八百善 (已結業)

如果唔係食下午茶餐，午市套餐六十至八十零蚊來講，呢間都算係貴嘅午市日式定食，不過下午茶就會抵好多，因為同樣嘅主食，價錢平咗之餘，仲會每個套餐送一款小食店嘢飲仲有沙律。小食來講，枝豆嘅份量都幾多㗎，同埋佢唔係預先整定嘅，上菜嘅時候都仲係熱辣辣。呢個芥末蜜糖薯條，我都唔係第一次叫，因為佢又係即叫即整啦，薯條又唔會太幼，粗度適中，都幾飽肚㗎，份量都算多。滑蛋吉列豬扒飯，吉列豬扒熱辣辣，肉又多，加上面頭少少嘅紫菜同菇，好好食架！我自己最鍾意就係牛肉丼，牛肉份量超級多,次次我都食唔晒架,同洋蔥配搭係正，側邊仲有少少雪菜，然後蔥花同芝麻將碗飯提升咗,非常夾㗎！連同芝麻沙律、同埋嘢飲一杯，一個下午茶餐大概$60包嘅野都幾多。不過間野嘅服務呢就有啲差，因為好明顯員工嘅人數不足，導致成間店好似得兩三個人去應付咁多位客人，你每次想搵人去服務你都要等好耐㗎。

呢間野開咗咁耐，之前食過幾次，覺得食物質素一般、態度不嬲都唔好㗎啦。不過諗住快快地食餐晏，冇所謂啦。尋日入咗去坐低睇餐牌嘅時候，叫咗個女侍應俾杯水我。杯水嚟到，我除低口罩諗住飲水。點知佢即刻同我講，話未有嘢食唔可以除低口罩。我同佢講，戴口罩點飲水呀。佢依然繼續同我講話未有嘢食唔可以除口罩。我即刻放低杯水，走人。如果你唔想做生意，又咁驚啲客有病嘅話，可以閂門唔好做生意。唔需要咁樣玩啲客、侮辱啲客。

早前食過晚餐,都好食。今晚再同家人去光顧，去到時大約8:20pm, 門口取票個機已經冇票出，門口女侍應話太多人取了票，今天也冇票可以出。目測門口只有兩組人客等待中，故立即問吓如果冇人來，有位時可以入坐嗎？女侍應用好差的態度說‘已經cut咗單啦，我們立即問吓其實是幾多點cut單，我們下次可以就番時間來呀。女侍應説’好難講嘅，可以七點，可以八點，你們唔使等啦，就算一陣有位都唔會俾你’。嘩，我們只不過係門問吓有冇得等吓之麻，竟然有這結果。我們以後都唔會再去這店，好差的體驗⋯⋯😡

因為工作需要去到屯門食飯，本身大商場都預計冇咩好嘢食，最後搵咗間比較特別啲嘅日式餐廳食lunch。 價錢大概為60至70蚊，雖然價錢稍貴，但仲有沙律同串燒同嘢飲嘅套餐都可以接受。 首先講咗個主菜先，燒豚肉飯，雖然賣相有啲乾身，搭質感幾脆有咬口，只係份量有啲小。串燒幾好，細番薯仔甘甜，雞肉味都唔錯。最後嘅沙律就普普通通啦，典型沙律再加菜咁。反而凍檸茶嗰度唔錯，唔會太甜，令我好出奇，消暑嘅恩物。 服務態度一般啦，當係一間普通食lunch嘅餐廳。

今晚同老公吾知食咩好，走落屋企附近的v city 搵食，見到八百善門口餐牌都幾啱食，於是就決定入去試下疫情期間幾乎每間食店都要量體溫🤒️呢間都不例外，枱與枱之間有塊板隔著，幾安全👏其實系門口已睇食咩，所以入座後我order了豬軟骨溫泉玉子石鍋飯，我老公就叫了黑豚肉生姜石鍋飯ps:可另加$35轉套裝，包沙律、麵豉湯、同一杯飲料🥤，如吾想轉套餐叫飲品可以用半價叫餐牌上的飲料🥤先講豬軟骨，肉質唔會鞋口配上豬肉汁好入味，蘿蔔亦都好淋好入味，伴以玉子口感一流，最喜歡💕肉質汁另上，可自已調教多少，尤其啱我仲意多汁撈飯的人。另外黑豚肉同样出色，配上燒汁，可口入味。但里個石鍋飯是沒有飯蕉的。飲品方面就叫了紅西柚茶同菠蘿梳打本人比較喜歡菠蘿梳打，喜歡清新的朋友，可以選擇紅西柚茶，整體來說是滿意的！

剛開張時食過一次，覺得食物既味道、質素、待應既態度都不過不失但最近同朋友再去一次時，因疫情關係，店舖採取相應既防疫措施，但過程中在溝通上出現問題，帶位既女待應態度特別差，非常沒有禮貌，完全唔覺得佢有耐性地解釋，只係一直將責任推落我地到，最後我地連餐都沒有點就直接離開應該唔會再幫襯呢間餐廳！

不是第一次食這間店，主打是食石鍋物，有石鍋飯，手打烏冬，而且仲可以揀湯底，蕃茄湯，龍蝦湯，牛乳黑松露，辣湯底， 今次叫了「吉列炸蠔手打烏冬」配番茄湯底仲加左芝士，吉列蠔炸得十分香口，蠔也帳卜卜 好味！但加了芝士麻麻地芝士遇熱後痴埋一舊舊，而且無芝士味，另叫了「吉列豬扒手打烏冬」配上牛乳黑松露湯底，另加了粟米🌽，吉列豬扒有小小硬口，而牛乳黑松露湯底濃厚黑松露味（註：如接受唔到要注意⚠️）再加埋粟米好完美

同老公行完街，一心想食牛角，但實在太多人等位，只好轉去對面食呢間，但有驚喜啵，呢間都算幾好食👍🏻開頭侍應說卡位未有位，只有bar位，原本唔想坐，但肚子太餓了，惟有照入去啦😅但入座前要先量體溫保障大家👍🏻食店兩邊就係卡位，中間就係一條長抬bar位老公點左吉列豬扒烏冬，有得揀湯底，我哋加多$10揀左黑松露湯底嘩，原來用石鍋上架，當侍應送餐過來時，仲好滾滾的，而且黑松露湯底好香濃，吉列豬扒好鬆脆好滑溜😋😋醬燒豚肉石鍋飯：同樣石鍋上，將醬汁伴落飯上面，聽到炸炸聲，香味隨之而升上，豚肉有點嚡，如果夠滑一啲的話，呢個飯一定超好食😋食到最尾仲有少少飯焦香味因為太肚餓，亦都點了幾款小食，鹽燒牛舌串燒，不太厚身，但燒得岩岩好，配搭附上的醬料，不但除去肥膩感，仲好開胃燒羊架串燒：夠羊so味，肉質都好嫩滑👍🏻燒墨魚餅：好彈牙，兼且有粒粒墨魚肉，好爽口👍🏻😋配上呢杯生啤，蝦子餅話呢餐好滿意

話說今晚經過V City一心抱住好心情去食石鍋飯，有位四眼肥肥地嘅女侍應望一望我地，我話2位，唔該，我地坐低睇左陣餐牌，佢望一望我地，但眼神係話比我知(落單未呀，諗諗諗）都算，到我地正式落單喇，一個唔記得幾號嘅石鍋飯，一個乜乜手打烏冬，一份幾味雞翼，唔耐煩語氣mood.......仲有冇呀，之後即刻收餐牌，都算，到有另一枱客入嚟，另一個女侍應年紀大小小嘅，佢幫果枱客落單，落完單，最尾我聽到佢同果枱客人講，呢度有啲特飲做緊半價，我聽到之後，果一刻真係有啲愕然，點解頭先個侍應冇同我地講，有啲嬲嬲地，總之一句講晒，帶左口罩我都覺得你黑面(四眼肥肥地女侍應）嘅服務態度好差😡😡就算食物質素尚可以接受，但你嘅態度已經令到我下次唔會再幫襯！

今晚叫咗石鍋飯同石鍋undo,本身比佢個石鍋飯吸引，但食完非常失望，質素似茶記，埋單連加一要成百幾蚊碗，好唔值，食到尾仲要送多隻小強係個碗到，係而家香港武漢肺炎情況，衞生都做得咁差，下次唔使再幫襯!remark: 服務員態度差，得客咁款!

今次來到屯門諗食咩好，行下行下就來到這商場，見這間餐廳價錢都吾貴都有不少人來吃就決定這間吃飯，今日得我一個不用等位就可以入去，最後選擇了一個飯和一個小食，等大約十分鐘食物就來到。小食炸雞軟骨來到見到都有少少深色，加了檸檬汁食，沒想到咁咸又濃味，仲帶點燶的感覺，完全食吾到雞軟骨口感吾好食，食了一半就有沒有再食了。主食黑豚肉生姜燒石鍋飯來不太熱，醬汁和飯混一起後都不太咸，但都可接受，但豚肉有不少骨和豬肉味好淡有點失望。裝潢不錯少少迫但食品質素就只可講吾太差但可以有其他餐廳選擇。

去親屯門VCity 諗唔到食咩都會去呢間有時會叫地獄濃湯，唔想食辣時就食番茄濃湯，感覺正氣啲🙊 偏酸咗啲啲，不過幾開胃👍🏻。石鍋熱騰騰，烏冬、湯底、食材都keep住熱👍🏻 試過吉列蠔（好滑）、吉列豬排（好多件）、野菜（最light)、泡菜海鮮（最豐富）......。+$38有set: 沙律、麵豉湯、飲品有我最愛啲凍檸茶。呢間有啤酒飲呀🍻🍺。幾乎滿座，但係通常唔使點排隊，所以都成日幫襯呢間🍜

好少商場入面有居酒屋佢既鋪入面掛住嗰啲居酒屋🏮一入去已經感覺到日本嘅感覺我地一人叫咗一個set lunch 再加咗小食係飽到傻價錢合理！佢有主菜，湯，飯，沙律，冷盤，串燒，野飲我覺得用呢個價錢黎講係唔錯佢個醬燒豚肉又真係幾好食牛肉鍋就一般串燒都正正常常小食都算平都係十蚊一樣蜜糖芥末薯條燒雪魚乾小食十蚊黎講又好食又唔貴好值得食好既小食呀我再去食會encore 小食

雖然分人數攞飛，但不論人數排同一條隊，等唔係問題，無時間等入唔到去食都唔係問題，但門口男帶位態度令人反感，佢個態度同語氣有問題，一副唔憂做既樣。之前有食過，之後唔會再食。

食物味道普通，款式少，完全不建議有小孩的家庭去幫襯，有人頭最低消費的！午市每人頭最少$50，晚市每人最少$100！入座前完全無提示，落晒單先話你知門口有寫，唔留意都唔會知！想飲水：請自助！