元祖沾麵專門店

營業中

休息中

午餐時間同同事去了厚福街這間長期排長龍的沾麵店，今次我們就避開了超級繁忙既午市時間，下午2:30先去食，雖然都係要排隊，但等候時間就快一點。餐廳的沾麵是最出名，所以是必試。極上芝士蟹皇沾麵$148用了石鍋新鮮滾熱辣送上枱，石鍋內的芝士蟹皇汁內還有些海膽及角切肉，粗麵沾上了醬汁後每啖都充滿芝士香，又帶點蟹膏鮮甜味，而且很creamy。麵質爽口，加上竹筍、木耳等配料，叉燒燒至帶焦香，每片切成薄薄的一片，肉質嫩腍帶點豬肉香。另外還有芝士蟹蓋，芝士表面燒至變焦呈起司狀，裏面是啖啖鮮甜蟹膏。濃厚豬骨叉燒拉麵$78拉麵彈牙爽口，湯底帶濃郁豬骨香，份量十足。埋單還有九折優惠。

厚福街一向多餐廳，唯獨呢間...我每次經過都係大排長龍，我專登揀Lunch hour後先嚟，依然係坐滿食客勁爆場👍🏻今次終於有機會試下呢間傳說中嘅沾麵。「極上RACLETTE芝士龍蝦沾麵」聽個名已經覺得正，見到隻龍蝦都嚇親，好大碗 ,果然有份量，配合埋佢教法指引跟住食，真心覺得正。龍蝦好新鮮，仲大大隻（附圖 同紙巾嘅對比）夾起麵沾在熱辣辣嘅湯汁，超濃郁龍蝦味，裡面仲有爽口龍蝦肉。口感同味道確係令我未食完已經諗定下一次再嚟。埋單發現仲有九折，有質數，真心抵食好食。

喺厚褔街食過無數次lunch 都無留意有呢間沾醬麵，今日同事話想試，咁就嚟試下，門囗好細，一啲都唔起眼，唔怪得完全無印象。入到去好有東京感覺，因為播住日文歌，啲位好迫，仲有好多面壁自閉位🤣, 每張檯都有七味粉，醋同紙巾，好貼心，位下有籃可擺袋💕。睇返menu , 認真，有圖有日文，單價都唔平，我地都要豚肉沾麵。嚟到個沾醬好熱🔥，個麵份量好多，有豚肉三塊，半隻糖心蛋，青檸，紫菜同大量筍，湯好濃味仲有肉喺入面好足料👍，豚肉唔係烚熟，係用火槍燒過，所以香啲。整體味道幾好，不過位太迫同有啲貴，雖然5點前入座係有9折，但需茶錢同加一，唔太親民😏。

呢間舖頭成日經過厚福街都見到佢大排長龍，難得今日平日休息可以早啲嚟，唔使排太耐就可以入座餐廳係一間黃店，成間餐廳都似滿咗手鐲留言嘅Memo紙，係最動人嘅裝飾我哋兩個人，一人叫咗一碗沾麵，叫咗一碗極上蟹黃沾麵同一碗魚介豚肉沾麵極上芝士蟹黃沾麵 $148個沾面湯好龍，超級香嘅芝士，掛湯到100分，每條面都充滿着芝士湯，非常好味。依個蟹肉都非常新鮮，食落好鮮甜好襯個芝士湯 豚肉魚介沾麵 $89個魚介湯想到嘅時候仲係熱辣辣，10分抵讚湯底唔算太鹹，濃稠度亦算OK，每一條麵都能夠沾滿湯汁，值得一讚嘅係佢嘅叉燒係博切嘅，每一篇都好香火炙嘅味道。佢面嘅份量非常之多，正常女仔適量一定食唔晒好味的沾麵店，唔怪得成日都排長龍

位於尖沙咀厚福街呢條食街，佢舖頭細細 可能行過會直接錯左佢 但係原來真係會臥虎藏龍 別有洞天！ 舖頭位置好窄，大家食完就會離開 因為等待既人實在太多 你想坐多一秒都覺得唔好意思🥲🥲🥲🥲🥲沾麵源於日本，我會夾一小撮麵浸去石鍋湯入面三秒，直到成撮麵索哂汁 即刻擺入口石鍋湯既好處係，湯長期保持温度，就算你逐條逐條食 都唔會影響到質感我中意既龍蝦湯湯底有好濃既龍蝦味 絕對唔呃你 真係好好好好好食 如果你地中意食芝士海膽 亦都係唔錯既選擇

行過尖沙咀呢條食街，見到呢間平時排長龍的沾麵店得幾個人排隊，感覺好似就快排到，一於試下啦！果然，排左10幾分鐘就入到去...我叫了豚肉魚介沾麵，朋友嘅唔記得佢叫左咩啦🤣一上來，魚湯仲滾緊...試左啖湯，味道好濃，讚👍將麵放入湯到，麵能夠沾到魚湯上來，麵條厚身，麵條與魚湯配合得好好👍隻蛋仲有少許流心😍😍食到一半，店員見到湯食得差唔多，就會同我地加返少少湯，見到店員挪住咁滾的湯行出行入，都想讚下佢哋👍👍

呢幾年成日經過厚福街都見到有間排晒隊嘅良💛沾麵店 更因為咁 身為 #沾麵控 嘅XXG要入去懲罰一下佢哋🤔 *店舖選用粗身麵180g 比較煙韌彈牙 值得一讚係掛湯能力高👍🏻 叉燒簿切 可惜溏心蛋未算入味😶 可按喜好揤上青檸汁 更加開胃~▪️7.5/10▫️<< 極上芝士蟹皇沾麵 >> $148 加<< 飛魚子 >> $10沾湯食到多舊龍蝦肉 湯底夠杰身 有蝦殼鮮味 卜卜脆飛魚子有海咸味 加小小落沾湯更鮮🤟🏻 另上浜燒雪蟹蓋 釀入超多蟹膏❗️再配上烤到焦香嘅拉絲芝士 極邪惡😈 加埋飛魚子一齊食好鮮甜☺️▪️7/10▫️<< 豚肉魚介沾麵 >> $89 湯底都係杰身 面層落左魚介粉 有濃厚豚骨味同淡淡魚香 唔會死咸🌿店內多處設有#連儂牆 同文宣💛💛～ 裝潢好日式 播住日本經典j-pop 岩晒一眾日本控🤣🐽總括而言 沾湯用石鍋滾住上枱 保溫做得唔錯🔥 香港嘅龍蝦湯沾麵較少 幾特別 而且價錢唔貴~ 值得支持‼️ ️💛🙏🏻💛

尖沙咀厚福街是一條食街，出名多嘢食，元祖沾麵專門店就在厚福街，店面不大但人氣爆表，經常大排長龍。招牌菜極上芝士蟹黃沾麵加飛魚仔：金黃色的芝士焗蟹蓋與紅紅的飛子魚仔，擺盤非常漂亮，買相十足，熱辣辣石鍋里有好多料，龍蝦湯底，鮮甜濃郁，石鍋非常保溫，沾面煙韌掛汁，蟹蓋充滿芝士和蟹膏，口感豐富而有层次。濃厚豚骨叉燒拉麵：有叉燒、云耳絲、糖心蛋、紫菜、笋等，好足料，白色濃郁豚骨湯，叉燒好淋，肥瘦相夾，嫩腍好味。元祖沾麵令我回味無窮，以后會再次光臨。

放工同朋友出去尖沙咀食飯，去左厚福街搵好西食😋 由於果到不嬲都好多人搵野食，間間都排長龍，我地就入左間唔係幾使排隊又係黃既沾麵店💁🏻‍♀️芝士控既我就簡簡單單嗌左個芝士海膽沾麵，一上到黎係一大兜熱辣辣既芝士湯汁🤩，海膽就唔多見啦，應該係融左入個湯裏面，而沾麵既份量都幾多，仲有半隻溏心蛋。可能因為個芝士湯有返咁上下杰，沾麵非常掛到個芝士湯汁，有少少似食緊芝士撈麵😋 而湯入面仲有啲豬肉，都幾入味，但海膽就少左啲啲，食落仲有少少腥味，唔係太食到個海膽既存在，可能真係要嗌返原板海膽食先會更好😅而朋友就嗌左呢個龍蝦沾麵，佢呢個沾麵係跟左三塊叉燒既，叉燒望上去好吸引😍 朋友話佢個叉燒好好味，肥瘦適中，而個龍蝦湯都幾濃郁，雖然無芝士湯咁杰，但一樣咁掛湯！佢個湯入面仲有啲龍蝦肉同豬肉，啲料好豐富，呢個既性價比會高過海膽芝士果個好多🙊總括黎講，呢間沾麵店既沾麵整體黎講中規中矩，好似個芝士海膽沾麵咁，食落會似豬肉芝士沾麵多啲，海膽味唔太出🙈 不過值得一提既係佢個麵質食落好彈牙，軟硬適中👍🏻 而環境就一般般，因為坐落都係有啲逼，如果下次再食會試下加啲其他海鮮，應該會再好食啲🤔

尖沙咀食肆林立，長期都會見到呢呢間沾麵有人喺門口等位今日就決定係試一試！一入到去嘅時候，店員已經放上咗熱茶俾我哋仲熱情推介邊款面呢比較適合我哋今日就點咗極上芝士蟹皇沾麵🍜$148仲有豚肉魚介沾麵🍜 $89上菜嘅時候系用一個石鍋呢個湯呢仍然係熱辣辣仲喺冒出煙😍極上芝士蟹皇沾麵佢係口感非常之濃郁，沾麵嘅口感非常彈牙今年呢好容易呢成功就掛上左呢個醬汁！口感非常豐富而蟹黃既味道新鮮美味！豚肉魚介沾麵沾麵嘅醬汁呢都好鮮甜值得一提嘅就係豚肉肉呢非常之厚薄適，沾麵嘅配料呢亦都份量好多，非常實惠🥰

之前都黎過元祖沾麵幾次，對上一次應該係疫情之前黎過，6點左右黎到都見到有唔少客人岩岩坐低。都見到呢間店非常細心，事先每張檯都左紙巾同埋濕紙巾，非常細心值得一讚。今次就試下佢既推介極上芝士蟹皇沾麵同豚肉魚介沾麵。極上芝士蟹皇沾麵 ($148) - 個芝士蟹皇份量都幾大份，食落去幾鮮甜，味道唔錯。要讚一讚佢沾麵既濃湯，熱度非常足，食得出濃濃既龍蝦味，湯裡面仲有唔少既龍蝦肉，讚!!!豚肉魚介沾麵 ($89) - 豚肉份量都好多，味道都幾好唔錯，魚介湯味道鮮甜，順帶一提佢每款沾麵都會比一塊青檸你添一D味道，加係沾麵或者湯就添加左一份新鮮感。總括而言，元祖沾麵既款式都非常多，每款都有佢唔同既特色，性價比都幾高，值得一試。

Cheese Sea Urchin Tsukemen❤️🍜🍜🍜😍..一間尖沙咀小店，卻滿有日系裝修風格的拉麵店，而且長期人氣爆滿呢。拉麵🍜 吃得多，你又愛吃沾麵嗎❓ 這家餐廳主打沾麵🥢，但同時亦都有多款拉麵可提選擇呢。.最重要是什麼❓是一間黃黃的沾麵店，入內滿滿濃厚黃店佈置💛，一邊吃拉麵、一邊欣賞牆身預細節吧。而且餐廳很貼心，每枱都已經準備郵有logo 既tissue，照顧周到。.ll $158一場黎到，當然環試試他家招牌沾麵吧。極上芝士🧀，一碗勁濃濃Cheddar Cheese & 海膽味道的沾麵湯，色澤超黃💛 極濃好creamy。配上帶粗又夠煙韌既拉麵🍜，吸盡沾汁很惹味。.而且重頭戲：✨全港首創✨原板海膽😍，新鮮又鮮甜，餐廳一點都不吝嗇，隨餐跟上一板海膽🐚 供享用，愛吃海膽的你，一定能大滿足。.ll $79不吃沾麵，亦有湯拉麵選擇。拉麵🍜 幼身爽彈，叉燒🐽 薄薄但不少，其他配料都很豐富，仲有呈流心既溏心蛋🥚，正。..愛吃日本街頭拉麵🍜，尖沙咀確是多選擇。但又要是日系風，又要一間有heart黃店💛，這家你又會想試嗎❓但注意。。長期爆滿 要試就早點拎位喔。..×××××ש尖沙咀厚福街5

呢間沾麵店好出名，經常都大排長龍，據聞亦都係香港人嘅良心餐廳，但係我竟然從未食過，今日喺尖沙咀，就特登去食吓😁呢度有沾麵又有拉麵，兩樣我都鍾意食，但係既然餐廳個名叫「元祖沾麵專門店」，咁就梗係食沾麵啦，叫咗$168嘅「極上Raclette芝士龍蝦沾麵（普通）180g」，仲有9折😄龍蝦沾麵賣相好掂😍，大大隻開邊上嘅龍蝦上邊鋪滿熱熔咗嘅Raclette芝士，龍蝦鉗仲伸咗出個碗外邊，睇到都想食；而嗰碗沾麵汁放喺個小鍋裏仲熱到「蹦蹦聲」😆，食到尾都仲係熱嘅😋龍蝦肉新鮮結實，裏邊仲有啲紅卜卜嘅「龍蝦子」，超正😋。沾麵麵身夠硬啱我口味，沾麵汁非常濃郁仲有啲smoky龍蝦味😋唔可以唔提呢度有好多應該係顧客寫低嘅labels，香港已經極少餐廳見到有咁多文宣，呢間良心餐廳真係值得支持💪👍

裝修隔局有點像日本當地的食店，店內也寧靜，顧客們都在專注吃麵~極上芝士蟹黃沾麵加飛魚子~沾麵湯濃郁，但不杰身，亦能掛麵,湯中間還有數片海膽刺身~麵方面是烏冬來的，麵質煙煙韌韌，冷烏冬放進石鍋裡的沾面湯，放入口的溫度真是剛剛好~另外還有一個甲羅燒配一大堆魚子，甲羅燒上面放了一塊濃濃的芝士，下面則有滿滿的蟹肉蟹膏，配上魚子同吃，再多了一層口感👍👍濃厚豚骨叉燒拉麵~湯底濃濃的豬骨湯，叉燒有數片，而且幾好味，半隻流心蛋，一堆雲耳絲，份量夠的👍

開心時候食拉麵，不開心的時候也食拉麵。。。肚餓的時候食拉麵，不肚餓的時候也食拉麵。。。約我食飯的時候食拉麵，不約我食飯的時候。。。自己也食拉麵。我的朋友是一個名符其實的「拉麵控亅， 一有空最喜歡就是穿梭於大街小巷，品嚐不同店家的拉麵。今天他帶我來吃的這家， 最出名的就是吃沾麵， 據說沾麵也是拉麵的一種；但在香港，就是沒有拉麵般出名和普及。。。豚肉魚介沾麵 (普通size)180克 - $89這個沾麵醬汁是很濃的高湯， 喝一口便會感覺到有很濃的魚湯肉湯混合鮮味。 由於我不知道魚介是什麼，所以順道請教了一下 我的「拉麵控亅朋友， 得知原來是豬骨湯跟雞湯淆製而成的濃郁醬汁、再加入了用「魚的元素亅製成的高湯， 便成就了這個魚介湯的獨特鮮味！另外，這個店特別的地方，便是醬汁是用鐵板石鍋的形式上桌的， 能夠保持醬汁的溫熱度。 極上芝士蟹皇沾麵 (普通size)180克 - $148我的朋友則點了店家的這個招牌菜 我看見他食到一滴不漏， 就知道應該他的這個麵也不錯。 目測蟹蓋充滿滿的芝士加蟹膏， 最啱「食蟹控亅品嚐！吃完拉麵後， 由於我的醬汁石鍋內還剩下了三分一鍋魚介醬汁， 侍應很主動的替我們加了高