八百善 (已結業)

第一次食呢間嘢，舖頭裝修不過不失，餐牌圖片尚算吸引，但原來係個伏。嗌左個日式牛肉火鍋定食，黎到個賣相已經覺得麻麻，同圖片好大出入，碗白飯好乾，好似隔夜飯，明顯落唔夠水煲飯，珍珠米落嘅水係要比普通白米多，咁基本嘅嘢都唔識做乜嘢日式料理？然後個火鍋湯底，明顯就咁倒壽喜燒汁加水，甜到嘔，一尾得個死甜，咩味都冇。肉嘅份量算係合理，其他配菜已經甜到食唔出味。啲串燒係啲廉價嘢，唔使功架，齋整熱食得。整體而言，難食仲要過$100先簽得卡，失敗仲要加一，唔覺有咩服務可言冇下次！

夜晚想食晚餐，就搵到呢間有位嘅日本餐廳試一試入到去得2枱客人，店員不不慌不忙安排了我坐最入的位置店內環境其實不錯的以黑色作主調但店內放了很多雜物，令人感覺比較亂首先點了一份海苔豆腐沙律沙律不過不失，但如果不加芝麻醬是沒有什麼味道的很簡單的一道菜另外叫了炒雜菜，雜菜也比較硬主要是椰菜，比較單調調味沒有要求，但味道偏淡另外叫了幾款串燒，串燒反而不錯如果喜歡燒烤的可以一試但整餐飯沒有人加茶店員亦沒有其他工作令客人的感覺店員不太想招待客人所以以CP值來說真不太抵

去開屯門探朋友，中午就諗住係vcity 食個飯， 見呢間食日本野就諗住試下。由於當時好早，店內只有一枱三人坐在卡位，有一個人坐四人枱，店內仲有幾個卡位和好多位，我和男友被安排坐四人枱。我和男友平排坐，點知俾個女店員叫我們坐返對面，態度仲唔多好，我就話依家都無咩人，如果多人我們再調，跟住佢就眼超超黑面行開咗。接著陸續有人入店，但其實都係仲有好多位，個女店員都係叫人坐bar 枱，人地推住ｂｂ車都要人坐ｂａｒ枱，明明仲有卡位同四人枱。接著有對夫婦入來，又被女店員安排坐ｂａｒ枱，佢地就話仲有咁多位點解唔可以坐其他位，接著他們自行坐在四人枱，跟住俾個女店員話要對住坐。然後個先生問女店員可否俾杯茶，女店員就態度極差話：＂無茶喎！＂然後走開，她似乎很不滿客人不跟她安排位置坐而接著大聲話：＂個個都係咁我地唔使做生意啦！＂附近聽到的食客都諤然互相對望。最後有個男職員向個對夫婦解釋，店內只提供水沒有茶，接著俸上兩杯水。而女店員被安排收銀。我覺得呢間Ｄ野食其實好一般，唔值。加上店員態度惡劣，令人更加食得唔舒服。

我哋4個人未食係門口等，見到好多張4人枱都係得兩個人坐緊，其中有一張4人枱得1個人坐緊，我問經理可唔可以嗰一個人坐過一格，然後拍埋隔離張枱做4人枱，佢話人哋食緊野冇理由叫人調位，我話係同一張枱坐過一格咋喎，咁樣4位或以上永遠唔使入啦喎，佢用好唔耐煩的語氣重複話人哋食緊冇理由要人調位，但當時個客只係飲緊野未有嘢食，我話你帶位都有問題啦，一個人坐張4人枱，佢話：「等唔到去第二間啦！」 我即走！個男經理係四眼、身材瘦削，企門口。

行完山，3點幾才到V city, 求其選一間午餐好肚餓，點知食到一肚氣舖頭窄唔關我事，大大聲叫我移入張椅子見地上有未用過筷子，鬧小朋友，我朋友立刻講是她唔小心跌了食物貴，好咸!永不幫襯!

我地一行三個人，星期六14:17㩒左B42飛等位，又餓又攰，一直見有人埋單出黎，但都未見職員嗌number，個number一直停留喺B41，而餐廳門口有好多人等緊，最後等到3點先有得入坐，一入到去發現有3張空既4人卡位，已經嬲左，跟住職員連續嗌B43 B44，點解一早有位唔早d嗌人入去，要人企喺出面咁耐? 跟住隔離枱食完離開，職員執好枱面，依舊唔叫number，但出面有好多人等緊，有個醒目既衝入黎，發現有空位，問職員點解唔入客，職員講左句野(聽唔清楚)同搖手，大概示意張枱唔available, 個客嬲到走左去，張空枱就空多5分鐘，先至叫number入客。

我同友人見呢間野啲午餐定食好似幾正咁，於是就想去攞飛等位。由於無職員係門口，淨係得收銀位帶個女職員收緊錢，我地就企係門口等，等到個職員收完錢，我地就同佢講話要2位。點知！個職員串到一句撻過黎話：「唔該行返出去啦」黑哂面咁話「都要等我出黎先比到飛你架」然後隊張飛過黎 眼都無望你一眼乜事呀？咩態度呀？我地又無催你？好地地想食野而家咩心情都無上網睇原來有不少人已經投訴過呢個職員態度差如果個老闆係有心搞好間餐廳唔該再陪訓下啲員工質素先啦啲野食再好食都唔好留到客囉會同啲朋友講唔好幫襯呢間野貼錢買難受

吉列蠔手打烏冬 $78我選擇左牛乳忌廉湯底, 我覺得好好味家! 好入味.好岩忌廉控家.但係食既時候,真係小心熱呀! 好熱… 食完一身汗鐵板芝士餃子 $48一碟5隻,我個人覺得少少貴啦!! 味道一般啦!! 但係因為鐵板上真係好熱家! 凍左少… 有D硬呀店舖: 八百善地址: 屯門屯門鄉事會路83號V City 1樓L1-2舖

-🦄八百善-野菜湯烏冬 Hkd58Rating🌕🌕🌕🌕🌑醬汁燒豚肉定食 Hkd68Rating🌕🌕🌕🌗🌑跟餐串燒 Hkd0Rating🌕🌕🌕🌗🌑-烏冬控再次返來呢間八百善到食🤤🤤今次照舊都係食返野菜湯烏冬🥗🍜野菜既份量同上次一樣都係咁多🙈搞到我食左好耐都味開始食烏冬😂😂烏冬依舊都係我最愛既粗度同埋好煙韌😛👍🏻暴風式吸入咁煙煙韌韌既烏冬真係好爽湯底唔會過份鹹😼味道剛剛好呀👌🏻👌🏻今次既跟餐沙律我就醒目喇叫左走醬😹同行既朋友仔唔食沙律仲比埋我tim😺-到醬汁燒豚肉既定食餐喇🍱跟餐仲會送串燒🍢串燒同佢附上既汁係好Match👅串燒不過不失啦豚肉定食既豚肉就一般般啦😅雖然面頭燒得唔錯但都食到有筋既咬唔開 而且燒到比較乾身飯係普通白飯來既 冇咩特別😌😌😌跟餐仲會有面豉湯 正正常常Normal啦😗-

1.6.2019同朋友打算黎食晚餐，4大1小和1個5個月大BB!等位等左半小時後入坐，一個女肥四眼侍應同我地講：晚市最低消費100蚊位，大小同價，你地6位，即係最低消費要600蚊! 我地問佢BB都要計?佢態度惡劣大聲咁講：出面寫左!大小同價!我地話食奶都要計?佢繼續答：出面寫左!我地問：你地呢度有奶比佢食?5個月大bb食到d咩?點解佢都要比最低消費100蚊?連坐係度既食客都話有冇攪錯，連bb都要計!最後我地走人唔食佢!其實4個大人+1個4歲小朋友食600蚊唔難，一定食到，但問題係態度惡劣，一入黎就已經好似欠左佢咁!仲有未見過連一個5個月大既bb都要收最低消費，大部份餐廳都係至少2歲先開始收費，5個月大bb都要收費都係第一次見!!難怪呢間野咁多人話態度差啦，明晒!第一次黎諗住幫襯，冇下次!!

2019.5.25 12:40pm今日入去一坐低點餐，呢位短髮帶眼鏡女侍應（下稱該女侍應）幫我地落單。我地點餐後要求稍後先叫餐飲，該女侍應話唔得要一次落埋單。我地問可否先餐飲但後上，該女侍應話做唔到。我地話我地每一次黎食都可以，叫該女侍應問問經理係味得。（利申：已經黎過食lunch 十次以上，每一次都可以餐飲後上）跟住就出事喇，該女侍應竟然超大聲係間餐廳嗌：有冇同事應承左呢台餐飲可以另上呀？當成場望咩過黎時跟住9秒9自問自答：冇人應承過喎（再要加上乞人憎既笑容）。我覺得真係好過份，我地入坐2分鐘就落單問下得唔得就咁冇禮貌對d客。態度惡劣到好似同佢有仇咁。當然我地即時起身走人，再向收銀位另一員工投訴，希望該收銀員工有負起責任向公司反映一下，該女侍應既態度再係咁落去只會搞到冇人會再黎食飯。如果該女侍應睇到唔該你反省一下，我都做過樓面，但唔會好似你差成咁囉。本人冇乜在openrice出post但唔出真係對唔住自己。

14-5-2019晚膳，食到一大半收銀走過來，黒面語氣高冷的要求我們，拎開放在隔離的手抽袋（大），因為當時餐廳一半都係空位，問佢點解，黒面話“一陣有人入來進餐會坐”，😪😪於是話，有人入來會拿開，黒面黒面走回收銀台，仲同佢男同事講“佢話一陣有人會拿開”，買單時，黒面依然黒面…………好似我地做錯咗咩嘢咁，其實當時隔離與我同樣的四人台，都係兩日坐，而佢地兩邊的座位都放嗮袋………………真係想知發生咩事？

今天中午和媽媽來到V City找餐廳吃午餐，由於我想吃日式定食，所以我們便來到這間餐廳吃午餐了雖然是平日的中午時分，但是餐廳卻沒有午市的定食套餐，我們只好退而求其次點了正價的定食套餐了No.1 【八百善串燒定食】 $128以午餐來說，$128一份定食套餐真的十分昂貴，而且它的質素更完全不值得這個價錢！肉類的串燒只有三款而已，分別是五花腩，單骨雞翼和牛舌，可惜只有單骨雞翼的味道比較好一些而已五花腩方面，既然是五花腩，當然會比較多脂肪，所以口感亦會相對地油膩一些，這些我都可以接受的但是它卻只有八，九成熟左右，根本未完全煮熟！其實我覺得豬肉都是煮至全熟會比較好，因為安全穩陣一些嘛，所以我吃了一小口後便不再吃了至於牛舌方面， 牛舌雖然只有九成熟左右，但是口感卻依然十分堅韌，很難才能咬開，而且牛肉味亦不太重，味道只是一般而已肉類串燒中比較出色的便只有單骨雞翼了，可是以雞翼作為串燒，進食的時候卻不太方便，需要自行吐骨，會比較麻煩一些至於雞翼的肉質都算嫩滑多汁，肉嫩可口，只是味道比較淡了一點，沒有什麼雞味，有點味同嚼蠟，需自行加上檸檬汁進行調味蔬菜串燒則有四款，分別是冬菇，京蔥，青辣椒和蕃薯仔蕃薯仔

難得早收工，又去左Vcity搵食，行過一間一直都不敢入去食的餐廳，這就是八百善 | Pa Pa Sin。7點半已經要等位，一個人都等了一段時間。在門口看了一下餐牌，所以一坐下就點餐了。 點了一個吉列豬扒手打鍋烏冬)(牛乳忌廉湯底) 湯底好香濃的牛奶味，我覺得最讚的是個湯底！ 每碗鳥冬都有波菜、蔥、兩小片的魚蛋、溏心蛋。 不知怎的最近好愛吃溏心蛋，是暫時我吃過最溏心的蛋。 吉列豬扒還可以啦！炸得乾身，碟底沒有油，如果有醬的話更好啦！第一次吃鍋烏冬，感覺很容易黏底，我建議不要相機食先，先攪拌一下。 烏冬第一口還有彈牙的感覺，之後的都越來越軟，但又不失烏冬的應有的質感。

據聞V City開了一間新食店，一家三口就來吃個午餐試試。沒有很大期望，餐牌上所列價目尚算實惠，試試也無妨。我們點了滑蛋豬扒飯、焗咖喱豬扒飯以及豬軟骨套餐。點餐飲時我們要熱奶茶，但店員說因未及煮茶膽，所以奶茶要暫停，叫我們點飲其他飲品。但我們落單後1分鐘，就聽到有侍應傳出訊息，說奶茶已經恢復供應，令我有點不是味兒。各個餐陸續上桌，味道中規中矩，但麵豉湯的溫度可以算得上是暖和也不如。浮在湯上的蔥是全生的，帶著青草氣息。這一間店，可以說是沒有太多服務。除了為你點餐，把餐盤放在你跟前，就沒有提供任何服務了。但是我親眼目睹一對年輕夫婦推着BB車入座，店方給予四人位置（即把兩張二人枱併在一起），再把其中一張枱推入，把椅子移開，好等BB車可以直接泊在外側座位範圍。父母可以安心吃飯， BB又可以繼續睡大覺。大家看看相片就可以知道，嬰兒車可以跟旁邊的食客平排，即二人霸佔四人空間。真心覺得店方的安排很難得。遇到有年輕夫婦推着嬰兒車等位，店員都會先詢問一下，是泊車還是會摺起嬰兒車？這可是我首次遇到店家這麼體貼的呢。