六公館

營業中

休息中

為左慶祝同女朋友紀念日，精心挑選左呢間餐廳，因為網上好多好評。6:45準時黎到餐廳，餐廳分兩輪時間，第一輪需要8:00交枱。景係幾靚，嗌左兩壺茶黃金蕎麥，瑰荔堂皇，兩款茶都幾好味，但係冇人主動加熱水，要自己出聲。本身想豬肺湯，點知賣曬，改嗌左$228手撕雞。$288smoked duck$148薑糖芥蘭海膽飯$308你問我，我就覺得唔係好值 性價比 唔得 野食普遍係好食既 特別係海膽飯，但鴨同芥蘭黎左好耐個飯都未到，催佢單 7:45先上飯 跟住就問你有冇野加 同嗌你埋單。*坐低睇完menu想落單 等左好耐先有人落單*無人主動refill熱水*埋完單 走果陣問佢先有牙線（佢唔係派牙簽）

3個人weekend 去飲茶，叫咗好多點心，每人一杯cocktail ，一個甜品，埋單$1400，老實講，係有點貴。點心，個樣係幾好，但味道就只係一般，特別係炸物，水準有點失望，炸鮮奶係最最最失望，奶無奶味，炸粉勁厚又鞋口，真係衰過平時小食店買到d炸鮮奶。點心最好食係蝦餃，但呢個價錢就唔叫好食。Cocktail反而有驚喜，係幾好飲，食飽飲返杯真係開心。 最最最驚喜係佢兩款homemade 雪糕，份量少，但竟然好味，好味過點心。服務都好好，可惜outdoor closed 無得坐出去。景觀好，服務好，所以食物一般都食得開心。

食食下有蚊飛入碟內，投訴之後都算態度好，冇計嗰個餸的價錢但服務一般，侍應有D應接不暇. 環境吵雜，難算上是高級餐廳為海景而來此食飯，亦僅此而已.食甜品俾個大🥄，有D搞笑，不太專業（甜品ok 好食).下次？應該不會建議了

view is good, food was also very good, but service below average. I didn't expect the waiter to touch my shoulder every time he served us food or refill the tea, some waiters were impatient which I think they need more resource. food was very good but need more varieties. I went with my 80+ years old grandma but the entrance way for wheelchair was half block.

六公館位於海運大廈畫頭近維港位置，要搵佢要花一啲時間。到達六公館絕對係柳暗花明又一村，嘩！靚到呢。😱 雖然價錢並不便宜，但係喺平日嘅晚上依然座無虛席，細問一下想預訂下星期五吃晚飯，都已經訂滿了，要預訂嘅話要一個月前。餐牌選擇都是精挑細選嘅菜式。平時工作壓力大，偶爾都要獎賞一下自己和家人，在這裏好好享受一頓高質素嘅晚餐。海膽燴飯。海膽極為鮮甜，一啲苦澀味也沒有。每一顆飯都被醬汁包圍，濃濃的甜甜的。北海道牛乳蛋白龍蝦。龍蝦肉鮮、甜、爽口，配上北海道牛乳嘅香滑，甜上加甜、滑上加滑。老公館嘅裝修非常現代化，估唔到這裏嘅燒味亦都做得非常出色。紅燒乳鴿皮脆肉嫩，小姐自己一個都食咗半隻。花膠白肺湯。一般很少會在家裏煮白肺湯，因為白肺沖洗非常花功夫，所以白肺湯都會在街外面吃。這裏嘅白肺湯，睇相就知道湯頭雪白，入口味道又香又濃又滑，加上花膠又厚身又lim 口, 絕對係女士們嘅滋補養顏首選。茶燻太爺雞。上桌的時候先點燃碟子旁邊的茶葉，蓋上蓋，以燃燒中的茶葉煙燻太爺雞半分鐘，除咗賣相實在是靚得不可挑剔之外，太爺雞肉嫩新鮮，滿滿嘅鮮雞味道深入了茶葉的氣味，足以令人回味。石斑脆米湯飯。這個是我今天的是日推介。石

Nice view, good food but POOR service attitude! Staff rendering bad service attitude in particular one of the staff serving reception area seems also acting as security guard has wrongly identified me and my kid as trespassers from the shopping mall has stopped us entering into balcony sea view area by just dropping few words impolitely ‘this is our bar area’ without greetings, smiling and any explanation of reasons behind. After she aware that I was one of the restaurant customers she said furt

生日黎左慶祝.個環境望到維港已經win 左.叫左個太爺雞.隻雞好滑.龍井整得十分入味.再叫左牛肝菌炒飯.牛肝菌味十分重.拌飯食好味.個飯亦都炒得十分香。再叫左個魚柳.一碟3塊.起哂骨。最岩我呢d 怕骨人士.啖啖肉最正🤗仲叫左碟豆苗.不過不失.

成日睇見啲朋友喺六公館打卡，今日終於都搵到一個同我一樣未食過嘅朋友一齊去試啦！環境真係同我想像中一樣咁靚！一落到去見啲staff好似唔係好睇到我咁，完全ignore咗我，睇落佢哋又好忙咁，就等佢哋做埋嘢先啦。點知⋯都係無人理我，最後真係要打擾佢哋做緊嘅嘢，先安排我入坐。一坐低見到已經有好多人食飽喺出面個靚景影緊相啦！都諗住食完都出去影返張。打開餐牌其實都好多選擇，但竟然好多嘢都賣晒。兩個女仔嘅關係都唔可能食得太多嘢，所以淨係揀咗三樣。鴛鴦蝦球，自己就比較鍾意食芥辣味，啲蝦好香好爽口！炒新竹米粉，好多鑊氣，呢個係最好食嘅！蜜汁黑豚叉燒，甜甜哋，肉質好軟淋淋，都唔錯嘅。但始終無想像中咁好食，自己就覺得比人吹大咗⋯最後亦無影相就走咗啦⋯

食飽飽打算同閨蜜飲返杯傾下計影下相上網search下邊間有夜景睇既酒吧就搵到呢間我哋喺海旁嗰邊行過去，由碼頭嗰邊嘅海港城入口入去 入門口之後轉左 經過Lady M之後繼續直行，行到最尾有條電梯落去就到啦！一入去店員就安排我哋坐沙發位，聽到佢哋細細聲講有低消，但似乎已經冇其他位～個位真係睇晒成個維港，好滿足呀！即刻同閨蜜係咁狂影相⭐️右 I am sexy & I know it 港女 $158❤️❤️見個名幾特別就諗住試下，冇諗過嚟到咁靚個碟上面仲有啲花瓣，而且杯酒粉紅色😍😍😍大愛❤️❤️❤️❤️酒精濃度唔會太勁，普通女仔飲一杯應該冇問題～如果入口覺得太苦仲可以食返啖macaron😍如果我味覺冇問題 粉紅色個粒應該係雜莓味，而啡色果粒應該係咖啡味。我覺得呢兩粒macaron係我食過最好味😂（可能因為之前一直中伏😅😅）下次都會飮返呢杯，味道好影相靚❤️⭐️左 Pink Hibiscus GT 翠絲呢杯比較適合飲得酒味既人飲 因為佢比較濃列個酒味好strong，但整體都唔差咁既view加飲杯靚酒，絕對有下次！

係北海道返尼既第二日，就帶左媽咪去尖沙咀呢間想試好耐既中菜館食飯。平日大概6點半去到，唔洗等位就可以食喇。餐廳位於海港城海洋中心新開既位置，係LCX 一直直行到最底果層就係喇。由於地理位置關係，維港既無敵大海景原原本本咁表露眼前，咁岩我地時間係黃昏，仲可以一路望住日落望到天黑，餐廳仲設有草地戶外位，摸住酒杯底一路睇日落都幾正。瑰荔堂煌 $30/位玫瑰荔枝茶，玫瑰同荔枝味都有，消除飽滯感。柚子黑鱈魚件 $398鱈魚煎得好滑，加埋柚子醬既清香，一D油膩感都冇。脆皮燒腩仔 $188燒腩仔皮非常之脆，肉同膏既比例好好，調味都好夠，不過個人都係鍾意點mustard 食八味金磚豆腐 $118炸皮薄脆唔油，可以加埋saffron 一齊食，調味幾好。I am sexy & I know it (港女)呢杯Cocktail 名副其實有晒港女最鍾意既元素，就係粉紅色，玫瑰以及Macaron.裡面係有camomile  vodka, 荔枝, 檸檬同埋玫瑰泡泡。酒味濃烈架都~而Macaron 分別係朱古力同開心果味。杏汁花膠川貝菜膽燉白肺 $148叫左媽咪最愛既豬肺湯比佢，下面有火興住，飲到最尾依然夠熱，好重

貴，唔緊要，行得入嚟預咗使錢，但兩分錢一分貨，絕對唔值得為個景入嚟。 三道菜：居然前菜最後先上，以一間包裝到咁高級既餐廳，服務水準實在九流 (忽然稔起鹿鳴春服務一流)。 另外，最簡單連上茶都唔識先沖一沖、泡一泡先攞出嚟，因為一個人飲，最終飲到最後一杯先出味，無癮！第一道上既係餐廳推介既黑毛豬义燒，老實講，用料係靚，但煮功普通，落蜜糖亦太重手。第二道，北海道牛奶炒龍蝦，期待煮功，可惜牛奶似蒸多過炒，同鳳城差得遠 (屯門分店係近期最愛)。 另外龍蝦肉唔多，唔似足一隻份量。第三道，前菜凍蝦球 (Chilled Prawn)，原來係黑松露味，唔係好屬開胃菜，可能廚房都知所以放在最後。 自己有點失敗，連續兩道是蝦肉，可惜經理都無主動提醒。比較滿意係杯雞尾酒：香茅椰子酒 (個人推介)。上菜速度太急，似要趕做多幾轉咁。 性價比實在低。 不過，眼見十枱有八、九枱都係遊客，都希望佢地賺多點，繼續為香港經濟作出貢獻。

今晚相好耐無見的好友來到海港城食晚飯，位於商場最出端的六公館是一間好受歡迎的新式中菜館，當然要訂位來食下。餐廳環境裝修好有情調，燈光昏暗有氣氛，中間仲有一個吧台，中西合壁而有氣派。有落地大玻璃，可以望到出面維港，夜景真的很漂亮，很適合聚會聊天。今晚人頭湧湧，座位都坐满了。竹笙蟹皇羹，$198, 下面有蠟燭一直熱住，令湯保持溫度，蟹皇羹顏色呈深黃色，質地濃稠滑溜，蟹味香甜濃郁，咬落有蟹肉同竹笙，口感爽脆嫩滑。封鵝魚肚煮津菜膽，$328, 係一道好清新的菜，菜膽係較嫩的娃娃菜膽，特別新鮮爽脆，吸收湯底的鮮甜，封鵝肉質軟稔入味，魚肚爽口而嫩滑。竹炭稻草燒妙齡鴿，$198/隻，一上檯已經聞到陣陣燒竹炭稻草的香味，滲入乳鴿當中，乳鴿色澤光亮，燒得外皮好香脆，不帶油膩，咬落卜卜脆，肉質嫩滑，鮮甜多汁。龍井燻太爺雞，$328, 一上檯時還有蓋上入面有茶燻的蓋子，賣相好吸引，一打開香氣撲鼻。用龍井茶燻的雞肉特別香味散發，茶味同雞肉好夾，肉質鮮甜嫩滑，白滑香甜，富有雞味，肥瘦適中，皮滑而不油膩。桂花蟹肉炒新竹米粉，$288, 呈橙黃色，有蟹黃香味，新竹米粉幼身爽口，廚師功力高超，炒得一啲都唔燶，每一條都

朋友生日緊係要出嚟食個飯慶祝下啦，一直都知道壽星朋友好想試”六公館”☺見係生日咁大件事，就決定齊齊去食餐好架喇😏本身都聽過”六公館”嘅裝修係走高檔路線，但現場所見就更覺係冇誇張到😎因爲無論係場內環境、氣氛、餐具嘅擺放都好講究👍🏻甚至乎侍應嘅服務都絕對係一線餐廳嘅格局，再加上無敵嘅維港海景，真係不得了👍🏻👍🏻壽星友人當知道有得嚟”六公館”已一早諗好咗食咩，所以今次全程就由佢發板喇🤗第一道嚟嘅係”翡翠聖子王”本來都一直以為係熱食，點知到上枱先知原來係冷盤嚟，但係食落又好有驚喜喎😱首先聖子本身帶有麻辣香味，而且辣度適中，恰到好處👍🏻加上聖子本身肉厚鮮甜😛再配上萵筍絲一齊食，更加帶出爽口感，頭盤嚟講絕對唔錯😎跟住嚟嘅係“竹炭稻草燒妙齡鴿”☺依個係侍應幫我地落單時嘅細心推介🤗一上枱已經有陣陣嘅炭香衝埋嚟😉食落肉質夠晒嫩滑，仲啖啖肉汁，一d都唔會乾身，絕對唔係一般嘅燒乳鴿可比🙊👍🏻之後到”鬆茸羊肚菌海膽燴飯”呢個飯真係不得了😆對海膽零抵抗力嘅我嚟講，只係睇見燴飯上面放嗰塊肥厚飽滿嘅加拿大海膽已經投晒降😎到啖飯落口就更加驚喜，因為燴飯吸滿湯汁，非常入味👍🏻配合埋海膽嘅甘甜，效果係出奇地夾😛如果份量可

我基本上已經打咗八次去，其中五次被接線生掛斷電話，另外三次，第一次聽了我講了時間日期，突然掛線。第二次告知我訂座已滿（但是態度也是非常差），第三次我打去嘗試要求候補位置，他表示只有即日才有候補位置，由於接線生經常不明白我的意思，於是我想找經理傾一傾，他又掛斷我電話！光是打電話去訂位已經令我非常生氣！

早前想朋友介紹，就決定午飯同同事試下呢間中菜館。入到去環境好大、好舒服，而且戶外有無敵海景，望住呢個view食簡直一流☺️坐埋位點左好幾款特色點心同主食，款款賣相都好型格精緻。特別有幾款點心印象難忘，好似個竹炭流沙包（$53）上台時候仲要熱騰騰，外皮好鬆脆，咬開有好香噴噴既蛋黃味，好味道！另外和牛黑椒酥（$60）都好小見其他地方有，和牛入口質感嫩滑，都相當唔錯！仲有懷舊蝦多士（$58）都值得一試😋😋😋食左咁多點心，叫左兩壺茶消濟，桂花烏龍（$30）同玫荔堂煌（$30），自己同朋友都覺得玫荔比較好飲d臨走時候仲見到胡楓，算是我們的小確幸☺️