傷心酸辣粉 (科學館道) (已結業)

🔸水煮魚龍脷魚🐟水煮魚非常大碗，一上枱有啲嚇親，咁大碗真係好抵食😂今次揀咗中辣，面頭舖滿辣椒，食到瘋狂飆汗💦除咗龍脷魚之外，仲有大豆芽，青瓜同寬粉。魚肉份量好多，又大又厚，而且好入味，食落啖啖肉之餘，麻辣味充斥住成個口，要邊食邊飲下嘢解辣🥵其實唔單止魚肉多，芽菜都勁多，成個波咁大😳寬粉好特別，咬落煙煙韌韌，同魚肉一樣好入味呀🥰🔸皇牌口水雞🐥傷心酸辣粉除咗酸辣粉🍜出名之外，口水雞💦🐔都係佢哋嘅皇牌！口水雞揀左例牌，仲有分上例同下例，我比較鍾意食雞胸肉所以就揀咗上例。口水雞麻辣味好均勻，肉質唔會好鞋，而且花生🥜又多又脆，食唔停口😂🔸夫妻肺片🫁夫妻肺片其實同肺無關，係牛𦟌同牛肚，同口水雞一樣都係凍食嘅小食嚟㗎😀因為落咗唔少芝麻，食落麻辣之餘仲有好香芝麻味，又唔會因為太麻辣食唔出本身牛𦟌牛肚嘅牛味。平時食傷心酸辣粉都好鍾意叫呢個小食😘午市套餐包一碗酸辣粉，可以揀米線、薯粉、寬麵之類。我不嬲都咗食開薯粉，鍾意佢食落彈牙又容易咬斷。榨菜同花生份量都幾多😂🔸柑橘青檸蜜&海鹽柚子樂🍹食辣嘢無理由唔叫嘢飲，兩杯嘢飲都幾解辣，海鹽柚子可樂杯底有一層柚子蜜，第一次見咁嘅配搭😂🔸天然調味辣椒油🌶埋單嗰時見到c

以前落堂都會成日落尖東附近食野,大學畢業幾年都無再黎過,難得今日約左個舊同學一齊食lunch一於重遊舊地回憶一下大學既時光.水煮龍脷魚$115咁大碗相當抵食！唔單止水煮配料豐富,水煮龍脷魚面上鋪滿辣椒,花椒,芫茜,白芝麻.面上雖然帶一層紅油但食落唔會好油膩.味道辣中帶麻,碗內爽脆既荳芽及Q彈既寬粉吸盡水煮精華,相當入味.龍脷魚柳啖啖肉而且夠滑嫩,同樣掛上湯汁入口充滿麻香辣.香酥軟骨酸辣薯粉軟骨炸得酥香,脆卜卜既口感唔會覺得好膩.面上灑上少少椒鹽增添一陣鹹香感.酸辣薯粉帶少少肉末,芫茜,炸花生,炸菜再酸上滑溜既薯粉相當Q韌之餘同時掛起酸辣湯,刺激得黎又惹味.黃金花枝丸花枝丸唔會麵粉多過墨魚肉,入口彈牙內裏亦有粒粒墨魚肉增加口感.

‼️❤️ 記得CLICK我PROFILE關注我呀 ❤️‼️.🌶️ M̾o̾u̾t̾h̾w̾a̾t̾e̾r̾i̾n̾g̾ S̾p̾i̾c̾y̾ D̾i̾s̾h̾e̾s̾ @ 🌟 傷心酸辣粉《👽食神大媽食水煮系列》.💁‍♀️ 圖片展示美食為：水煮美國雪花肥牛 HKD 139皇牌口水雞（下例）HKD 58熗炒土豆絲 HKD 52辣椒油 HKD 29.👽 開春後氣壓開始低，成日懨懨悶悶，最好嘅選擇就梗係食D辣嘢啦 😬.😬 平時成日食來食去都水煮魚，今次一於叫水煮牛試下，見價錢唔貴卻完全無令大媽失望，超級足料、好味惹味唔在講，牛肉本身質地好滿意，夠厚身唔係薄到碎曬充撐嗰類！🤩 份量更加係大兜到大媽真心覺得係四人份量！牛肉以外仲有寬粉、大豆芽、青瓜條！D寬粉索曬汁真係超超超好味呀！😱.👽 大媽貪心，其實兩個人食唔曬，但真係好鍾意食呢度嘅口水雞。因為呢度嘅雞唔會成PAT肥膏有臭雪藏味，相反係非常嫩同足料，只係叫BB辣度都已經非常惹味！🤤.🥔 土豆絲更加係神來之筆，炒得爽卻唔太生，調味適宜食完唔會覺得濟，大媽喜歡用佢代替白飯配合辣辣主菜。.😎 經理見我地食得滿意，好識推銷呀，即刻介紹左佢地嘅自家製新出品「辣椒油」。最啱就係無胃口嘅時候，隨時就算起屋企都可以加添

一到中午時間，就開始煩惱食什麼了係公司樓下行左一陣，比抗疫午餐$25元吸引了，就試下好唔好食揀左葱油雞絲撈面，加多包紙包飲品，只要$25，真係好抵ge!但味道和雞絲份量就一般啦。面有點硬，不過呢個時勢$25就唔會要求咁多了

打算好耐冇食過薯粉，即興去買黎食，打開味係好香，聞落ok，但食落好難食，同想像中完全2件事，啲薯粉冇味既，勁失望囉，個湯食落都係得個酸，兩者match五到😪😪😪如果冇7折我試都五會試，too bad

本人好中意食紅薯粉😍呢間既紅薯粉都幾出名，想同大家講唔好俾佢店名嚇親就嗌得少辣喔😂大家都見到我碗麵好似好清湯feel😂因為我唔係好食得辣，所以嗌bb辣（好似係😂）結果就食唔出辣味😂所以建議大家可以食返自己承受到既範圍內😂唔使嗌少。另外個人建議嗌雞軟骨😍👍

去到尖沙咀原本諗住買嘢，點知間舖頭冇開，原本要買嘅嘢買唔到，唯有去第二啲舖頭度睇吓，之後行咗2-3個鐘都未搵到我想要嘅嘢，又熱又攰又口渴，搵個地方食tea set都好，行到去新文華中心有好多選擇，諗起好耐冇食過傷心酸辣粉，即刻行去睇吓有咩食先，一眼睇中左無骨豬手拼手撕雞飯，豬手炆得好琳，但唔會一夾就爛，有咀嚼感，手撕雞好重油香，嫩滑唔癡牙，墊底嘅青瓜吸收左油香，感覺清新，覺得唔夠喉，加$10叫咗個蓮藕餅，爽口冇絲，有少少似芋頭餅嘅感覺

Lunch時間唔肚餓冇食嘢，到咗4點零開始肚餓，於是外賣自取麻辣肥腸酸辣粉！雖然麻辣肥腸同以前唔同咗，以前係豬大腸，但配料都冇點變，花生夠脆又夠香，配上青瓜絲、芫茜、蔥花、白芝麻！簡直小菜我通常要BB辣，而酸辣粉要小辣，雖然酸辣粉小辣都算辣，但係小辣係我認為最好味嘅，唔會辣到蓋過所有香味嘅，小辣辣度令薯粉發揮到最好味，要讚下啲薯粉夠軟滑煙韌酸辣粉嘅薯粉係成個粉嘅靈魂，薯粉嘅好壞好重要！當然如果要尋求刺激嘅話，就揀辣度高啲嘅！不過一定要無時無刻有嘢飲同紙巾喺度stand by! 尤其喺烈日當下嘅日子，一定刺激到邊食邊標汗，手不離凍飲！食得辣先好尋求刺激啊！

諗住食個快lunch，想食惹味野，但又驚彈到成身係，所以叫咗個手撕雞飯外賣。29蚊本身都冇乜期望，但係等咗10分鐘先有得拎，中途有問要幾耐，但冇人應我，間舖客又唔多，唔通係選擇性失聰？返到上樓打開見即呆咗！份量小如兒童餐！啲飯都未夠舖晒個盒底！重點！！！佢餐牌張相係有菜㗎！我條菜去咗邊？啲雞又勁難咬！唉！最後我都係去買多碟菜返黎！其實唔係趕時間都唔會揀佢！我都知29蚊冇得有咩期望，但都唔係咁呀！？真心失望！冇下次！！！！

話說六點令鐘經過，打算吃個快飯，見酸辣粉人少少就入左去食，就中伏了。。間野時不時都有啲蚊滋飛過，都算。叫左個海蜇脆耳酸辣粉，但淨係泥左個酸辣粉，等左十幾分鐘都未見拎來，就問下個waiter幫我跟跟個海哲，點知佢一句：「等下啦」，就走開左😵佢坐低左係到禁電話，完全冇打算幫我跟，最後碟野係我食曬碗面先到 😑 果陣鋪頭唔多人，仲有好幾張空枱，如果係好多人跟唔切張單，都冇咁嬲，又要冇咩人，服務態度又咁差，以後唔會想再來呢間食野！

重慶小麵 $32 (大辣另加$2)叫左大辣，味道係幾香同重口味既, 呢樣幾好！但係辣度吾夠勁，只有大約譚仔中辣。(可能我朋友好食得辣，平時食譚仔特辣)重慶炸醬涼麵 $42 (小辣)炸醬太少，不過麵好多，都好重口味，好入味，麵亦都夠涼，辣味都夠均勻，唔會啲辣汁系哂底，幾好味，只系我唔系好食得辣，只系食到譚仔3小辣，下次系呢間要叫番BB辣。啲麵本身已經好多配料，好入味，好重口，唔洗另外加餸已經好大碗好飽肚，好抵食，經過會再食

開sem最緊要就係食返餐開sem飯咁啱附近有間傷心酸辣粉 就二話不說入左去坐低睇左張餐牌 梗係叫個皇牌口水雞 肉質好滑好嫩 抵讚！因為本人係食唔得辣嘅人啦 所以好弱雞咁叫左個bb辣 感覺都唔錯唔會話好嗆喉喎 可接受嘅程度 試左朋友嘅小辣同中辣 真係不了 對我黎講有點太辣 我都係乖乖地食bb辣啦～

食過咁多間酸辣粉最鐘意都係食傷心酸辣粉每次同朋有唔知簡食乜,我都會提意 不如食傷心酸辣粉，由中學食到而家,咁多間辣粉當中,繼續存在我心中第一最愛佢個Bb辣 唔太食得辣既朋友仔都可以食到～^_^最愛佢口水雞套餐，每次都係食呢set而家多左個加大口水雞套餐！因為平時個個普通餐d雞唔夠我食！終於有個加大！識叫一定係叫加大！仲有下一次我打算試下食小辣，因為食得多辣已經好似可以升level了！下次一於叫個小辣試下！正！

夜晚8 點幾 1 個人入去食 叫左水晶薯粉 白肉 野飲 加豬紅。食到一半 去洗手間廢事店員難做擺定錢講定比2 個店員知未食完唔好收果時得一半檯有人 店員四個 間鋪唔大 得15張檯 果時得6,7 檯有客去個廁所無5分鐘 返黎D野收曬仲要坐左人我問點解收店員話經理唔知收左 咁即係點？ 經理話 下次黎 比大份D 火都黎我XxXx咩 呢間野我食左4 年幾店員90%識店員唔出聲瀨經理經理瀨無人講佢聽唔知 唔即刻比返D野食野飲我 仲話下次黎大份D 邊度會有下次呢

以前好少食辣，d朋友叫我一齊食傷心酸辣粉我都拒絕🙅🏻‍♀️。但跟得佢地多，自己都開始食辣，終於的起心肝食傷心酸辣粉。男朋友唔食得辣，所以叫左個bb辣，而自己就想挑戰下自己接受辣既程度，就叫左個中辣🙊。一開始食都覺得唔係好辣，而且佢個酸辣粉個辣唔會話好重，酸辣既比例大概一半到，但之後愈食愈辣，一定要飲翻杯凍野先可以頂得順，睇黎都係太高估自己😢。試翻男朋友既辣度，好似飲緊清湯，只係滴左幾滴辣椒油。撇開辣度黎講，酸辣粉個口感都幾q彈，得閒黎食過下辣癮都唔錯。