六公館

營業中

休息中

最近啱啱出左Bonus，梗係要帶媽媽食好野！我知佢最愛食中菜，所以就揀咗呢間位於尖沙咀海運大廈的「六公館」，係一間高級中菜館。店舖坐擁維港景色，可以飽覽香港美景，而且此店樓底高，空間感十足！裝修亦甚具氣派，富有格調且型格，感覺好高尚！我地六點幾就抵達餐廳，可以被安排至窗邊位，由於還未日落，有大量自然光線穿透進餐廳內，感覺好舒適一坐下侍應便會貼心地為客人舖上餐巾，並會簡略地介紹Menu裏的特色菜。菜單內的選擇都是以中菜為主，也有Fusion中菜，亦有鮑參翅肚等等矜貴食材，豐儉由人杭州胎菊餐廳的中國茶葉有多種選擇，我地就揀咗杭州胎菊。味道清雅脫俗，帶有陣陣菊花香，清肝明目首選八味金磚豆腐從前菜裡揀左呢個金磚豆腐，有五塊，大小適中。外皮炸得香脆不油膩，撒上秘製八味粉後特別鹹香惹味，同內裡超嫩滑的豆腐味道好夾，感覺亦有少少似椒鹽豆腐杏汁花膠川貝菜膽燉白肺杏汁白肺湯工序繁多，我同媽媽就點左呢個甚少係屋企會做的湯。餐廳貼心地設有小洋燭保持湯的溫度。杏汁白肺湯用料十足，不油膩，杏汁味好重，味道好鮮甜，非常高質素龍眼蜜燒西班牙黑豚叉燒呢個黑豚叉燒真係不得了，半肥瘦的叉燒肉質超鬆軟，好濃郁嘅豬肉味！由於

六公館我去過兩次 地方都幾適合一班朋友聚會 有美食有美酒有海景 環境都算做寬敞 但消費就比其他餐廳高 喜歡嘅話可以行出餐廳觀賞海景 (天氣好嘅話夜景真係好靚) 想影相嘛冇問題 店員好樂意幫忙 唔夠光仲會幫你打埋燈添😂⠀⠀⠀⠀⠀⠀⠀⠀⠀食物方面有好多選擇 點菜嘅時候侍應提議我哋試吓佢哋嘅招牌菜 「岩鹽48小時慢煮牛肋骨」(價錢好似係超過HKD500一份) 肉質非常嫩滑 雖然每一件牛肉上都清楚見到有脂肪 但食嘅時候唔會覺得特別肥膩 根據個人喜好食嘅時候可以沾上醬汁！其他食物例如八味金磚豆腐 手撕脆皮雞都值得一試 (我冇影到相呀 一上菜班餓鬼就搶住食喇😂😂）

三四月忙到傻咗～朋友見我咁辛苦～帶咗我嚟食呢間六公館～位於海港城海運大廈地下最入最入～由地鐵站行過去都真係要啲時間～好嘢係難搵啲架喇～值得嘅～搭電梯落去嘅時候，由好攰嘅心情瞬間變做心心眼～環境佈置好靚好高尚，6點幾到仲睇到日落～店員安排我哋坐近窗口位，隔住塊大玻璃可以欣賞日落美景暗暗哋嘅燈，但又有日落嘅光射入嚟，超有氣氛餐廳中間有個水吧位，有一個位係放置各種海鮮～見到啲蟶子咁靚～我哋就叫咗個川味蟶皇子～係凍食嚟嘅～樣子美觀～味道唔錯～有微微四川麻辣嘅味道，窩筍切成幼條～林得嚟又爽口，蟶子我通常都係熱食凍食就第一次～新鮮爽口，唔錯嘅配搭～蜜汁黑豚叉燒～好耐無食過咁好味嘅蜜汁叉燒～平時啲叉燒嘅蜜汁都只係塗面層，而呢度個叉燒係每面都佈滿蜜汁嚟燒，食到心都甜埋，入口即溶朋友食完讚不絕口～接著店員推介我哋試吓Signature Cocktail 我見到有杯叫港女～叫咗嚟飲～符合港女嘅要求～靚～飲落有淡淡花味帶點甘甘哋，再咬一啖甜甜嘅macarone，唔錯嘅配搭～跟住就係乳鴿香氣撲鼻，令人食慾大增～熱辣辣食～外脆內軟，多肉好味～班片肉鬆脆米魚湯泡飯有好多魚肉～魚湯底帶有微微西芹味～脆米令到成個泡飯

六公館 Hexa 吃的不單是味道，還有高雅品味！從海運大廈一直走到盡頭，剩電梯向下就開始了華麗之旅...餐廳大堂、接待都盡顯富麗堂皇。還有外面露天座位，維港境盡收眼底，噢！ 未喝酒先醉了！ 😌 我們點了服務員推介的：杏汁花膠川貝菜膽燉白肺紅燒茶薫乳鴿北海道牛乳龍蝦抄蛋白松茸羊肚菌海膽燴飯斑片脆米肉鬆魚湯泡飯湯🥣： 杏汁花膠川貝菜膽燉白肺先聞到杏仁香味撲鼻，奶白色的湯，滑喉的，甜甜的，還有粘口的厚身花膠，滿滿的骨膠原啊，味濃香滑！ 女士們養顏滋補佳品。🥰前菜： 紅燒茶薫乳鴿這道菜是當天限定，不是常有呢。所以我們毫不考慮就點了。上桌的時候，服務員先用火點燃了碟子旁邊的茶葉，然後蓋上蓋子， 10秒左右後就把蓋子掀起，一陣陣嘅茶薫香味輕輕四散，好香呀。同時掀起了食慾。乳鴿隨了有滿滿嘅茶葉芬芳之外，皮脆肉嫩，吃一隻真是不夠喉呢。主菜：北海道牛乳龍蝦抄蛋白賣相盤碟一流，用北海道牛乳炒嘅蛋白份外鮮味嫩滑。更帶出了龍蝦🦞肉嫩，鮮甜。可惜，龍蝦肉有點少。不足夠分享。🤪 主食：松茸羊肚菌海膽燴飯 這個海膽燴飯是朋友介紹說必須吃的。一口吃下，果然沒有介紹錯，燴飯醬汁香濃，飯有咬口，不會過林，不會過硬，剛剛好

今日同好姊妹黎到尖沙咀Shopping，行到咁上下，黎到海港城新觀景台附近，望住個海景真係唔捨得走，決定係度搵個好地方食個飯，傾返夠本先，最後我地揀左呢間坐擁270度維港海景嘅中菜餐廳- 六公館。❣️環境&座位餐廳嘅設計非常有格調，酒吧方面以黑金配以雲石作主調，金碧輝煌，氣派十足。而餐廳就以米、灰、綠色為主調，帶著6，70年代的古典韻味，走懷舊悠閒風。座位寬敞舒適，兩邊都能坐享維港景色，適合任何形式的聚會。❣️Menu餐牌方面，主打的當然係粵菜，當中卻不乏一些融合其他地方煮法嘅Fusion菜，算係一種傳統與新派並存嘅中菜館。種類包括有前菜、湯類、鮑參翅肚、海鮮、肉類、菜蔬、粉麵飯等等，適合各口味人士食用。❣️我地食左呢d，✨翡翠蟶子皇$208起初以為係熱食，原來係冷盆，係混合川菜口味嘅一道小食，帶有麻辣嘅花椒香，但紅油不多，唔會好辣。蟶子真係幾大隻，鮮甜，爽口彈牙，夠新鮮，配合埋個萵苣絲，微辣爽脆，係一道唔錯嘅開胃菜。✨黑蒜焗羊鞍$308整個羊鞍都被黑沙包圍，其實黑沙係將黑蒜切碎造成的，食落口感脆脆，表面有d麵包糠嘅感覺，確實係有趣嘅做法。黑蒜味唔會太濃，肉質依然嫩滑，好味道！✨龍井熏太爺雞

適逢週年記念，得挑選一間食物環境俱佳的餐廳，價錢又要不太離地，任務艱鉅，搜了一輪最後選了這家位於尖沙咀LCX的餐廳。店內裝潢甚有氣派，桌椅、擺設等都精緻悅目，加上無敵的維港景色，四處都洋溢浪漫的氛圍。前菜日本百合胡麻伴山藥 (HKD 118)先來個冷盤，爽脆帶點黏性的山藥加上清甜的鮮百合及自家製的胡麻醬，味道協調而不失個性，酸甜開胃。法國龍眼蜜餞金蠔 (HKD 228)厚肉飽滿的金蠔以先蒸後煎的邊法煎成金黃，入口外脆內嫩，非常香口，而自帶的海水鹹鮮與加入龍眼的蜜汁亦相輔相成，將鮮味帶至另一高度。桂圓和牛面頰 (HKD 298)想不到通常西餐才出現的牛面頰肉於中菜也能吃到，牛肉炆得入味，肉質細膩軟糯，絲絲入扣。龍井燻樟茶鴨 (HKD 288)平常以普洱來做的著名川菜，改以味道醇厚甘香的龍井茶炮製，效果相當好。皮酥肉嫩的口感下是滿滿的茶葉和樟木香味，食感多元而統一，很有層次。法國邊豆欖菜金柱炒飯 (HKD 238)邊豆的爽嫩配上甘香無渣的欖菜，食落鹹香可口；而炒飯亦顆粒分明，嚼感煙韌。青花椒乾燒虎蝦 (HKD 368)鮮虎蝦個頭足，咬下啖啖鮮蝦香，肉質爽彈，適度的麻辣惹味非常，順帶一題虎蝦

早早約定既晚餐，望住維港食餐飯點知天公不造美，今晚落雨🥺外面落着雨我哋喺裏面靜靜食餐飯都係另一種風味吧！從未食過一餐 每一道菜都咁好味你都知道價錢當然唔會平啦但真心唔會失望👍🏻👍🏻👍🏻翡翠蟶子皇$208有兩隻聖子，非常爽脆驚喜嘅係連配菜都好好味冇得彈嘅前菜，非常開胃！竹笙蟹皇羹$198有蠟燭喺下面暖住好貼心遲少少飲都唔會凍左黑蒜焗羊鞍$308成舊炭咁 點知咁好味😁😁😁外面黑蒜脆卜卜 裏面羊肉非常嫩滑平時好少食羊 呢碟值得一試！柚子黑鱈魚$398成晚最貴嘅一道菜😍外層有淡淡柚子味，魚肉好滑 味道極豐富法國邊豆欖菜跟金柱炒飯$238有少許油膩感，炒飯粒粒分明瑤柱都唔少，都算唔錯！

西餐吃得多有時都想轉一轉口味今次朋友就提意到尖沙咀吃中菜有別於一般嘅中菜餐廳這裡的裝修比較modern同有格調而且露天嘅座位還能看到無敵海景可以和朋友一邊把酒聊天一邊看海景不亦樂乎我們點了一杯signature cocktail 🍸 名為 “港女”，賣相很美還配上了港女喜歡嘅macaroons，味道清新有啖啖荔枝同花香，面頭還有酸酸的草莓乾，很適合女生喝💕前菜點了“法國龍眼蜜煎金蠔”，擺盤非常精美，一粒粒金黃色嘅金蠔非常飽滿，表面包滿著清甜嘅龍眼蜜，甜而不膩，令金蠔嘅鮮甜味更突出，而且不會像平時吃的蠔豉那樣乾淨淨，還帶點濕潤🤤“桂圓燴和牛臉頰 ”和牛臉頰肉質非常軟腍，差不多入口即化，而且牛味香濃入味，醬汁濃稠度剛好，帶點桂圓嘅甜味，很好吃😋“龍眼蜜燒西班牙黑豚叉燒”西班牙黑豚叉燒表面是甜而不膩的龍眼蜜，不黏牙不過甜，叉燒肉質軟腍，而且燒得剛好，還帶點燶邊，很喜歡💕“松茸羊肚菌海膽燴飯”看似簡單卻充滿驚喜，松茸和羊肚菌味道非常突出，味道完全溶入飯中，令每粒飯都充滿著滿滿的香氣，面頭還有一大片海膽🤤吃了一頓豐盛而美味的晚餐，最後怎能不以甜品作結，“流沙球配冰淇淋”黑芝麻雪糕味道香濃，旁邊還

今晚本來約左公司大佬食飯，仲話要請我食餐好既，我梗係選間開心食啦！睇食評個個都大讚六公館，除左靚景仲好食，一於會一會佢！最後呢餐飯大佬食唔到，竟然益左我隻佬，原因係佢俾人捉左去開會，但餐飯都係入佢數！多謝哂 🥰🥰🥰🥰黎到門口因為訂左位，就可以直入，開心！我地個位係窗邊，好舒服！坐底無耐，靚仔哥哥問我地想飲咩，未感冒好哂既我...都係茶啦！我地開左壺 桂花烏龍，好香！我最愛烏龍茶 👍🏻今日好想食海鮮，又有人請，唔同大佬客氣 🤣🤣首先黎既係 前菜 翡翠蟶子皇，我以為係細細碟，估唔到都正常份量！呢個係涼伴菜咁，個蟶子勁甜勁大隻，應該用花椒油去撈，仲有窩荀襯托，大家好夾！我地不停諗花色既絲係咩黎？覺得有呢個好好食！食到乜都冇剩 😋隻佬無啦啦話要食鴿，ban左我叫 樟茶鴨 😅 Anyway 竹炭稻草燒妙齡鴿，隻鴿好嫩，個皮好脆！完... 我覺得個樟茶鴨應該開心好多 🤣再黎又係海鮮，青花椒乾燒虎蝦，呢個好正呀，個醬汁收得好好！又唔係好辣，大蝦又甜又爽！我同隻佬都好愛呢個！個咪都有少少麻既感覺，但我都可以接受到就應該係入門版！個蝦既殼都好脆，隻佬話可以連殼食！勁正！食左又肉又海鮮咁，梗係要食碟菜啦！

位于海港城的一家高级粤菜店，位置很棒的，虽然位于一层但是视野开阔，维港西面两岸的景色一览无余，相比于在他家室内用餐，更喜欢晚餐前在室外抽根烟，喝一杯的。餐厅内部装修很不错，比较中国风的装修，层高很高，用餐环境舒适。他家的海鲜大都不错，随着时节会不定期的搭配菜单，螃蟹，蟹脚，海胆炒饭做的很好，点心里面印象最深的就是黑金虾饺了，味道不错也特别。海螺竹丝汤，鲍鱼，鸳鸯虾球时蔬等主菜做的也都不错的，最好吃的全是叉烧和慢煮牛肋骨，必点的菜。服务态度也是很不错的，性价比一般般吧，总体而言海港城周边吃中餐好地方。

係海港城既六公館可以一邊望住維港景色一邊食正嘢人生一大樂事啊雖然價錢唔係平 不過耐唔耐食下 享受下 很可以❤️.最中意就係48小時慢煮牛肋骨同乳鴿🐂牛肋骨慢煮到好淋身 紋理清晰可見肉質帶粉紅 咀嚼既時候牛味很突出點少少岩鹽食更顯香氣朋友表示係佢食過最好食既牛😏.乳鴿一聽個名就知係好後生好嫩🤣叫妙齡鴿呀‼️煙燻味濃 皮薄肉嫩 仲好ᴊᴜɪᴄʏ本身我自己唔係話好中意食乳鴿因爲好似無乜肉又怕鞋口但呢隻咁嫩 又有煙燻氣同多肉 真係好有surprise呀！.另外仲點左蟶子皇 呢個係頭盤黎 凍食的上面加左啲萵筍 估唔到同蟶子好配爽口彈牙又鮮甜。.法國邊豆欖菜金柱炒飯同鮮茨實濃雞湯浸菜苗正好中和返慢煮牛肋骨同乳鴿既油膩感拌飯真係一流！菜苗清甜 沾滿香濃雞湯 仲有養生既杞子 鮮茨實等等 香氣更佳好睇又好味！.食飽飽仲可以行出去ᴏᴘᴇɴ ᴀʀᴇᴀ欣賞下夜景影下相呀💜

行到海港城嘅盡頭，除左有一大片夕陽之外，落電梯就見到六公館呢間中菜館，黎呢度食野，有一半係食個景嘅。餐廳有户外區，行出去見到哂成個維港，左邊就係中環，右邊就係西九龍，中間嘅海上面仲有個落緊山嘅太陽，唔洗飲酒都想醉啦～難怪家燕姐都要喺度娶新抱。之後就返埋位食野，每樣菜式都整得相當精緻！首先有季節限定廚師推介嘅竹炭稻草燒妙齡鴿。乳鴿底下墊左啲稻草，食落有淡淡清香，我地趁熱食，燒乳鴿火喉控制得好好，外皮香脆而不肥膩，內裡肉質好幼嫩多汁，非常惹味！一人一隻都嫌唔夠喉～前菜叫左日本金柚手撕脆皮雞，醬汁有甜甜嘅柚子味，唔怕酸到開眼，手撕雞好少可以keep返個雞皮，鍾意食雞皮嘅不可錯過！皮香脆，雞肉都好正！呢個竹苼蟹皇羹好足料，橙色嘅湯水充滿蟹皇，入口有大大舊蟹肉，下底仲有爉燭熱住，成碗湯都保持到熱辣辣嘅口感。黑蒜焗羊鞍，個羊鞍用黑蒜炸成黑蚊蚊，好香脆，黑蒜味帶走左羊羶味，羊肉都好嫩，生熟程度剛好，好新穎嘅煮法！呢個係魚湯竹苼露荀筒，兩樣爽口嘅食材一齊食好正，魚湯唔腥，成碟食哂！食到葱油白雲帶子炒飯已經天黑了，撈勻食，屬於濕炒飯，成個飯好清，感覺健康！用膳後餐廳有供牙線而非牙籤，好細心，加分！之後我

平時出去食飯，真係好少會想簡中餐，不過今次想食六公館係因為個環境同個特色餐牌，聽聞係望住個維港食，幾咁寫意🥳店鋪係LCX直行到尾落電梯就係啦，入到去果然好high class，裝修係西式餐廳咁，有bar檯，成個格調都好見得大場面，環境氣派十足，搞到真係好期待今晚既用餐經驗！入到去店員好有禮貌安排座位，正呀，被安排坐左係對窗口位，係望住個維港！！真的超興奮🥰生活態度😛🤣🤣坐低之後先點熱茶: 瑰荔堂煌🌹熱茶帶玫瑰的清香、清甜的荔枝味，飲完仲有點點回甘，食大餐解滯一流👍🏻依到菜式選擇好多，海鮮肉類飯麵咩都有，而且每樣菜既煮法都好特式，今晚一共點左四樣菜1️⃣柚子黑鱈魚件黑鱈魚件有五件，炸黑鱈魚出黎感覺一啲都唔油膩，炸粉唔厚得黎做到好脆口既口感，再淋上自家燒汁，咬落去黑鱈魚好滑，滑到入口有即融感覺食落好有魚鮮味，最特別係佢加上袖子，燒汁有帶少少柚子酸香，上面仲灑上柚子粒，連埋一齊食，柚子係的確減輕左炸物既油膩感，反而仲食得好開胃。好精緻既一道菜！-2️⃣48小時慢煮牛肋骨牛肋骨份量好多，真係有成條牛肋骨既長度，望落去真係煮得好吸引，大概係五成熟，望落就知無overcook，食落果然有慢煮既口感，軟稔得

見人地去食六公館，一直都好想試下究竟係咪咁好食，於是今日經開尖沙咀，就二話不說去食六公館！入到去已經感受到周圍既環境同裝修設計都非常之優雅，除左室外可以望到大海景，室內既設計仲帶點中國風，非常有氣氛。餐廳既員工既服務態度都好好，仲會介紹一下菜式，值得加分。講下啲菜式先，我地一共叫左5樣。首先係蜜汁黑豚叉燒，叉燒用左半肥瘦，脂肪部分既肉入口即溶，食落去唔會太肥膩，有別於出面既燒味。然後再黎既係懷舊鳳梨咕嚕肉，肉質唔會太硬，而且係冇骨，而醬汁又唔會太酸或太甜，食落岩岩好。日本大根清湯牛腩，白蘿蔔整得非常入味，食落仲入口即溶，連我對白蘿蔔冇太大興趣既人，成煲既蘿蔔都比我清曬！至於牛腩，當然都十分入味，份量都十足，食極都仲有！而湯底都十分清甜，食完餸再飲返碗湯，成個人都暖返曬。至於麵飯，我地就叫左桂花蟹肉炒新竹米粉，米粉煮得好乾身，唔會太濕又唔會過於乾，煮得岩岩好，再配埋啖啖既蟹肉一齊食，十分之惹味！最後當然唔少得係甜品啦，我地叫左個點心做甜品，竹炭流心包，流心包一口咬落去奶黃就溶落黎，十分吸引，味道都十分之好食！六公館果然名不虛傳，又有靚景又有好味道既食物，不妨再黎多次食！