元祖沾麵專門店

營業中

休息中

利申，我係嚟食沾麵，但有原板海膽「加餸」，冇理由唔叫㗎嘛！呢個價位食到呢個組合，其實真係黃店良心價🙌🏻 #極上芝士海膽沾麵，個芝士沾麵底坦白講係介乎日式沾醬與港式芝士撈丁之間嘅fusion口味，如果你好追求日本地道嘅口味呢款就未必最啱你，但鍾情芝士咸香嘅就可以一戰，都有一番風味。記憶中仲食過個龍蝦芝士沾麵，都出色！至放個麵底軟硬度適中，入口有嚼勁，咬口昝嚟又唔會好難消化。值得一讚係佢有得免費追加沾麵汁，店員亦好細心主動提出。

趁復活節假期去左尖沙咀行街，疫情期間都好少出街，之前聽朋友介紹過呢間邪惡芝士麵，一直都未有機會試，今日經過又唔算多人，放假梗係要食好D。餐廳唔算好大間，入到去好有日式風格，餐牌都好多選擇，除左沾麵，仲有拉麵同飯，不過一場黎到梗係要食最邪惡既芝士湯沾麵。我揀左極上芝士蟹皇沾麵，松葉蟹膏用芝士燒過，好香好濃，蟹膏好鮮甜，沾麵都幾大碗，仲有4塊叉燒，叉燒好甜好軟熟，拉麵爽口彈牙，先將麵浸落芝士湯底，然後D麵就可以掛滿芝士汁，呢個食法真係好邪惡，對於鍾意食芝士既我黎講真係好正，如果唔食芝士，仲可以揀赤海老或龍蝦湯底。

今日同朋友去了尖沙咀行街，行到有點餓，大家都想起好耐沒有在厚福街搵食了，於是便行過去，其實這條街都真係有好多唔同嘅選擇，有地鋪有上樓，但今次就係比佢嘅門面吸引了，就係佢嘅極上芝上海膽沾麵吸引，一次過有齊喜歡嘅食就😍落單都係自己在落單紙上面選擇，咁當然唔使多想就係選這裡人氣NO.1之選，極上芝士海膽沾麵(原板海膽)，落單後等了一陣，有碗大大嘅沾麵，還有用石鍋上嘅芝士海膽湯底，同埋原板海膽上枱，三樣合理就係今日人氣之選！個湯底芝士味道濃郁，放埋個煙韌嘅麵條落個熱盪盪嘅湯底內，入口個陣香濃芝士味真係十分好味！而個板海膽上嘅海膽大件鮮甜，配埋塊香脆紫菜一齊入口有陣甘香嘅感覺！而麵上還有4塊肥美嘅日式叉燒，同埋半隻香滑流心蛋，爽口嘅竹筍，整體味道十分配合，湯底嘅濃郁另個沾麵沾上了個湯底，喜歡濃味嘅絕對推介，而且還可以再加湯底，而用原板海膽上，呢個大小，其他地方食都已經差不多都係呢個價錢，所以喜歡食海膽又喜歡食沾麵嘅朋友，真係必食推介！

係尖沙咀行完街想食野，去左呢間厚福街既沾麵店。由於所有沾麵都即叫即整，所以都等左一陣，見到對面有一對情侶食緊龍蝦麵，搞到我都想食。我就叫左海膽主打既味道。極上芝士海膽沾麵 $158呢款麵有原板海膽，極上芝士湯，搭配叉燒沾麵、溏心蛋。個芝士湯入面有煮熟既海膽，芝士味香濃，原本沾麵係好軟身，將沾麵放入仲熱辣辣既芝士湯，會令麵質感更軟，而且好好味。原板海膽好幼滑，入口即溶，幸福感滿分。叉燒都幾肥美。個溏心蛋都幾好食。整個份量都好足料，抵食。

消費券一出，尖沙咀成街都係人，大家出返嚟消費係幾開心😚吃喝玩樂最緊要食，行咗入厚福街，懲罰一下小店。元祖沾麵專門店 ，仍然堅持着的拉麵小店，室內裝修走日本風格，口味正宗，材料極上，性價比超高的，周不時都要排隊，我就揀咗下午茶時段，等一陣就有位。極上芝士蟹皇沾麵 $148睇咗Menu店長推介，決定挑戰一下極上芝士蟹皇沾麵。賣相已經夠晒誠意，而且芝士沾麵好正，份量多，好飽，鍾意食沾麵的朋友仔必試！極上芝士湯底濃郁，麵條非常有彈性，口感爽滑，還有豐富的日式叉燒配料，流心蛋不可少。沾麵其中一個靈魂是湯底，元祖可選 赤海老/龍蝦/芝士海膽 3款湯，石鍋高溫保持新鮮熱辣。芝士海膽味道濃郁的芝士，真的還有叉燒肉粒和海膽，口感豐富有層次，拉麵條掛汁度極高。蟹皇又是另一個驚喜，鮮甜日本🇯🇵松葉蟹膏，真的滋味無窮。想不到可以在小巷子裏吃到久別重逢的日式風情，加上大量飛魚子，粒粒飽滿，入口卜卜聲。能夠成為香港其中一間最受歡迎既日式沾麵餐廳，其中一個原因係有選擇！有選擇！有選擇！下次再見！

🍽極上芝士海膽沾麵$165上枱成碗湯都好滾，芝士勁濃厚，質感濃稠。放麵落去上返黎食會覺得太多「醬」咁。湯底可以要求添加。海膽新鮮。🍽極上芝士龍蝦沾麵$198龍蝦入面超多膏，但沾麵湯味道好濃，覺得有點偏鹹。💡 整體黎講，個人比較喜歡食返傳統日式拉麵😊性價比唔太高，試過就好了。💡個現金卷係送20張$5比你😆😋食物：️6.5/10🤵🏽‍♂️服務：7.5/10🍴環境：7/10💰人均消費：$180🤩性價比：6.5/10

人客流轉量極高既厚福街沾麵，平時最特別係有超貴既海鮮沾麵，呢樣今日唔講。今日回歸基本步，豚肉魚介沾麵　—　外賣！究竟沾麵點外賣？無左個燒紅左既熱鍋仲抵食咩？唔係抵唔抵食既問題，係無左晚市後，一日得一餐正餐揀野食，都要取捨下既。自取免加一仲有折，係平左好多外賣係一個靚靚紙袋！（一間拉麵店竟然會出logo 紙袋 ...終於返到公司，可以開箱了一打開就排到整整齊齊既原個拉麵，即係平時大碗入面既料而下層就係主角沾麵汁倒出黎，搵隻細細地既碗，無咁易凍然後拎去微波爐叮到滾，叮到出煙，越熱越好個沾麵汁同平時一樣，都係有肉入面而個人建議拉麵可以拎去叮一叮，麵少少暖無咁易整凍個汁當然啦，凍左咪再～叮～過～囉～最後奉勸一句，外賣食完之後係更加懷念堂食，嚴重錯哂 XD呢個時勢，請多多支持小店！再影多張拎走左紫菜既樣

💕個人分享😋🦐特製八代海赤海老沾麵 $99🧀芝士海膽沾麵 $99👅沾麵湯選用石鍋盛載，上枱時沾汁仍會冒煙，而且為了沾汁保持熱度，客人可以隨時叫店員為我們加熱湯😍💯因為平常很多舖頭都只會為我們加熱水，會令沾汁變淡，失卻原有的味道，這個太棒了!🤤👅麵條是粗麵，質地彈牙，而且掛汁～——🦐八代海赤：上枱時，看見一粒粒蝦乾在沾汁表面，沾汁很濃郁，配豚肉、半熟蛋，材料超豐富🤤😍🧀芝士海膽：相較之下，這個湯底更濃郁，芝士味很香而且很重，海膽相信是已經溶於湯底裡，這個湯熱食很好吃，但凍了就會感到有點膩，可以請店員加熱湯實在太好了!😆☺️(太餓～忘了拍照🤪)=======================🍖瑞士芝士雞翼(3只) $78瑞士汁超濃～配搭芝士非常邪惡但好好吃😋😻👍🏼=======================💛已經不是第一次光顧這店，店員很有禮貌，進店內前會替你消毒雙手，並且送一個口罩夾，絕對要再去光顧💛～～～～～～～～～😋美味指數：8.5/10🧼環境衛生：7/10👼🏻服務態度：7.5/10💎性價比：7.5/10💰人均消費：~$151.8 (已加一)

依間係厚福街相當耐歷史既拉麵店💛 一直都好有興趣試 。 惟一係就唔岩時間，一係就大排長龍，一直錯過左試佢既機會。 今次趁係附近又唔係食飯時間 就黎試下。 可能因為疫情關係 ，加上過哂放飯時間，入到去都冇乜人。 不過臨近5點，都開始陸續多人入座，趕上完堂食既尾巴。應該最近疫情關係，店舖既午餐set menu更改左為11:30am至5:30pm。而價錢方面絕對係尖沙咀區買少見少。 今次就order左最愛既「滑蛋吉列豬扒丼」（$49） 。 值得留意，如果唔加點飲品，店舖會自動另收$5茶錢同送上一林綠茶。等左大概20分鐘， 食物登場。 同想像中唔同， 本身以為豬扒會同飯放埋一齊，點知原來係分開上。 價錢同食物唔成正比架， 塊豬扒比想像中大塊，新鮮出爐熱辣辣超吸引吉列豬扒岩岩炸起外表超脆， 配搭醬汁絕對一流豬扒相當juicy， 唔會硬屈屈而滑蛋飯， 滑蛋滑度岩岩好。 絕對係一流

今日食咗呢個名叫:極上芝士蟹皇沾麵。真係好豐富，先黎一個熱騰騰嘅芝士湯底(芝士控至愛)然後送上一個蟹籽(超多蟹籽)沙律菜配以芝士蟹蓋(打開芝士見到蟹糕)跟住黎一碗叉燒拉麵，只需將麵放入芝士湯夾上黎食，嘩！好好食😋⋯⋯發現湯入面除咗有肉重有一舊海膽😍正呀！叉燒又多又大塊，但我都食晒叉燒。。哈哈

係TST #厚福街 嘅呢間 沾麵面相信大家麵唔陌生以前初踏足香港嘅 #龍蝦沾麵 已儲落不少粉絲之後再有 #芝士海膽沾麵 可惜當時係 #期間限定不過依家可以放心啦😋已經成為咗 #必食 之選😍而且多咗好多組合😎#極上芝士蟹皇沾麵 $149沾麵湯底有3款可以選擇 #赤海老 #龍蝦 #芝士海膽 今次揀咗芝士海膽 🧀佢地嘅沾麵湯底真係款款都冇得輸🤣🤣一方面用石窩碗上 可以keep 到湯底溫度 最重要係夠哂濃郁 又夠掛麵👍🏻👍🏻大家記得沾麵均可免費🆓加湯 至於個沾麵 份量都幾多麵條較粗 質地唔錯 配有成4️⃣塊叉燒 肥瘦適中 唔沾湯 本身味道都好好食👍🏻個蟹皇🦀就另上蟹籽沙律+芝士焗蟹羔蟹蓋個沙律啲蟹籽簡直超誇張（可能我影相角度唔好啦😅）我有理由相信啲蟹籽係咪唔駛錢😅😅份量係超多絕對可以裝得滿旁邊嘅蟹蓋當然，個重點係蟹膏🤤🤤雖然係芝士焗 但蟹膏絕對冇俾芝士掩蓋咗佢本身味道🤩🤩大大啖蟹羔放入口嘅感覺真好🥰$149 又有海膽 又有蟹羔 真係超超超抵 仲要份量係超多 今次盡哂力都食唔哂😅😅好在有返杯熱茶飲 可以消消膩😅😅=====================

尖沙咀呢間沾麵都幾出名，見佢午市有lunch set，套餐只限星期一至五，好抵食，有飯有拉麵都係$45起，如果唔加嘢飲要加$5茶錢，餐廳入邊有紙巾同濕紙巾非常貼心！🍜特製八代海赤海老拉麵 $49 另收加一 (8/10)冇諗過$50一碗食拉麵可以咁足料，真心一啲都冇偷工減料同hea，有兩片叉燒，半隻糖心蛋，木耳，蔥花，筍片同埋櫻花蝦！湯底係豬骨湯，都幾濃，唔會太鹹，麵係幼麵，鹼水味太重，煮得比較淋😂叉燒正正常常，有燒過，切得比較薄，木耳葱花筍片都正常，櫻花蝦都幾香，整體來講都幾唔錯，除咗麵太重鹼水味，但$50呢個質素真係冇得輸，真係極高CP值！🫖烏龍茶 +$10 (7/10)正常支裝烏龍茶。推薦指數: 9/10午市套餐真係好抵食，係邊度食到$60一個拉麵，個湯同埋材料都有誠意，仲有埋嘢飲，快啲一齊去懲罰佢！

極上黑松露芝士海膽沾麵🧀一上枱，真係哇出聲！超級濃郁嘅芝士湯，仲有一片片嘅黑松露鋪喺上面，飲晒可以再添，但食耐咗會覺得好漏，而麵嘅份量都頗大，幾乎食唔晒🤣。另外仲叫咗個芝士蟹蓋，不過芝士嘅份量仲多過蟹膏😂唔算好抵食，但蟹膏係鮮甜嘅。

呢間好耐之前就已經bookmark左 個陣喺ig見佢老是常出現又好似好邪惡咁就好想試👉🏻芝士海膽沾麵 $116嗌左個普通款諗住加45蚊嘅海膽會開心d點知佢d海膽係加落湯到...黎到嘅時候發現同朋友冇加果個真係冇咩分別🤣🤣🥲🥲麵條都比較普通不過個湯真係好濃芝士味🤤🧀🧀👍🏻⭐️ 6.5/10

呢日做做下嘢，發現已經9 p.m…. 要去食啲嘢，維持下生命❤️‍🩹 成條厚福街都係我飯堂😂 當見到平時（尾圖）門庭若市嘅元祖沾麵唔洗排隊，即刻9衝🐶▪️極上Raclette芝士龍蝦沾麵 $168✨Raclette cheese有芝士中嘅貴族之稱，果然不同凡響😳 一上檯，即嗅到芝士散發住濃郁又強烈嘅氣味，好似臭豆腐咁😂 食落味道溫和，有其獨特嘅鹹味與微酸，夾埋龍蝦肉黎食，好正❣️龍蝦好大隻，糖心蛋亦出色。✨涼麵軟硬適中，有咬口，放入熱辣辣嘅湯中一陣就食得，好掛湯😋 沾麵湯底亦唔野少，入面有龍蝦肉、豬骨肉🤩 而且湯汁香濃，好鬼正！另外，呢度嘅店員都好親切，好樂意為客人介紹嘢食，好warm💛