八百善 (已結業)

自從甘味執左之後 成日想食烏冬都唔知可以去邊食同朋友行街搵食 由市中心行到去v city因為元氣同峰壽司都等太耐所以行經呢間望下個餐牌主要食石鍋飯/石鍋烏冬 仲有d串燒 小食咁最平$68就有一個烏冬 價錢尚可接受兜多個圈都無野岩 就決定食呢間啦都要等位 但等左10分鐘到就有位啦入到去 揭個餐牌發現原來烏冬可以揀湯底地獄（辣） 蕃茄 牛乳忌廉 同鏗魚 就唔駛加錢黑松露 同 龍蝦 就要加$10我揀左蕃茄湯 吉列豬排 石鍋烏冬 朋友揀左 雞排石鍋烏冬 地獄湯 加$38可以轉餐（有沙律面豉湯 同飲品）個烏冬黎到 睇得出個石鍋好熱好熱D湯仲係咁滾緊 試下個湯底 唔錯 唔會好咸 烏冬好彈牙豬排就正正常常 面包糠味重左d朋友既雞排都唔錯 地獄湯底就好辣下唔食得辣唔好叫愈食愈熱食到出晒汗一黎冷氣唔夠 加上個石鍋保暖好勁 食到出晒汗見隔離食石鍋飯都唔錯 下次可以再黎呢間試

黃雨下不想走到外面食晏，就決定在 V City 試新野 店內位置也頗多，我們兩個人被安排坐卡位，很寬落呢～看看menu，有好幾款不同定食，有丼，湯烏冬，焗飯，鍋物，比較特別是有一款串燒定食～不過太熱氣，所以pass 點了以下兩款定食：鹽燒鯖魚定食 - 除了湯和沙律，還有兩款串燒，甜蕃薯及雞軟骨，鯖魚和飯的份量也頗多，不過不夠熱，算不錯滑蛋豬扒丼 - 這定食配湯和沙律，整碗飯及豬扒份量很多，絕對是飽肚之選，可惜也是不夠熱，是微暖狀態，味道其實不錯凍檸茶及凍檸水 - 檸檬太少，只有兩片薄薄的，而且不夠冰及凍，所以加打了糖水也沒什麼味，如改善會更好總體味道其實不錯，如改善到食物不夠熱及飲品不夠凍會更好

每次在Vcity內揾食都行好幾次唔知想食乜，今晚終於行到呢間野門口，再一次細看下決定走進坐下。 蒜香牛柳粒石鍋飯$118 (轉為定食+$38)賣相的確不錯 顏色豐富增加食慾不過有個唔好地方就係話晒呢間都係一間日本餐廳，但menu內牛肉部份係無註明採用邊度來貨既牛。變相按呢個價錢又好似較貴不過講返今餐呢鍋牛粒飯d牛先，肉質有咬口，放心又唔係鞋十十個隻，有小量肉汁。<伏味解除> 蒲燒鰻魚石鍋手打烏冬-蕃茄濃湯$118居然呢個先係一個驚驚喜位碟鰻魚好味。石鍋烏冬同鰻魚係分上的。但本人覺得比較夾石鍋飯食囉其實個烏冬不錯，烏冬質地煙煙韌韌，蕃茄湯底味濃，不過可能用左石鍋，所以越食越濃味，如果受唔到就叫清淡d既湯底喇~~ 燒三味釀雞翼$48每隻雞翼內釀滿不同配料，肉皮脆香，支上少許檸檬汁，令香味更出，又可無後顧之憂大口咬落去 呢個價錢本人覺得抵食。 炸雞軟骨$38 因為掛住食唔記得影相不過都講講比大家知，雖然細粒左dd，但都ok既，又未係乾到柴皮個隻，呢個價位咪試吓囉~~總括黎講，環景黑媽媽，卡位其實不太好坐，岩岩有幾枱小朋友，所以有d嘈吵。味道尚可，如果真係諗唔到食咩都可再去既

今日午餐食咩好？突然好想食日本定食。所以揀左系V city入面的一間日本餐廳。雖然今日系星期日，可能時間尚早(我哋11.30am已到達食店門口)，所以做左第一枱客。侍應生竟然任我哋揀位，我哋當然系揀卡位啦！其實卡位可以坐四人但侍應生俾我哋揀，可能早到有著數。店内環境好重日本風味，尤其系那三幅巨型日本美女油畫和近廚房的佈置; 主要以黑色和米黃色為主，米黃木紋色的枱配上黑色坐椅，感覺前衞而簡潔、; 坐位唔算太多，坐位與坐位之間亦唔算太擠迫，這只有4張卡位，如果想坐卡位要早啲到啦。餐具亦主要以黑色為主，配合店内裝修風格。餐牌有齊食物相片，好清晰，午市定食一共有9款，價錢由$68~$128; 丼、烏冬有4款，價錢由$58~$68; 芝士、咖哩焗飯有3款，價錢系$78。價錢算合理。最後我哋揀左網燒牛扒定食、串燒定食、追加南瓜薯餅、燒雪魚乾、飲品點左熱柚子蜜、熱朱古力。坐唔夠15分鐘，餐廳已經滿座，香港人對日本菜真係情有獨鍾！未到10分鐘，兩杯飲品已經送到，但糸熱柚子蜜和熱朱古力絕對稱唔上熱，柚子蜜味道甜甜地而且柚子份量亦夠多，但系熱朱古力的朱古力粉比較小所以味道略為淡。過左一陣，定食亦奉上。網

開完會，一行4人12點左右去到v city食lunch, 呢個鐘數唔洗點等就有位。睇個menu又唔係太貴wo, 有lunch set, 價錢由48至128 都有~set有沙律，定食， 野飲，另外送2串串燒~份量好足夠~

原本約朋友吃下午茶，可是約不成，唯有自己去v city尋吃的。v city餐廳層只有pizza express與八百善未曾吃過，pizza express到處都有分店，那我就試試八百善吧。八百善有丼，烏冬，焗飯定食可選，個人覺得定食較實惠，除有主食，沙律，味噌湯外，還有兩串串燒吃，份量來說頗豐富的，所以我點了醬汁燒豚肉定食。是日沙律是粟米蟹柳沙律，挺新鮮爽脆，作為餐前小食也不賴。至於串燒則是燒蕃薯仔及燒汁雞肉串，蕃薯仔口感確實綿密，奈何不太香甜，愛吃蕃薯仔的我略為失望，而燒汁雞肉串稍嫌偏鹹與肉質軟腍，宜減少醬汁的鹹度。醬汁燒豚肉定食蠻豐富，光是豚肉已有三大片，非常合愛吃肉的我心意。小食螺肉味道一般，味道淡淡，螺肉彈牙度普普通通。味噌湯不俗，豆腐，海帶足料，又不死鹹，正好飯後喝。醬汁燒豚肉燒得不夠焦脆，故豚肉香味稍稍薄弱，而肥瘦相間的豚肉沒有絲毫油膩感，這方面令人滿意，唯其肉質有部份老韌，柔嫩欠奉，難以咀嚼，整體好壞參半。

好耐冇返過入屯門食，行過有一間餐廳，新架喎，上網查，見到一半半評分，睇評論話以前貴，而家唔知係咪換咗餐牌，同其他日本餐廳咁上下價錢，咁就入去試，試咗幾樣野，味道幾好，質素唔錯，希望可以keep到，唔好比某國人士攪到質素下降就好～～～原條燒牛助骨（個人覺得好好味！不過價錢唔算平，試唔試個人決定）炸蠔（味道鮮，但粉太厚）燒牛舌（1串唔夠～）燒和牛（但都係鍾意牛舌多啲）石煱烏冬（真係貴，問有咩特別，話呢個係專登去日本學，所有整法跟足日本，味道好食，但就真係貴咗少少（過100），但我下次都會再食既～因爲食落烏冬同出面唔同。

今日同屋企人一齊食lunch，行開Vcity就揀呢間日式餐廳。Lunch 吾算超級多人，5分鐘吾洗就入得。Lunch都頗多選擇，最後我地揀左F鰻魚及J親子丼，仲點左個牛肉飯同少少串燒。Lunch set價錢吾算貴，都多野食。每個餐都跟湯、沙律。為飯每人$70-$80。而且，食物分量都幾足下。想贊下嘅系燒鰻魚，真係幾厚身下，燒汁都幾好味；送飯一流。要彈下嘅系親子丼，個扒太硬，可能炸過龍。總得黎講，間午餐都過得去，感覺普通冇d好特別好味或者突出嘅野令人回頭。串燒更普通。

vcity 抵食下午茶 秋刀魚定食 48元，有飯有小食，有多春魚和日本番薯串，秋刀魚雖然略嫌不夠新鮮，但煎得夠香。 豬肉定食58元連牛肉薯餅，汁的味道不差，豬肉夠咬口，牛肉薯餅夠大件，夠炸得香，但太多油，冇牛肉味。環境坐得舒服，人均消費60元。抵玩指數😋（1/3）值得一試。

一人自私食之滑蛋吉列豬扒丼早兩日一個人外出到屯門做野，lunch又再發掘野食！入去間餐廳午飯時間不算多人食飯。所以吾洗點等就入得，餐牌都多選擇。但我身為滑蛋吉列豬扒丼fans（幾乎去親日式餐廳有呢個餐都會點，除非好難食）兼且肉食者，緊系試下佢個豬扒飯掂吾掂啦。等左大約10分鐘左右，飯上左啦。不過一睇就失望了。雖然$68個午餐，但我真係對呢個飯嘅滑蛋好高要求。蛋一D都吾滑，熟蛋黎！炸豬扒太過火，乾曬，好似好脆，但因為炸過左所以結果D肉好老下。Um……呢間餐廳呢豬扒餐應該冇下次。

早兩日經過V CITY裡面呢間居酒屋，又起左試新野既心態，就入左去食個LUNCH。呢度地方唔算大，得10零張枱。佢有set lunch既，於是叫左個咖哩牛肉飯，跟前菜沙律同飲品。佢既咖哩做到日本咖哩果種風味，牛肉就嫌少左D，白飯都夠熱，整體算不錯。

見環境位置舒適，下午茶黎食定食，試新野，出面冇人等位，熱鬧程度比唔上其他餐廳。叫咗個豚肉生姜燒定食，冇生薑味，啲肉好硬，個飯唔夠熱，沙律菜唔新鮮，食物感覺上唔夠新鮮。

最近轉左去屯門返工，同事多數去V city lunch,所以我都跟埋去。lunch set一頁睇哂，全部都係飯，不過種類都多既，有咖哩(同事叫左，賣相幾吸引！)，鐵板，海鮮，串燒等等。價錢加埋一就七十蚊起跳，係V city入面就中價啦。lunch set有配沙律同飲品，沙律味道幾好既，算新鮮。不過見住係一碗碗放係出餐處，感覺有d唔衛生。係，佢就係今日既主角。話說侍應上菜果一刻就整跌左舊牛柳。佢講左聲唔好意思，之後就行左去。唔專登送返一舊黎其實都合理，不過佢就真係無理，跌左係我隔離無執走，直到我走...(當時雖然係lunch time不過唔係好忙既)講返味道，其實唔錯既。炒得香口得黎入面仲係有肉汁，唔會乾哂，要讚！而整體黎講個鐵板牛柳都幾好，個汁唔會太濃，唔會蓋住牛肉味。另外，現場環境係幾舒服既。兩邊係卡位，中間係張超長餐枱，適合唔同既人數安排。可惜係我食既時候，有兩個侍應就係我隔離投訴緊唔知係同事定送貨，雖然無講粗口，不過態度係幾差既。總括而言，食物質素幾好既，對得住個價錢，不過侍應等等既軟件就有進步空間啦！

Lunch見到新開 就走左入去試下入面中式得黎都幾有情調 薑炒豚肉set 都幾多野食 有湯 配菜 同兩串串燒 肉的份量都夠多 而且都夠嫩唔會鞋牛肉火鍋set 見到都覺得好正吖 係高級板的吉野家 滑蛋吉列豬扒 呢個最抵食 份量又夠大又好食 lunch最好的選擇呢個餐廳係冇壽司叫架🙈但有串燒小食囉

周日打完風，四點幾，出去屯門Vcity食下午茶，遇見一間新開的日式料理，入去試下先，居然意想不到，價錢平民，每套定食都是48-58元，有湯,沙律,小食和主食,飲品，好夠飽肚。我也問佢取餐牌看，價錢唔算高，下次再來試晚餐和串燒。