八一蕃巴蜀烤魚店 (砵蘭街) (已結業)

八一蕃首創巴蜀烤魚專門店，以每日新鮮熬製嘅魚湯，灌餵整條烤魚（烤魚，真係烤過架），再用猛火炒香辣椒，最後淋上秘製的自家秘製嘅辣椒紅油，出爐喇！熱辣辣香噴噴 麻辣味烤魚細邊$185總共有七種口味選擇 仲可以加30蚊要埋配菜烤魚外皮香脆 肉質嫩滑 完全冇腥味或泥味醬汁惹味 有辣椒 洋蔥 大蔥 麻子 … 配上魚肉 辣得過癮 麻得開心另外叫咗個紅薯粉$20 薯粉吸收曬麻辣汁嘅香味 識食一定係咁食肥牛$60涼拌皮蛋 酸酸辣辣 加上花生碎 提升口感層次皮蛋既軟滑加上花生嘅香脆nice

依家雞煲興起，大家都好鍾意食雞煲，依家最時興都係雞煲同埋烤魚。太子內加有好多食肆，其中一間好有中國傳統風味，非常吸引。未食嘢之前，當然叫一個飲品先，山楂湯梅特飲＄36原來係一啲類似公平貿易嘅嘢，有人特登來整，雖然唔係自家製造但係都有專業人士整！酸酸甜甜開胃又好飲。特色雞煲王 半隻＄173朋友麻麻哋鍾意食魚，今次唯有揀雞煲啦。雞煲都有幾個花款，我就揀咗最多人揀嘅特色雞煲王，裏面有好多配料包括左芫荽、芹和洋蔥等。雖然我們不選擇辣，但是同樣非常惹味，雞肉尚算滑。半隻雞其實都有好多人，如果兩人食可以叫個半隻雞然之後叫多d配料。口水雞＄40口水雞雞肉好滑，調味普通啊！京蔥爆羊肉＄68爆羊肉就真係正，係屋企都好難做到，加埋京蔥特別惹味，羊肉口感又做到唔鞋！蒜泥白肉＄40其實啲肉都唔錯，蒜蓉就整得唔夠細，所以好明顯見到一粒粒，整體調味爭小小豐富。薯粉＄20好搞笑的薯粉，肚餓可以叫來食！雲吞＄32雲吞加雞煲，味道濃郁，裏面啲蝦都幾爽口，幾新鮮嘅。

高溫33度，真係熱到胃口都無埋約左好耐無見既朋友仔，但大家居然都不約而同咁想食重口味野，諗左陣，雞煲食到厭，不如就烤魚啦！簡呢間當初真心因為離地鐵出口夠近，見到寫住太子D出口兩分鐘，ok deal! 起碼唔洗熱辣辣仲周圍搵。真係如形容，一出行幾步就到。入到去，服務不錯的，2個人都俾張4人台，坐得鬆動又夠位擺野，幾好。2丁友，又唔大食，所以叫左一份烤魚小邊，香辣小辣，叫多幾款打邊爐料及一個涼菜。小邊其實都夠食，呢個小辣辣度岩岩好，我食開譚仔5小都駕馭到配菜叫左一份娃娃菜，鮮淮山，芋絲，金針菇墨魚滑，值得一提係呢個手打墨魚滑，真係好好味，入面有好大粒既墨魚肉，又彈牙！叫左個涼菜，蒜泥白肉，幾唔錯，雖然生蒜我麻麻，但每塊肉中都會卷住薄薄既青瓜，中和左生蒜既重口味，正總括，是一個不錯既烤魚店，下次去打算試下其他煲！

曾經有一段時間突然流行吃雞煲，吃完一整鍋雞後，用餘下的雞汁加湯打邊爐，方便快捷又入味，一舉兩得。烤魚其實異曲同工，只是把雞換成魚，而且可選擇的口味比雞煲更多，可是烤魚不及雞煲出名。友人喜歡吃烤魚，常說找一天一起去吃，這次終於選了此餐廳吃晚餐。店內位置寛敞，大概有十餘張枱。這天是平日，人不多。烤魚作為四川名菜，當然要吃辣的才最地道。看著餐牌四個辣味選擇，有點困惑，麻辣、香辣、剁椒、泡椒，哪個才？店員細心解釋，原來麻辣和香辣分別不大，只是麻辣加了花椒，會有麻的感覺。剁椒最辣，泡椒最不辣。四款的辣度不同，每款還可以再選擇大中小辣。我們最後要了小辣的泡椒。魚有兩款，分別是多骨的鯇魚和只有中間一條骨的魽魚。友人和我一樣怕多骨，必選魽魚。有各式各樣的配菜之中，要了薯仔片、鮮淮山、蓮藕片、薯粉和油麥菜。另外再點了一份皮蛋當小吃。餐牌上很籠統地只寫了皮蛋二字，店員介紹是涼拌皮蛋。魚來了。用鐵盤上。鐵盤下是瓦斯爐，保持熱度。一看到賣相已經猛吞口水，急不及待想立刻嘗一口，但寶物尋歸底。先挾起一粒泡椒嘗一嘗。黃色的泡椒，不太辣，有醃過微酸的味道，跟我們平時吃到的辣椒不同。單吃泡椒，也是一道不錯的小吃。魚肉很

星期一夜晚，媽咪話唔想煮飯，所以我哋就去食烤魚啦。先來前菜。涼拌萵筍$32一般都係一片上碟，但係呢度竟然切幼絲，真係考刀工，好有心思，分量略小。脆魚皮$38上面放左大量嘅薑絲，辟走腥味，略嫌麻油味不夠，切皮稍薄。鮮茄味烤魚（大邊$225）跟魚首份配菜$30（大豆芽，金針菇，唐芹同秀珍菇）忘記問店員係咩魚。點知上檯係一條鯇魚。比魽魚鮮甜。實在驚喜。今日專登點咗番茄湯，因為屋企人怕辣會敏感，如果返大陸一般只有辣味，好多時辣到魚的鮮味都蓋過了。呢度有唔辣的選擇(三款)好適合香港人嘅口味。未食魚之前，先呷一口蕃茄濃湯，湯底有蕃茄蓉，魚上舖滿蕃茄切片，賣相真係好吸引。蕃茄蓉令湯底更加香甜濃郁。值得一讚係已經爆香左嘅葱蒜，食落更加香口。當魚食到一半嘅時候，再呷一口湯，由原來只食到番茄湯嘅甜味，慢慢魚味滲進蕃茄湯內，特別惹味，變得更加鮮甜。整體評語好味，可以一試！好味好適合香港人，亦都更加適合想食烤魚，但係唔食辣嘅朋友不過冷氣不夠涼，如果係試辣味烤魚真係會食到血脈沸騰。加上敞門設計，每次有人出入都有大量的熱氣湧進，特別係坐近門口位好熱

又黎重口味之夜聚會，今次搵左呢間開左無幾耐既烤魚店，齊齊食下川味辣魚過口癮，最正係入黎之後先發現原來除左烤魚之外，呢度仲有雞煲食，呾就一次過滿足兩個願望，食魚又食雞，一行四人全部表示非常滿意，夠哂濃味！入黎都唔算好多人，環境無咩特別裝修，都係一般小店咁簡單整齊。因為一陣要食辣，所以好快手點左兩壺飲品，店員話係自家製，同出邊飲個D唔一樣架。一壺酸梅湯，入口唔係太甜，酸味比較突出，食辣個時都幾解辣，仲有李乾蘋果茶，驚喜在入口真係食到蘋果蓉，估唔到咁真材實料，店員真係無呃我地。之後就一碟夫妻肺片，入口又爽又麻辣，加埋上面有少少花生碎，成件事好味左。食左隔離個白鱔，好彈牙好有魚味，無咩點調味都好好食，條魚本身應該都幾新鮮。雞煲先上，一上黎個下就已經聞到好香既味，滾左之後香料同醬汁味就更突出，但入口又唔會係死鹹個種。雞件比想像中多，好似食極都仲有咁，肉質好滑，連雞胸位都完全唔鞋口，大家都一致覺得非常滿意。今日的主角烤魽魚，因為有朋友唔食得太辣，所以點左小辣，個人覺得中辣應該會更惹味。條魚肉質結實，唔會有好多細骨，連我咁怕骨都可以食得津津有味，一條係夠飽唔夠喉。食完烤魚同雞煲都可以加湯打邊爐，配料

今日放假冇咩野做但係又唔想煮飯，又涼涼地，所以諗住出街打邊爐，見到依間鋪頭有烤魚食，食完之後可以加湯打邊爐，之前未試過，所以就入去試吓！食烤魚之前叫咗一個小食，係蒜泥白肉，同一般蒜泥白肉好唔同，佢呢個包住青瓜，感覺好清新！烤魚叫咗香辣細邊烤魚，俾中邊少咗條魚尾，但係其實都好大條，最後都食唔晒！烤魚只係叫咗小辣，但係已經好惹味，雖然我唔係特別鍾意食辣，但係都冇停手係咁食！叫咗一碟肥牛，份量好少，得6塊，但質素都OK。叫咗一份手打墨魚滑，食落都幾彈牙！仲有一渣蘋果茶，都幾好飲。烤魚打邊爐都幾特別，同friend gathering 可以再試下！

尋晚同朋友去新世紀睇完戲，順便食飯直落。平時雞煲就食得多，今次就食下烤魚啦~叫左個”香辣味烤魚”，雖然只係小辣，但都好惹味同好香。肉質好嫩，條魚都好大條（我地只係嗌左細邊，即係冇左魚尾部分）。另外加左$30配菜，菇GE份量好多下，幾抵食架。食完條魚之後會直接打埋邊爐，肥牛肉質唔錯，墨魚滑好鮮味。識食當然要加埋烏冬啦。串燒方面，我地叫左豬、牛、雞串各一，沙爹汁燒得好入味。食辣當然要飲凍野啦，平時都會飲酸梅湯之類清下熱氣，呢度仲有另一個選擇──生津李乾蘋果茶，我地見個名咁特別就試下啦，覺得都幾好飲。小食都有驚喜， 蒜泥白肉當然係好入味，入面竟然包左青瓜，多左Ｄ爽脆同清新，必食！今次餐飯食得好滿意，一定會再幫襯同埋推介朋友來試！

今日係新世紀睇完戲之後，又要同朋友為食咩晚餐而苦惱。好彩朋友之中有一位係爽快之人，佢決定帶我地食烤魚。幾乎行到砵蘭街嘅盡頭，終於見到八一蕃個招牌。店面燈火通明，裝潢挺有巴蜀風味，尚算乾淨企理。香辣味烤魚(小辣) $185(細邊)一場來到，當然點招牌菜式——烤魚。詢問過店家，細邊同大邊之別在於有沒有魚尾部分，我地人少少，點細邊就夠食。條魚的品種名叫青魚(草鯇)，先用香料醃製，再用火烤，最後加上湯汁來打邊爐，製作過程絕不簡單！難怪吃的時候皮香肉嫩，令人食指大動。雖然魚骨頗多，但大大條，容易拔，問題不大。蒜泥白肉 $40呢度嘅蒜泥白肉卷左一片薄薄嘅青瓜係裏面，口感層次豐富，分外清新。串燒：牛肉、雞肉、豬頸肉各一串（沙爹汁）$19/串串燒充滿肉汁，一啲都唔乾，值得一讚！而且店家好體貼，早已將串燒剪開幾舊，唔洗我地扯得咁辛苦。火鍋配料方面，各樣都新鮮，質素不錯。肥牛 $60薯粉 $20好好味，必點！手打墨魚滑 $38生菜 $26竹笙 $38氣氛咁好，當然要啤一啤！最後食到捧住個肚走人，埋單先每人$200，抵食又好味，下次會再黎！

突然興起，同條女想食四川風味嘅烤魚。竟然係太子搵到間。雖然唔知間野好無味，但見價錢唔算太貴就試下啦！鮮茄味烤魚本小爺唔食得辣，所以唯有叫個鮮茄味烤魚，估唔到佢個湯底好正囉，搞到我要撈湯食飯，而佢個烤魚唔算多骨，食落去啖啖肉，差啲爽死！而啲魚肉都十分實淨。加上配料的乾葱芹菜，令我好懷細個食嬷嬷煮嘅餸呀！涼伴皮蛋呢個涼伴皮蛋好很爽，賣相吸引又唔算太辣，總之我食得落，差啲比我個大食女友食哂！

跟很久沒見的中學朋友來約了一個久違的聚會，我們能成為好朋友的原因大概是因為我們的喜好有9成相似，特別的吃的喜好，一樣非常喜歡食辣，連食辣的程度也差不多。大家應該知道對於食辣的話找到個相同程度的知己是很重要的吧，因為怕太辣的話，有人會受不了，降低辣度又會令人不過癮，於是這天難得的有知音人，當然第一時間決定吃辣的吧！終於入正題，哈哈，這晚找了間有辣烤魚的食店，很期待。烤魚有七種味，初初有點頭大，因為辣的也有四款，由於第一次試，就選101的麻辣吧！吃辣配菜很重要，所以$30照加！因為我們只有兩個人點了細邊$178, 很重的麻辣味，叫了中辣很過癮啊！重要的是魚肉很滑啊，兩人都吃不停口啊！如果你重點吃烤魚可以叫大邊，因為我們之後有點其他配料，所以就叫了細邊，但點大邊都絕對吃得下的，因為太美味了。加配菜絕對沒錯，有金菇，大豆芽和秀珍菇，全部都好入味。薯粉配麻辣是常識吧？是絕配啊，索味之選啊！！另外麻辣湯有一定要加的是午餐肉，太正啦！朋友選了油蜜菜，很新鮮爽脆！份量亦不錯埋單再加一人一支飲料$315, 價錢也很合理，下次要再試其他湯底啊！順帶一提是服務態度很友善啊，而且還主動加湯底，加的湯底亦是濃濃

雞煲的熱潮好像有點過了，之後會是甚麼？我相信是烤魚。其實香港一直都有不同烤魚店，但朋友聚會總聽到“一齊食雞煲啦！”，鮮有提及烤魚。不過，現在有愈來愈多烤魚店，名氣開始上升。今晚，我和男友先打頭陣嘗試烤魚，來到太子地鐵站附近的八一蕃一探究竟。週末七點半左右進去已半滿啊！每枱都是吃烤魚~烤魚味道有多款選擇，得知最受歡迎是香辣味，但因為喉嚨不適，為免太辣就點了蕃茄味。配菜也是必點的。像雞煲一樣，烤魚也可打邊爐，所以也有不同配料選擇。由於我倆比較想吃魚，點個大邊後決定只需白飯混著吃就好。店裡有個小型自助醬料區，不過都不需要吧，我們相信店家的調味，不用額外自己來。下單不到十分鐘大邊烤魚就來啦！用的草鯇魚有預先烤熟再放湯上，所以一上菜就像已熟的樣子，不過還是要待湯滾才好吃啊。蕃茄切片滿舖滿魚身，加上莞荽，紅紅綠綠的色彩鮮艷豐富~湯滾起來了~大豆芽，秀珍菇，金菇和莞荽這些配菜直接舖底，不用自己加。還有芹菜和已炒香的大蔥吃。事不宜遲先喝湯，魚湯味道非常鮮甜，再加上蕃茄慢慢煮溶加了額外清甜的感覺，不覺得鹹。魚有烤過，所以皮是比較脆身，浸過湯都容易夾開。魚肉大都是雪白色的，肉質鮮嫩柔滑，對我來說唯一缺點是

近來不自覺的愛上川菜，兩條佬出來聚聚，左揀右Search，就搵到呢間太子分店的八一蕃，決定試一試。蒜泥白肉，川菜的一道名菜，要求料精，火候適宜，刀工好，佐料香，熱片冷吃。上枱，白肉上佈滿層層的蒜泥，加上辣椒油，已經急不及待。入口蒜味濃郁，白肉肥而不膩，而且在每片白肉中加入一塊生菜，更有效的去除油膩。酸菜味烤魚（細邊），加30蚊，配菜全份，大豆芽、秀珍菇、金針菇、唐芹。上枱時，烤魚的份量遠遠超出我們兩佬的想像，原來細邊是指半條魚，只是不連魚尾，其實3至4人，都勉強足夠，更何況我們只要兩人。魚先烤香，再放上酸菜和湯，魚的外皮香脆，魚肉鮮嫩。如果唔係今天狀態不佳，一定要加辣，應該會更。串燒牛舌，自認牛脷魔的你，必試！！牛舌燒得很到位，外脆內彈，要不是條魚太多，一定Encore！！

同朋友講左好耐終於去試啦！無錯！就係我最鍾意嘅烤魚！巴蜀烤魽魚（$228/條）麻辣味道非常香口，魚肉肉質嫩滑。辣味非常香，之後仲冇多款配料可以追加！加一份配菜全份$30大豆芽、秀珍菇、金針菇、唐芹魚卜（$28）新鮮賬卜卜的魚卜，新鮮又好味！田雞（$30）油麥菜（$25）吃烤魚點可以唔叫碟菜？ 超正！米線（$20）烤魚中的麻辣汁撈入米線超好味！山楂楊梅特飲（$36/楂）山楂楊梅好好飲，酸酸甜甜好開胃，唔錯！

同朋友經過幾次，聞到好香已經好想試！今次朋友終於都肯同我一齊去試啦！ 🌶口水雞🐥（$38） 唔算好大碟，但係好夠味，肉質都好滑。 🌶夫妻肺片🐷（$36） 花生碎鋪滿在上，豬肚、肺、膀都非常爽脆好味。 🌶雞絲粉皮🍜（$32） 雞絲粉皮加左花生醬非常香口，底下仲加左香醋，再配合埋青瓜絲好味道啊！ 另外點了幾串串燒，烤得非常惹味，配埋沙嗲汁味道一流！ 牛柳串（$18） 雞串（$18） 串燒雞軟骨（$22） 🌶麻辣味烤魚🐟巴蜀烤魽魚🍴（$228/條） 麻辣味道非常香口，魚肉香嫩入味，孜然味道非常香口，辣味非常香，之後再加配料非常美味！ 再加左一份🍃配菜全份$30 👻大豆芽、秀珍菇🍄、金針菇、唐芹 好香口，配菜浸得腍腍的，再吸收麻辣汁香味非常好吃！ 魚卜（$28） 新鮮又好味，吸嫩麻辣汁味道超好味。 田雞（$30） 油麥菜（$25） 米線（$20） 山楂楊梅特飲（$36/楂） 最後點了一壺山楂楊梅特飲，冰涼夠凍，生津止渴，吃辣必備！