元朗合隆潮州粉麵 (德仁街)

營業中

休息中

第一次黎唔知食咩好，就叫d有手指公推薦個d啦潮州珍珠蠔仔泡飯好大碗，Default胡椒湯底，可以驅風🤣冬天食好正，食完暖笠笠， 但食唔到胡椒辣既朋友可以要求轉清湯，因為胡椒味都真係好濃，食第一啖陣胡椒味燒到喉嚨😂，完全感受到有幾咁足料用幾多胡椒粒，鍾意食胡椒既朋友要試下，我隔離個個就唔洗溝清湯都食得好爽😂而我第一次去唔知道，個到既叔叔好好，知道我地食唔到俾一大碗清湯撈住食，撈住食好好食，因為完全清湯一定冇咁好食，拎個平衡好好多😋珍珠蠔仔量多，豬肉粒仲多，好似食極唔完試埋兩個小食，冰鎮墨魚頭同花雕醉雞中翼(一客3隻)，冰鎮墨魚頭爽口彈牙，點豉油wasabi好快清哂，花雕醉雞中翼大隻又淡淡酒味放飯想食到依間餐廳就要爭分奪秒，感覺遲少少要等多兩三張檯，去到都冇哂牛柏葉，一路食一路望住條隊愈來愈長...目測餐廳10張檯，不過d檯流動算快，個到既叔叔咁忙都有禮貌同埋好快手😬

成日見到人排隊一於試吓由於我一個人食一人排係快啲加上12:30前到所以大概排左十幾分鐘就到好快就比定你order 都猶豫左好耐究竟要醉雞定胡椒豬肚好結果 都係拺左花雕醉雞米個醉雞味係ok但係又唔算十分出色雞都係一般嘅滑未至於好深刻米粉都係有胡椒湯底味唔錯 夠辣環境都叫乾淨員工都有禮貌但係如果要排好耐隊我就覺得唔值嘅而價錢 響灣仔區$50 有個米粉又真係算平😝　只係份量吾大女仔去食就剛剛好男士 一定會覺得吾夠😅😅

天氣涼涼地，最啱飲返碗胡椒豬肚湯暖暖胃，呢度嘅白胡椒豬肚湯，湯底鮮甜，鹹淡適中，帶有胡椒嘅香同辣，唔會嗆喉。每逢午飯時間一定要排隊，真係要早啲黎先得。配料揀左豬潤🐷、豬肺🐷、墨魚丸🦑。我碗豬潤好好味，唔老，但朋友嗰碗就有啲過熟，有啲靭，真係要睇下好唔好彩。豬肺冇異味，吸左胡椒湯好入味，正。墨魚丸都係推介，好彈牙鮮甜，一啲都唔實。另外叫左小食花雕醉雞🐔同上湯白蘿蔔。醉雞好入味，酒香得黎仲帶啲甜味，好好味。白蘿蔔冇渣，吸哂湯幾清甜，但係飲左胡椒湯再食蘿蔔就淡左啲。值得一提係自家製金銀菊花茶🌼，唔會太甜，好足料，好解渴清熱。

This noodle shop looks traditional and the queue were immense , you could not get a table on a normal day as it’s packed , so it was very intriguing to try , we managed to pass by one day and there was a table available so we jumped at the chance to try it ‘ first impressions’ looks old school decor ‘ but when we entered the smell made us all feel we wanted to vomit , smelt like raw animal intestines and raw meat at a outside butchers shop in 33oC heat . Putting things aside we ordered 3 white t

星期日一早等開門前面有五六組人男職員預早提我地做定耍心出行入到餐廳感覺好好装修非常簡單但地方好大好乾淨枱同枱中間有小小距離店員好有禮貌問每張枱食乜上食物亦好快我就食鮮魷魚細胡椒豬肚湯底豬雜湯同支裝麥精眼闊肚窄好彩一早未有炸魚皮細湯都好大碗啖湯好清甜飲一啖已覺得好溫暖豬雜處理好乾淨豬腸一啲油都冇好感動店員好細心見有客人帶著大背包自動攞張櫈比客人隔離張枱兩個客每幾分鐘叫人幫手問嘢仲食到成枱骨同紙巾亂同汚嘈到一個點啲店員好有耐性處理又拖地又抹枱搞咗好耐好喜歡呢啲有人情味嘅小店

隱伏在小巷麵店，就算不是經網絡kol推介，單看外內裝修和食品選擇已經心動。但遲遲未有幫襯，只是未有合適機會。今日下午四時許經過，又不見人龍，就快快入坐。基本上客源不盡，坐下不久已有几樣食材售完。沒有點招牌豬什湯河，只依個人口味點了胡椒湯底豬膶、粉腸、珍珠蠔河粉：粉腸偏硬，豬膶又薄又削，但珍珠蠔仔味濃，胡椒湯頗辣亦偏咸，不過把河粉混在其中，加几粒唐芹，中和番。冬天天氣凍時，飲一口湯，應該幾暖胃。配上自家勁辣菜莆。堅辣。良久不散。自家五花菊花茶：我相信是真材實料。飲完好舒服。真心推介👍我覺得就算唔食其他嘢，呢一杯都好值得獨立買走飲。醉雞翼。雞冇味又唔滑，浪費了香濃且甜的醉汁，美中不足💁整體來講，感覺一般，不過我仍會願意來試其他食物，因地道的麵館真是買少見少，而且呢類型的食材，準備工作繁複，需要多啲支持😊

《不負責任食評 — 元朗合隆》評分：🌕🌕🌕總評：個名雖然叫元朗合隆但係似乎同元朗毫無關係😂之前放假去食都排咗20分鐘左右先有位同埋嗰陣都已經兩三點有部份嘢食已經賣晒 就連菜甫都已經俾人拎晒😓比較出名就係佢嘅豬雜同埋豬油撈麵不得不讚嘅係佢啲豬雜清潔得好乾淨完全唔會有內臟嗰種腥味同埋屎臭味🤣湯底都比較清淡 有少少薑同胡椒味 有啲寡淡我個人就會比較鍾意食返牛雜啦🤔豬油撈粉個汁就比較甜同有醬油香 不過間唔時食下好啦另外叫咗佢個墨魚頭同埋醉雞翼（因為醉雞已經賣晒）墨魚頭爽口彈牙 但係感覺就係純粹水煮冇乜特別🦑個辣椒油就反而幾有驚喜因為辣椒香味好出同埋都幾辣🌶醉雞翼就覺得佢雪得太凍食落硬硬地比較一般整體來講佢價錢唔算親民味道又未去到好出眾但可能香港主攻豬雜嘅餐廳比較少 所以就咁多人推🤔

個人喜歡食潮州豬什，見到朋友喺社交媒體提到呢間餐廳，專登過去灣仔嘗試這一間潮州粉麵。跟朋友兩個一起，點了多個小食：醉雞、冰鎮墨魚頭、炸魚皮、糖醋排骨。再點了豬雜湯加兩份豬油撈麵。可能太多小食，差唔多最後嘗試豬雜湯，覺得失色一點。湯唔夠熱，豬什一般，豬油撈麵豬油味唔夠。下次會再試多一次，希望品質好一些。

可能大家也是因為看了YouTube 短片而去探訪此店，我當然也是其中一個。之前在下午六時到訪了一次，因太多人幫襯，所有食物都買清光。今次在下午四時去，部分野食而賣清。不過我最愛嘅豬雜粉依然提供供應。於是我帶了一個豬雜粉給冰鎮墨魚頭。上菜速度10分快，並且侍應10分有禮貌，他們以小姐前小姐後稱呼我，進餐過程10分愉快。

有味精的胡椒湯底，豬什無特別，無豬的味道，唔知是否急凍貨，豬潤太過火，只有粉腸，沒有大腸，其他普通，我叫了細碗，如果要排隊就唔值得試了！明星真係有效應，早上10:30 開門，11時已經滿座！

📍<<元朗合隆潮州粉麵>>灣仔德仁街3A-3B 號地下✏️ 特式小食 冰鎭墨魚頭 爽口大啖咬落去，特別滿足。配一杯金銀菊花茶，感覺悠然清新🍀✏️花雕醉雞 不過醉雞不太欣賞，喺雪櫃攞出嚟尤其過凍，雞肉剛係雪櫃攞出來肉感超級粗糙👎🏻 起沙嘅咁雞肉你食過未🙄✏️特別推介 鮮牛肉墨魚丸珍珠蠔豬油撈麵加埋個底 $5個湯超級無敵，好味，本身內裏嘅冷氣都好夠，不論打風落雨夏天炎炎，都可以好好享受一碗暖和的豬雜湯‼️💯胡椒湯很香不太辣係超級無敵霹靂勁好味😋除咗如素人士諗唔到有咩原因會唔食👍🏻✔️...

自從有師傅加持就預左要排隊價錢算實惠 粉麵是白胡椒湯底暖肚的開心❤️可以叫淨餸 但份量較少 豬油撈麵 香口 但未能完成整碗食到尾 會有飽滯的感覺失望的魚皮超硬又凍了⋯⋯ 最開心大概是這樽裝維他奶我哋約五六點去好多款式都賣晒唯有有緣再試💁🏼‍♀️

又係一間近排人氣的食肆，都因為有位名廚在網上推介。鬼叫我胃食，又去跟隊排咗成半個鐘，中午1點幾又係放飯時間，太多人啦！入咗去點餐叫了幾樣野試吓，當然要試吓我最想食的胡椒淨豬雜，花雕鮮醉雞，再加牛腩+豬油撈麵、胡椒豬手尖米粉。滿滿的期待，但結果總是有落差。胡椒豬雜算是正常，味道唔錯，胡椒湯很香不太辣。其他就一般啦！牛腩太肥冇乜味，撈麵算是爽口，但味道淡淡我覺得唔夠味，豬手太淋，花雕鮮醉雞就吃不到鮮雞味道，不過花雕酒算是香甜的，沒有一般酒的苦澀味。整體來說都幾失望😞！可能人太多，水準就差少少，遲啲等少啲人慕名而來，先再試啦！

假期日中午1點嚟到合隆潮州粉麵店，大排長龍，等了 20分鐘左右入坐，不寧我失望等得有價值店舖內環境舊式粉麵店裝潢，似是家庭式經營，店舖內位叔叔見我身水身汗係到排隊，都安慰我好快可入坐，多謝你地等咁耐～其實當日雖然有太陽，但唔算猛烈都有陣陣涼風吹嚟，係我行鈄路上去，行到身水身汗同好肚餓豬潤、粉腸、豬肺、豬心湯米，胡椒湯底唔會過火咸辣適中，粉腸軟淋鮮嫩，豬肺軟綿嫩口，豬心原來係爽口，豬潤簿片但放湯內耐咗有少少硬，米粉唔會散，豬什米粉份量都唔算少，食一碗夠飽肚～胡椒湯係精華好味豬油撈河粉+豬耳+魚皮餃胡椒湯底～豬油撈河甘香可口，豬耳爽脆，魚皮餃新鮮有咬口，加上一口胡椒湯，美味非常冰鎮墨魚頭～出奇地爽脆鮮嫩，唔韌唔鞋，帶有墨魚海鮮鮮味唔沾豉油芥末也好味柱候牛筋腩～炆得非常入味，牛筋淋滑彈牙，牛腩入味唔痴牙～回味無窮不枉排隊入嚟食， 每樣食物都好味，店舖的叔叔姐姐都有禮貌，亦好窩心，我拎住個大袋店員主動比多張櫈我放袋，因當時人山人海店員都好忙，都有留意客人需要，值得一讚希望出名多人光顧後，往後水準仍然要保持

唔知係平日係咪咁爆場，星期六的二點左右，堂食隊出到大街，排外賣🥡都用左45分鐘………其實開始排外賣隊時前面只有幾個人，除左食物質素，有呢啲observation 廚房係好快手既，不斷出餐，呢類食物有呢個快既速度其實都好合理，但點解外賣都要排咁耐，好大可能係因為其他員工都比較社會資歷長，速度唔會好似一些音速餐廳，每張手畫單入機，門口位置又有限，每個外賣🥡客之間都可能要等到收銀得閒先可以比你入去落單然後入到收銀，有一位樓面員工會同你確認一下要咩，再交比入機既員工（即收銀）……..然後再出單，比錢，途中收銀仲可能要埋單或收其他單，所以買外賣都要45分鐘，等食物可能10分鐘都唔夠至於食物，如果鐘意食豬內臟係不錯選擇，性價比算ok, 但如果趕時間就真係……..