傷心酸辣粉 (科學館道) (已結業)

我第一次寫食評，原因係因為呢間野太差真係⋯同我係其他分店食嘅味道完全唔一樣，而且個粉仲係硬架！！！離曬大譜，仲有呀 加錢要餐具大大隻字寫住有餐具都無比到我🥲🥲🥲好傷心呢獲野真係

我唔鍾意呢間，星期六下晝去，之前d下午餐唔見咗，話星期六冇，已經唔開心，叫咗招牌菜傷心酸辣粉同涼拌豆腐皮紅油黑木耳，叫print張點餐紙個跛仔竟唔print話埋單會有，講咗價錢發現唔啱，原來咁樣唔計跟套餐，後叫取消話已經做咗取消唔到寸寸地

中午到店裡去吃，接近坐滿。找到店裡最後一张無人坐的臺，刚坐下就看到桌面上有一隻曱甴腿，十分核突。但是今日第一次来，聽朋友說味道還不錯，今日先將就一下，試一試味道再說。於是就用纸巾把曱甴腿推到一邊，将张臺擦好多次才落单。叫了加辣，和三樣菜，味道還可以，加辣後很辣，豬紅味道還不錯。飲品杯看起來都不乾淨，侍應手上的辣油還留在飲品杯上，飲品端上來後又把杯子擦了好幾遍。店裡整體環境太差，油污多，可能不如其他分店。

外賣自取套餐有八折，$222。 呢個真係好抵食，兩個食到飽。水煮魚，酸辣土豆絲，口水雞，加錢轉咗兩個薯粉加酸 。仲有兩杯飲品。陰公真係好平。呢個水煮魚好夠麻，辣得上嚟個口會麻。好正好多料，又有芽菜， 芫茜，青瓜 。水煮魚裏面嘅寬粉先至係亮點，好煙韌，好滑，掛曬啲麻辣湯。 好鍾意索佢個寬粉啲辣湯。好似多多都唔夠食咁。雖然係龍脷柳，但係都幾滑。王牌口水雞， 雞唔係好滑。但堅多花生，我反而食花生多過食雞。 土豆絲好爽，亦都係酸酸辣辣十分惹味。買到返屋企都仲係熱辣辣。佢個汁都唔算太油。加咗錢轉成薯粉，加酸。好正好開胃，配料超多。大量花生，芫茜好似唔使錢咁😂

仲記得以前肥妹仔既時候，食親傷心酸辣粉會連湯都飲埋🙈🤭隨著減脂的步伐，食既次數都少左，但佢依然係我最愛既comfort food❤️趁著近期進度理想，就放縱自己一餐啦☺️同老公卡比獸一齊，每次都好似食放題咁：/🌟夫妻肺片酸辣粉套餐 $56夫妻肺片係由細食到大既配搭之一☺️好中意食佢既爽彈牛肚和牛𦟌。酸辣粉夠酸夠辣好開胃，我到而家都可以食哂一碗🐷仲每次都覺得唔夠喉，係咁食哂啲香脆花生、惹味肉碎和爽脆榨菜；薯粉亦都係我好中意既軟滑口感😋💯/🌟口水雞(半隻) $98口水雞都係每次必叫，原本諗住嗌套餐加量版，但老公都話唔夠，要另叫半隻🤣半隻雞的份量相當足，肉嫩且肉量多，唔係得棚骨既瘦雞👍🏻最難得係唔會因為辣汁而蓋過雞的鮮味，亦冇雪藏的味道，半隻清哂冇難道😌/🌟辣子粟米 $28新推出的小食🌽一上枱就香氣撲鼻！辣椒粉和孜然粉的味道超香，炸過既粟米香甜且脆卜卜，推介🙌🏻/🌟涼伴茄子 $25老公好中意食茄子，所以係咁話要試埋呢款新小食🍆涼伴茄子非常開胃，炸過的茄子也特別香口，加埋秘製的辣汁，相當惹味🤤大家千萬不要錯過！/雖然我地叫左好多野食，我地一啲都冇做大嘥鬼，真係全部食清光架😏對於一啲咁邪惡既食物，唔好

😍🌶【 傷心酸辣粉 】🌶😍⋄—————⧫♟⧫—————⋄每隔一排就會心思思想食傷心，係本人的長青飯堂。今日同朋友黎尖沙咀行街，兩個無辣不歡的女子當然首選傷心酸辣粉。🐟水煮龍脷魚（$139）水煮魚一大盤，分量超多。採用龍脷魚，魚肉好嫩，而且冇魚骨。內附寬粉、大豆芽、青瓜條，頗豐富。⋄全日套餐（$58）🐷蒜泥白肉 + ✨酸辣粉蒜泥白肉一直係本人喺傷心酸辣粉嘅至愛，五花肉切得夠薄，顏色白皙又冇騷味，每一口都係彈牙嘅膠質感，超好食！酸辣粉口感Q彈，湯底順喉，酸味鮮明自然，從沒有失手。⋄🥔熗炒土豆絲（$52）傷心酸辣粉經濟實惠又好味，嗜辣人士食完真係份外滿足。

Sour and Spicy Noodles in TST is a good place for Sichuan food lovers. The beef sour vegetables potato noodles main was very tasty, with a very flavorsome sour soup base and massive portion size😋 So very good value for money. The chicken was very tender, with a nice sauce, whilst the potato strips were also very fragrant with a light crisp texture👍@sourspicynoodleRestaurant address: 尖沙咀科學館道14號新文華中心1樓121至123舖Shop 121-123, 1st Floor, New Mandarin Plaza, 14 Science Museum Road, Tsim Sha TsuiOverall

本身唔係好食得辣🌶️，但係偶然都想係平凡嘅生活中尋找點刺激🤣今晚上潛水理論課前，約咗剛剛放工嘅妹妹 去食傷心酸辣粉😍😋🐟🐟水煮龍脷魚 $139 叫咗小辣，但係都辣到我噴火🤣🔥🔥不過我好鍾意食魚，魚塊好滑，無骨啖啖肉，裏面仲有好多芽菜同寬粉👍🐓 海蜇手撕雞$38 呢款好抵食，好大碟，海蜇同手撕雞嘅份量都好足，撈左惹味嘅調味，麻麻辣辣。🐷蒜泥白肉$38五花腩肉切得好薄夠入味，肥瘦相間，食落好滑，蒜香味濃郁。妹妹叫咗凍檸茶走甜，我就要柑桔青檸蜜，有兩粒話梅，酸酸甜甜又解辣  。

Wheeee (｡･ω･｡)ﾉ٩(˃̶͈̀௰˂̶͈́)و【傷心酸辣粉　惹味唔洗等】屋企附近冇分店，所以自從唔使返學校上堂就少咗食🤧 今次係特登為咗佢哋嘅水煮系列而嚟～但當然其他傳統、每次嚟親必嗌嘅酸辣粉都唔少得啦🍜～我是Menu～水煮美國雪花肥牛 $139可能因為係開舖時間去嗌，加上寬粉都要煮咁上下時間，所以都等咗陣先有得食。本身見佢表面有好多辣椒🌶️仲以為會係勁辣，有少少驚辣得滯食唔到，但出乎意料嘅係呢隻辣都幾易入口，夠麻夠辣夠香。撥開啲辣椒就見到大量牛肉🐮芽菜同寬粉，非常足料，夠三至四個人食🤰🏻啲寬粉煮得啱啱好，比薯粉彈牙，掛埋湯汁夠哂惹味。至於牛肉我就覺得有啲啲韌，如果再冧啲就好了😛 呢個水煮汁配魚應該都幾正🤤香酥軟骨套餐 $56鍾意食雞軟骨嘅嗌呢款實無死，佢哋呢度炸得啱啱好🤤 脆卜卜嘅口感再加埋好食嘅雞軟骨，齋嗌做小食都正👍🏻 而傷心酸辣粉一如既往有肉醬、蔥花、菜莆及花生等配料鋪滿薯粉🍜 雖然好鍾意薯粉煙韌彈牙嘅口感，但有時好驚會食到啲嚼極都唔斷嘅，不過呢度嘅就一定唔會，煮得啱啱好😋 另外一定要讚嘅係佢啲花生🥜 雖然浸咗湯，但仲係好脆！同埋個湯真係好好飲，我哋飲到得返少少淨😂手撕雞冷麵　送罐

重溫回憶系列之一💫以前中學成日聽到傷心酸辣粉，嗰時覺得個名好有趣，價錢唔貴就成日去食💥開咗咁多年，佢地既招牌酸辣粉仍然都係咁hit，今日經過就回憶一下🥺1️⃣全日套餐$58（酸辣粉+蒜泥白肉）：我點了BB辣，湯底酸酸辣辣好開胃，蒜泥白肉份量都算多，蒜泥味好突出，出奇地食完個口又唔會好臭😆2️⃣水煮龍脷魚$139: 嚟到覺得超大碗😱同樣有得選擇辣度，我哋怕太辣，所以都係揀咗BB辣🤭魚好滑溜溜，而且份量都幾多👍🏻配料仲有寬粉，青瓜，大豆芽，吸收左d辣汁好刺激💥💥服務💥叔叔同姨姨服務都好有善，出菜都好快。餐牌都多咗好多新款野食，聽店員講有啲分店有雞煲或者烤魚，下次再重溫回憶。

除左麵包同零食，拎住$30到底可以食到啲咩😂😂因為放工後仲要返學，有時真係要極速食啲野就算，咁岩學校附近都有唔少快食嘅選擇🤣今次就講下$30 budget嘅選擇之一😆·1️⃣雞扒芝士豆腐薯粉配炸花枝丸($29)呢個價錢其實係下午茶價錢，不過佢嘅下午茶係去到七點，所以當係晚餐都可以🤪下午茶以外嘅時間都只係$33，仲係全日供應😌·雞扒唔算好大塊，我手掌左右嘅size，本身我唔食豆腐，但見到有芝士咁得意就試下，原來係類似魚蛋中間有啲流心芝士😳😳唔係一般豆腐嘅質地，又幾特別，我當佢係芝士魚蛋🤣薯粉份量都多，口感幾好😙·2️⃣泰式鮮雞湯薯粉配花枝丸($29)除左雞扒芝士豆腐，我之後仲試埋佢呢個泰式鮮雞😋😋雞嘅份量正常 ，有四五件，真係鮮雞件，唔係雞枊，都幾滑😚可能因為係泰式，所以食左少少就突然食到少少辣🤣我接受到的😌·炸花枝丸即叫即炸，熱辣辣，點埋甜酸醬仲好食🤤🤤有三粒，炸得幾彈牙😙呢個餐仲包一包紙包飲品，所以真係好抵😏🤓不過我見佢menu寫住只適用於尖東店，所以唔知其他分店有冇🤔

傷心酸辣粉絕對係我中學時嘅回憶🤣 記得嗰陣成日都去食～ 次次都係食BB辣，都已經辣到好過癮～好掛住嗰種感覺，所以早排就去咗尖沙咀分店重拾回憶😆傷心酸辣粉 + 蒜泥白肉 $56估唔到午市套餐咁平咁抵，酸辣粉依舊係酸到流口水辣到流眼淚，配料多，薯粉彈牙煙韌～重慶炸醬涼麵 $42🐷🐷叫咗呢個涼麵，重慶炸醬好惹味，撈幼身麵條食好香幾好味😋水煮龍脷魚 $139呢碟水煮魚份量好多，龍脷魚柳都好大舊，魚肉入味又嫩滑，麻麻辣辣，裏面仲有彈牙寬粉，芽菜，青瓜等等配料，好豐富呀❤️我地兩個人食咁多嘢飽死咗啦🤣

讀書嗰陣成日都食傷心酸辣粉😛貪佢平平地又食得飽，仲有超多小食款式🤩今次就黎到尖東既呢間分店重拾下昔日回憶~☑️(套餐)口水雞&酸辣粉 ($58)今次好lucky，因為比左雞髀我地😚雞肉嫩滑，口水汁調味正常，少麻偏辣，唔食得辣既朋友要小心🤭酸辣粉就大大碗好抵食👍🏻份量十足，仲有花生、肉碎、榨菜等配菜，更加惹味😋湯底仍然係回憶既味道，整體偏酸好開胃🤤題外話💬原來依加可以轉米線同薯粉等，又多個選擇😉☑️水煮美國雪花肥牛 ($139)第一次試水煮系列，好大碗啊🤭大量既香料、辣椒配上肥牛、青瓜、芽菜同寬粉等，撈飯食勁惹味😋椒麻得黎又唔算好辣，食得唔算好辛苦~但花椒味幾突出，唔小心咬到就會有啲啲苦味😳☑️樽裝辣椒油 ($29)屋企不嬲有買開😆平時煮麵烚菜就會落少少，麻中帶辣又惹味😋咁岩黎開又買多樽補下貨先~ 平平地，愛辣之人不妨試下🥰總括黎講，傷心酸辣粉仍然係大件夾抵食既，心血來潮想食辣就岩晒☺️但係我地覺得環境方面可以再做好啲，如果樓面整齊啲、冷氣大啲就good啦😉另外留意返某啲分店仲會有烤魚同雞煲食，可惜今次我地去既尖東店無😢

酸辣粉就食得多了。第一次係傷心酸辣粉食 水煮魚😳！原來都係咁出色😃重有二人套餐都係 $248 渣喎。包好多野 😂一共 A, B, C 三個選項A. Total 有5項 比你揀我就揀左 水煮龍脷魚 😍 無骨啖啖肉！爽！龍脷魚 極度嫩滑！大大件！成盤水煮 麻辣味勁香 🌶🌶底部有大量大條水晶粉。好好味 🙈B. Total 又有5項 比你揀我就揀左 皇牌口水雞 😀 果然係皇牌 😎雞件夠白滑。味道微辣極度惹味！C. Total 有3項 比你揀我就揀左 手撕包菜 😀 好得意既名。份量勁多以麻既味道為主。帶有少辣食落口感有d似椰菜。好鬼爽脆好開胃！個套餐仲要包埋兩碗白飯 🍚🍚再唔係可以加錢轉其他粉面都得。。講真如果想普普通通食水煮魚 / 麻辣野大家不妨去 傷心酸辣粉 試吓啦 😛食完包你唔會傷心 🤣

今日天氣突然涼返，突然好想食酸辣粉，所以就決定傷心一下，我哋六點前到仲有下午茶餐，叫左一個口水雞配酸辣粉（$45）再加杯凍檸茶（$5），望吓餐牌見到有個水煮肥牛好吸引（$139），決定叫埋豐富D提早食埋晚餐，仲有好多小食想食不過驚食唔晒最後只加左酸辣土豆絲（$25），全部都要中辣 🌶🌶酸辣粉保持水準，薯粉煙韌適中，酸辣湯底同Q彈嘅薯粉就係絕配，口水雞雞肉嫰滑，土豆絲惹味爽口，食辣嘢最驚唔夠辣，呢間全部都夠辣度🔥 終於等到水煮肥牛出場啦，嘩！估唔到咁大鍋，賣相非常吸引，一放上枱啲香味已經撲晒埋嚟，肥牛份量都算多入面仲有寬粉青瓜芽菜，香味夠層次同最緊要keep到食到尾都夠熱，我哋全部清晒，望住友人流晒汗同流晒鼻水個樣真係好傷心忍唔住笑咗😆💡呢餐每人$107，絕對係平食川菜嘅好選擇！見到有得買傷心辣椒油，望啲渣已經覺得正，大大樽標榜冇添加劑都係$29 ，買咗一樽返屋企，一打開好香呀，聽晚用嚟整涼拌小食先。