八百善 (已結業)

今日午餐揀呢間真係唔好彩，點知隔離枱更加唔好彩；話說午餐點咗鯖魚定食，等咗十五分鐘未上餐就追男侍應，佢回覆等多一陣燒緊，我就耐心等多陣；再過十分鐘仲未上餐，又再追，男待應就話就快有，有個女待應就話比男侍應知廚房有十個餐等出，過多五分鐘終於有得食，等咁耐條鯖魚已變暖，都唔知放喺廚房咁耐等咩。隔離枱同我一樣點咗鯖魚，其實佢仲早過我五分鐘落單，佢都一樣追男侍應，初頭答案都一樣；之後佢向男經理追單，男經理好敷衍話整緊等多陣，之後佢話已經追過一次仲未到，男經理再睇睇張單之後再望望自己隻錶就答「20分鐘啫，等下」，簡直唔覺得有誠意答個客人；就係呢個時候女侍應就話比男侍應知廚房有十個餐等出，男經理一路向廚房行一路好大聲話「咁趕時間去食麥當勞啦，唔好喺度食」；呢句話居然出於男經理把口，咁嘅服務態度非常差！

今日要係屯門食lunch，就揀左依間嚟食開左咁耐都係第一次嚟，平得嚟份量夠味道又唔錯喎Lunch set都會有一份沙律正正常常，無乜特別啦追加左一份鱈魚乾雖然燒得乾左少少，但蘸下沙律醬都係一樣幾香口，好易食唔停既小食每個set仲會有2串串燒跟餐既嘢都不能要求太多，不過都唔差既汁煮豬軟骨定食 $68份量好夠豬軟骨夠軟腍又入味仲有啲汁好濃郁，用嚟撈飯食一流日式牛肉鍋定食 $88都係好足料味道都唔錯每個餐有沙律有2串燒又有湯同飲品，真係好抵食味道都係中上，食得過不過要滿$300先可以碌卡📍超主觀+有偏見評分 (5為最多)📝📃hunger(食物🤤/🤮): 🤤📃anger(感覺🥰/🤨): 🥰📋hangry(整體🤬/😟/😛/🥳/😍): 不錯喲🥳

屯門V city商場內的一家日式定食店，每次也是午餐過來食。因為大部份餐都是88元（另收加一服務費），跟餐有兩串燒物，燒蕃薯及燒雞串。蕃薯很好的，但雞串的味道很淡雞皮脆脆的，尚可接受。飯的份量不太多，但我也很足夠。餸的味道很好，只是一個人未必食得晒。個人非常欣賞這裡的朱古力飲品，味道甚濃，比起其他茶記只是甜味沒有香味的真的有天淵之別。可惜午餐很難吃滿300元方可擦咭，但店員也很友善。值得一讚，可一去再去的。

-🦄八百善-野菜湯烏冬 Hkd58Rating🌕🌕🌕🌑🌑-午餐來到呢間日本料理既餐廳🍱午市既選舉都有幾多但多數都係肉類🥩既餐饍-野菜湯烏冬既餐會跟埋餐飲🥤沙律🥗同前菜本來見到Menu上話會有埋麵豉湯🥣但我呢個就冇送到來👀唔知係咪叫定食既先會有一來就送左沙律先🥗但加左我唔中意既麻醬再等左10-15分鐘先送到烏冬來🍜配左個一口既中華沙律前菜烏冬上面全部都係菜好正呀haha👅主要係娃娃菜🥬其次會有菠菜洋蔥同埋都會食到本菇再加1-2塊白菜咁烏冬係我中意既口感😻😻好煙韌好彈牙😽😽比較粗身唔容易斷👻最怕食到一夾就斷既麵但呢個烏冬唔會所以真係唔錯🤤🤤而且味道都唔錯😬吸引曬湯底既精華🤗湯底係比較鹹既😣但係清清地鹹鹹地個隻🤔-份量足夠👌🏻👌🏻食完都feel到飽肚感😂😂環境都ok既 2點前去到唔係太多人👥之後都得返2-3檯人食緊 略嫌上菜既速度比較慢😅冇諗過一個普通既菜既烏冬都要等15分鐘-

今日落雨天氣又涼左d啱曬食熱騰騰既野食呢間餐廳專食石鍋手打烏冬叫左個蕃茄湯底嚟到既時候重係滾緊食再一半先冇咁滾湯開始收乾 變成汁 D烏冬吸左d汁 好濃味中意食蕃茄既朋友一定覺得好正佢既吉列蠔 炸得啱啱好食得出好鮮味另外一碗叫左北海道牛乳忌廉湯底上枱既時候冇啱啱果碗咁滾應該係完全唔滾湯底又冇牛乳味只係好似鹹啲嘅忌廉湯咁啲烏冬又唔係好吸到d味對比起蕃茄湯即刻輸咗如果天氣再凍d食呢個烏冬一定好正食完應該會全身暖粒粒

我叫了石鍋烏冬，八百善待應倒了成煲滾到起泡又出晒煙🔥🔥🔥的🦞龍蝦湯在我條白色褲，大腿炙到紅色，成身又臭又濕。那倒滾湯在我大腿的男待應，還有那個女經理，連一句道歉都無直接同我講過（做錯嘢「對唔住」係做人最基本的禮貌！），又無主動賠番條白色褲的清理費俾我（若果你條白褲猩濕🦞龍蝦味，點行出街見人呀？），只係睇住我攞住個冰袋收拾殘局！這種反應好無禮貌！好唔專業！我全家嬲到咩都唔食走人，亦以後永不幫襯！好彩被滾湯淋的人不是個bb仔，如果唔係，咁嘅情況，俾佢毀容！

食物質素時好時壞...但多位職員態度都好有問題！今日食lunch，都有九成滿座，可能因為咁想趕客啦！先係食左唔夠十五分鐘 份餐食左一半左右 就問我係咪唔要 想收哂成盤嘢 都算喇跟住擺低杯飲品同細樽糖水 唔夠5秒 就有職員問糖水係咪唔要，想收左佢，同佢講啱啱到未落，跟佢住唔出聲黑口黑面咁走開 然後都食到尾 碟上仲有食物 又有職員問我係咪唔要 我未答得切佢已經執碟 將啲醬碟放喺啲食物上面 想要都唔得啦 我同佢講"我要架，有冇搞錯呀" 跟住佢唔出聲行左去 完全冇再理過我地喎！唔好意思都冇講過一句！啲態度衰到呢，好似我地賴死唔走咁，但成個lunch 只係食左半個鐘多啲，都可以食到成肚氣，除左個男職員有禮貌啲，其他幾個真係極品

黎到v city 一樓美食雲集樓層，當然要試新餐廳啦。依間開左一排又未食過既，難得吾洗排隊， 今次就嚟試下…一見到呢個網燒牛扒定食我對眼就發曬光啦， 為咗穩陣起見我叫咗七成熟。定食套餐有前菜，麵豉湯，白飯一碗加兩塊酸瓜， 仲附送兩串串燒添。網燒牛扒上碟嗰陣已經切到一舊舊， 夾起嚟仲見到入面係粉紅色嘅。 一啖食落口果然外脆內軟，超易入口，好好味。兩串串燒分別係雞肉同埋紫薯， 我個人比較鍾意紫薯串燒。其他嘢就好普通，冇乜驚喜。建議大家嚟呢間餐廳可以試下網燒牛扒定食，一定令你食過番尋味。

曾經有次夜晚行街經過門口發現晚市都係散嗌為主,價錢都偏貴,所以一直都未有機會去試直至前排有朋友介紹先知星期六日既午市都有定食套餐提供,今個星期六係屯門西鐵附近,就決定去試一試位置方便,去到門口雖然見到幾對人等緊位,但拎飛等左一陣已經可以入座安排左卡位比我地,但要同人搭台,有少少擠迫午餐定食由$68起,每份套餐包沙律,兩串串燒,麵豉湯同飲品當日選擇了一份豬軟骨定食同一份豚肉燒定食,味道正常,只係豚肉燒略為乾身,比較"鞋"整體黎講,午餐都幾抵食,兩串串燒有加分

本來想食日本野，但係門口見到餐牌很貴。心諗就試試，睇下價錢同質素係咪真係相符。本身好中意食牛乳湯底既野，叫咗一個牛乳湯底既燒豚肉手打烏冬，手打烏冬真係好彈牙，湯底既牛乳好濃郁，未食晒果麵都已經飲晒湯底。另外，叫咗一個蕃茄湯底既吉列豬扒手打烏冬，豬扒即炸，唔錯，湯底真係有蕃茄。湯底真係好正！串燒都係店既招牌，叫咗蕃薯🍠，雞腎，辣椒仔、仲有雞翼同秋刀魚，茄子。串燒都係一般，冇特別。雞翼做的好係冇雪味，辣椒仔燒完都唔辣，全部既野都係好食！

V city 開左呢間日本料理，主打石鍋飯、石鍋烏冬及串燒。平時都覺得v city無乜野好食，但呢間既石鍋烏冬令我再次回去。烏冬可以選擇不同湯底，我吃過兩次，一次是牛乳湯底，一次是需加$10的龍蝦湯底。兩個湯底都很喜歡，如果要我選一個的話，我比較喜歡牛乳湯底。芝士炸豬扒不太特別，芝士的量沒有什麼驚嘆的感覺，而且炸得較黑。相反，吉列蠔做到外脆內較，值得推介！這裡的串燒也很好，明太子雞翼的明太子也很足夠，不會太咸呢！

星期六返半日，同屋企人去屯門食lunch,兩點點鐘去到門口仲有人等緊，大概等左10分鐘先有得入。因為卡位數量有限，今次要搭枱，不過冇所謂啦，都係食個飯啫。叫左豚肉（$68），鯖魚（68）同牛肉鍋（$88）定食。定食包沙律,漬物，麵豉湯，指定串燒兩串。沙律🥗係雜菜加甜酸汁，而串燒今日係番薯仔同雞肉。漬物有螺肉/中華沙律。麵豉湯有海帶和豆腐。鯖魚大大件，味道正常水平。而豚肉薄薄的，燒到好香口，而份量都唔少，有三塊，仲有椰菜絲沙律伴碟，如果覺得豚肉太油，夾埋菜絲食剛剛好。反而最貴的牛肉鍋就得4,5塊肥牛，個㡳淨返d雜菜同豆腐😞，唔太抵食。

我夠膽講我打呢篇野絕對唔係打手，絕對係真實食評，從未試過食一間餐廳咁嬲首先我同同事一行三人一心諗住想食個間無位，見到呢間新開張，餐牌野食又唔錯咁就入左去試下。我明白餐廳中午比較旺場，所以比左張好窄既枱比我地（係張枱慢慢收窄個種，側邊仲放左托盤），我地明白又了解，但當我地叫晒野食時，開始有吉枱，個經理同帶位你眼望我眼無諗住比張大d既我地，咁都唔緊要，當佢地真係無心之失。咁我地見到有三、四張吉枱卡座，出面門口又無人排隊，即刻同經理講可唔可以轉去大張d既枱坐，佢即刻問左句你地幾多個人，我話三個，之後佢竟然走左去唔理你，我同朋友即刻嬲都爆，你話人多安排唔到、話人地訂左都無咁嬲，佢咩都無講就走左，之後係你面前行黎行去，完全當你透明，咩料丫？咁呢一刻實有人問，野食可能好味，當d野食送到上黎，完全無諗過煮左四，五個字拎出黎，d野食上到黎係微暖，試一試個味道d串燒係完全無調味，朋友食牛 牛係韌到你唔信，完全無諗過又無心又無服務既鋪頭，有咩資格開鋪

今日黎左個即興飯局因為男朋友同埋媽咪都加班所以我地就即興話返Vcity食晚飯喇...我同媽媽想試下新野...所以揀左呢間有烏冬，有石鍋飯好似好吸引咁等左大約半個鐘就有位了...8點入座（計兩小時）係出面已經影定餐牌因爲比男朋友揀經過一段討論...我地叫左個小食-露筍豚肉卷-$28配上檸檬🍋汁...開胃更野味男朋友揀左個-塩燒三文魚親子石鍋飯-$108三文魚都好大塊，配上甜甜地既醬汁正！另外仲有露筍同三文魚子做配搭豐富我同媽媽猶疑緊食鰻魚炒飯（$98）還是蒜片牛柳粒炒飯（$98）最後媽媽話想食牛柳粒...所以就揀左後者但點知發覺呢個麻麻地...完全無味唔值牛柳粒炒到好乾又硬失望...唔抵食我揀左個醬燒豚肉石鍋飯-$88因為我見餐牌張圖有好多塊豚肉...所以想試試實物黎到都有7.8成喔我覺得好抵豚肉果種燒香味配上特製醬汁無得頂燒得岩岩好，唔會硬正！最後加埋一服務費約$350（三個人）平均每人約$115大家都食到好飽

已經俾左兩次機會，一樣甘差！事不過三，所以唔會再去食！第一次同朋友去食，9:00入座，未到9:30已經叫人埋單，d員工已經係旁邊抹地，感覺不好。朋友叫俾幾杯水，3個人，俾兩杯我地，Hea到爆。最後食左4百幾蚊，d野食份量唔多，我朋友都話唔多夠食👎🏻第二次，因為好近屋企，所以同男朋友去左食，8:45去食，一坐底一隻蜘蛛仔跌左落我男朋友條頸到，不過我男朋友話算，所以無同餐廳講。但叫人攞兩杯水都無人理我地，最後自己去斟。d野食唔好食，個炒雜菜細碟到喊，要58蚊架！未到9:30又叫埋單，又係人地食緊野時用個d消毒野抹地抹枱，今次我問其實幾點關門，佢話10:00。不過因為我地都趕時間走，都無計較依件事！到我地走，全場無員工講byebye！🤬🤬🤬仲學人收10%服務費！何來有服務？！無服務👎🏻👎🏻👎🏻食物唔係好食🤮又細碟！👎🏻👎🏻👎🏻