元朗新記 (吳松街)

營業中

休息中

好耐冇食拉腸，所以今日專登去呢間粥店試下個鮮蝦腸。啱啱12點入，叫咗個蠔仔粥配鮮蝦腸套餐。蠔仔粥，味道稍淡，都有蠔仔，不過可以再足料啲。鮮蝦腸蝦仁大大隻，再薄再彈牙少少再perfect。脆皮乳鴿乳鴿唔錯！即叫即整新鮮熱辣辣。乳鴿嘅大細嚟講，都算係幾大隻。抵食又好味。鮮蝦雲吞幼面竹升面爽口彈牙，我覺得係咁多樣最正嘅！鮮蝦雲吞大大隻，好吸引！以粥店嚟講出品都好好，所以好正！平時中午都可以嚟食一餐。又方便！

又食雞粥啦，是日去到佐敦shopping 同honey去新記食雞粥我就好掛住佢地的炸大腸哈哈雖然系茶餐廳，但佢哋的款式都好多，唔怕無野唔啱食是日同honey點左貴妃雞粥炸大腸 海蝥8爪魚豬手牛筋腩撈粗 飲品點左柑桔話梅7喜 龍眼7喜柑桔話梅7喜 龍眼7喜兩杯飲品都唔錯，夏日飲超正貴妃雞粥雞粥照煲得好有雞味，雞件多炸大腸真係好好味，小食送粥一流海蝥8爪魚海蝥爽口，真係開胃小食豬手牛筋腩麵味道唔錯，超多汁，豬手入味，牛筋腩不過不失

朋友仔一向鍾意食雞粥，今晚黎到元朗新記佐敦分店，7點幾黎到要排一陣隊。海蜇燻蹄爽脆彈牙既海蜇有咬勁，燻蹄滷得軟透，兩者好夾。泰式鳳爪 酸酸辣辣令人非常開胃，口感爽滑，啃得津津有味。秘製雞中翼煎到兩面好香脆，肉質嫩滑，啖啖肉勁滿足。招牌貴妃雞粥粥底綿滑，雞件嫩滑，帶點鹹香夠入味，啖啖鮮美。豬潤腸粉剛好熟既豬潤味道甘香，腸粉質感滑溜有米香。豉油王炒麵充滿豉油香，炒得有鑊氣，麵條炒至乾身，食落好香口。凍五花茶清熱祛濕既五花茶好岩最近天氣飲～熱豆漿香濃好有豆香。

今日係附近唔知食乜時見到新記，因為唔係第一次食新記，所以都知食物質素唔同，亦都試下之前覺得想試但又未試既菜式貴妃雞粥/海鮮粥食完又食既雞粥，每次都食到香濃的雞香，雞肉又仍然保持嫩滑，絕對係必點，海鮮粥就第一次食，十分足料，有蟹腳、蝦、魚肉、帶子等等，料都唔錯，令粥多一份海鮮味鯪魚球上次已經想食，每粒都有半個拳頭大，外皮炸到脆脆地有口感，肉汁鎖住係肉之中，所以十分惹味，而且仲有蜆介湯配，唔夠可以點脆皮乳鴿今次終於試試乳鴿，60幾蚊隻其實真係唔貴，而且燒得好好食，外皮脆肉嫩，鴿味濃，而且仲大大隻啖啖肉，真係一流

今日又好想食新記既雞粥, 雖然未試過元朗店, 但係市區有得隨時食咪仲好!! 近排食得油膩野多, 想食個粥清清地, 但朋友係夜晚一定要有飯落肚既人黎, 食過新記D小菜又唔錯, 岩哂我地今晚解決晚餐!環境都幾乾淨, 枱有隔板, 入座時有做足量體溫等動作, 店員仲提我地食野前後都要帶番住口罩添~香脆炸兩腸 $20炸兩配粥先係PERFECT MATCH, 最傳統既炸兩腸, 新鮮炸起脆卜卜, 滑滑既腸粉皮, 簡單又好味。貴妃雞黃鱔粥 $64貴妃雞粥一向都冇得輸, 粥有雞既香氣, 今次試下加埋黃鱔, 個粥多左陣淡淡既鮮味, 鱔肉亦一D都唔腥, 青紅蘿蔔栗米豬骨湯依度既例湯都好正, 唔係求其茶記味精湯, 而係一盅盅每日滾既湯, 而且日日都唔同款, 今日既係青紅蘿蔔栗米豬骨湯, 清甜可口又熱辣辣, 正!XO醬CHA燒炒蛋飯餐 $74叫餸加$17轉餐就會有飯有野飲, 叫得依個XO醬CHA燒炒蛋係冇可能唔叫飯送既, 皆日佢個XO醬辣辣地好惹味, 蛋又炒得夠滑嫩, 撈飯一流~簡單又好味, 快靚正既一餐!

得閒食下粥都唔錯，呢間新記雞粥平時都有食開筲箕灣分店，今次咁啱喺佐敦附近，就試下佐敦分店啦，坐得舒服又方便就腳。店面大大個元朗新記招牌夠搶眼一個人食左三碟野，太勁啦，好彩食得晒最出名係雞粥所以今次試個黃鱔雞粥雙拼，雞粥熱辣辣又夠綿，而且足料，又大大碗，抵食。回味無窮最正係有d涼拌小食，皮蛋堅唔錯，好多香料再加埋碟通菜就啱啱好啦最好係送埋口罩套認真貼心呢

佐敦有好多港式小店，大多老字號，新記在元朗起家，以前消夜食雞粥好出名。今日去到見到因為疫情，小咗人，每個位都有隔板分隔，多咗安全同私隱。最鐘意食佢個豬潤雞粥，四大片豬潤夠新鮮，三件滑雞好似少咗，但其實已經好大碗。另外不可不食佢嘅鯪魚球，成粒網球咁，6大粒，五十幾蚊一D都唔貴。今日另外叫咗蒜泥汁脆皮豆腐，夠脆夠滑，但唔掛蒜泥汁，如果再炸乾身D，可能可以吸多啲汁。肚餓嘅同伴就點咗XO醬叉燒炒蛋飯，一見到D滑蛋就覺吸引，叉燒份量多，XO醬又惹味，係唔食粥嘅好選擇。

由細到大都好鍾意食粥，今日黃昏時候一個人喺佐敦搵嘢食，諗起朋友介紹過新記，總店喺元朗不過喺佐敦開咗分店，即刻Google一下佢位置，發覺原來好近佐敦地鐵站，嗱嗱聲行過去。唔使等位，一個人入到去，心大心細諗緊到底叫貴妃雞粥好定係泥猛粥，考慮到衛生問題結果都係叫貴妃雞粥。貴妃雞粥成個瓦煲上，試一啖粥，相當綿，有米香味，又有雞味；雞就比較一般，因為佢俾咗個雞胸所以比較硬，但係都叫做好味。亦都叫咗份炸兩，腸粉裏邊嘅油炸鬼仲係脆的，呢個真係好正😋一個人的簡單晚餐，都食得幾滿足。

覺得新記雞粥價錢夠平，有粥粉麵飯之餘，也有小炒，選擇較多，味道不錯，所以今日來到佐敦，揀了食新記雞粥。紅燒元朗脆皮乳鴿$65紅燒元朗脆皮乳鴿，乳鴿皮不是很脆，不過就醃得很入味。牛肉腸粉$24牛肉腸皮厚薄適中，內裡牛肉與芫茜都很香，入口又軟又滑的，非常美味。豉油王炒油麵$30豉油王炒油麵不會太多油，炒得也不會太干身，有火腿絲、芽菜、芫茜、蔥、紅蘿蔔及洋蔥…等，炒得較香口，因為很多配料及調味很好，所以很可口。牛肉粥$33牛肉粥，牛肉切得都較為大件，經醃過，所以也很入味，牛肉帶腍滑，粥底也很甜。豬腰粥$33豬腰粥，豬腰帶少少爽的口感，味道稍淡，但點上少少辣醬及豉油，食得很美味。淨雲吞$39雲吞裡面的鮮蝦仁一隻隻，爽中帶點彈牙，雲吞的湯底很甜，雲吞與湯一齊食，令雲吞味道更鮮味。蛋白杏仁茶$19蛋白杏仁茶，杏仁味很濃，還感覺到一粒粒杏仁的微粒，不過如果喜愛甜的，就要自己添加糖的份量，甜度就要由自己調較了。

阿哥由細到大都好鍾意食粥，佢今晚帶我嚟佐敦嘅「元朗新記」食晚飯，仲點咗成枱都係我鍾意食嘅嘢。呢到環境唔錯，夠光猛企理，坐得都幾舒服。我哋倆個人，點咗：蜆介鯪魚球（$52）鮫魚球一客有六粒，大大粒，炸到金黃色的較魚球入口好彈牙，蘸點最佳拍檔嘅蜆蚧醬，好惹味。咬一啖熱辣辣嘅鯪魚球，飲一啖泰式青檸冰 （$23），青檸嘅酸酸甜甜滋味，加上凍冰冰嘅感覺，嘩，好正。原煲生滾貴妃雞粥（$52）粥底好綿滑，份量亦足，鮮味嘅雞肉及清香葱粒與粥融和一起，好鮮甜好味，果然係老字號。炸兩（$20）我一啖咬落去，炸兩裡面嘅油炸鬼竟然係脆架。酥炸魷魚鬚（$ 55）魷魚鬚炸得好香，入面嘅魷魚好爽口不韌，一條接一條，食唔停口。灼菜心（$31）大大碟，肥嘟嘟，好新鮮嘅菜心～薑汁紅棗糕（$16）千層糕做法，一層薑汁糕，一層紅棗糕，薑味濃郁口感煙韌，甜度適中。全部都係我鍾意食嘅嘢，雖然不是什麼名貴菜式，但好開心，而且價錢很實在，倆個人食到好飽，共$ 249，無加一。會再來。

知道媽媽鐘意食粥，專程帶媽媽嚟呢間位於近佐敦地鐵站A出口附近(地點都易搵 大概行五分鐘就會見到)- 包羅萬有又唔收加一既粥店😍一打開餐牌，款式多到樣樣都想食，淨係生滾粥都成三十款比你揀😳仲有爽滑腸粉、招牌小食、精選粉麵、精美小菜、數款甜品等等；感覺係去左一間茶樓飲茶咁，係估唔到咁細間茶餐廳格局，但就有海量既款式，任均選擇🤤🌟招牌貴妃雞粥 $52🌟招牌雞粥點可以錯過，滑雞係滑到一個點，肉質嫩滑，粥底米香軟綿，加埋蔥花一流，平時食粥都會加胡椒粉，今次好味到都唔洗加，食到就嚟無先發現原來我地無加到胡椒粉😅🌟紅燒元朗脆皮乳鴿 $65🌟呢個又係必點，如果你係乳鴿控😅，係即叫即炸，拍得住茶樓既質素，乳鴿肉厚而嫩，肉質鮮美，塊皮炸到脆卜卜，又唔會過於油膩🤤🌟酥炸魷魚鬚 $55🌟呢個又係必點，先唔講味道口感，係每一條魷魚都係大大條，唔係偷工減料，都係份量十足，唔係碎濕濕既魷魚仔比你的；口感鬆脆，外酥內嫩，個人認為比茶樓仲好食😋🌟泰式鳳爪 $47🌟媽媽鐘意食鳳爪，見到有又係必點😅味道酸酸甜甜，十分開胃😍🌟泰式青檸冰 $23🌟解渴之選，解渴生津，夏天熱辣辣，青檸檸檬都係最佳飲品🥰如果怕甜度過於甜，可以叫少

今天收工後想清清地和男朋友食個宵夜，這間粥舖相信好多香港人都聽過呢嘻嘻~現在佐敦都有，就和男朋友來試試！雞粥最馳名，粥夠大碗，價錢合理，而且選擇非常多，不喜歡吃粥還有粉麵飯和各種小食甜品選擇。是日叫了招牌貴妃雞粥，蠔仔粥，一碟xo醬叉燒炒蛋，一份蝦米腸，飲品點了一杯泰式青檸冰，熱豆漿，甜點就點了薑汁紅棗糕試試！雞粥即叫即煮~~雞肉大大件而嫩滑呢~~入味之餘又有鮮味，帶陣陣的藥材香，粥底每一口都稠身綿滑，粥面上海有平時吃貴妃雞配有的薑蔥，好香~~蠔仔肉碎粥是去潮州菜館必點菜式之一，這裡都有得食~~不過在外面吃到的蠔仔粥，蠔仔數量參差，有時一碗粥只得幾隻蠔仔，實在不夠候呢~~這家的蠔份量和免治肉粒份量剛剛好，蠔仔好鮮甜，能夠帶出粥豐富的海鮮味道和獨特的口感~XO醬是自家製，惹味富海鮮香，炒蛋嫩滑半生熟，見到都流口水啦~~叉燒也軟腍好吃！蝦米腸雪白晶瑩、米香軟綿滑溜，配甜豉油食好正呢~~~蝦米和蔥粒粒分明~~這一杯熱豆漿喝下去時候，口裡充滿了濃濃的豆香味，帶點甜度的豆漿喝起來更順口，特別濃郁~清新青檸嘅酸酸甜甜滋味 + 凍冰冰嘅感覺好消暑！最後這道薑汁紅棗糕清香之餘，又煙韌不黏牙，紅棗氣味安

今日放工屋企無煮飯😝但想食下住家菜，故同家人來依間新記雞粥試一試😊座位都幾闊落。睇佢個菜單，菜式主要有粥品同腸粉類，亦都有精美小菜，炒面炒飯果d, 選擇都有不少👍👍我地決定叫一個炒飯同幾個小菜試試XO醬海鮮炒飯炒得幾有獲氣，味道幾好香濃👍，飯粒炒得分明，海鮮的份量都多，有帶子，鮮蝦🦐同魷魚🦑等等，仲有少少生菜同葱粒，食落無咁油膩😌😌清蒸盲糟食落都幾驚喜🤤，蒸嘅時間剛剛好，條魚幾大條而且肉質鮮嫩，又唔多骨，一d腥味都無，平時我唔點食魚都覺得幾好，食左唔少😄椒絲腐乳通菜加左少許腐乳更添惹味，但都無蓋過通菜本身的鮮甜味道😋酥炸魷魚鬚份量適中，魷魚鬚新鮮彈牙，熱辣辣沾上醬油食，正😋😋最後仲有足料靚湯，好味道又唔覺有味精。

今日 OT 遲咗收工非常肚餓 😪 , 喺 office 附近搵間地道小店叉叉電  見到呢間 "元朗新記" 好多人 , 仲有好多人等外賣添 , 睇嚟應該唔錯 , 就入咗去試下啦 😏 !!餐牌 (部分) :原來除咗雞粥 , 仲有好多嘢食 , 例如腸粉 , 炒麵 / 飯 , 燒味 , 中式粉麵 , 小食 選擇豐富 , 一定揀到你想食嘅嘢 ! 餐牌製作幾精美 , 圖文並茂好吸引 , 好多野都想食 🤣 ~~貴妃雞粥 ($52)一場黎到 , 緊係要試下出名嘅雞粥喇 ! 粥底綿 , 充滿雞味 , 雞件大概 5 - 6 件 , 夠入味 , 肉質軟滑 , 😋😋 貴妃雞做得唔錯 ! 叉燒腸粉 ($24) 粉皮中規中矩 , 餡料豐富 , 叉燒粒幾好食 海蜇燻蹄 ($52)唔好睇佢細細碟 , 其實好足料㗎 ! 海蜇超好食 😍😍😍 , 夠惹味又唔會太辣 , 爽口 , 好耐冇食過咁好食嘅海蜇喇 , 呢個必點 👍👍 !!乳鴿 ($65) 賣相一流 ! 又大隻 ! 皮脆肉 juicy , 連唔食乳鴿嘅我都忍唔住食咗一啖 😆😆 ~ 椒絲腐乳炒通菜 ($43) 嘩 ! 好大碟 , 食極都食唔曬 , 抵食 ! 夠惹味 ,

我係粥既愛好者，實在係好鐘意食粥。經過見到哩間粥鋪，貌似新開無耐，就想試試。整體來講，粥係幾有水準，幾綿幾足料；而且其他小菜亦都幾有風味。店內乾淨企理，防疫措施都做得唔錯，食得幾安心。好多人覺得夏天熱辣辣唔啱食粥，但係我覺得，夏天食粥，因為係流質食物，先係容易入口同吸收。貴妃雞蠔仔粥雞粥係店內主打，覺得要試。雞係有醃過同烹調過既貴妃雞，並唔係普通滑雞；雞肉食落都滑，同埋好味，成煲仔粥都好夠味。而且粥底好綿同滑，雞味好香。蠔仔嘅分量都多，同埋唔怕腥。粉腸豬腰豬紅粥同樣係足料，而且粥底綿同滑，鐘意內臟既朋友肯定要點，粉腸咬落好香好咬口。XO醬拍拍瓜餐前小食，開胃爽口香脆炸大腸係menu上既皇牌菜，確實係香口既，炸得香脆，同埋大腸本身就係我既愛，配粥食真係一流！大愛！海蜇熏蹄男朋友指定要點哩個，佢好鐘意食熏蹄，我覺得都幾爽口，麻油味好香，點醬食味道又係好夾既店內係懷舊嘅裝修風格，濃濃嘅本土味道。