豆腐、紅蘿蔔、「牛肉」，仲有我喜歡的莞茜，唔會過咸過淡，調味剛剛好，質地唔會過稀，加上少許胡椒粉，美味！涼瓜牛肉，好大碟，仲有雲耳同紅蘿蔔。豉汁鰻魚煲，點菜時見到「鰻魚」就好奇會用咩製作呢😎原來係腐皮加紫菜，幾有趣。材料仲有三色椒、冬菇、菜心，好豐富。另外點了一個推介的金沙卷$65味道似甜酸骨，酸酸甜甜好開胃，送飯一流👍🏻份量好多二個人食唔晒，最後打包留作明天午餐😁素食健康，間唔中食下齋都唔錯😃

來個一人午餐先，健康齋廚由深水埗搬到黃大仙，黃大仙站來這家餐廳要走一段路，亦要走斜坡，但值得的。食物的鑊氣和以前一樣咁夠，大愛，新鮮即炒！少油，真的比較健康，湯亦很順喉，隔離位先生話唔要湯，我幾想話不如我飲埋佢！價錢合理丫，有機會再來的！今次點了個鴨絲炆米，鴨絲是素鴨，不是素料，更加健康呢！好吃啊！（帶走少少給媽媽試試，她比較喜歡吃林的，所以說米粉較硬，但我ok）這裡還可點小菜，亦有大圓枱，三五知己來又得，十個八個來又得！推介！希望不論是食肉人士或素食者，都多點來吃，支持一下。

放工經過黃大仙，突然間想食齋，所以去咗健康齋廚。餐廳唔係好近地鐵站，如果係搭地鐵黃大仙站，落車要預返啲時間行上去， 不過個招牌夠大夠光猛，都唔算太難搵。叫咗個魚香茄子煲，連埋送嘅一碗白飯，一定飽肚。茄子香得嚟帶好輕微嘅辣，非常惹味利用豆乾仿作肉碎，不但色香味俱全，口感與不是素菜的魚香茄子煲好謂真假難分，味道亦極具火喉，食素的朋友記得一試。有啲口痕，想叫啲香脆嘅嘢食，所以揀咗廚師推介嘅錦鹵雲吞。新鮮炸起，非常之鬆化，但係唔會好油膩， 相信大廚係做咗啲功夫，先至畀啲咁鹵雲吞上碟。本身錦鹵雲吞入邊係應該包咗啲蝦仁，但因為呢個係齋，所以就skip咗，變咗裏面咩都冇， 都係卜卜脆食嘅話，其實幾開心嘅😂錦滷汁味道非常之開胃，入邊本來應該係肉類嘅配料，轉咗做菠蘿、木耳等等，顏色、質感、味道都豐富。

第一次食齋，個fd帶我去左呢間健康齋廚，其實我不嬲係食肉獸黎都麻麻地食齋，不過見我個fd生哂飛滋又話呢間佢食過都好食，先黎試一試，食完令我對齋好大改觀lo間野好易搵就係雙鳳街街市隔離,仲帶好大個招牌，好遠已經睇到，我覺得成餐最鐘意係金沙卷同鰻魚，其實我地兩個人，好彩個朋友係男仔黎，每碟都大大碟，都叫做食得哂，個環境多數黎都好多見係同屋企人黎，不過在場竟然都見到唔少後生仔，間野好近屋企，下次我都帶埋屋企人黎食先

第一次試食齋以為應該唔會好食得去邊，但係估唔到可以好好食。我最鍾意竹笙豆腐煲，豆腐十分之滑對於我呢一種好鍾意食豆腐既人，絕對會令我上癮雖然係一間細舖，但係老闆和員工都好有人情味推介好多好食嘅菜式俾我哋。大家都食到飽晒希望呢間鋪越做越好，10分支持你地希望你地繼續整多啲好食嘅嘢出嚟，而且喺門口見到你哋有派活動，真係真係真係真係真係真係真係好有人情味啊我會繼續推薦朋友嚟食呀，見佢哋都有推出盆菜。價錢都好合理，推薦大家試吓

好一段時間沒有食齋，於是下班後走到黃大仙的>>>健康齋廚<<<，來個簡單的齋晚飯。 地方光猛清潔，裝修帶點中國風格。 精選套餐共有七款，冰在當中挑選了沙爹牛肉飯(HKD45)。牛肉當然是齋，味道是有所不同，但口感尚算相似，適合齋口唔齋心的食客；沙爹汁味道比較清淡，似乎沒有添加味精。配菜還挺豐富：芽菜、菜心及菠蘿，齋口唔齋顏色和味道吧。份量足夠，一個人食，滿飽的。 附送老火湯一碗，也是齋湯，以蓮藕、眉豆等等熬製而成，清淡香甜不油膩，是家的味道。 此外還點了一客廚師推介的西檸千層(HKD65)。西檸雞是常見小菜，與其他食材配搭，則較罕有；來到齋舖，則可暫且放下西檸雞這個恆久配搭，改用腐皮做個香脆小食，加上非常開胃的西檸汁讓人十分醒神，送飯一流。 本來想要一瓶豆漿，可惜售罊，只好繼續飲用餐廳免費茶水。