元祖沾麵專門店

營業中

休息中

同朋友一齊喺尖沙咀厚福街，呢度有超多餐廳可以選擇，地舖又有樓上餐廳就更多，真係有啲花多眼亂😆，行吓行吓我哋咁啱停咗喺呢間麵店前邊，我問朋友有冇食過，佢話冇，咁我亦都好耐好耐冇食過，就決定捉朋友入去一齊開餐😆呢間日式🇯🇵麵店有沾麵又有拉麵，兩樣我都鍾意食，不過既然餐廳嘅名叫「元祖沾麵專門店」，咁我就揀沾麵😆，我叫咗 $148嘅「極上芝士蟹皇沾麵」😊呢個「極上芝士蟹皇沾麵」，由三個部份組成：1. 一碗有叉燒同メンマ嘅麵條，2. 沾麵汁，3. 一碟芝士焗蟹蓋同蟹籽😋「沾麵汁」上桌嘅時候仲滾緊，放喺個小鍋裏邊，真係熱到「蹦蹦聲」😆，由頭食到尾都仲係熱嘅😋。「芝士蟹皇」嘅芝士熱溶咗，食落好煙韌😋，芝士下邊就有啲蟹膏，有啲似「甲羅燒」😋。成個組合感覺好豐富😊朋友就好似叫咗碗叉燒拉麵🍜，佢話都好好味😋

拉麵食得多...但沾麵反而就少食有日做完野未食lunch,咁岩行到厚福街呢間鋪,見到有好多人入去食,但講緊係5點only🙈🙈入到去你見佢位其實唔算多,真係好似去日本咁要面壁思過😆但位子都算闊,坐得都ok其實係比佢出面部電視播緊大大隻芝士龍蝦好吸引！！！！！小妹都疑惑過,電視梗係大大隻喇,如果實物有打個8折已經好好！😝😝黎到見到佢熱到zaza聲.....翻滾著好香既蝦味,先試左佢一啖湯,相信佢係用幾十隻蝦頭爆香,再去淆個湯底,入面仲有幾塊豬肉,超級濃既蝦味！！！！而且好杰身,再放d麵落去,你見到d麵好掛汁...麵既口感好彈牙好好食！！😍😍😍😍😍重點重點重點係佢個龍蝦真係嚇親小妹！比我預期既大得多！！！！！仲要係好新鮮多膏，肉質係彈牙唔霉！！！最怕食d龍蝦係霉....有陣雪味。如果佢冇焗咁耐應該仲好食D!加上佢用既呢隻芝士你食落就知好唔同，香好多～～～～份量亦好多！食得好滿足🥰🥰另外值得加分既係,佢裝湯汁既器皿係全程都keep住熱辣辣好正！如果個鉗佢有敲碎埋咁就perfect喇！😏😏成間餐廳比我既感覺就係好有人情味同溫暖,必定必定會再encore！！❤❤❤

今日過尖沙咀有啲野做，做完野就碌左去厚福街食野，呢條街真係有好多餐廳，我見呢間有好多人係門口排隊所以就揀左佢。原來餐廳係食沾麵既，我平時都係食開拉麵多，今次就試下沾麵。>>>極上RACLETTE芝士龍蝦沾麵 $168呢個由於龍蝦要焗所以需時耐啲，都等左30分鐘左右。一上枱係大大隻開邊龍蝦，上面鋪滿Raclette Cheese，呢款係瑞士進口既一款熱溶芝士，較軟身易溶，最適合用於熱溶後鋪到食物上。餐廳有提供鉗仔方便我夾開龍蝦殻食啲肉。配龍蝦沾麵汁以石鍋上，上果陣仲係滾緊架！要小心唔好掂到個石鍋！本身見到個汁好似好濃咁，仲擔心會咸，但食落味道又岩岩好，入邊仲有啲龍蝦肉。啲麵係粗身既所以好掛汁👍🏻

#拉麵沾麵 #您哋鍾意食邊款.又嚟食一樣我未食過嘅嘢啦~就係日式沾麵啦~.元祖沾麵專門店 📌尖沙咀厚福街5-6號多富閣地下5號舖.尖沙咀厚福街多嘢食係人都知~我就揀咗佢啦~♦️叫咗 #極上Raclette芝士龍蝦沾麵 啦！ 嘩嘩嘩~~~您哋有無睇到!!!成隻龍蝦呀!仲有, 個湯嚟到係夠哂熱辣辣呀!嚟到仲滾緊架!等我飲返啖湯先WOW!個湯好香同埋好有蝦味呀!而且個湯都比較厚身所以啲麵可以好掛汁!!!再講埋D麵先~好彈牙, 好好味呀~~都係講返重點先, 隻龍蝦好新鮮爽口彈牙, 仲有好多蝦膏呀!好正呀！！！😋😋😋😋.整體評分：最高為🟣🟣🟣🟣🟣味道：🟣🟣🟣🟣🟣服務：🟣🟣🟣🟣🟣環境：🟣🟣🟣🟣🟣地點：🟣🟣🟣🟣🟣.總括嚟講，元祖沾麵專門店雖然係小店但出品非常好味!!👍🏻👍🏻👍🏻👍🏻👍🏻👍🏻元祖沾麵專門店 元祖つけ麺専門店 Ganso Tsukemen••••••••••••••••••••••••••••••.#攸桐媽飲飲食食遊蹤 #攸桐媽 #攸桐媽媽遊樂團 #zozimama #6B29production #路邊研究事務所 #6B29 #元祖沾麵專門店 #尖沙咀美食 #香港美食 #大小帳 #互追

元祖沾麵，超級出名既沾麵店，好食之餘好多變化，芝士鮑魚龍蝦樣樣有，啱晒港人貪新鮮如果午餐黎食最平只係4字頭，尖沙咀黎講茶記都食唔到，實在良心野店舖唔大以細枱為主，都幾多位，貼心地送包紙巾俾你，都教埋你點食沾麵欣賞，餐牌主打沾麵，見到都吸引特製八代海赤海老沾麵，賣相當然無輸啦熱辣辣蝦湯香到一個點，加埋櫻花蝦係面好正，即刻試下，浸幾浸，麵質係偏粗既，非常之掛到湯汁，蝦味超濃好好味，唔會死咸，愈食愈想食麵質幾有咬口既，好爽，以為靠湯做賣點，點知叉燒都好靚，燒得非常均勻配埋濃蝦湯又係另一個風味加左青檸汁以為無咩特別，但食到一半就發覺有落令到沾麵濃而不濟勞蘇食推介 —— 極上芝士蟹皇沾麵其實都唔使推介，人人都識叫，睇樣都知正配芝士海膽湯，賣相已經贏晒，店員提醒個芝士蟹膏一上就要食，唔係就凍左會硬，即食，濃濃既蟹膏味，配埋芝士湯沾麵，好夾好正，好多層既好味道海鮮同芝士好夾，見到啲芝士湯「Bl ue bl ue blue blue」加埋拉麵好正，芝士海膽湯好正，真係有海膽架半熟蛋配芝士湯同蟹膏先真係必必必食加湯，加既仲要係重新煲既同一個湯，完全無淡到實在太正既一餐，絶對係我食過最正既沾麵，又特別又好

琴日心血來潮，好掛住日本嘅沾麵，之後同朋友去左尖沙咀呢間沾麵店食晚飯，望一望餐牌，發現佢有各式各樣嘅沾麵同拉麵，而佢主打用一啲貴格既材料去整沾麵，好似佢嘅芝士海膽沾麵同埋龍蝦沾麵咁，都係一啲用料上乘，令人一聽就會流哂口水嘅用料，而我哋果日分別叫左一個極上芝士蟹王沾麵同埋一個我朋友好鍾意食嘅黑蒜豚骨叉燒拉麵，首先講下，個極上芝士蟹王沾麵，呢個沾麵，麵質岩岩好，非常之爽，而佢有三塊非常有肉香但又唔肥嘅叉燒做配菜另有一隻流心溫泉蛋，再講下個主角，佢個龍蝦湯，龍蝦味濃郁，而且非常足料，入面有肉之外重有一舊舊龍蝦肉，將麵浸入湯，再一齊食，蟹蓋入邊有滿滿嘅蟹膏，每食一啖都有幸福嘅感覺，個過程簡直人生一大樂事，然後我朋友話個黑蒜豚骨叉燒拉麵，蒜味非常出，佢食每一淡麵，都有好香嘅蒜味，非常好食，整體而言，呢間沾麵店，用料豪華，令你感受到用一啲好玩嘅材料去食沾麵同拉麵。

是日放假約咗做facial但係有充裕嘅時間，所以就一個人去咗尖沙咀“元祖沾麵專門店“食個 long lunch，慢活一天獎勵一下自己。 鋪頭內嘅裝修非常之有日本風味，我真係好掛住日本呀。 今日就點咗一個“極上Raclette龍蝦芝士沾麵“$168。 等咗15分鐘，未落枱已經聞到非常香濃嘅龍蝦味 ，個湯非常之熱騰騰，僕通噗通好似熔岩咁樣， 我隨即用筷子夾起一住麵，點落去個湯度 ，每一口已經充斥著非常濃厚嘅龍蝦味（ 記得食日本沾麵千祈唔好倒曬啲湯落個面度）。重點係仲有大過我隻手掌嘅原隻龍蝦 ，鋪滿咗燒熔咗嘅芝士， 簡直就係雙重享受。 龍蝦真係有好多肉， 百幾蚊一個麵 ，看似好貴但其實物超所值 。

之前同呀媽食過呢到既拉麵，因為真係好食所以決定介紹下佢，黃店果然特別有親切感，店鋪有memo紙比你地任寫自己既心聲📝我叫左個黑蒜油叉燒拉麵，一上枱已經聞到非常香既黑蒜油味，叉燒有炭燒過加埋黑蒜油味整左陣火炙既口感出黎，味道十分濃郁，溏心蛋滑溜溜好好食，仲有荀、雲耳、紫菜等配料，令到湯底更加香濃，食完個麵都想繼續飲湯😂另外朋友就揀左龍蝦湯底既石鍋蟹皇芝士沾麵，龍蝦湯足料到一個點，有豆腐龍蝦肉等等，好甜好重龍蝦味，石鍋令到龍蝦湯保持熱度，唔會上枱就凍曬，冬天飲返啖熱騰騰既湯暖胃就啱曬，沾麵質感彈牙有嚼勁，最中意食佢個蟹膏芝士堆，芝士輕輕燒過鋪面，一啖蟹膏一啖蟹籽，鹹香之餘加啲吱吱口感，好食！呢到既沾麵真係百食不厭，讚👍👍

自從無得去旅行就好想係香港食下其他國家既食物開心下～ 作為大愛麵食既人～ 真係沾麵同拉麵既粉絲知道元祖最出名就係有唔同款式既沾麵～ 今次想食最基礎既沾麵～ 所以就叫左豚肉魚介沾麵～ 因為豚肉要整得好味真心好高技巧～ 魚介湯既沾麵都真心好想試下～ 果然個沾麵無令我失望到～ 個豚肉好好味～ 醬汁咸甜適中又香口～個沾麵加埋青檸汁落去一齊食口感好新鮮，多左一個層次～ 沾麵仲配左流心蛋同菜類一齊食～ 個魚介湯底都好好味呀，香口小甜的湯底十分開胃～ 個湯上台時仲好沸騰～ 熱辣辣～ 岩曬冬天食～

之前也吃過元祖沾麵～ 由於沾麵太好吃了～ 忍不住要帶朋友一起來～ 朋友說自從沒得去日本後就沒吃過沾麵了！沾麵這個美食真的不可以不吃！我點了極上Raclette 芝士龍蝦沾麵～ 沾麵一到桌子上真的有給驚喜到！$150的沾麵居然這麼大大原隻龍蝦🦞龍蝦大得佔據了一個碗了，實在沒想到可以這麼興奮吃龍蝦，還沒吃已經驚喜到不行了！芝士還要大大濃濃厚厚的鋪在龍蝦上～ 一口芝士一口沾麵一口龍蝦實在令人愛沒法停下！還有燒的火熱熱的石鍋中濃濃的龍蝦湯～ 陪着爽口彈牙沾麵一起吃，奢華豐富！龍蝦湯內還有龍蝦肉～ 真材實料～ 誠意推介沾麵中還有糖心蛋，糖心蛋都好高質好好味😋實在令人驚喜！

位於尖沙咀最多野食嘅厚福街，閒日八點唔洗等位直入，入面環境就番日本咁，但就唔算闊落。侍應服務幾好，食緊期間都一直有添熱茶。🍜 豚肉魚介沾麵 $89★★★☆☆日本沾麵最重要在於秘製湯頭。呢個食落都重魚介同醬油調味，湯頭夠稠密掛到湯汁。個麵都幾清爽質地，唔會一PAT咁，食落都咸甜之間，個麵會跟埋Ｄ配菜，好似半隻糖心蛋、荀、兩大塊豚肉，豚肉肥瘦剛好帶少少焦香，另外會附埋一舊好細青檸，整D汁落個麵到更清新Ｄ，整體覺得都唔錯。🍜 八代海赤蝦老沾麵 $83★★☆☆☆個湯汁好重蝦嘅味道，亦有大量櫻花蝦乾同埋排骨，但整體個湯好死咸。即使沾左麵掛汁食都覺得太咸，每食一啖都要飲番啖茶。最後真係頂唔順，叫左人加小小湯落去，但又太多，個湯變左太稀身。食完之後一直都Keep住口渴，應該太咸同埋有味精。🌟總括：試過便好，應該唔會有下一次。唔識欣賞八代海赤蝦老沾麵，豚肉魚介沾麵可以既，但未到會再想Encore食多次嘅程度，但值得一讚係服務態度幾好。事後見大多好評都係食芝士、龍蝦、海膽嘅沾麵，可能叫錯左野黎食。

餐廳：元祖沾麵專門店 (尖沙咀)地址：尖沙咀厚福街5-6號多富閣地下5號舖尖沙咀厚福街元祖沾麵專門店 @gansohk 由2016年開至今時今日，佢哋嘅沾麵真喺夠晒出名，成日大排長龍，貨源每日由日本空運到港，再由日籍嘅大廚高橋先生主理👨🏻‍🍳，比你喺呢到品嘗到純正「日本」家鄉嘅滋味🇯🇵一入餐廳就feel到好濃厚嘅日式味道🎏，餐廳周圍仲痴滿咗memo紙，比香港人自由咁發表佢哋任何意見🔖，而佢哋每逢星期一至四5點前入座仲有全單九折優惠😍，我緊係唔會錯過啦✝️極上芝士蟹皇沾麵 $159拉絲芝士配上香濃蟹蓋蟹皇，加$10要埋飛魚子一齊食，啖啖新鮮蟹香唔喺講笑😋。元祖嘅沾麵喺用咗日本小麥粉去整，呢款極太麵粗幼度比平日食開嘅粗身，將麵粉同水份控制喺一定比例之內，大概就喺含水量40％，食落麵質好彈牙。加咗$8轉龍蝦湯，裡面有唔少龍蝦肉同豚肉🦞，將冷泡過嘅極太麵浸入熱辣辣嘅龍蝦沾麵湯裡面，凍同熱嘅衝擊令麵嘅溫度啱啱好，每啖都濃郁而唔膩，我非常鍾意💛。碗入面仲有4塊肉香軟腍嘅豚肉叉燒、半隻流心半熟蛋、紫菜、竹筍、蔥同木耳，夠晒豐富🤩餐枱側面嘅牆身仲有食沾麵教學，可以先將碗入面嘅青檸榨汁調味，然後將涼麵條浸

我男朋友和我都好鍾意食拉麵，所以常幫襯不同日式餐廳，而最近我做到少少工作上的成績，簡單慶祝下當然要和佢一齊來到位於尖沙咀一間，以日式沾麵為皇牌的日本專門麵店啦！而我們今次一起吃簡單啲， 但都好好味的「豚肉叉燒拉麵 」驚喜地叉燒豚肉好教有口應，原來採用鹿兒島的豚肉的，軟軟哋又濃厚日本豚肉風味呀！而且位置好方便，便係尖沙咀厚福街地址， 近我上班呀！元祖沾麵專門店香港九龍區尖沙咀厚福街 5-6號多富閣地下5號舖

最近朋友介紹有間麵店出品一些到桌上都仲係熱乎乎的日式沾麵 ， 我馬上想去， 默記得以前日本時都有食過的， 之後在香港冇再在機會食， 所以心思思來到！這店面積細啲， 但充滿日本特色的拉麵小店，當然特別難忘是品嚐沾麵了，有個皇牌：極上芝士蟹黃沾麵 ，石鍋內的湯十分「激動」呀！再配上蟹膏蟹肉份，上面芝士味道濃郁 ，加上溏心蛋，豐富爆！豚肉叉燒魚介拉麵 叉燒豚肉採用鹿兒島的豚肉，肥瘦適中，真心好味！元祖沾麵專門店尖沙咀 #厚福街 5-6號多富閣地下5號舖

係公司附近所以想試下佢啲野食既賣相不錯但係食完啲拉麵個個同事都話勁口渴好重味精 我個don飯就唔夠味但係食完返到公司都係勁口渴但係間鋪既裝修ok 啲位再寬少少更好所以真係唔洗特登去食