元祖沾麵專門店

營業中

休息中

尖沙咀厚福街出名多嘢食！呢間黃店門面細細，平時行過好容易錯過，但入邊全部放滿香港人加油嘅字句！一定要入去大大力支持！現今社會要發聲實在不容易！而且食物有質素，好似去咗日本咁！真心推介！仲要好多人排住隊懲罰佢！極上芝士蟹黃沾麵（$148）加飛魚子（$10）沾麵麵質彈牙爽口唔會太林！芝士醬味道非常濃郁，用石頭鍋滾住熱辣辣！重點係個載滿蟹黃的蟹蓋！淡淡都係蟹膏嘅濃郁香味！香噴噴！超級邪惡！食到停唔到口！濃厚豚骨叉燒拉麵！（$79）拉麵湯底濃郁！唔會太鹹，應該係用新鮮豬骨熬製！叉燒都好林，係日本嘅味道啊！雖然冇得去日本家鄉，但可以喺呢度食到家鄉嘅感覺！好好味的拉面小店！

💛 #尖沙咀 #元祖沾麵今日放假一個人慢活吓，去咗尖沙咀行吓，去誠品睇吓書，過咗半日☺️ 去到下晝肚餓就黎到厚福街食超好食嘅黃店沾麵😚🦞🍜 極上Raclette 芝士龍蝦沾麵 （$168）Omg! 會唔會太誇張！沾麵超大碗，隻龍蝦仲要大到擺唔曬😱😍 龍蝦係全隻，切開一半，再加芝士焗嘅，一掀開啲芝士就開多超多龍蝦膏🤤 拉麵煙煙韌韌好好食💛 沾湯更加正，勁香龍蝦味，入面仲有好多龍蝦肉同有啲豬肉，成個湯超濃郁超creamy🥰呢度有得免費添沾湯、木魚湯，沾湯我冇加到，食曬一磚已經超飽😆 食完沾麵加咗木魚湯，飲埋個漏甜嘅木魚湯令口腔清新返曬，大滿足🥰🥰

星期六同屋企人行完街搵晚餐，醒起呢間沾麵係附近就去試下，六點攞位無人排隊好快就坐低叫麵了，不過等候時間就耐少少等左半個鐘先到齊。叫左原板海膽極濃芝士海膽沾麵，終極龍蝦沾麵，黑松露芝士海膽沾麵+芝士燒帆立貝。個芝士湯底超好味！啱晒我呢啲重口味人士，個湯好掛麵嘅硬度啱啱好，湯仲可以再免費追加！我食到一半已經無乜湯，追再左一次就食完。芝士海膽湯個人認爲芝士味遍重，同埋板海膽唔算鮮甜但點wasabi食係可以接受的。龍蝦湯反而無乜特別，個湯都幾濃但龍蝦肉較少如果多加少少整體會更好。而黑松露芝士海膽湯係3個之中最好味😫❤️黑松露芝士味好濃，真係有一片片黑松露落去，誠意滿分💯雖然海膽味唔出但都可以接受，不過追加左湯之後無乜黑松露味了。總括而言價錢係偏貴，3個人食左$600，但真係一分錢 一分貨，一定會再反兜☺️👍🏻

第一次食沾麵，叫咗芝士海膽沾麵，嗰湯好濃好黏稠，石碗keep住個湯嘅溫度今佢不停有bubbles出嚟，而麵底係有咬口嘅拉麵，沾落濃湯到食味道一流，未食過沾麵嘅朋友可以一試🙈

好多人都很喜歡吃拉麵，但我個人是比較喜歡沾麵，一來拉麵熱量很高，二來我喜歡沾麵可以自己鍾意掛多少湯就多少湯。這裏的沾麵挺好吃，麵條有彈性，湯底濃郁，可惜店內環境比較擠迫，坐得不是太舒適

店舖長形設計，有2/4人枱或者吧枱嘅設計。想食真係要早啲嚟，七點都要等一陣位。好細心，每台都會準備一包紙巾同埋濕紙巾，有需要可以用。.🔸極上芝士海膽沾麵($158)分數: (7.8/10).“極上”係有原板海膽，佢呢個海膽都鮮甜，最怕食啲有陣怪味既海膽，呢個食唔到果陣怪味。.石鍋熱辣辣，黎到咋咋聲，裝住滾哂既芝士汁。石鍋除咗有芝士汁，仲有熟左既海膽同肉粒。.食沾麵前，可以係麵上加入青檸汁同七味粉調味。將涼麵沾上熱辣辣嘅芝士汁，除咗芝士惹味，仲有淡淡海膽味。喺麵落左青檸汁，能夠微微減輕芝士既滯膩感。.食晒之後可以加木魚湯飲哂，就食完喇！

終於寫反個食評比元祖個終極海膽沾麵真係食完都會成日諗反個個湯個湯勁濃 吾會浠而最開心既係 入面真係見到有海膽 另外再開心d既係板海膽真係吾小 哩個價錢真係好正 滿足哂你想食海膽既要求 另外我都好中意哩間個麵質佢係粗既麵仲係煙韌既 所以係湯到浸其實完全無問題我嗌左d小食 雞翼同炸蠔都係我每次去必嗌既個雞翼勁正大家一定要嗌個蠔d炸粉係吾會同舊蠔分離加埋佢個醬係一流不過因為d麵都多 我女仔真係次次食吾哂 有些少浪費不過勸大家5點前去 小人d又有9折！

唔知點解咁多負評，個人幾鐘意，會回頭再食。最要讚既係員工態度，十分親切有禮。亦細心預備好濕紙巾同獨立包裝紙巾。因為下午三點食，不用等位就可以入座，也不擠逼，十分好！餐廳內的decoration及員工制服也是被欣賞的一環。其次係食物有特色，見到有海膽/龍蝦好足料既沾面。但今次先試左個最基本既魚沾面，湯底濃厚，湯中連帶肥魚肉，用料十足。食完沾面，用剩餘沾面湯底加入木魚清湯飲用，是有點咸，但也是日本拉麵湯底傳統，值得一試。

我咁大個女未食過沾麵，緊係要點沾麵，見到咁廠特別推介就試吓極上芝士蟹皇沾麵，俾牆上海報吸引，雖然貴D，但有成個蟹蓋的蟹膏做小食！再加一個傳統嘅濃厚豚骨叉燒拉麵極上芝士蟹皇沾麵：沾麵較拉麵粗身，麵條呈方型好易掛上滾熱辣的芝士濃湯，湯中有不單只有好多海膽，仲有切成小粒嘅豬軟骨肉芝士蟹蓋超正，打開芝士下有好多好多蟹膏，多到用三至四大湯匙！粒粒飛魚子，我將一半放入湯中伴麵食，一半就一啖啖食，享受不同的口感食到最後，記住加入木魚湯，完成埋成個麵濃厚豚骨叉燒拉麵：賣相吸引，叉燒係薄切，可索到濃厚豬骨湯頭的精華，仲有流心蛋，味道一流

今日去左尖沙咀一間好有名氣既沾麵店，第一次食沾麵充滿期待🧐餐廳好多選擇，樣樣都好想試❣️極上Raclette芝士龍蝦沾麵嘩！係原隻上！成隻龍蝦好有睇頭呀，龍蝦唔止有芝士鋪面咁簡單，芝士仲有燒過好有heart 呀，而且芝士味適中唔會太搶味。龍蝦🦞真係整隻上好足料，仲有好多羔同蝦子，有埋工具比你拆龍蝦鉗，呢個價錢絕對超值。至於個湯係超香濃既龍蝦湯，佢重口味得黎又唔會好膩好滯，極力推介👍🏻👍🏻👍🏻❣️豚肉魚介沾麵魚介湯味道都好濃，充滿日式鰹魚味，湯入面仲有D豚肉，肥瘦適中，口感豐富又唔會乾柴柴，火炙叉燒薄身易入口唔會咁膩，而且瘦肉部分肉質軟稔，一D 都唔鞋口2碗麵都會有半隻溏心蛋，大量竹筍，青檸，大紫菜呢D 配料，滷過既溏心蛋做到流心效果幾好食，每碗麵有180g好大碗，餐廳會為沾麵免費加湯，超級大方，個湯用石鍋盛住，黎到已經香噴噴﹑熱辣辣，再浸一浸個麵等佢入味，同時可以DIY調較個麵既煙韌度。食完麵記得加木魚湯，即時變左另一種食法，飽飽地再飲幾口暖暖日式湯，一D都無浪費個湯底，呢餐非常飽肚😍

超級不愉快嘅經歷特登試吓龍蝦沾麵結果隻龍蝦係死龍蝦你哋睇到張圖應該會睇得出但係當天店舖有好多顧客費事同佢哋嘈影響其他顧客事後就喺 社交平台同佢地聯絡結果得到咁嘅答覆

疫情下已沒很多地方逛了，那就吃點東西吧！走到厚福街，有間日本店 《元祖沾麵》地方不大，座位不多。對小妹來說剛剛好，椅子下還可有放背包～ 極上芝士蟹皇沾麵 HKD 148 蟹膏撲鼻還要加上芝士，入口後更添層次！ yummy 😋 味道調較得宜～ 上菜時，龍蝦湯已「沙沙」作響，按指示加點檸檬再把沾麵放進湯內進食😎 濃烈龍蝦湯完全能掛上每條沾麵 👏🏻濃濃湯味道不俗，內裡還有彈牙龍蝦肉！ 🤩美味～～～ 沾麵軟硬度適中仲好爽口彈牙 👍🏻

因為下大雨所以入內用餐當避雨，餐牌頗多選擇，記得有龍蝦湯、芝士海膽湯和魚介湯等，琳琅滿目，花了頗多時間點餐最後點了元祖龍蝦湯沾麵，被安排坐單人位，這裡的單人位對著牆，左右都有板隔著，私隱度不錯，令人吃得舒適麵不會太粗，夠煙韌，配起滾燙的龍蝦湯也不會易腍，很掛湯配料的义燒和筍都不過不失，沒有特別這裡可以任加湯的，我加了一次才食完整碗麵，很飽肚，湯的味道不錯，很杰身，如果可以多點龍蝦肉或者蝦肉，感覺會抵食點，圖中整碗湯只有一舊肉碎，感覺有點寒酸

早幾日過左厚福街專程想試下呢間之前網上推介既沾面店～ 平時門口排曬長龍，今日好快就入得啦。面店嚟講佢個餐牌都算多選擇，有沾面有拉面有飯，同埋佢都有唔同湯底嘅配搭，平時嘅魚介湯底、海老湯底、龍蝦湯都有。今次叫左赤海老沾面，加左終極海膽版，另外由於店家優惠多左半隻糖心蛋。沾面嚟到有少少驚喜，份量比我想像中多：面底夠厚、叉燒有3片、有蛋、沾面湯底份面又有豚角、筍嘅份量又唔少。沾麵湯底食第一啖已經好有衝擊感，熱辣辣既蝦味湯底好濃郁，配合埋海膽嘅味道好有層次，啱晒鐘意食海鮮嘅朋友。佢個面底煙韌彈牙，同埋好吸啲湯汁，每啖食落口都好滿足好有風味。咁豐富但係最後埋單又唔算好貴，計埋綠茶錢大概140左右

幾年前首次去日本東京初嚐沾麵後難以忘懷，已經好耐沒食過。岩先經開尖沙咀見到間良心沾麵專門店，決定要重拾昔日沾麵既回憶同味道😍極上racelette芝士龍蝦沾麵$168龍蝦沾麵汁味道濃厚，而醬汁入邊亦都有小量配料一起伴麵食👍沾麵分量好大碗，加埋佢充滿彈口掛汁既麵質同龍蝦醬汁非常配合，食落好滿足～另外大大原隻龍蝦中間放上了經烤過的芝士，為鮮味既龍蝦肉額外帶上了一層焦香既味道，正👍🤤果然為元祖級沾麵店🤡鍾意食沾麵既朋友就要來試啊～