八百善 (已結業)

好耐無寫食評了！但係屋企樓下最近開左間日本居酒屋，本身太鐘意食日本野了！終於有時間去食，所以食完即刻寫出黎分享下先menu比我想像中多選擇～有選擇困難症所以叫店員介紹幾味比我地試！佢地推介我地食雞棒、銀鱈魚同燒飯團！但係因為太心急所以唔記得影menu相！第一味：鯛魚奶湯好味！好夠味但又唔會太咸！第二味：三文魚籽冷豆腐最低層既豆腐好滑，中間有兩片牛油果，最上面仲有三文子籽，好鮮味第三味：串燒 （ 翠肉瓜、露筍同免治雞肉棒）雞肉串燒係店員其中一樣推介，亦係本人覺得最好食既一味～因為太有誇意了！一上台見到雞肉串隔離有隻蛋，已經想像到會好好食了（個人對呢個食法有偏愛）一食入口，雞肉棒既口感係非～常～正！因為入面除左雞肉之外，仲有雞軟骨！所以最後encore叫多一串黎食～hee 第四味：銀鱈西京燒自己本身都好鐘意食銀鱈魚！所以黎到緊係要叫返客黎試下啦！因為出街食銀鱈魚普遍都比較貴，同埋細細舊咁，所以上台時見到有手掌咁大塊真係有點喜出望外第五味：野菜烏冬第六味：燒飯團呢味都係店員推介之一！燒得最香～但係又唔會燒到好硬！因為之前的生蛋仲有淨，我地就點d蛋汁黎食！一飯兩食～第七味：燒日本薯茨雪糕下次搵

都唔知係咪比人昆，一串燒鱔要$68，得一串，一個鰻魚炒飯都係$98佢串鱔要$68，咩玩法，希望呢間野個老闆見到唔該修改到下個串燒menu個價錢，如果唔係肯定唔會有番頭客7個人食左千6蚊，仲要唔係飽，呢個價錢可以好多選擇不過老實講，味道係好食既，但串燒個價錢一定唔會再幫襯，唔係錢問題，但我而家唔係入左disneyland食飯要比你劏呀話!一串燒牛舌都要$58，但你又唔標明係乜野神級牛wor，唔好當香港人係水魚lor，就算係都只會比你昆一次!!

足足等左40分鐘漏單，還是是旦旦説整緊😤😤😤完全不知所謂，我應為整個店舖管理不善，起有此理。員工態度差，等40分鐘時間長，環境迫，不會再幫襯食物質素就唔知，但所有安排好差好差，如果1至10分，我會比0分呢間餐😤😤😤😤😤

本身諗住飲茶，去到V City 先發現開左間新日本菜餐廳，於是決定試下好唔好味。餐廳裝修簡約，牆上嘅木牌增添左幾分日式風味。可能新開嘅關係， 星期日都有午市定食，不過價錢都唔便宜。我地一行4人就叫左頭4個定食。我食嘅係豚肉生薑燒定食，包一個沙律、一個醬漬蓮藕同麵豉湯。沙律嘅醬幾特別，唔係蛋黃醬，食起黎甜甜地，都幾開胃。另外麵豉湯好足料，除左海帶，仲有蝦米同豆腐，飲落好鮮甜。豚肉好甜，不過好香，都幾好食。蕃茄香味雞蓋飯～推薦！雞肉多汁！起初唔知燒一夜干係咩，細問下原來係魚，份量都幾多，大大條，大家一齊分享。魚肉肉質唔錯，送飯好岩。友人嘅豬扒飯，豬扒炸粉薄，一食就感受到肉質鮮嫩。餐廳嘅櫈幾靚～有d藝術感，只係唔太好坐。