元祖沾麵專門店

營業中

休息中

依間絕對係我喺香港食過，湯底最濃厚，味道到最好食嘅龍蝦湯底沾麵入到餐廳，所有嘢都好自助，啲調味料同埋配料已經放晒喺個架上邊湯底同埋配料都有好多選擇，想食平啲同貴啲都得，有龍蝦同埋海膽又會再貴啲不過一場嚟到，都好建議食龍蝦湯底😹元祖終極龍蝦沾麵！本身碗麵都好大碗，啲叉燒又唔特別肥，食落係好好食，麵都好夠硬同乾身😻湯底係個重頭戲，勁濃郁，入邊仲真係有龍蝦㗎！雖然唔算好多，但勝在個湯底夠好味😋入邊仲有啲厚豚肉因為個湯底太杰身，飲完真係超想飲水，店員都好貼心，自動不停幫我哋加茶如果想飲埋個湯底，可以食完面之後，叫店員幫你加木魚湯，咁就可以一啖飲晒個湯啦

前幾日去左呢間bookmark左好耐嘅沾麵店食沾麵，一入座就有印住元祖icon嘅紙巾附送，得意得黎又實用，幾貼心。極上芝士蟹皇沾麵 $148個湯有濃厚嘅芝士海膽味，一送上枱已經聞到好香。沾麵湯由熱石鍋盛載，上枱嘅時候仍然係沸騰嘅狀態，令人食欲大增。拉麵爽口而且掛汁，放入麵湯之後好快就吸收哂個芝士味，口感濃而不油膩，值得一試。蟹蓋面有一層焗芝士，將蟹膏嘅芳香留住係殼入面。食落去有蟹嘅鮮甜又有芝士嘅黏稠口感，而配菜嘅蟹籽沙律就為口腔帶黎返清新嘅爽脆，一道菜有三種感覺，抵食。濃厚豚骨叉燒拉麵 ($79)拉麵嘅豚骨湯底名副其實真係好濃厚，麵底份量好足，一個人食一定夠飽。流心蛋係全碗麵嘅精髓，吸哂豚骨湯嘅味。店舖提供白芝麻同七味粉俾顧客自行調味，我自己覺得湯底本身已經足夠，不過想食濃味啲嘅朋友可以再加。本身已經覺得幾抵食，最後埋單嘅時候仲有全單九折，性價比即刻再upgrade! 唔怪得之咁多人食。

我放假喜歡去尖沙咀厚福街揾食。今天和妹妹去受歡迎的元祖沾麵打卡。我們下午四時左右到，好彩等了一陣便有位。我們叫了極上芝士蟹皇沾麵($148)和䐁肉魚介沾麵($89)。朋友推介，極上芝士蟹皇沾麵是必吃的。果然名不虚傳，真係無介紹錯，好好食。拉麵大大碗上面有多塊叉燒，竹筍，半隻半熟蛋，葱，青檸等。金黃色的濃湯用一個熱辣辣的窩上，上到桌濃湯還在滾着。湯有香濃的芝士海鮮味，湯內有香甜新鮮的海膽，還有䐁肉和少少龍蝦肉。另外還有一碟芝士蟹蓋。厚厚起絲的芝士下面是香濃的蟹羔，趁熱吃會更好味。將涼的拉麵放入熱湯內沾滿濃湯大口吃，好味過癮。熱湯可以添加。吃完碗麵又飽又滿足，正 !妹妹選的䐁肉魚介沾麵也很好味。魚介湯有魚，雞和肉骨的鮮味。好食抵食。妹妹讚叉燒和半熟蛋高質美味。整體而言，這裏的沾麵有水準和特色，種類多元化，值得推介。店生意好，但店員仍能殷勤服務顧客，自動替顧客加茶和湯，讚 ! 暫時未能去日本遊行，我推介你來吃沾麵頂頂癮，支持本地小店。

·超邪惡嘅沾麵🍜💛沾麵湯係用石窩裝住，上枱個時滾到起泡～再加埋凍嘅沾麵，冰火嘅口感真係勁正🥰每碗沾麵都有4塊有燒過嘅薄切叉燒，啱晒食肉獸😆湯底有4款選擇，分別係魚介、赤海老、龍蝦、芝士海膽👦🏻👧🏻小編就試咗龍蝦同魚介湯，比較鍾意龍蝦個款，都幾濃味，仲有幾粒龍蝦肉🦞而且4款都可以免費加湯，仲係加翻本身個款湯頭，加完唔會淡味咗～極上芝士蟹皇沾麵 $148豚肉魚介沾麵 $89———不專業評分💯食物指數🍴: 💛💛💛💛🤍環境指數⛱: 💛💛💛💛🤍抵食指數🤑: 💛💛💛💛🤍推薦指數👾: 💛💛💛💛🤍———📍元祖沾麵專門店 Ganso Tsukemen尖沙咀厚福街5-6號多富閣地下5號舖

相信沾麵愛好者都知道，喺香港要食到好食嘅沾麵都唔容易🤫喺尖沙咀嘅元祖沾麵專門店相信都算係出名嘅一間。除咗可以支持同路人之外，入邊最出名嘅莫非就係芝士沾麵配海膽啦～-不過當日嚟到我就無試到佢嘅芝士沾麵，怕膩嘅我都係食咗啲比較大路嘅。-1）豚肉魚介沾麵 $89 加輕量海膽 $69 🌕🌕🌗🌑🌑魚介湯偏鹹，但湯底算係濃厚，可以掛到麵；不過食到中途有機會會覺得味道太濃，連係重口味患者嘅我都會覺得需要飲多幾杯水🤫麵條口感一般，比較淋身，豚肉就真係真係好薄嘅一塊😢好多人嚟到都會想食個海膽，但我會覺得$69得咁小嘅份量嘅話我唔係好值得，同埋海膽唔夠creamy，冇入口即溶嘅感覺～總括而言都唔建議大家加購海膽呢😢-雖然覺得今次食嘅麵唔算太好食，但係始終間舖頭都仲有好多其他味道嘅湯底，我認為對芝士或者龍蝦湯沾麵興趣嘅朋友都可以照去試～-元祖沾麵專門店味道：🌕🌕🌕🌑🌑價錢：🌕🌕🌕🌑🌑環境：🌕🌕🌕🌑🌑

第二次嚟食呢間沾麵啦💛有冇人鍾意食沾麵，但唔鍾意拉麵架？🤣沾麵嘅湯係用石鍋裝住，好熱，非常熱🔥湯入面有幾舊豬肉，唔夠湯仲可以refill·💛極上芝士蟹皇沾麵（普通）180g $148好邪惡！詞窮的我諗唔到比呢個更好嘅形容詞🌝首先係佢嘅芝士鍋🧀，好濃厚芝士味，上面嘅海膽新鮮又好大片，單食咗先，再撈埋芝士一齊食，不過食耐咗會漏同濟，同埋個湯鹹咗啲芝士蟹蓋🦀上面嘅芝士多到呢，因為太漏所以食唔到層芝士，不過入面嘅松葉蟹膏好多，係咁食都仲有😽撈落個麵食到一流·💛豚肉魚介沾麵（普通）180g $89我上一次就係食呢款！今次覺得魚介湯好似鹹咗啲😂，不過係幾濃味嘅，同埋好熱好熱，叉燒微燒過，但最好落去個石鍋整熱😚沾麵麵身夠彈牙，有口感，份量係普通size但超大，大到食唔哂😅將啲沾麵沾落湯到一陣，唔放落匙羹連湯食，就咁食就都ok唔算太鹹·🌟整體食物較重口味，服務不錯，環境一般

元祖有很多不同特色的沾麵， 有龍蝦、有海膽、黑松露等，噱頭十足， 沾麵加入海鮮元素， 咁吸引， 入去試一試， 餐廳坐滿食客， 應該唔錯有咁多款選擇， 最後點了必食項目， 極上芝士蟹黃沾麵($148)， 濃湯熱辣辣奉上， 太滾燙了，等他稍涼一下， 試一試，湯底十分鮮甜， 味道有點像西式的龍蝦湯， 但更加濃烈， 除了拉麵上有數片叉燒之外， 湯底內竟然都有豚肉， 而且應該還有一點龍蝦肉， 這麼多配料很有驚喜。 這個湯底十分掛麵， 把一撮拉麵放進去沾一下，已掛上了差不多一勺子的湯，所以湯很快便見底，但唔緊要， 這裏有無料(免費)加沾麵湯底， 唔夠可以再加，好正芝士蟹黃像極甲羅燒，滿滿的松葉蟹膏上是一層焗香的芝士， 亦鮮甜又芝味另一款經典的濃厚豚骨叉燒拉麵($79)，也不錯， 很喜歡叉燒有快速灼燒過，充滿油香味， 又有燒香的味道

新年行大運，當然要周圍逛下啦！尖沙咀厚福街有咁多嘢食，但諗到新年要旺一旺，要沾一沾好運，當然要去黃店元祖沾麵食下旺下先😜🔸濃厚豚骨叉燒拉麵 $79熱辣辣濃香豬骨湯，入口順滑，飲落又唔會有油膩嘅感覺！拉麵爽口彈牙，食完暖笠笠😙叉燒又夠大塊，咬落夠爽！🔹極上芝士蟹皇沾麵 $148用石鍋裝住濃湯夠哂滾🤩，湯入面仲有一件海膽，夠哂鮮甜！濃湯入面有好多一口豚肉，好腍！當沾麵一放入石鍋裏面，就即刻掛滿濃湯！口感勁豐富！勁香濃！蟹皇味道濃厚，夠哂美味😋溏心蛋好腍，好入味！一邊食，一邊流心😍

之前聽過好好食想一試，今日終於去試，我叫左芝士海膽沾麵，家人叫左蟹糕果款，我覺得海膽質感一般，芝士湯味道ok,但我地食完番到家後都肚痛肚痾，我仲又痾又嘔，然後上黎睇d食評，原來都有其他人提過食完肚痛肚痾，中左伏，無下次！如你自問腸胃好唔怕先好試！

今日要經過尖沙咀返工，突然好想食沾麵，腦海浮現呢間🤣超吸睛嘅成版海膽同成個芝士蟹蓋都好吸引🤩.芝士蟹皇沾麵 $148熱辣辣嘅沾麵湯滾住上，入面有少少龍蝦肉同豚肉，放落沾麵湯度好掛湯！另外仲有芝士蟹蓋，芝士燒到溶哂，蟹膏混合少量蟹肉，同沾麵一齊食好豐富😋原來可以叫店員無限加湯，齋飲左幾啖都覺得好好飲🤣有少少似西餐嗰種龍蝦湯🤪🤪🤪.濃厚豚骨叉燒拉麵 $79湯底都好濃豚骨味，拉麵係幼身啲，同沾麵又另一種口感

今日同女朋友行尖沙咀，醫肚覓食一定非厚福街不可，見到間細細間沾麵店又未食過，於是就入去試下，都座無虛席，部分設計好似日本拉麵店，每人一格，好適合獨自用餐或情侶兩人。我們叫左兩個不同味的沾麵。極上芝士海膽沾麵（＄158）： 女朋友最愛海膽，必食之選，非常有驚喜，一板新鮮海膽，入口溶化美味，大大碗的沾麵，份量非常巨大，加上三片大大的日式叉燒，半隻溫泉蛋和京蔥絲荀菜，沾麵的醬汁係芝士海膽叉燒粒濃湯，餐廳特色係用石鍋盛載醬汁保持其溫度，夾一大柱沾麵放入石鍋，浸兩下芝士醬掛滿沾麵上，配上新鮮海膽，食入口香味濃郁，粗身沾麵十分彈牙可口。豚肉魚介沾麵（＄89）：同樣是一碗份量十足的沾麵、叉燒和溫泉蛋，不同的是石鍋醬汁，醬汁係豚肉粒魚介醬汁，十分濃稠豬骨湯味，非常抵食。餐廳除了不同口味的沾麵，如豪華龍蝦沾麵、鮑魚海鮮沾麵，還有其他日式定食選擇。

人氣拉麵店，平日都好爆場. 好彩咁岩唔駛排隊可以walk in。到處黏滿Pepe 同連儂memo 好加分💛 今次叫左個極上芝士蟹皇沾麵同濃厚豚骨叉燒拉麵極上芝士蟹皇沾麵 $148滿滿芝士好澎湃，芝士控應該會超愛. 沾麵比拉麵粗身d，會較有口感。浸係芝士濃湯好重芝味連蟹皇都係鋪上芝士再燒過. 蟹皇好鮮甜，而且好足料蟹膏幾好食。呢個定價幾抵食濃厚豚骨叉燒拉麵$78叉燒量都唔少，拉麵口感唔錯，唔會太腍. 而糖心蛋正好係半熟，如果濃味d 更好

今日出尖沙咀整頭髮💇🏻‍♀️好掛住日本嘅沾麵，朋友講尖沙咀有間人氣沾麵店，成日都好多人排隊，所以就決定試下😍門面已經覺得好日式，一路排隊，有電視睇下點食沾麵。店內都唔算好迫，有吧枱，同卡位睇下餐牌，都有唔少特色嘅沾麵，當中主打蟹皇，海膽同龍蝦嘅沾麵最特色🥰我揀左極上Raclette 芝士龍蝦沾麵😍龍蝦係即焗🥰所以送上黎熱辣辣，仲可以拉絲🤓龍蝦🦞大隻❤️同超多羔😋肉質彈牙，鮮甜🤤龍蝦汁係用石鍋上嘅可以保溫👍🏻 沾麵係粗身，放左入湯，沾上龍蝦汁入口，味道好鮮味，又唔會咸👍🏻龍蝦汁入面仲有龍蝦肉，同豚肉粒🙌🏻糖心蛋都好好味😋

尖沙咀嘅厚福街真係有好多嘢食，今日同朋友經過見到呢間沾麵店就嚟咗試試。好耐冇見個朋友，今日一見如故，傾咗好耐計。極上芝士蟹黃沾麵（普通）180g $148嚟到梗係要試佢哋最有特色嘅沾麵啦！今次依個沾麵份量好大，總共配有三碟唔同嘅嘢食。我講吓最大碗嗰個先，除咗有一大碗麵之外，仲配有四大塊叉燒、筍、洋蔥、糖心蛋同埋紫菜。麵嘅份量好大，麵質彈牙。叉燒有火炙過，好香，好好味。糖心蛋仲充滿醬油味添。之後到沾麵嘅湯，一嚟到係滾嘅狀態，啲湯仲煮緊緊，好熱，仲散發出淡淡芝士香味！芝士蟹黃湯上面有好大份海膽，海膽新鮮、鮮甜、美味。個湯杰身，芝士味好濃，用嚟點啲麵條真係好味。芝士蟹黃湯嘅份量都好多，一定夠沾晒所有麵！如果你哋覺得唔夠嘅話，仲可以免費加湯添！第三碟就係一個蟹蓋，蟹蓋入邊有蟹肉同蟹膏，好豐富，好鮮甜美味。面頭仲鋪滿芝士，好香！濃厚豚骨叉燒拉麵（普通）$79除咗沾麵，我哋仲試埋拉麵。依個拉麵一樣好大份，裏面有四大塊豚骨叉燒、有洋蔥、木耳絲、糖心蛋同紫菜。一嚟到嗰陣已經聞到好香，啲湯好濃郁，又唔會好油。拉麵麵條偏幼，質地控制得好好。木耳絲同埋洋蔥脆脆地，發揮左增加口感嘅作用。糖心蛋一樣好好味，個蛋

上次食過普通既豚肉沾麵，今次決定食豪啲，試下價值$175既極上芝士海膽沾麵。石鍋裝住滾燙既芝士湯，睇見都想食。成版海膽雖然唔係大大份，但又幾鮮甜完全唔腥。湯入面有粒粒叉燒。呢個沾麵好食過普通果隻好多呀。