八一蕃巴蜀烤魚店 (砵蘭街) (已結業)

宵夜去食，特價158一條烤魚。條魚幾多香料，夠入味，真係有驚喜喎。推介酸辣味烤鉗魚。另外試埋個藥材氣鍋雞，都唔錯，中藥味濃但唔會好奇怪。推介👍🏻👍🏻可以進步嘅地方係啲野食有啲鹹Went there for supper and the fish is pretty delicious with lots of herbs and seasonings! Price wise is still acceptable. Chicken in a pot is also worthy for a try. I ordered the one with Chinese medicine, the taste is just right. Not too weird with the med/herb taste. If the food is less salty it will be fantastic.

見到有好評，諗住去試吓。訂左枱，但係去到得番門口位（頭頂冷氣機又壞左，出唔到風），唯有坐樓上。上到去落order，酸辣魚,但係30分鐘條魚都未黎。樓上又無侍應，要打電話先可以叫侍應追。好啦終於等到條魚，算不過不失，有酸同辣嘅味道。之後再叫其他配料打邊爐，叫左一D蔬菜類嘅食物，但又係等左好耐都無黎。由於無侍應喺樓上，唯有等有侍應送菜先可以問佢地⋯等等下⋯D侍應⋯最後同朋友都係決定放棄，唔追D食物了。但食到咁上下，突然有侍應又叫你搬去另一張枱，於是最後唯有埋單離開！

坐左上樓上，熱到痴根，仲要上面一個待應都冇，4枱客冇人理，一齊你望我我望你等左10分鐘，終於顶唔顺，衝落樓下揾待應，點知下面得一個 ，好心請多幾個人啦。條魚終於到了，其他一律全部漏單，催幾次先到齊，啤酒又唔知做乜事要自己落樓下買，好混亂，待應都唔知招呼得邊個，叫乜漏乜。食食下又叫你轉枱，因為想再入客。。呢間嘢冇下次。。。唔使錢都唔去

聽聞呢間小店有烤魚，諗住認吓。點知真係比佢地嚇親😱首先：已訂枱，點知去到話Full 左😱第二：因為樓下full 左，被迫坐樓上。樓上叫嘢食要打電話落order 。不過唔係全部嘢食可以落order,啤酒要自己行上行落去買第三： order左嘅食物成日漏單，要問好佢幾次先上(有D直頭無上）第四：食到中途，會叫你轉枱迫你走第五： 餐具好污糟呢間嘢我以後都唔會去！

兩個人嚟到八一蕃食魚，首先叫咗個泡椒味烤魚( 小辣，細邊，$185 )，唔想一次過嗌咁大條魚因為仲想打邊爐。細邊份量啱啱好，唔會話太少亦唔會太多，魚肉都幾滑，唔會話好多骨，所以怕骨嘅朋友都可以食。肉質亦都唔會話煮得太耐而鬆散，亦食唔到任何臭魚腥味，而調味非常之足夠，小辣亦都冇想像中咁少辣(笑 ，反而覺得鹹少少會在更加好。 食到咁上下就可以加湯打邊爐，但因為個盤大細有限唔可以加咁多水，一次過煮嘅份量亦都有限所以。前後叫咗魚皮餃 $32 娃娃菜 $26 同薯粉 $20，配料份量都ok唔係叫太貴。但因為水有限煮娃娃菜嘅時候需要多啲時間，呢個湯再配合其他打邊爐嘅材料食一流，都幾野味唔會話食到成口油。不過提提大家食到最後因為啲辣椒會越煮越辣，所以唔食得辣嘅朋友記得夾走啲辣椒。

次次食放題韓國嘢食到厭，今次想試吓新野！朋友就叫約咗來依間。7點來到，鋪頭吾太多人，幾靜，啱晒我哋幾個人傾計。烤魚方面有分大邊，中邊，小邊。我哋幾個人食大就叫左大邊！條魚我地叫咗吾辣，個人認為吾點蠟油會有點腥。辣油係另上，加左後好好多，特製醬油配合烤魚令味道提升！除咗最出名嘅烤魚，我哋亦試咗啲小菜同火鍋料。小食既雞絲粉皮，麻醬味略重，粉皮有點薄。飲品方面：羅漢果汁，令人驚喜嘅係唔似坊間落好多糖，甜度適中而清新，健康之選！梨蘋果茶亦非常足料，多楂，飲到低小甜。火鍋料方面：白蘿蔔吸收晒火精華非常入味，金針菇咬口十足，厚切海鮮菇入味且重菇味！墨魚滑非常足料，爽口彈牙！十分推介！

第三次來，今次同2位超咀叼嘅朋友來食，佢地都勁讚兼話會encore! 我地叫左剁椒中辣魽魚，夠辣而且一路加湯都無減辣度，食到最後個湯仲好好味😋！魚皮都好好味😋！

Book左三位禮拜日同Friend食烤魚，第一次係香港食烤魚。叫左大邊（即係半條）酸菜 中辣，都算幾辣下，建議平時食開辣嘅朋友先挑戰！食物偏鹹，比較重口味我地飲啤酒所以叫左好多串燒，牛舌都幾厚，推介！可惜牛肉比較老，羊肉串就真係好味，夠軟孜然夠多！涼菜試左雞絲粉皮，味道都唔錯，酸酸地 麻醬重。識食烤魚就知道最後要加薯粉，但係呢間嘅薯粉唔彈牙 麻麻地！三個人食左720 性價比都唔算十分高，可能因為我地點左好多串燒 沒有加一都服務都算唔錯！ 相信如果淨係食烤魚性價比會更高！環境看上去不是太乾淨，但都算坐的幾寬敞。醬料可以自己出邊攞。整體上都OK 只係冷氣唔夠凍，食到我地整頭大汗！第二日食完之後肚唔係太舒服 唔知咩事。

放工係太子周圍行，本來諗住碗麵就走，跟住突然聞到烤魚味.之前都已經想食，今日咁岩見到就走左入去試下。一入去可能我地都比較早，所以唔洗等都已經有位。 豬手我地好好彩咁岩早黎好快有得食，我地今晚就有口福食，豬手入口夠晒嫩滑，一啲都唔會乾，仲好多肉汁，而且外皮又燒得夠晒脆，餐廳果然係即叫即整，一啲都無花假。烤魚烤魚最重要嘅係入口要夠滑同埋夠嫩身，呢盤烤魚入口夠晒嫩滑，而且惹味十足，魚都夠晒份量唔會唔夠食，不過配料過多，小一點配料讓食客不要太難食到魚會更好。

今日做完野係太子周圍行，本來諗搭車走，跟住突然見到呢間餐廳.之前係朋友度都有聽過，今日咁岩見到就走左入去試下。一入去可能我地都比較早，所以唔洗等都已經有位。 燒魚我地好好彩咁岩早黎好快有得食，我地今晚就有口福食，魚肉入口夠晒嫩滑，一啲都唔會乾，仲好多肉汁，而且外皮又燒得夠晒脆，餐廳果然係即叫即整，一啲都無花假。粉條粉條最重要嘅係入口要夠滑又要夠凍，呢碟小食入口夠晒滑，而且惹味十足，份量亦都好足唔會太小兩個人食兩個餸食到飽晒，真係好滿足，絕對值得再黎

是日岩岩出完團返香港，約了一班同事去太子食烤魚！有個朋友無做領隊之後，少了機會食到呢類美食，但其實香港一直都有八一蕃巴蜀烤魚，其名巴是四川 蜀是重慶，可想像到有幾辣得幾辣地方都易搵，我坐完機場巴士落車行5分鐘到就到了~岩岩好大家同時間到埗 5駛邊個等邊個我地訂左枱5駛怕等位，入面都有幾枱坐滿了！呢間烤魚款式都幾好多，有辣有5辣，有蒜有酸湯，感覺都似埋貴州風味~我地聽店員推薦點了一份酸菜味的“魚甘”魚~過了不一陣子就上菜了，另外點了響鈴同粉絲個魚全條上4人份夠食，酸菜好入味，又酸得黎咸咸地 聽講自家製 5錯~而個湯底雖然5係好多但剛剛好蓋到條魚，魚質滑得來少骨，對我呢啲怕骨人士岩哂~湯底滿滿的魚香，這個湯是煮好了再煮這條新鮮魚的~而條魚都係每日新鮮由市場入口，可見餐廳對品質有一定的要求~就係呢個湯夠味，之後煮嘅粉同響鈴都好好味，5駛另外點醬油！今餐值得推介

來到八一蕃巴蜀烤魚店，因為時間都已經很晚，沒有食烤魚的打算。而且不想食太多，所以跟寶寶決定點幾款串燒稍稍醫肚便算。簡單全木色裝修，不算迫夾。牛舌($32)牛舌蠻香牛肉味，夠結實有咬感。燒到表面帶點焦香，挺好味。皮蛋($32)皮蛋份量都蠻多，每一隻都是溏心的，有香濃的皮蛋香，而不會有刺鼻及搶喉的味道。加上香口的花生碎甚是好食。涼拌拍青瓜($28)清涼都青瓜加上蒜蓉和竹芝麻，和微酸的醬汁，十分開胃。炸雞全翼(2隻)($26)雞全翼炸到金黃色，外皮都十分乾身，而雞肉還保持肉汁嫩滑。野菌串($18)秀珍菇串燒，沒有什麼燒過的味道，本身菇味不算很濃，要加上醬汁以提味。白鱔($38)白鱔算是比較遜色的一道串燒，個人比較喜歡肉質結實一點的燒白鱔，不過這裡的是比較薄身，再加上醬汁令肉更軟。

兩條烤魚是預先烤過, 再配以麻辣湯底及各種配菜上碟，大量的蔥段、芫茜、辣椒、金針菇為烤魚帶黎唔少色彩! 未上台已經香氣撲鼻! 等湯底再稍為滾一滾,烤魚就食得, 雖然魚經湯底浸過，但魚皮都尚算脆的, 食得出烤既時候有落過唔少惹味的調味粉，魚肉口感嫩滑不鬆散。湯底麻辣惹味, 烤魚唔太多骨,整體外脆內嫩而火辣惹味! 辣度適中不過火, 成枱人都岩食。另外叫左個養生鍋醉雞煲, 湯底同醉雞分開上碟, 雞件浸住米酒, 食用時隨個人口味酌量將米酒倒入湯底，酒香味隨意調較,。至於湯底，濃郁有陣陣藥材味，配料有冬蟲草、雞脾菇。未食雞之前仲可以舀碗湯飲下, 感覺幾滋補架! 除左因為湯底靚濃郁，雞件夠入味，雞件亦夠新鮮有雞味! 值得加分!

於旺角太子區吃飯，想要找一間性價比高的餐廳實在不是易事，友人就為我介紹了這間位於砵蘭街的八一蕃烤魚店！先取起餐牌看看，原來店方不單有提供烤魚，還有大量小食及串燒！而且價錢相宜，食物由十多元到四十多不等。生津李乾蘋果茶 $36［分數：8.5/10］飲品方面，店方有提供4款自家煲製的涼茶，有夏枯草、酸梅湯、生津梨乾蘋果茶及山楂楊梅特飲。我們就選了生津李乾蘋果茶！蘋果茶味道清甜帶微酸，醒胃潤候～最重要的是甜度沒有樽裝飲品般高，感覺健康。涼拌拍青瓜 $26［分數：8/10］吃烤魚前先點些前菜，涼拌拍青瓜竟可選擇不辣！青瓜入口清涼爽脆，雖沒有平常的拍青瓜般惹味，但作為吃烤魚前的一個清爽前菜，實在不錯涼拌魚皮 $35［分數：8.5/10］涼拌魚皮上滿佈了大量蔥絲，上方灑上了少量芝麻，而旁邊就有花生作伴。翻開蔥絲後就能清楚看到大量爽脆的魚皮。魚皮入口清涼，每片同樣爽脆，不會出現過軟的情況，再配上底下的豉油及蔥絲同吃，味道不會單調。醉雞 $46［分數：8.5/10］醉雞酒味香濃，送到桌上時經已聞得到陣陣花雕香！花雕酒份量控制得宜，入口不會感到嗆喉或帶苦味。加上雞肉香嫩，溫度夠冷，整體不錯鮮茄味烤魚（細

朋友因為好鍾意食魚，上網搵到呢間烤魚店。雖然店舖細細，同埋位置都幾偏僻，但入到去卻全店爆滿！基本上入到店，個個都會叫烤魚，而見到牆上好多報紙報導嘅訪問，相信都有一定嘅信心保證。烤魚方面有7款，今次叫左酸菜味烤魚，魚都有2款，一款比較多骨，一款少啲骨。上菜時，用爐一直燒住，熱呼呼的... 魚肉夠鮮味，加上有啲巴蜀香料味同埋酸菜，令燒魚的味道更特別。串燒方面都唔錯，燒得挺香。涼菜方面就一般，例如雞絲粉皮唔夠凍，花生太大粒。但整體上都算唔錯，如果鍾意食魚嘅朋友，不妨一試。