影片
港鐵尖沙咀/尖東站 P3 出口, 步行約2分鐘
繼續閱讀
開飯介紹
日式串燒店，由前田舍家大廚主理，主打福岡博多串燒，部分食材從日本直送。款式充滿新鮮感，如：海膽威化餅、海膽三文治及枝豆薯仔餅等。
繼續閱讀
營業時間
星期一至四
16:00 - 01:00
星期五至六
16:00 - 02:00
星期日
16:00 - 01:00
以上資料只供參考, 請與餐廳確認詳情
相關文章
好少有日式串燒店會令我去完再去，呢間好正宗真係日本師父親自烹調，喺尖沙咀食飯都會諗起Yayakiya。佢哋供應多款日本清酒及正宗博多風串燒，係三五知己舉杯暢聚的好選擇。CHEERS!牛舌串 - 濃燒至微焦的牛舌，口感鮮嫩爽口又多汁番茄黑豚腩卷串 - 食落超juicy佢地定期都會有special menu，哩個係牛肉卷。帶子串 - 靈魂醬汁係個bb沙律醬！帶子好大粒好新鮮！Apple Sabi - 呢個係必飲嘅爆炸糖Apple Sabi，加啲蘋果粒，加啲wasabi落個杯度，飲之前度啲爆炸糖入囗，啪啦～啪啦! 好激呀！
繼續閱讀
一間完全唔似酒吧又唔似居酒屋既店舖，價錢都正常，不過唔值叫左6樣野加2杯飲品就3百多……雞翼2隻明太子豚肉串1串餃子1碟蝦天婦羅1碟5隻雞軟骨串1串燒豆腐 估唔到既燒豆腐$28係燒豆腐乾2粒我相信街邊買2磚臭豆腐絕對比佢好燒雞翼真係唔好一味落鹽d肉完全無味就索價$28@1隻餃子就同其他評論一樣飛天餃子食完唔係識飛係d料會飛明太子豚肉串完全食唔到明太子可取既只係得蝦天婦羅可能我唔識叫……因為無叫壽司鳥冬不過如果晚上7 8點幾仲有吉位你都估到佢好食極都有限真係唔可以同其他同類居酒屋相提並論同樣價錢去觀塘既一杯絕對好太多 單係雞翼同餃子已經完勝食完埋單waiter俾2張8折優惠卷個一下我係想掉左去可惜openrice無blacklist功能否則絕對入選黑名單不過我自己都有責任無睇清楚openrice上一些高手對店舖既真相p.s另一張枱既客人不斷叫好好食個下我呆左叫差唔多同樣野可以2種評價。難道個廚玩我嗎！?
繼續閱讀
如果凡事都是以你科學和數學可以計算所有東西，生活多好。 就如愛情，工作，親情，如果可以精準計算，大約我們就沒有傷害，可以跟著自己所想。 心情差是因為生活上解決不了的問題，沒完沒了，和朋友吃飯加上談天說地，大約可以幫助一下自己。 今晚來到這裡，可能也是或然率的驅使，因為朋友約飯局兜兜轉轉的關係，遲了再遲，終於來到這個有名的日本串燒的地方，特別是因為這個主理人來自前田舍家的大廚，我更加非常期待。 科學也解釋不了，約我來的那過她，曾經是很親近，到現在像最熟悉的陌生人，我不知道有沒有公式教我做好，但幸好美食還為我今晚帶來了快樂。 一坐下吃枝豆是常識吧，配上強勁鹽之調味，那個枝豆的味道更加好，那股日式和風感更強。 日本空運新鮮生蠔，有各種不同的味道，日式醬菜味和柚子胡椒酸汁味是我的選擇，一杯一shot，我愛得想自己叫一盤來吃，不過之後叫了太多串燒，還是冷靜一下。 我覺得全晚最好吃的必定是這個德島縣產阿波尾手羽先，那個雞翼是非常燒得好，皮燒得脆，雞翼吃下去滲出的是雞肉香和和肉熱辣辣的肉汁，燒得好到基本上你沒有抗拒的餘地，只是為了這個燒物以來都無撼。 還有就是這個可愛的餃子，以底部來展示給食客，那煎得可口香脆的技巧已經略知一二，最重要餃子內涵豐滿，配合那脆脆的餃子皮，點會不令入喜歡。 白燒鰻魚又是另一碟燒得非常好的作品，平日燒得好嘅你知道佢主要用不同的燒汁配合那魚，這裡就是簡單以燒烤的法加上一點的海鹽來燒這個鰻魚，不需要醬汁，卻已經有那口和風味和美。 和牛壽喜燒串又是另一吸睛之作，用上新鮮的日本蛋，打過蛋黃就把那大大條和牛卷夾著壽喜燒的醬汁，那濃度厚度都是不能言傳的，的確，那股味覺就如把我帶到日本，也令我想起了上次在田舍家吃串燒的美好時光。 燒牛舌是最佳的燒烤配搭，雖然雞翼和牛和白燒鰻魚太出色，呢個反而冇咁強嘅感覺。 還有這裡另一主角，waffer Chirashi sushi 這個可愛的食物曾經在Instagram 看過別人post過幾次，今次到我去吃這個像珍珠一樣的餐廳震店之寶，新鮮濃味的海膽配合蟹子和壽司飯，在脆得一咬就斷的waffle餅中間如餐蛋治的原理，餅的鹹和那刺身的鮮有強烈對比，可恨的是這件小食太細舊了，如果大件一點應該會更滿足。 最後的博多明太子涼拌烏冬，非常美味，那強烈的明太子加上條條爽口得不行的烏冬，一流。 朋友叫的木魚明太子飯團，又是我們幾個明太子迷愛到要死的選擇，不過個人喜歡烏冬多一點。 無想過甜品都幾好，兩個冰都非常出色，心情不好也應該吃些甜點，可惜吃串燒吃得太飽，也許是命運的關係，生活嘗不了甜吧，科學總解釋不了人生一點事，科學只能介紹這類串燒好吃的原因是因為田舍家大廚主理吧..... 八焼鳥屋 尖沙咀漆咸道29-31號溫莎大廈地下10-12B號舖
繼續閱讀
第一次黎試試，慶祝朋友生日，但入去先知得一小時限時食，因為其他餐廳都多人，所以都照試試我地買左個蛋糕比驚喜朋友-但最後個waitress 突然在朋友耳邊問個蛋糕送得黎未 就拆穿曬了！ 我地都主要叫燒物多有(燒鰻魚-呢個唔錯 燒雞翼-好味 雞軟骨同雞棒。佢燒物方面係唔錯的) ，仲有叫左個海膽夾餅，但就好腥仲有個冷烏冬有d辣！ 飲品方面都唔錯 !!但d 野食岩岩到就話last order 了，有點催逼 到個蛋糕拎左出黎既時候點左蠟燭都未吹，相都未影，就要求拎走蛋糕幫我地分cake, 可能佢想快d趕我地走，我地都明白時間係食一個鐘既，但感覺上佢真係好趕客走，朋友杯飲品都未飲曬問都無問就收走埋，最後我地只好快快手襯佢未迫我地埋單交檯閃人食埋單超過一千蚊食物唔係太差希望佢地可以改善，不過我地會再黎食
繼續閱讀
「燒雞翼！我自細中意食！」依排幾日狂食雞肉🙈🙈已經連續食左三日雞肉類既食品不過我地唔好比佢停😏依間日式料理店位於尖沙咀，主打係日式串燒同特色雞尾酒！不過因為朋友末到齊🙈所以就叫左啲餐前小食，估唔到又做得斷幾有水準喎😛燒博多明太子-58$明太子燒得咸香！配住青瓜一齊食，中和反既佢咸味，唔錯博多一口燒餃子-42$依個餃子煎得非常好，皮夠薄，底部煎得香脆，食完一隻又會想再追住食🙈鮮蠔杯拼盤 – 產地來自兵庫縣-250$有六小杯，分別有唔同既味道，有香辣蕃茄、岩鹽檸檬、柚子味噌、柚子胡椒、山薯芥末同日式醬菜，有我食左當中既柚子胡椒，第一啖係好強烈既胡椒味，之後有淡淡既柚子香，生蠔既鮮味帶到出來，可惜得一杯😞海膽威化最中壽司-48$來到一定要試下餐廳介紹我哋嘅招牌菜，係威化盒入面放滿左海膽，咬落去係幸福既感覺呢😍食完前菜！當然就進入我地既重頭戲！串燒！🍢🍢牛舌串-38$為大家打頭炮嘅就係燒牛舌，牛舌切得夠厚，外層燒得夠香，入面都保持嫩滑，加小許既鹽作調味，簡單，但超級好味！和牛壽喜燒串（跟蛋黃）-65$依個和牛串有驚喜！外層既醬汁香甜，配合牛肉包住既金菇有相輔相成效果！另外一舊係包住丁字麵麸，上網一查證後，原來是一種豆製品，味道很特別，口感有點像豆腐，但有一點奶味，有興趣嘅朋友可以試吓！德島產阿波尾燒雞翼-27$阿波尾雞比一般雞翼足足大隻一倍有多😯雞翼要燒得好，真係好睇廚師既功力！雞皮燒得夠乾身，落上手時候唔會有油，讚！鹽既份量都控制得唔錯，足夠帶出雞肉本身既味道，讚！依隻雞翼係我「燒雞翼排行榜」中應該都有頭三位😏下次一定會再食過😛😛白燒鰻魚-55$緊係唔少得有燒鰻魚啦！一樣外層燒得香脆，肉質仍然保持水分，比較可惜嘅係沒醬汁，不過你可以用和牛串的醬汁配合一起吃，出奇地配合呢！士多啤梨刨冰-38$最後當然要有一個甜品做總結啦！食完咁多熱辣辣又熱氣嘅嘢，當然要食返個剉冰啦！甜甜酸酸嘅士多啤梨醬配上刨冰，真係個完美嘅落幕啊！
繼續閱讀