元祖沾麵專門店

營業中

休息中

之前第一次元祖沾面就覺得好正，成日心思思想再返黎食元祖沾面仲係同以前一樣都會係坐爆上次食完龍蝦，今次就試下佢地既海膽我哋叫咗個極上芝士海膽沾麵（$158）同埋濃厚豚骨叉燒拉麵 （$79）豚骨叉燒拉麵就咁望落去已經好豐富，上面鋪滿左叉燒仲有溫泉蛋、木耳絲、筍條等等嘅配菜不過我始終都係鍾意極上海膽沾麵多啲，海膽沾麵嘅叉燒仲係輕火炙過，更加香口個海膽見到已經流晒口水，一睇個樣已經知道係高質嘅海膽非常鮮甜，味道濃厚，個湯底都好濃味，入面仲有豚肉粒，真係幾正又係會返轉頭食嘅系列

由於太掛住日本既沾麵，所以黎左食呢個濃厚豚肉沾麵。一上枱見到有個石鍋覺得幾有誠意，因為沾麵就係凍麵熱湯咁食。佢個麵質唔錯，個叉燒就太肥喇。另外最中重要既湯—太咸😭。

疫情下都係好多客情迷元祖拉麵，或者好似我呢啲思鄉病發作好想食番碗沾麵/拉麵...沾麵配上芝士蟹黃，普通嘅180g剛剛足以夠我地食，因為除咗麵底，四塊豚肉都整得好香口，配上流心蛋、紫菜，我見其他人都另外再有加湯，不過我地就原汁原味食清光！大滿足！拉麵湯底味道適中，啱晒唔鍾意味精濃味嘅你，啖啖鮮甜，拉麵豚肉同沾麵豚肉望落相似，實質做法不一！兩款都好香口，豚肉油脂比例分佈平均，有四塊都係件好開心嘅事，滿足下我肉食女嘅心...

未食過咁難食又離譜的拉麵店。。。真心唔明點解openrice/ig有咁多好評。叫了兩個整板海膽芝士沾麵，外表賣相真係幾靚。好可惜海膽腥到一個點，要沾滿䜴油先cover到個陣腥臭味，而且有砂，食到個口確確聲，外賣刺身店質素都好過佢。個芝士湯底又咸又傑，食滯容易過食飽🙈最嬲係佢居然有加一同附加費，茶同紙巾全部都要課金，仲以為飲茶先要比茶錢，而且座位都幾逼，同鄰座貼住手臂咁食，真係no next time🥲🥲

極上芝士蟹王沾麵想食好耐啦😍😍😍之前喺社交平台睇到人哋post成個蟹殼都係芝士同蟹膏amazing !!!呢個天氣食到沾麵真系好幸福😍😍😍嚟到成個掛湯系好滾好熱 每食一啖都好溫暖 個芝士底超級濃密 每一下都系芝士同海膽 好滿足 成個蟹殼全部都係蟹膏每一啖都係蟹膏同芝士 OMG!!🦀🦀🦀🦀🦀另多一款豚肉魚介沾麵有系好足料好香呢到湯底全部免費添加😍😋每碗面上邊仲有四塊燒到好香嘅豚肉每塊都油脂感滿滿 食完呢個Lunch 好滿足😘😘

係沾麵啊🤩🤩元祖級嘅沾麵你又試過未呢？喺尖沙咀厚福街嘅元祖沾麵專門店最出名就係佢呢個熱騰騰極上芝士蟹黃沾麵。配上芝士焗蟹蓋同埋飛魚子沙律菜。芝士焗蟹蓋啖啖蟹膏，鮮甜香口～芝士蟹黃沾麵用石鍋載着，上枱嘅時候離遠都感受到佢嘅熱度，真係熱力迫人！仲可以無限加湯 😍😍湯底味道好濃郁～😋裏面仲有龍蝦肉同埋豬腩肉。夾一啖沾麵點一啖湯每一啖都吸收左湯嘅精華，非常好食👍🏻！只見食客埋頭苦幹品嚐着這天堂級的美食～🥰另外仲叫咗濃厚豚骨叉燒拉麵🍜有別於其他出邊嘅拉麵店，食完唔會太口渴。佢嘅湯底用豬骨湯煲成，直情連湯都可以飲埋呀！麵條夠煙韌，夠晒大碗，配上一塊塊叉燒同埋流心蛋。叉燒厚度適中，肥瘦均勻，oishi～下次經過呢條食街一定要黎試下啦！

我同女朋友叫做咗海膽沾麵同龍蝦沾麵。佢個海膽質素都可以，都叫新鮮同鮮甜，但係我叫咗增量100%，佢嘅份量都係望落1板都無，好少！！。然後隻龍蝦嘅質素就一般般，肉質唔夠彈牙同爽口，而且無咩鮮甜味，強烈唔推薦。而佢個沾麵汁方面，個芝士汁都唔錯，幾香芝士味，但食得多就會有啲厭。而個龍蝦汁就一般般，無咩特別。仲有，最仲要係佢綠茶要收錢，係我地無叫嘅情況下，職員自動擺低杯茶，最後埋單竟然要收返錢！！！ 如果你係好有錢，我覺得都唔使試，因為個價錢唔值得。我地平均每碗180，但係佢食物質素唔係特別好。

這條厚福街充滿很多的黃店，所以這天就到厚福街隨便找一間餐廳進食，便看見這家黃店內貼滿Memo，終極黃，所以就進來試試。之前已經聽過元組拉麵店這間店，終於可以來試一試。這間拉麵店有很多不同花款的沾面，例如海膽湯底龍蝦湯底，但是我們這次選了最原始的沾麵，特製八代海赤海老沾麵。一向都不太喜歡沾麵，因為覺得沾面湯太鹹，但這家的湯不太鹹，但是夠濃郁，對我來說恰到好處，但略嫌沒有驚喜，普通，麵質就如其他沾麵店一樣也是很彈牙in銀的。總括來說經過厚福街又想食沾麵的可以一試，支持黃店是常識吧！

一直都知呢度沾麵有好多千奇百怪既湯底直到知道佢係黃店而且推出左海膽湯底就黎左面聖因為我係超級海膽迷🤩海膽沾麵比普通沾麵貴好多要百幾蚊食一個沾麵佢上菜既時候見到成板海膽超吸引都好期待會係咩味道但失望既事情發生了我寧願一開始淨食左個海膽因為兩樣野係完全唔夾完全浪費左海膽呢個食材😫😫😫😫成件事都令我好失望雖然仲有其他湯底但都唔係再太敢試了😢😢😢😢黃店值得支持 但都好希望講究噱頭之餘可以改善味道😢

厚福街成條街都係食肆，今日搵左間有沾麵食嘅拉麵店，本身我好鐘意食沾麵，因為貪佢個汁夠濃，同埋鐘意食粗麵。點左個極上芝士蟹皇沾麵，個湯汁用上石鍋盛裝熱辣辣好濃烈蟹味，最正係大大件海膽非常之鮮甜正到呢.....仲有埋豚肉粒，用料十足，講埋個流心蛋好好味，個麵好彈牙。推介下個蟹蓋，全是蟹膏非常之鮮味，上面加埋芝士實在滿足👍🏻👍🏻👍🏻再點左個濃厚豚骨叉燒拉麵🍜叉燒整得好嫩滑有小小燶邊先好食😋濃濃豬骨湯底正正正。

最初係比佢金金黃黃嘅海膽沾麵而吸引🤩 估唔到除咗野食，連間舖嘅裝修都黃到金，係久違嘅memo紙😍😍 成餐都冇悶場，淨係睇到夠飽😂極上芝士海膽沾麵 ($175)係原板海膽上‼️呢個價錢已經包咗沾麵同原板海膽，絕對冇得嘆😇 仲要係高質海膽😍 鮮甜唔苦🤤🤤而沾麵湯就充滿芝士香😂 就好似芝士龍蝦伊麵嘅芝士香，不過就蓋過海膽嘅鮮，但都會食到粒粒熟左嘅海膽🤣龍蝦沾麵 ($88)石碗入面嘅湯係沸騰嫁，真係好興奮🤩 個湯係濃濃濃龍蝦湯🤤 龍蝦味極重，但又唔會覺得好咸，食完唔會好口渴。湯好夠傑，麵非常掛湯😋 麵質夠彈牙，唔腍，唔會痴住好難夾👍🏼另外要提提大家，如果冇另外叫野飲佢會收每位$5茶錢😂😂 唔好以為佢計錯錢🙈🙈🙈

厚福街一向都多好野食今日黎到就決定食沾面一坐低待應就俾咗包紙巾我地真係好貼心 岩哂用黎包住口罩今次同呀妹一人嗌一款我地豪不猶豫揀咗蟹皇果款另一碗就食返魚介一齊share兩碗都有齊叉燒 流心蛋 竹荀 青檸同紫菜極上芝士蟹皇沾麵 普通180g ($148)呢碗係芝士海膽湯底最驚喜係真係撈到一粒粒海膽熟咗既海膽食落質感似魚春 幾特別另外仲有芝士味噌甲羅燒同大量飛魚子平時食甲羅燒好怕會太鹹呢個鹹味岩岩好 啖啖鮮甜蟹肉加蟹膏 好滿足豚肉魚介沾麵 普通180g ($89)呢個魚介湯底都好正 仲有好多豚肉粒特別想讚叉燒燒得幾香 肥瘦適中 肉質唔錯總括黎講 冇得去日本既日子 黎呢度食下沾面止下癮都唔錯~~

又來一次最後的晚餐～今晚同朋友黎左厚福街一間沾麵店食飯，好彩我地黎得早，一路食，一路勁多人入去。小店空間唔算大，但枱與枱之間有分隔好，感覺都頗安全。極上芝士蟹皇沾麵 HKD148麵既份量好多，質感唔錯，煮既時間掌握得唔錯，彈牙得黎唔會太軟或者太硬。我呢碗既芝士汁好香濃，而且比較杰身，容易掛上麵身。蟹皇係另上，有蟹蓋裝住滿滿既蟹羔，夠鮮甜同濃味，隔離仲有好多蟹籽，勁吸引。另外糖心蛋入味，蛋黃金黃色好靚～叉燒肉質唔錯，唔柴唔乾，有啲肉香味。豚肉魚介沾麵 HKD89朋友點既～我試左幾啖～～～質地都好濃厚，容易掛麵，仲有濃濃既魚介香味。整體黎講，用餐感受唔錯。店鋪面積唔算好大，但坐既位置安排得算幾好。沾麵麵質亦做得好，粗身，亦夠彈牙，唔會太硬或者痴埋一舊。沾麵既湯亦十分夠味同濃厚，價錢相宜。

呢間舖頭之前上過蘋果話係史上最伏嘅舖頭，但係因為嗰日太想食沾麵，淨係知道附近有呢間黃店所以都係過咗嚟食，抱住個心態希望俾人鬧完之後有進步首先，冇再有收紙巾收費，有紙巾提供不過係免費，但係綠茶會照收$5 (因為睇到好多人話之前會亂咁收費) 睇返meun ，成件事都幾伏味重，例如想食海膽或者龍蝦，佢有四五個升級版俾你揀，個湯濃味啲都要加$30。。。但係我淨係想食個沾麵，就叫咗最低價錢嗰個芝士海膽沾麵湯底好濃稠，湯入面嘅肉完全冇味唔知點解，而且我叫芝士海膽剩係得芝士味，少少海膽味都無，仲要我冇叉燒，但係我個朋友同樣價錢都有，食到一半先知。。。。跟住睇返有咁多個級數就覺得佢係搵藉口想你加錢。。。 我覺得唔係加錢嘅嘢先應該要好食，都收人$100，冇理由咩海膽味都冇。。而且等候時間都幾長。。如果你好有錢去食嘅話你可以試吓，但係我唔鍾意係咁叫我加錢加錢跟住仲要講到自己好似好抵食咁，你係要用海膽龍蝦做噱頭但係整唔到平價錢嘅話就唔好有咁多級俾人揀，一係你就直接sell 貴嘅，但係好食嘅，唔好俾啲垃圾人哋做option。。。

呢間超人氣沾麵黃店喺厚福街嘅光榮冰室附近～店內環境有啲迫，周圍貼滿文宣同memo💛 食物方面有超多唔同口味嘅沾麵揀，仲有拉麵同飯類，實有一款啱你口味！.▪#元祖龍蝦沾麵 $105▪️一上枱就聞到好香嘅龍蝦味，雖然沾麵汁入面冇龍蝦肉，但個汁嘅龍蝦味係超～濃～郁🦞！沾麵較粗身，掛汁一流，食落同三田製麵所嘅麵差唔多，都係咁正😋 之前只係食過豚肉魚介味嘅沾麵，未食過其他口味，原來沾麵配埋龍蝦汁真係好夾好好味😍不過食到最後有啲啲漏🤪配菜有豚肉、半熟蛋、荀、紫菜等。豚肉表面有燒過，少少肥好好食😍半熟蛋煮得啱啱好，睇相都見到有啲蛋汁流咗出嚟🤤另外龍蝦汁入面都有幾舊比較瘦嘅豚肉，都幾好食。食沾麵最怕個汁好快凍晒，所以呢間店就用咗個石燒鍋裝沾麵汁，一上枱啲汁係超滾🔥，到食完成個沾麵，啲汁都keep到熱熱地唔會完全凍晒🥰 另外如果唔夠沾麵汁，都可以免費添加，好貼心！食完沾麵仲可以加木魚湯落啲龍蝦汁到，飲埋個清清地嘅湯解膩，有唔同享受🥰▪️#濃厚豚骨叉燒拉麵 $79▪️嘴刁仔其實麻麻地沾麵（但好有愛地陪垃圾口🙍🏻‍♀️食🤪💛），所以揀咗拉麵～配菜有豚肉、半熟蛋、荀、紫菜、木耳絲等。豚骨湯底唔夠濃，拉麵🍜亦比較普通，